شي جينپيڭ كوكتەم مەرەكەسى قارساڭىندا گۇيجوۋعا بارىپ ءار ۇلت كادرلارىنا، بۇقاراسىنا امانداستى، ولاردان حال سۇرادى
2021.02.07 16:16 كەلۋ قاينارى : حالىق تورابى
بۇكىل ەلدەگى ءار ۇلت حالقىنا كوكتەم مەرەكەسى بايلانىسىمەن ىزگى تىلەك جولدادى
ءار ۇلت حالقىنا باقىت، قۇت تىلەدى، ۇلى وتاننىڭ گۇلدەنىپ، قۇدىرەتتەنۋىن تىلەدى
«حالىق گازەتى»، 2 - ايدىڭ 5 – كۇنى، گۇيياڭ. جۇڭحۋا ۇلتىنىڭ ءداستۇرلى مەرەكەسى ەگىنشىلىك كالەندارى بويىنشا سيىر جىلعى كوكتەم مەرەكەسى كەلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۇيجوۋعا كەلىپ، ءار ۇلت كادرلارىنا، بۇقاراسىنا امانداستى، ولاردان حال سۇرادى، بۇكىل ەلدەگى ءار ۇلت حالقىنا، شياڭگاڭدىق، اۋمىندىق، تايۋاندىق باۋىرلاستارعا جانە شەتەلدەگى مۇھاجىر باۋىرلاستارعا كوكتەم مەرەكەسى بايلانىسىمەن ىزگى تىلەك جولداپ، كوپشىلىكتىڭ دەنساۋلىعىنىڭ مىقتى، وتباسىلارىنىڭ باقىتتى، ىستەرىنىڭ ءساتتى، سيىر جىلدارىنىڭ قۇتتى بولۋىن تىلەدى. ۇلى وتاننىڭ تاۋ - وزەندەرىنىڭ كوركەم بولۋىن، شارىقتاپ شالقي بەرۋىن، گۇلدەنىپ، قۇدىرەتتەنۋىن تىلەدى.
2 - ايدىڭ 3 - كۇنىنەن 5 - كۇنىنە دەيىن شي جينپيڭ گۇيجوۋ ولكەلىك پارتكومنىڭ شۋجيى شىن ي - چيننىڭ جانە ولكە باستىعى لي بيڭجۇننىڭ سەرىك بولۋىندا بيجيە، گۇيياڭ سياقتى جەرلەرگە كەلىپ، اۋىل - قىستاق، الەۋمەتتىك اۋماق، ەرەن بازار سياقتىلاردى ارالاپ قىزمەت تەكسەرىپ، تەكسەرۋ - زەرتتەۋ جۇرگىزىپ، ءار ۇلت كادرلارىنا، بۇقاراسىنا پارتيا ورتالىق كوميتەتىنىڭ قامقورلىعىن جانە حال سۇراۋ سالەمىن جەتكىزدى.
2 - ايدىڭ 3 - كۇنى تۇستەن كەيىن شي جينپيڭ الدىمەن بيجيە قالاسىنا كەلىپ قىزمەت تەكسەردى. بيجيە بۇرىن باتىس بولىكتەگى كەدەي وڭىرلەردىڭ تيبى بولاتىن. وتكەن عاسىردىڭ 80 - جىلدارىندا پارتيا ورتالىق كوميتەتىنىڭ ىقىلاستى قامقورلىعىندا، مەملەكەتتىك كەڭەستىڭ بەكىتۋىمەن بيجيە «وركەندەتۋ ارقىلى كەدەيلەردى سۇيەمەلدەۋ، ەكولوگيا قۇرىلىسى» سىناق رايونى بولىپ قۇرىلدى. شي جينپيڭ بيجيەنىڭ دامۋىنا ايرىقشا كوڭىل ءبولدى، پارتيا 18 - قۇرىلتايىنان كەيىن بيجيە سىناق رايونى قىزمەتى جونىندە 3 رەت ماڭىزدى نۇسقاۋ بەرىپ، بەكىتۋ جازىپ، «بيجيە سىناق رايونىنىڭ رەفورماسىن، دامۋىن ىشكەرىلەي ىلگەرىلەتۋ جوباسىن (2013 − 2020 - جىلدار)» ويداعىداي اتقارۋدى ىلگەرىلەتۋ جونىندە ايقىن تالاپ قويدى. 30 نەشە جىلدان بەرى بيجيە بۇل جوسپاردى سوڭىنا دەيىن اتقارۋدا تاباندى بولىپ، سىناق رايونى قۇرىلىسىندا كورنەكتى ناتيجەگە قول جەتكىزىپ، 2020 - جىلى كەدەيلىكتەن ارىلتۋدان قامال الۋ مىندەتىن ورىندادى.
