اۆتونوميالى رايوندىق ادەبيەت - كوركەمونەرشىلەر بىرلەستىگى
پومپەونىڭ وتىرىك - وسەكتەرىن باتىل پاش ەتەمىز
2021.02.05 15:39 كەلۋ قاينارى : شينجياڭ گازەتى
پومپەو شينجياڭ ۇيعۇر ۇلتى مۇسىلماندارىنا جانە باسقا دا از ۇلتتارعا ”ءناسىل جويۋ“ جانە ”ادامزاتقا قارسى قىلمىس“ وتكىزدى دەپ جالا جاپتى. ساياسي الدامشى، ساياسي ارسىز پومپەونىڭ شىندىقپەن ساناسپايتىن وتىرىك - وسەگى توتەنشە ارسىزدىق، توتەنشە پاسىقتىق، بارىنشا سوراقىلىق بولىپ، شينجياڭداعى ءار ۇلت حالقىن قامتىعان جۇڭگو حالقىنىڭ كوڭىلىنە اۋىر قاياۋ سالدى. شينجياڭداعى ءار ۇلت جازۋشىلارى، كوركەمونەرشىلەرى جانە قالىڭ زيالى قاۋىم ءبىر اۋىزدان توتەنشە كەكتەنەتىندىگىن، قاتاڭ ايىپتايتىندىعىن جانە باتىل قارسى تۇراتىندىعىن بىلدىرەدى! ءبىز قاتاڭ تۇردە پوزيتسيامىزدى ايقىن بىلدىرەمىز:
پومپەو بارىپ تۇرعان الدامشى، وتىرىكشى. پومپەونىڭ شينجياڭ جونىندەگى ءسوزى تۇگەلدەي وتىرىككە، كولگىرلىككە، سونداي - اق كۇشتى يدەولوگيالىق سىڭار جاقتى كوزقاراسقا جانە قىرعي قاباقتىق وي جەلىسىنە تولعان. پومپەو قارا باسىنىڭ ساياسي مۇددەسى ءۇشىن شينجياڭ ”زورلىقپەن ەڭبەككە سالدى“، ”زورلىقپەن بەدەۋلەدى“، ت. ب دەپ جالا جاۋىپ، شينجياڭدى قيسىنسىز داتتاپ، قالپاق كيگىزىپ، بەلگى تاعىپ، وسەك تاراتىپ، جالا جابۋ كانىگىلىگىن بارىنشا كورسەتتى، وتىرىك كوڭىل بولگەنسىپ، ءىس جۇزىندە كيلىگىپ، شىنىن قۋعاندا، بۇلدىرۋمەن اينالىستى، ونىڭ قىلىعى تۇرپايى، كورگەنسىز، سيپاتى اسا جيىركەنىشتى، نيەتى بارىنشا پاسىق. ”اۋىزبەن وراق ورعاننىڭ بەلى اۋىرمايدى. مايموڭكەلەگەن كولگىر ءسوز ۇياتسىزدان شىعادى“. پومپەونىڭ قايتا - قايتا وتىرىك - وسەك قۇراستىرىپ، قاتە كوزقاراس ازىرلەپ، ادامدىق ۇقىق تۇزاعىن قۇرىپ، ءسوز شىرعاسىن جاساعان قىلىعى تەك دۇنيە جۇزىندەگى ادامدارعا الدامشى، وتىرىكشىنىڭ ناعىز كەيىپ - كەسپىرىن كورسەتەدى.
شينجياڭنىڭ كوركەيىپ - گۇلدەنگەن، دامىعان شىنايى بەينەسىن بۇرمالاۋعا جول بەرىلمەيدى. ءبىز قاتاڭ تۇردە ەل - جۇرتقا بىلاي دەيمىز: كورىكتى شينجياڭنىڭ بايتاق دالاسىندا كوك اسپان، اقشا بۇلتتار كۋا، شينجياڭداعى ءار ۇلت حالقى كۋا، دۇنيە جۇزىندەگى ءارقايسى ەلدەگى دوستار، سيلى قوناقتار كۋا، شينجياڭ − ”ءان - ءبي مەكەنى“، شينجياڭ − ”جەمىس - جيدەك مەكەنى“، شينجياڭنىڭ ادامدىق ۇقىق ىستەرى ۇزدىكسىز دامىپ، العا باسىپ، شينجياڭداعى ءار ۇلت حالقى اناردىڭ دانىندەي تىعىز ۇيىسىپ، وسى جەردە ىنتىماقتاسا كۇرەس جاساپ، تاماشا باقىتتى تۇرمىستى بىرگە جاراتتى، وسىنىڭ بارلىعى شىندىق. ال، پومپەونىڭ ايتقانى تۇگەلدەي ويدان قۇراستىرعان، تۇگەلدەي جالعان دۇنيە.
