كوكتەم مەرەكەسىندە نەگىزگى ساتىعا بارۋ | جارىستا قاپى قالماۋ ءۇشىن، جايشىلىقتا ماڭداي تەرىن توگۋ كەرەك

2021.02.07 13:48   كەلۋ قاينارى : حالىق تورابى

　　تيانشان تورابىنىڭ ءتىلشىسى جيڭ بو حابارلايدى. 2 – ايدىڭ 5 – كۇنى كونەشە جىل ساناۋ بويىنشا 12 – ايدىڭ 24 – كۇنىنە تۋرا كەلەدى، جۇرت كوكتەم مەرەكەسىنە دايىندالىپ جاتقاندا، سپورتشىلار جاتتىعۋ الاڭىندا ماڭداي تەرىن توگىپ، سايىسقا ساقاداي سايلانىپ جاتتى.

　　تاڭەرتەڭگى ساعات 9 دا ورنىنان تۇرۋ، 9 دان 30 مينۋت وتكەندە تاماقتانۋ، تۇستەن بۇرىن جانە تۇستەن كەيىن ەكى ساعاتتان جاتتىعۋ جاساۋ، كەشتە دەنە قۋاتىن قالپىنا كەلتىرۋ جانە فيزيكالىق جولمەن ەمدەلۋ، ياكي، ۇستەمە جاتتىعۋ جاساۋ. مىنە، بۇل شينجياڭ بوكس سپورتىن باسقارۋ ورتالىعىنىڭ سپورتشىسى توقتاربەك تاڭاتقان ۇلىنىڭ كۇندەلىكتى جاتتىعۋ كەستەسى.

　　قايتالامالى، كۇندەلىكتى جاتتىعۋ بارىسىندا توقتاربەك تاڭاتقان ۇلى ماڭداي تەرىن توگۋ، ماشاقاتتى قۇلشىنۋ ارقىلى توكيو وليمپياداسىنىڭ جارىسىنا تالىقپاي دايىندالۋدا.

　　بىلتىر ازيا رايونى بويىنشا توكيو وليمپياداسىنىڭ بوكستەن ىرىكتەۋ جارىسى وتكىزىلدى، توقتاربەك تاڭاتقان ۇلى ءتورت بىردەي قارسىلاسىن دا قاپى قالدىرىپ، ەڭ سوڭىندا جۇڭگونىڭ بوكستەن 75 كيلوگرام دارەجەسىندەگى توكيو وليمپياداسىنا قاتىناسۋ تولىمدىلىعىن جەڭىپ الدى.

　　«وتانىمدى بارىنەن جوعارى قويامىن»، — دەگەن ءسوز شينجياڭ بوكس كومانداسىنىڭ ۇستانىمى. 2011 – جىلى 14 جاستاعى توقتاربەك تاڭاتقان ۇلى كومانداعا قابىلدانعان كۇننەن باستاپ، كوماندانىڭ بۇل ۇستانىمى ونىڭ جۇرەك تۇكپىرىنە تەرەڭ ۇيالاعان، «جەڭىستىڭ ەڭ بيىك تۇعىرىنان كورىنۋ مەنىڭ نىسانام جانە ۇمتىلار باعدارىم»، — دەيدى ول.

　　مەملەكەتتىك بوكس كومانداسىنىڭ جاتتىقتىرۋشىسى، شينجياڭ بوكس سپورتىن باسقارۋ ورتالىعىنىڭ مەڭگەرۋشىسى ابدۇشكۇر ميجيتتىڭ نازارىندا توقتاربەك جاتتىعۋ بارىسىندا مۇقيات، ءتوزىمدى، وي جۇگىرتۋدى، ىشكەرىلەي ىزدەنۋدى ۇناتاتىن، چەمپيون بولۋدى ارماندايتىن ازامات.

　　2017 – جىلعى 13 – كەزەكتى مەملەكەتتىك سپورت جارىسىندا توقتاربەك 75 كيلوگرامدىق سالماق بويىنشا كۇمىس مەدالدى جەڭىپ الدى. سول كەزدەن باستاپ، توقتاربەك وسى سالماق بويىنشا ەل ىشىندە تالاي چەمپيوندىق ورىنعا يە بولدى ءارى حالىقارالىق جارىستاردا بوي كورسەتە باستادى.