ۋجياڭ وزەنى − گۇيجوۋ ولكەسىندەگى ءبىرىنشى ۇلكەن وزەن ءارى چاڭجياڭ وزەنىنىڭ جوعارعى اعارىنىڭ وڭ جاعالاۋىنداعى ەڭ ۇلكەن وزەن تارماعى. بيجيە قالاسى چيانشي اۋدانى شينرىن مياۋزۋ اۋىلىنداعى ۋجياڭ وزەنىنىڭ ليۋچۇڭ وزەن بولىگىندە شي جينپيڭ الىستان ۋجياڭنىڭ تاۋ - سۋىنا كوز تاستادى، ۋجياڭ وزەنى الابىنداعى سۋدىڭ لاستانۋىنان ساقتانۋ جانە جونگە سالۋ، ەكولوگيانى قالپىنا كەلتىرۋ جانە قورعاۋ، بالىق اۋلاۋعا، اڭ اۋلاۋعا تيىم سالۋ سياقتى جاعدايلاردان مالىمەتتى تىڭدادى.
شي جينپيڭ حۋا - ۋ كەمەجايىنا كەلىپ، وزەن بويىن جاعالاپ جاياۋ ءجۇرىپ، ۋجياڭ وزەنىنىڭ ەكولوگيالىق ورتاسىنىڭ جانە سۋ ساپاسىنىڭ جاعدايىن تەكسەرىپ كورىپ، جەرگىلىكتى ورىننىڭ وزەنگە كىرەتىن لاس سۋ شىعارۋ اۋىزدارىن باسقارۋ جانە سۋ ساپاسىن قاداعالاۋ جۇيەسى قۇرىلىسىن كۇشەيتۋ ادىستەرىن تۇراقتاندىردى. ول بىلاي دەپ دارىپتەدى: تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، دامۋ مەن ەكولوگيا سىندى ەكى تومەنگى شەكتى ساقتاپ، ەكولوگيا الدىمەن ويلاستىرىلاتىن، جاسىل داميتىن جاڭا جولمەن جۇرۋگە قۇلشىنۋ كەرەك.
وسىدان سوڭ شي جينپيڭ حۋا - ۋ قىستاعىنا كەلىپ قىزمەت تەكسەردى، تەكسەرۋ - زەرتتەۋ جۇرگىزدى. حۋا - ۋ قىستاعى بۇرىن اۋىر كەدەي قىستاق بولاتىن، جاقىنعى جىلدارى ەرەكشە ەگىمشىلىك، باعىمشىلىق جانە ساياحات كاسىبىن دامىتۋ ارقىلى كەدەي حالىقتىڭ تۇگەلدەي كەدەيلىكتەن ارىلۋىن جۇزەگە اسىردى. شي جينپيڭ حۋا - ۋ قىستاعىنىڭ كەدەيلىكتەن ارىلتۋدان قامال الۋ تابىسىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى ءۇرتىس ىلگەرىلەتۋ، نەگىزگى ساتى پارتيا قۇرىلىسىن كۇشەيتۋ سياقتى جاعدايلار جونىندەگى تانىستىرۋدى تىڭدادى.
مياۋزۋ قىستاعىنىڭ تۇرعىنى جاۋ يۇيشۋەنىڭ ۇيىندە شي جينپيڭ تۇرمىس - قونىس ورتاسىن ەگجەي - تەگجەيلى قاراپ شىعىپ، جاۋ يۇيشۋە وتباسىنداعىلارمەن بىرگە جەرگىلىكتى ءداستۇرلى مەرەكەلىك تاعام − حۋاڭبا جاساپ، اڭگىمە دۇكەن قۇردى. جاۋ يۇيشۋە باس شۋجيگە بۇرىن سۋ قۇبىرى، ەلەكتر تارتىلماعان، جول سالىنباعان ما - ۋو قىستاعىندا تۇرعانىن، قازىر 2 قابات شاعىن عيمارات ۇيگە كوشىپ، سۋ، ەلەكتر، جولدىڭ ءبارى جەتكىزىلگەنىن ايتتى. باس شۋجي شي جينپيڭ مۇنى ەستىپ ايرىقشا قۋاندى. ول بىلاي دەپ اتاپ كورسەتتى: جۇمىستاندىرۋ − كەدەيلىكتەن ارىلتۋدان قامال الۋ تابىسىن بەكەمدەۋدىڭ نەگىزگى شاراسى. اۋىل - قىستاق كاسىپ سالالارىن بەلسەنە دامىتىپ، بۇقارانىڭ ءۇي ماڭايىندا جۇمىستانۋىنا قولايلىلىق جاساپ، بۇقارانىڭ تابىسى بولۋمەن قوسا، وتباسىنا دا قارايلاسا الۋىنا، بالالارىن جاقسى تاربيەلەۋىنە مۇمكىندىك جاساۋ كەرەك. ول جاۋ يۇيشۋە وتباسىنداعىلاردىڭ كۇندەرىنىڭ ونان ارى باقىتتى، تاتۋ - ءتاتتى بولۋىن تىلەدى.
