ەلىمىزدە جاڭا تيپتى ايدارشا ۆيرۋس ۆاكسيناسىنان تاعى بىرەۋى قوسىمشا شارتقا ساي بازارعا شىعارىلدى

2021.02.07 13:09   كەلۋ قاينارى : حالىق تورابى

　　سۋرەتتە: كىشيڭ جۇڭۋەي سەرىكتەستىگىنىڭ جاڭا تيپتى ايدارشا ۆيرۋستى جويۋ ۆاكسيناسى — كى – ىرلايفۋ ۆاكسيناسىن شيلين بوتەلكەسىمەن قوراپتاۋ جەلىسى (سۋرەت 1 – ايدىڭ 6 – كۇنى تۇسىرىلگەن) شينحۋا اگەنتتىگىنىڭ ءتىلشىسى جاڭ يۇيۋەي فوتوسى

　　شينحۋا اگەنتتىگىنىڭ ءتىلشىسى دۇڭ رۇيفىڭ 2 – ايدىڭ 6 – كۇنى بەيجيڭنەن حابارلايدى. بەيجيڭ كىشيڭ جۇڭۋەي بيولوگيالىق تەحنيكا شەكتى سەرىكتەستىگىنىڭ جاڭا تيپتى ايدارشا ۆيرۋستى جويۋ ۆاكسيناسى «كى – ىرلايفۋ» 2 – ايدىڭ 5 – كۇنى بازارعا شىعارۋ جونىندەگى قوسىمشا شارتتى بەكىتۋدەن ءوتتى، بۇل ەلىمىزدە بەكىتۋدەن وتكەن، جاڭا تيپتى ايدارشا ۆيرۋسقا قاتىستى ەكىنشى ۆاكسينا.

　　مەملەكەتتىك ءدارى – دارمەكتەردى باقىلاۋ – باسقارۋ مەكەمەسى تورابىنىڭ حابارلاۋىنشا، مەملەكەتتىك ءدارى – دارمەكتەردى باقىلاۋ – باسقارۋ مەكەمەسى ۆاكسينانى باسقارۋ زاڭىنداعى، ءدارى – دارمەكتەردى باسقارۋ زاڭىنداعى قاتىستى بەلگىلەمەلەر بويىنشا، ءدارى – دارمەكتەردى ەرەكشە جولمەن بەكىتۋدەن وتكىزۋ تارتىبىنە ساي، شۇعىل جاعدايلارعا توتەپ بەرۋ سيپاتىنداعى تەكسەرۋ – بەكىتۋ ىستەرىن ورىستەتتى، قوسىمشا شارت بويىنشا، اتالعان ۆاكسينانى تىركەۋگە الدىرۋ ءوتىنىشىن بەكىتتى.

　　كىشيڭ جۇڭۋەي سەرىكتەستىگى ىلە – شالا مىنانى ءبىلدىردى: اتالعان ۆاكسينا جاڭا تيپتى ايدارشا ۆيرۋستى (CZ02 قالامشا) افريكا جاسىل مايمىلىنىڭ بۇيرەك كلەتكاسىنا (قىسقاشا Vero كلەتكاسى دەپ اتالادى) ەگۋ، باپتاۋ، ۆيرۋس سۇيىقتىعىن الۋ، ۆيرۋستى جويۋ، قويۋلاتۋ، تازارتۋ جانە الۋمين توتىعىنىڭ گيدراتىن سورعىزۋ ارقىلى جاسالعان، شىرىتپەيتىن ءدارى قوسىلماعان. ۆاكسينانىڭ نەگىزگى يممۋنيتەت تارتىبىنە ساي 2 رەت قويۋ كەرەك، ارالىعى 14 — 28 كۇن بولسا بولادى، ءار رەت ەككەندە 0.5 ميلليليتر ەگۋ كەرەك.

　　2020 – جىلى 6 – ايدا، اتالعان ۆاكسينا ەلىمىزدە شۇعىل پايدالانۋ بەكىتۋىنەن وتكەن. 2021 – جىلى 1 – ايدان بەرى، يندونەزيا، تۇركيا، برازيليا، چيلي، كولۋمبيا، ۋرۋگۋاي قاتارلى ەلدەر ارت - ارتىنان اتالعان ۆاكسينانى جەرگىلىكتى ورىندا شۇعىل پايدالانۋدى بەكىتكەن.

　　مەملەكەتتىك ءدارى – دارمەك مەكەمەسىنىڭ بەلگىلەمەسىنە ساي، ۆاكسينانى بازارعا شىعارۋ رۇقساتناماسىنا يە ادام قاتىستى زەرتتەۋ قىزمەتتەرىن ۇزدىكسىز ورىستەتۋى، قوسىمشا شارتتىق تالاپتاردى ورىنداۋى، سوڭعى زەرتتەۋ ناتيجەلەرىن دەر كەزىندە تاپسىرۋى كەرەك.

　　وسىنىڭ الىندا، جۇڭگوشا ءدارى – دارمەك توبى جۇڭگو بيولوگيالىق تەحنيكا سەرىكتەستىگىنىڭ جاڭا تيپتى ايدارشا ۆيرۋستى جويۋ ۆاكسيناسى مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ قوسىمشا شارتقا ساي بازارعا شىعارۋ بەكىتۋىنەن وتكەن. ەلمىز ۆاكسينانى ەگۋ ارقىلى بۇكىل جۇرتشىلىقتىڭ يممۋنيتەت قامالىن تۇرعىزۋدى ءارى بۇكىل حالىققا جاڭا تيپتى ايدارشا ۆيرۋس ۆاكسيناسىن تەگىن ەگۋدى جوسپارلاپ وتىر.

　　كەلۋ قاينارى: حالىق تورابى