　　بوكس سپورتى سپورتشىلارعا ءتۇرلى جاقتاردان وتە جوعار تالاپ قوياتىن سپورت، قادامنىڭ تەزدىگى، دەنەنىڭ يكەمدىلىگى، جىلدامدىق پەن كۇش، توزىمدىلىك سياقتىلاردىڭ بىرەۋى دە كەم بولماۋى كەرەك. 2 – ايدىڭ 5 – كۇنى تۇستەن بۇرىنعى جاتتىعۋدىڭ الدىندا كوماندا الدىمەن باسكەتبول جارىسىن وتكىزدى. شابۋىلشى ورنىندا ويناعان توقتاربەك قارسىلاس كوماندانىڭ قورعانىسىن بۇزۋ، قايتپا دوپقا تالاسۋ، سىزىق سىرتىنان ءۇش ءنومىرلى دوپ تاستاۋ سياقتى جاقتاردا ەرەكشە كوزگە ءتۇستى.

　　باسكەتبول جايلى ءسوز بولعاندا: «باسكەتبولدى وتە ۇناتامىن، ۇيتكەنى، باسكەتبولعا جاتتىعۋ بارىسىندا قادامنىڭ تەزدىگىن، دەنەنىڭ يكەمدىلىگىن جاتتىقتىرۋعا بولادى، دوپتى گارگە تاستاۋ ارقىلى دالدىككە جاتتىعۋعا بولادى»، — دەيدى توقتاربەكتىڭ جۇزىنە كۇلكى ءۇيىرىلىپ.

　　وسىدان سوڭ، توقتاربەك ەكى قولىنا ءار بىرەۋى ءبىر كيلوگرام كەلەتىن ەكى گانتەل كوتەرىپ، بوس سوققىلاۋ جاتتىعۋىن ىستەدى. «قارسىلاستىڭ جۇدىرىعى مەن قوزعالىسى كوكەيىمدە سايراپ تۇرادى، دەنەمدى سوعان ساي قورعانۋعا جانە قايتارما سوققى بەرۋگە دايىن تۇرۋعا جاتتىقتىرامىن»، — دەپ ءتۇسىندىردى ول.

　　مۇنداي سانانى جاتتىقتىرۋ ادىسىنە تيتتەي نەمقۇرايدى قاراسا، ول تەك فورماشىلدىققا اينالىپ قالادى، الايدا، بىرنەشە اينالىمنان سوڭ، توقتاربەكتىڭ ماڭدايىنان شىپ - شىپ تەر شىعىپ، تىنىس الۋىنىڭ جيىلەي تۇسكەنىن ءتىلشى باقىلاپ تۇردى.

　　ابدۇشكۇردىڭ تىلشىگە ايتۋىنشا، كۇندەلىكتى جاتتىعۋدان سىرت، كوماندادا ءتۇرلى سالماق دارەجەسى بويىنشا قارسىلاستار ورنالاستىرىلادى، وسى ارقىلى توقتاربەكتىڭ ءتۇرلى ستيلدەگى بوكسشىلەرمەن جۇدىرىقتاسۋعا جاتتىعۋىنا وراي جاراتىلادى. سونىمەن بىرگە، قورعانا ءجۇرىپ شابۋىلداۋعا ءتۇيىندى تۇردە جاتتىعۋ جاسالادى.

　　جارىستىڭ كەسكىندەرىنە تالداۋ جاساپ، ءوزىنىڭ ولقىلىقتارىن بايقاپ، ونى تولىقتاۋ دا توقتاربەكتىڭ كۇندەلىكتى جاتتىعۋ بارىسىندا ەڭ كوپ كوڭىل بولەتىن ساباعى. ونىڭ تاقتا كومپيۋتەرىندە كوپتەگەن جارىستاردىڭ كەسكىنى مەن باستى قارسىلاستارىنىڭ جارىس كەسكىندەرى ساقتالعان، «ءار جولى جارىس اياقتاعان سوڭ، سول كۇنى كەشتە مەن جارىس جاعدايىن قايتادان وي ەلەگىمنەن وتكىزىپ، ءوزىمنىڭ تەحنيكامدا، قادامىمدا قانداي ولقىلىقتار بار ەكەنىن بايقاۋعا، جاتتىعۋ كەزىندە ونى تۇزەتۋگە تىرىسامىن»، — دەيدى توقتاربەك.