حۋا - ۋ قىستاعى مياۋزۋ ۇلتىن نەگىز ەتەدى، جۇڭگونىڭ حالىقتىق مادەنيەت - كوركەمونەر مەكەنى. شي جينپيڭ كەدەيلەردى سۇيەمەلدەۋ سەحىنا كىرىپ، ەرەكشە مياۋزۋ كەستەسى كاسىپ سالاسىن دامىتۋ، ۇلتتىق ءداستۇرلى مادەنيەتتى جالعاستىرۋ سياقتى جاعدايلاردى ۇعىستى. ول بىلاي دەپ اتاپ كورسەتتى: ۇلتتىڭ نارسەسى − دۇنيە ءجۇزىنىڭ نارسەسى. ەرەكشە مياۋزۋ كەستەسى ءداستۇر مەن زامانا ۇشتاسقان ءارى مادەنيەت، ءارى كاسىپ سالاسى سانالادى، ول ءداستۇرلى مادەنيەتتى اسقاقتاتىپ قالماستان، اۋىل - قىستاقتى گۇلدەندىرۋدى دە ىلگەرىلەتە الادى، مياۋزۋ كەستەسىن قامتىعان ۇلتتىق ءداستۇرلى مادەنيەتتى ويداعىداي جالعاستىرۋ، ويداعىداي دامىتۋ كەرەك.
قىستاق مادەنيەت الاڭىندا اۋىلداستار كوكتەم مەرەكەسى بايلانىسىمەن حالىقتىق سالت - سانا قيمىلىن ورىستەتىپ جاتىر ەكەن، بارابان سوعىپ، سىبىزعى تارتىپ، ءان ايتىپ، ءبي بيلەپ، مياۋزۋدىڭ كوڭىلدى قوناق قارسى الۋ ءانىن شىرقادى. باس شۋجيدىڭ كەلگەنىن كورىپ، كوپشىلىك بىركەلكى داۋىسپەن «باس شۋجي، سالەمەتسىز بە» دەپ الاقايلادى. شي جينپيڭ اۋىلداستارعا ىقىلاستى تۇردە بىلاي دەدى: بيىل ءبىز جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ ۇلى جەڭىسىن قارسى الامىز. جۇڭحۋا ۇلتى − ۇلكەن شاڭىراق، 56 ۇلت − 56 شوق گۇل. جاپپاي دوڭگەلەك داۋلەتتى قوعام ورناتۋدا بىردە - ءبىر ۇلتتىڭ قاعىس قالۋىنا بولمايدى؛ جاپپاي سوتسياليستىك وسىزاماندانۋدى جۇزەگە اسىرۋدا دا بىردە - ءبىر ۇلتتىڭ قاعىس قالۋىنا بولمايدى. كەدەيلىكتەن ارىلعان سوڭ اۋىل - قىستاقتى گۇلدەندىرۋدى ءۇرتىس ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەل ىلگەرىلەتۋ كەرەك. اۋىلداستاردىڭ ۇزدىكسىز قۇلشىنا كۇرەس جۇرگىزىپ، اۋىل - قىستاق كاسىپ سالاسىن اناعۇرلىم ويداعىداي دامىتىپ، اۋىل - قىستاقتى اناعۇرلىم كوركەم ەتىپ قۇرىپ شىعۋىن ءۇمىت ەتەمىن. قوشتاسار ساتتە اۋىلداستار باس شۋجيدى قيماستىقپەن قاۋمالاپ، مياۋزۋدىڭ قوناق قوندىرۋ ءانىن قوسىلا شىرقادى، تەرەڭ سەزىمگە تولى ءان اۋەنى ۋجياڭ اسپانىندا ۇزاققا دەيىن قالىقتادى.