مادەنيەتتىڭ كوركەيىپ - گۇلدەنىپ، دامۋى شينجياڭ ادامدىق ۇقىق ىستەرىنىڭ دامۋىنىڭ ناعىز دالەلى. شينجياڭ از ۇلت مادەنيەتىنە قۇرمەت ەتەدى جانە قورعايدى، اۆتونوميالى رايوندىق ادەبيەت - كوركەمونەرشىلەر بىرلەستىگىندە قازىر ءار دارەجەلى مۇشەدەن 37 مىڭنان استام ادام بار، مۇنىڭ ىشىندە ۇيعۇر ۇلتىن قامتىعان از ۇلت مۇشەدەن 26 مىڭنان استام ادام بار. شينجياڭ بەلسەندى تۇردە ءار ۇلت بايىرعى شىعارمالارىن جيناپ، قورعاپ، قۇتقاردى، ۇيعۇر ۇلتىنىڭ جوعالىپ كەتۋگە تاياعان «قۇتتى بىلىگىن» اۋدارىپ باسپادان شىعاردى، قىرعىز ۇلتىنىڭ «ماناس» ەپوسى، موڭعۇل ۇلتىنىڭ «جاڭعىر» ەپوسى سياقتى كوپتەگەن حالىقتىق اۋىز ادەبيەت تۋىندىلارىن رەتتەپ باسپادان شىعاردى. ۇيعۇردىڭ مۇقام ونەرى، قىرعىزدىڭ «ماناس» ەپوسى يۋنەسكونىڭ ”ادامزاتتىڭ بەيزاتتىق مادەنيەت مۇرالارى ۋاكىلدىك تۋىندىلارى تىزىمىنە“ ەنگىزىلىپ، شينجياڭداعى ءار ۇلتتىڭ تاڭداۋلى ءداستۇرلى مادەنيەتى ءونىمدى قورعالدى جانە جالعاستىرىلدى. جۇڭگو كوممۋنيستىك پارتياسىنىڭ باسشىلىعىندا شينجياڭداعى ءار ۇلت ادەبيەت - كوركەمونەر قىزمەتكەرلەرى وتانشىلدىق جانە ۇلتتار ۇلى ىنتىماعى تۋىن اسقاق جەلبىرەتىپ، شينجياڭ مادەنيەتىنىڭ قۇنارلى توپىراعىنا تامىر تارتىپ، جۇڭحۋا ۇلتى رۋحىن بەينەلەيتىن، شينجياڭنىڭ دامۋىن، العا باسۋىن جانە ءار ۇلت حالقىنىڭ تاماشا، باقىتتى تۇرمىسىن ايگىلەيتىن ءبىر توپ تاڭداۋلى تۋىندىلاردى شىعارىپ، جۇڭحۋا ۇلتى كوركەمونەرىنىڭ اسىل قامباسىنداعى جارقىراعان مەرۋەرتتەرگە اينالىپ، دۇنيە ءجۇزى وركەنيەتىنە شۇعىلالى تاراۋ قوستى.
پومپەو شينجياڭنىڭ ۇلتتار قاتىناسىنا ىرتكى سالۋ، شينجياڭنىڭ كوركەيىپ - گۇلدەنۋىن، ورنىقتىلىعىن ءبۇلدىرۋ، جۇڭگونىڭ دامۋىن شاۋجايلاۋ سۇرقيا ماقساتىنا جەتۋ ءۇشىن اشىقتان - اشىق، كوپە - كورنەۋ قوس ولشەممەن اينالىسىپ، ادامدىق ۇقىقتى قورعاۋدى جەلەۋ ەتىپ، شينجياڭنىڭ اتىنا داق ءتۇسىرىپ، تۇرپايىلاندىرىپ كورسەتۋگە ۇرىندى، بۇل بۇكىلدەي ەسەپتى قاتە سوققاندىق! شينجياڭ قوعامىنىڭ ورنىقتى، جاراسىمدى، اسا تاماشا جاعدايىن پومپەو الداپ، الجاستىرۋمەن اۋىتقىتا المايدى؛ شينجياڭدا ۇلتتار ىنتىماقتى، ءدىن جاراسىمدى بولعان وبيەكتيۆ شىندىقتى پومپەو الداۋ ارقىلى تەرىسكە شىعارا المايدى؛ شينجياڭنىڭ حالىق تۇرمىسىن ۇزدىكسىز جاقسارتىپ، ءار ۇلت بۇقاراسىنىڭ باقىتىن كوزدەگەن شىنايى قۇلشىنىسىنا پومپەو وتىرىك ايتۋ ارقىلى كۇيە جاعا المايدى! شينجياڭنىڭ ادەبيەت - كوركەمونەر سالاسى باتىلدىقپەن شينجياڭداعى ءار ۇلت حالقىمەن بىرگە وتاننىڭ تۇتاستىعىن قورعاۋدىڭ باتىل قورعاۋشىسى بولىپ، قالامدى قارۋ، ادەبيەتتى قانجار ەتىپ، شينجياڭدى بولشەكتەۋگە ۇرىنعان ءارقانداي كۇشتەرمەن باتىل كۇرەس جاساپ، شينجياڭداعى ءار ۇلت حالقىنىڭ بىرگە ىنتىماقتاسا كۇرەس جاساپ، بىرگە كوركەيىپ - گۇلدەنىپ، دامىعان جاندى امالياتىن دەن قويا، سۇيىسپەنشىلىكپەن، كۇش سالا جازادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