　　جارىسقا ەگجەي – تەگجەيلى تالداۋ جاساعاندا، توقتاربەك وزىنە عانا ەمەس، قارسىلاسىنا دا ءمان بەرەدى. وليمپياداعا قاتىناساتىن تۇستا، مۇنداي تالداۋ جاساۋ مەن زەرتتەۋ قىزمەتى بۇرىنعىدان دا مولايعان. كوماندا مۇشەلەرى دە ۇنەمى توقتاربەكپەن بىرگە زەرتتەيدى، دەگەنمەن، ۋاقىت شىعا قالسا بولعانى، توقتاربەك ءوزى جالعىز قايتا كورىپ شىعىپ، قارسىلاسىمەن جارىستا جۇزدەسكەن ساتتەرگە ويشا ەلىكتەپ كورەدى.

　　«ادەتتە ماڭداي تەرىن توككەندە عانا، جارىستا قاپى قالماۋعا بولادى»، — دەگەن سوزبەن توقتاربەك ۇنەمى ءوزىن شابىتتاندىرادى.

　　وليمپياداعا جاتتىعۋدا تەك فيزولوگيالىق جاتتىعۋعا عانا ءمان بەرىپ قالماستان، پسيحيكالىق جاتتىعۋعا دا ءمان بەرۋ كەرەك. «ءار كۇنى قيالعا باتىپ جاتتىعۋ جاساپ، سول كۇنگى جاتتىعۋدى وي ەلەگىمنەن وتكىزەمىن، بۇرىن كورگەن جارىس كەسكىندەرىن قايتادان ويىما ورالتامىن. بۇل ەرىك جىگەر مەن رۋحاني كۇشتى جاتتىقتىرۋعا جاتادى، مەن ءوزىمنىڭ بارعان سايىن مىعىم بولا تۇسكەنىمدى قالايمىن»، — توقتاربەك وسىلاي ويلايدى ءارى وسىلاي ىستەيدى.

　　كوپ جىلدىق جاتتىعۋ بارىسىندا، توقتاربەك جىلىنا ورتا ەسەپپەن 3 قۇم قالتا قولعاپتى توزدىرادى، بۇل جيىلىك وتە جوعارى، وسىدان ونىڭ جاتتىعۋىنىڭ قانشالىق جاپالى ەكەنىن كورۋگە بولادى.

　　«بيىلعى كوكتەم مەرەكەسىندە ۇيگە قايتا المايمىن، ءبىراق، اكە – شەشەم دە الدەقاشان بۇعان ادەتتەنىپ قالدى»، — دەيدى توقتاربەك كۇلىمسىرەگەن بەينەدە، — «اتا – انام مەنى تۇسىنەدى ءارى قولدايدى، مەنىڭ جاتتىعۋىما اسەرى تيمەسىن دەپ تەلەفون دا بەرمەيدى، ءاردايىم ءوزىم حابارلاسامىن. تەلەفوندا كوبىنەسە مەنى شابىتتاندىرىپ، تىلەۋىمدى تىلەپ وتىرادى، وتانعا داڭق الىپ بەرۋگە شابىتتاندىرادى».

　　ابدۇشكۇردىڭ ايتۋىنشا، بوكس كومانداسى ەسكى جىلدىڭ ەڭ سوڭعى كۇنى تۇسكە دەيىن جاتتىعۋ جاسايدى، ءبىر كۇن دەمالعان سوڭ، جاڭا جىلدىڭ ەكىنشى كۇنىنەن باستاپ جاتتىعۋدى قالپىنا كەلتىرەدى.

　　بارشا وتباسىلار باس قوسىپ جاتقاندا، سپورتشىلار جاتتىعۋ جاساپ، جۇدىرىق سىلتەپ، ماڭداي تەرىن توگىپ، وزدەرىن شىڭداي تۇسەدى. ولاردىڭ وسىنداي ەڭبەگى مەن قۇلشىنىسىنىڭ ارقاسىندا، وتانىمىزدىڭ مەملەكەت تۋى كوتەرىلىپ، مەملەكەت ءانى شىرقالاتىن داڭقتى ساتتەرگە كۋا بولامىز.

　　كەلۋ قاينارى: حالىق تورابى