شي جينپيڭ 2 - ايدىڭ 4 - كۇنى گۇيياڭ قالاسىندا قىزمەت تەكسەردى، تەكسەرۋ - زەرتتەۋ جۇرگىزدى. ول الدىمەن گۋانشانحۋ رايونى حىلي حالىققا ءتيىمدى جاس ونىمدەر ەرەن بازارىنا كەلىپ، كوكتەم مەرەكەسى الدىنداعى بازار قامداۋى، مەرەكەلىك زاتتاردىڭ قامدالۋ - ساتىلۋى، زات باعاسى سياقتى جاعدايلاردى تەكسەردى. حالىققا ءتيىمدى جاس ونىمدەر تىزبەكتى ەرەن بازارىن گۇيياڭ قالالىق ۇكىمەت پەن اۋىل شارۋاشىلىعى ونىمدەرىن اينالىمعا سالۋ كاسىپورنى سەلبەسىپ قۇرىپ، الەۋمەتتىك يگىلىك سيپاتىنداعى تاۋارلاردىڭ تۇراقتى باعاداعى بولشەك ساتىلۋ تەرمينالىن قالىپتاستىرىپ، بۇقارانىڭ «كوكونىس ساتىپ الۋى قيىن بولۋ، قىمبات بولۋ» ماسەلەسىن شەشكەن. شي جينپيڭ تاۋارلاردىڭ باعاسىن ەگجەي - تەگجەيلى تەكسەرىپ كورىپ، جەرگىلىكتى ورىنداعى كوجە قاتىق، استىق، جەمىس - جيدەك سياقتىلارمەن قامداۋدى قامتاماسىز ەتۋ جاعدايىن ۇعىستى. ول بىلاي دەپ اتاپ كورسەتتى: حىلي حالىققا ءتيىمدى جاس ونىمدەر ەرەن بازارىنىڭ تيجارات ۇلگىسىنىڭ ەرەكشەلىگى كورنەكتى ەكەن، ۇكىمەت جەتەكشى بولىپ، ۇكىمەت پەن كاسىپورىن بىرلەسىپ، ءبىر جاقتا اتىز باسىنداعى شارۋالارمەن، ەندى ءبىر جاقتا قالاداعى قالىڭ تۇرعىنمەن جالعاسىپ، وزىندىك قۇنعا كەپىلدىك ەتىپ، بولماشى پايدامەن تيجارات جۇرگىزۋدە تاباندى بولىپ، شارۋالاردى دا، قالا تۇرعىندارىن دا ناقتى تيىمدىلىككە كەنەلتىپ، كۇش بىرىكتىرىپ حالىققا تيىمدىلىك جاساۋدى ايگىلەپتى، مۇنداي ۇلگى جانە تيجارات ۇستانىمى جالپىلاستىرۋعا تاتيدى.
مەرەكەلىك زاتتار الۋعا كەلگەن بۇقارا باس شۋجيمەن ىستىق ىقىلاسپەن امانداستى. شي جينپيڭ شىنايى ىقىلاسپەن كوپشىلىكتىڭ مەرەكەلىك زاتتاردى تولىق دايىنداپ بولعان - بولماعانىن سۇرادى. شي جينپيڭ بىلاي دەپ دارىپتەدى: ءار دارەجەلى پارتكومدار، ۇكىمەتتەر جانە باسشى كادرلار بۇقارانىڭ ءتول مۇددەسىنە ساياتىن ىستەردى ناقتى، ويداعىداي يگەرۋى، وتە - موتە، ىندەتتەن ساقتانۋ شارالارىن تياناقتاندىرىپ، ازىق - تۇلىك حاۋىپسىزدىگىن باقىلاۋ - باسقارۋدى كۇشەيتىپ، بۇقارانىڭ مەرەكەنى الاڭسىز، ۋايىمسىز، جايلى وتكىزۋىنە شىنايى كەپىلدىك ەتۋى كەرەك.
گۋانشانحۋ رايونى جينياڭ ءمالىسى جينيۋان الەۋمەتتىك اۋماعى پارتيا قۇرىلىسىن جەتەكشى ەتىپ، پارتيا قۇرىلىسى تورى، تىنىشتىق تورى، حالىق تۇرمىسى تورى سىندى «3 توردى توعىستىرۋدى» بەلسەنە ىلگەرىلەتىپ، نەگىزگى ساتىنىڭ جونگە سالۋ قابىلەتى مەن دەڭگەيىن جوعارىلاتتى. شي جينپيڭ جينيۋان الەۋمەتتىك اۋماعىنا كەلىپ، حالىققا قولايلى قىزمەت وتەۋ، نەگىزگى ساتى پارتيا قۇرىلىسىن كۇشەيتۋ سياقتى جاعدايلاردى ۇعىستى. شي جينپيڭ بىلاي دەپ اتاپ كورسەتتى: نەگىزگى ساتى كۇشەيسە، مەملەكەت قۇدىرەتتەنەدى، نەگىزگى ساتى تىنىش بولسا، بۇكىل ەل تىنىش بولادى، نەگىزگى ساتىنى جونگە سالۋدى وسىزامانداندىرۋ سىندى نەگىزدىك قىزمەتتى، ءسوز جوق، ويداعىداي يگەرۋ كەرەك. حالىق ءۇشىن قىزمەت ىستەۋ باستى ماقساتىندا تاباندى بولىپ، قالا، اۋىل الەۋمەتتىك اۋماق ۇيىمدارى مەن حالىققا قولايلى قىزمەت وتەۋ ورتالىقتارىن ويداعىداي قۇرىپ، الەۋمەتتىك اۋماقتىڭ حالىق ءۇشىن ىستەۋ، حالىققا قولايلىلىق جاساۋ، حالىقتى الاڭسىز ەتۋ يقۋاتىن كۇشەيتىپ، تۇرعىنداردىڭ قاجەتىنە قاراي الەۋمەتتىك اۋماقتىڭ قىزمەت وتەۋىن ىسكە اسىرىپ، الەۋمەتتىك اۋماقتى تۇرعىندار ەڭ الاڭسىز، ەڭ ۋايىمسىز بولاتىن مەكەنگە اينالدىرۋ كەرەك.
شي جينپيڭ بىلاي دەپ دارىپتەدى: قازىر سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ مىندەتى ءالى دە ماشاقاتتى. ىندەتتىڭ تارالۋ قاتەرىن جەڭىلدەتۋ ءۇشىن، سول جەردىڭ وزىندە كوكتەم مەرەكەسىن وتكىزۋ دارىپتەلدى. جەر - جەر، تاراۋلار سول جەردىڭ وزىندە كوكتەم مەرەكەسىن وتكىزۋ اياسىنداعى قىزمەت وتەۋ، قامتاماسىز ەتۋ قىزمەتىن ويداعىداي ىستەپ، بۇقارانىڭ ەرەكشە ءارى مەيىرگە تولى كوكتەم مەرەكەسىن وتكىزۋىنە مۇمكىندىك جاساۋى كەرەك.
الەۋمەتتىك اۋماق الاڭىندا تۇرعىندار باس شۋجيمەن الاقايلاي امانداستى. شي جينپيڭ كوپشىلىككە ءالسىن - ءالى قول بۇلعاپ قۇرمەت ءبىلدىرىپ، كوپشىلىكتىڭ جاڭا جىلدا بارلىق جاعدايلارىنىڭ جاقسى بولۋىن، جاقسارعان ۇستىنە جاقسارا ءتۇسۋىن تىلەدى. ول بىلاي دەپ دارىپتەدى: وتكەن ءبىر جىل ايرىقشا وزگەشە بولدى، اساۋ تولقىن، اۋىر سىناق تا، جىگەرلەنە، ايانباي قۇلشىنۋ دا بولدى، ونان دا ماڭىزدىسى، تابىس پەن جەڭىسكە دە قول جەتكىزدىك، ءاربىر ادام مۇنى ءوز باسىنان وتكەردى، بارلىق ادام كەرەمەت. بيىل ءبىز «14 – بەسجىلدىق» جوسپاردى باستاپ اتقارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي قادام تاستايمىز، ءبىز ۇزدىكسىز ءبىر نيەتپەن بىلەك بىرىكتىرە ىستەپ، قايراتتانا جاقسى ىستەپ، جاڭا ىستەردى ورىنداۋعا، جاڭا ءورىس اشۋعا قۇلشىنۋىمىز كەرەك.
گۇيجوۋ ولكەسىنە ورنالاسقان ديامەترى 500 مەترلىك شار بەتتى راديوتەلەسكوپ قازىر دۇنيە جۇزىندەگى ەڭ ۇلكەن جەكە كوزدى راديولىق ءدۇربى سانالادى، ونىڭ «جۇڭگونىڭ اسپان كوزى» دەگەن اتى بار. 2 - ايدىڭ 5 - كۇنى تۇستەن بۇرىن شي جينپيڭ «جۇڭگونىڭ اسپان كوزى» نىسانىنىڭ جاۋاپتىلارىمەن جانە عىلمي زەرتتەۋ تىرەكتىلەرىمەن ىقىلاسپەن كەزدەسىپ، «جۇڭگونىڭ اسپان كوزىنىڭ» قۇرىلىس بارىسى، تەحنيكالىق جاڭالىق اشۋى، حالىقارالىق سەلبەستىگى سياقتى جاعدايلار جونىندەگى تانىستىرۋدى تىڭدادى. شي جينپيڭ بىلاي دەپ اتاپ كورسەتتى: «جۇڭگونىڭ اسپان كوزى» − مەملەكەتتىڭ كەلەلى عىلىم - تەحنيكالىق نەگىزدىك قۇرىلعىسى، عارىشتى باقىلايتىن الىپ كوزى، مەملەكەتتىڭ ماڭىزدى قۇرالى، ول ەلىمىزدىڭ الدىڭعى قاتارداعى عىلىم سالاسىنداعى ەلەۋلى ءتول سەرپىلىسىن جۇزەگە اسىردى، نان رىندۇڭ ۋاكىل بولعان عىلىم - تەحنيكا قىزمەتكەرلەرىنىڭ قوماقتى ءبىر توبى بۇل ءۇشىن ءۇن - ءتۇنسىز قىزمەت ەتىپ، قالتقىسىز ۇلەس قوسىپ، جۇرتتى اسەرلەندىردى.
شي جينپيڭ بەينە ەكران ارقىلى «جۇڭگونىڭ اسپان كوزىن» تەكسەرىپ كوردى، سونداي - اق باس مەڭگەرۋ بولمەسىندەگى عىلىم - تەحنيكا قىزمەتكەرلەرىنىڭ ۋاكىلدەرىمەن بەينە ەكران ارقىلى سويلەسىپ، ولاردىڭ، سونىمەن بىرگە، بۇكىل ەلدەگى قالىڭ عىلىم - تەحنيكا قىزمەتكەرلەرىنىڭ مەرەكەسىن قۇتتىقتادى. شي جينپيڭ بىلاي دەپ دارىپتەدى: جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، عىلىم - تەحنيكانى الدىڭعى ورىنعا قويۋدا تاباندى بولىپ، عىلىم - تەحنيكالىق جاڭالىق اشۋدىڭ شەشۋشى جانە تىرەكتىك رولىن ساۋلەلەندىرۋ كەرەك. ول قالىڭ عىلىم - تەحنيكا قىزمەتكەرلەرىن نان رىندۇڭ قاتارلى ۇزدىك عالىمداردى ۇلگى ەتىپ، عالىمدار رۋحىن زور كۇشپەن اسقاقتاتىپ، باتىلدىقپەن دۇنيە ءجۇزىنىڭ عىلىم - تەحنيكا شىڭىنا شىعىپ، كەيبىر سالالاردا قاتارلاسا جۇگىرۋدى، وزا شابۋدى جۇزەگە اسىرىپ، عىلىم - تەحنيكادا قۋاتتى ەل قۇرۋدى جەدەلدەتىپ، عىلىم - تەحنيكادا ءوز كۇشىنە سۇيەنۋدى، ءوزىن الەۋەتتەندىرۋدى جۇزەگە اسىرۋ ءۇشىن تىڭ دا اناعۇرلىم كەسەك ۇلەس قوسۋعا جىگەرلەندىردى.
2 - ايدىڭ 5 - كۇنى تۇستەن بۇرىن شي جينپيڭ گۇيجوۋ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، گۇيجوۋدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى، گۇيجوۋدان ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، ساپالى دامۋ ارقىلى جالپى جاعدايدى ءبىر تۇتاس مەڭگەرۋدە تاباندى بولىپ، دامۋ مەن ەكولوگيا سىندى ەكى تومەنگى شەكتى ويداعىداي ساقتاپ، دامۋ مەن حاۋىپسىزدىك قىزمەتىن ءبىر تۇتاس جوسپارلاپ، جاڭا داۋىردەگى باتىس بولەكتى قاۋىرت اشۋدا جاڭا جول تاۋىپ، اۋىل - قىستاقتى گۇلدەندىرۋدە جاڭا جاعداي اشىپ، سيفرلى ەكونوميكا ستراتەگياسىن اتقارۋدا جاڭا ورايدى يگەرىپ، ەكولوگيالىق وركەنيەت قۇرىلىسىندا تىڭ ناتيجەگە قول جەتكىزىپ، حالقى باي، ەكولوگياسى كوركەم، قۇلپىرعان گۇيجوۋدىڭ جاڭا بولاشاعىن اشۋعا قۇلشىنۋدى ءۇمىت ەتتى.
شي جينپيڭ بىلاي دەپ دارىپتەدى: جاڭالىق اشا دامۋ − جاڭا دامۋ ارناسىن قالىپتاستىرۋدىڭ قاجەتتى تالعامى. جاڭا دامۋ ارناسىن قالىپتاستىرۋدى كوزدەپ، ءىرى ساندى مالىمەت پەن ناقتى ەكونوميكانىڭ تەرەڭ توعىسۋىن ىلگەرىلەتىپ، ستراتەگيالىق جاڭادان وركەندەگەن كاسىپ سالالارىن جەتىلدىرىپ، ۇلعايتىپ، وسى زامانعى كاسىپ سالاسى جۇيەسىن جەدەل دامىتۋ كەرەك. تۇتىنۋ سۇرانىسىن بەلسەنە جارىققا شىعارىپ، تۇتىنۋدىڭ جاڭا ۇلگىلەرىن كەڭەيتىپ، تۇتىنۋدىڭ كومەسكى قۋاتىن تولىق ىسكە قوسۋ كەرەك. رەفورمانىڭ جەتەكتەۋ جانە قامال الۋ رولىن ويداعىداي ساۋلەلەندىرىپ، قات - قابات تۇزىلىستىك، مەحانيزمدىك ماسەلەلەردى كوبىرەك شەشىپ، جاڭالىق اشۋ سيپاتىنداعى ىزدەنىستەردى كوبىرەك جاساپ، تۇزىمدىك تابىستاردى كوبىرەك شىعارۋ كەرەك. باتىس بولەك قۇرلىق - تەڭىز جاڭا ارناسى قۇرىلىسىنا بەلسەنە ات سالىسىپ، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ دامۋىمەن ىرىقتىلىقپەن توعىسىپ، «ءبىر بەلدەۋ، ءبىر جول» بويىمەن سىرتقا شىعۋدى جەدەلدەتىپ، ەسىك اشۋ ارقىلى رەفورمانى جەبەۋ، دامۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋ تابىسىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، يكەمدى قاداعالاۋدى، كومەكتەسۋ - سۇيەمەلدەۋدى كۇشەيتىپ، «ءتورتتى توقتاتپاۋ» تالابىن تياناقتاندىرىپ، كىرىس وزگەرىسىن جانە «ەكىدەن تارىقتىرماۋ، ءۇشتى قامتاماسىز ەتۋدىڭ» بەكەمدەلۋ جاعدايىن قاداعالاپ، مەرزىمدى ۋاقىتتا اداقتاپ تەكسەرىپ، يكەمدىلىكپەن نولگە ءتۇسىرۋ كەرەك. كەدەيلەردى سۇيەمەلدەۋگە قاتىستى كاسىپ سالالارىن دامىتىپ، ۇلعايتىپ، ساتىلىم ارناسىن كەڭەيتىپ، قونىس جاڭالاپ كوشكەننەن كەيىنگى بۇقارانى ۇزدىكسىز سۇيەمەلدەۋدى كۇشەيتۋ كەرەك. قالا مەن اۋىلدىڭ توعىسا دامۋىن ىلگەرىلەتىپ، اۋىل - قىستاق كاسىپ سالاسى، دارىندىلار، مادەنيەت، ەكولوگيا، ۇيىم سياقتىلاردىڭ جاپپاي گۇلدەنۋىن ىلگەرىلەتۋ كەرەك. قىستاقتا تۇراتىن ءبىرىنشى شۋجيلەردى جانە اۋىل - قىستاق قىزمەت اترەتىن تاڭداپ جىبەرۋدى ۇزدىكسىز جالعاستىرۋ كەرەك.
شي جينپيڭ بىلاي دەپ دارىپتەدى: تاماشا ەكولوگيالىق ورتا − گۇيجوۋدىڭ ەڭ ۇلكەن دامۋ ارتىقشىلىعى جانە باسەكەلىك ابزالدىعى. ەكولوگيانى الدىمەن ويلاستىرۋ، جاسىل دامۋ باعدارىن مىقتاپ ورناتىپ، تاۋ، سۋ، ورمان، ەگىنجاي، كول، جايىلىم جۇيەسىن جونگە سالۋدى ءبىر تۇتاس جوسپارلاپ، ەكولوگيالىق جۇيەنى قورعاۋ تەبىنىن ارتتىرىپ، تاستاقتانۋدى، شولەيتتەنۋدى، سۋ مەن توپىراقتىڭ زايا بولۋىن كەشەندى جونگە سالۋدى عىلمي جولمەن ىلگەرىلەتىپ، تۇنىق سۋ، جاسىل تاۋ − باعالى بايلىق سىندى وسى كەلەلى ءىستى ۇزدىكسىز ويداعىداي ىستەۋ كەرەك.
شي جينپيڭ بىلاي دەپ اتاپ كورسەتتى: بىرگە بايۋدىڭ ءوزى − سوتسياليستىك وسىزامانداندىرۋداعى ماڭىزدى نىسانالاردىڭ ءبىرى، حالىقتى وزەك ەتكەن دامۋ يدەياسىندا تاباندى بولىپ، مۇمكىندىگىنشە ىسكەرلىك كورسەتىپ، شاماعا قاراي ىستەپ، وڭىرلەر پارقى، قالا مەن اۋىل پارقى، كىرىس پارقى سياقتى ماسەلەلەردى ىرىقتىلىقپەن شەشىپ، بۇقارانىڭ وزگەرىستى كورۋىنە، ناقتى تيىمدىلىككە يە بولۋىنا مۇمكىندىك جاساۋ كەرەك. جۇمىستاندىرۋدى الدىمەن ويلاستىرۋ ستراتەگياسىن جانە بەلسەندى جۇمىستاندىرۋ ساياساتىن تياناقتاندىرىپ، وقۋ - اعارتۋ، زەينەتكەرلىك، ەمدەۋ، تۇرعىن ءۇي سياقتى ماسەلەلەردى كورنەكتىلەندىرە وتىرىپ شەشىپ، اۋرۋدان ساقتانۋ جانە ونى تىزگىندەۋ جۇيەسى قۇرىلىسىن كۇشەيتىپ، ازاماتتىق زاڭنامانىڭ اتقارىلۋىن ىلگەرىلەتىپ، قوعامدىق قايشىلىقتاردان ساقتانۋ جانە ونى جويۋ مەحانيزمى قۇرىلىسىن كۇشەيتۋ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن تەرەڭدەتۋ، ءوندىرىس حاۋىپسىزدىگى قىزمەتىن كۇشەيتۋ كەرەك. از ۇلتتار مەن ۇلتتىق وڭىرلەردىڭ ەرەكشە، ابزال كاسىپ سالالارىن دامىتۋىنا قولداۋ كورسەتىپ، از ۇلتتار مادەنيەتىن گۇلدەندىرۋ، دامىتۋ كەرەك.
شي جينپيڭ بىلاي دەپ دارىپتەدى: كەزىندەگى ۇزاق جورىقتا قىزىل ارميانىڭ گۇيجوۋدا قيمىل جاساۋ ۋاقىتى ەڭ ۇزاق، قيمىل كولەمى ەڭ كەڭ بولىپ، بىزگە باعالى رۋحاني قازىنا قالدىردى. زۇن - ي ءماجىلىسى − پارتيامىز تاريحىنداعى ۇلى بۇرىلىس مانىنە يە ماڭىزدى ءماجىلىس. بۇل رەتكى ءماجىلىس قىزىل ارميانىڭ 5 - رەتكى «قورشاپ جويۋعا» قارسى تۇرۋى ساتسىزدىككە ۇشىراعان جانە ۇزاق جورىقتىڭ باستاپقى مەزگىلىندە اۋىر ساتسىزدىككە جولىققان تاريحي كەزەڭدە اشىلىپ، ماۋ زىدۇڭ جولداستىڭ پارتيا ورتالىق كوميتەتىندەگى جانە قىزىل ارمياداعى باسشىلىق ورنىن تۇراقتاندىرىپ، ماۋ زىدۇڭ جولداس نەگىزگى ۋاكىل بولعان ماركسيزمدىك دۇرىس لۋشياننىڭ پارتيا ورتالىق كوميتەتىندەگى باسشىلىق ورنىن تۇراقتاندىرا باستاپ، ماۋ زىدۇڭ جولداستى ۇيىتقى ەتكەن پارتيانىڭ 1 - ۇرپاق ورتالىق باسشىلىق كوللەكتيۆىن قالىپتاستىرا باستاپ، پارتيامىزدىڭ جۇڭگو توڭكەرىسىندەگى ءىس جۇزىندىك ماسەلەلەردى دەربەس، ءوز كۇشىنە سۇيەنىپ شەشەتىن جاڭا كەزەڭىن اشىپ، ەڭ قاتەرلى ساتتە پارتيانى قۇتقارىپ قالدى، قىزىل ارميانى قۇتقارىپ قالدى، جۇڭگو توڭكەرىسىن قۇتقارىپ قالدى. زۇن - ي ءماجىلىسىنىڭ ايقىن ەرەكشەلىگى، اقيقاتتا تاباندى بولىپ، قاتەلىكتى تۇزەتىپ، پارتيا ورتالىق كوميتەتىنىڭ دۇرىس باسشىلىعىن مىقتاپ ورناتىپ، جۇڭگو توڭكەرىسىنىڭ ەرەكشەلىگىنە ۇيلەسەتىن ستراتەگيانى، تاكتيكانى جاسامپازدىقپەن جاساۋى جانە اتقارۋى بولدى. بۇل بۇگىنگى كۇندە دە ايرىقشا ماڭىزدى مانگە يە. ورىستەتىلۋ الدىندا تۇرعان پارتيا تاريحىن ۇيرەنۋ تاربيەسىمەن بىرلەستىرىپ، ۇزاق جورىق رۋحىنان جانە زۇن - ي ءماجىلىسى رۋحىنان كوممۋنيستەردىڭ اۋەلگى ماقساتى مەن بورىشىن تەرەڭ ءتۇسىنىپ، جاڭا داۋىردەگى پارتيا قۇرىلىسىنىڭ باس تالابىن تياناقتاندىرىپ، شىندىقتى ءىس جۇزىنەن ىزدەپ، اقيقاتتا تاباندى بولىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، نىسانادان كوز جازباي، جۇرەكتىلىكپەن العا باسىپ، جاڭا داۋىردەگى ۇزاق جورىقتى جاقسى باسۋ كەرەك. پارتيانىڭ جاسامپاز نازاريالارىن ىشكەرىلەي ۇيرەنىپ، پارتيا تاريحىن ۇيرەنۋ تاربيەسىن كۇشەيتۋ، سونىمەن بىرگە، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋ كەرەك. حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، فورماشىلدىققا، تورەشىلدىككە باتىل قارسى تۇرۋ جانە ونى جويۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، ساياسي ەكولوگيانى ۇزدىكسىز تازارتىپ، ستيلى پاك، سالتى دۇرىس دامۋ ورتاسىن قالىپتاستىرۋ كەرەك.
ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
