بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ كوكتەم مەرەكەسى قارساڭىندا اۋە ارمياسى اۆياتسيا بەلگىلى ديۆيزياسىن كوزدەن كەشىردى

2021.02.07 16:30     كەلۋ قاينارى : حالىق تورابى


  حالىق ازاتتىق ارمياسىنىڭ بارلىق كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر – اسكەرلەرىنە، ارمياداعى اكىمشىلىك قىزمەتكەرلەر مەن حالىق جاساقتارىنىڭ زاپاس قىزمەتكەرلەرىنە كوكتەم مەرەكەسى بايلانىسىمەن ىزگى تىلەك جولدادى

  شينحۋا اگەنتتىگى، 2 - ايدىڭ 6 – كۇنى، گۇيياڭ (ءتىلشى لي شۋانلياڭ). جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلۋ قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 4 - كۇنى اۋە ارمياسى اۆياتسيا بەلگىلى ديۆيزياسىن كوزدەن كەشىرىپ، اسكەري بولىمدەگى وفيتسەر - اسكەرلەردەن حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارلىق كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر – اسكەرلەرىنە، ارمياداعى اكىمشىلىك قىزمەتكەرلەر مەن حالىق جاساقتارىنىڭ زاپاس قىزمەتكەرلەرىنە كوكتەم مەرەكەسى بايلانىسىمەن ىزگى تىلەك جولدادى.

  كوكتەم تاياپ قالعان ءسات، گۇيجوۋدىڭ بايتاق دالاسى جاسىل جەلەك جامىلعان. تۇستەن بۇرىن ساعات 10 نان 30 مينۋت وتكەندە شي جينپيڭ اۋە ارمياسى اۆياتسيا بەلگىلى ديۆيزياسىنا كەلىپ، الدىمەن مايدان شيپاحاناسىنا بارىپ، اسكەري ءبولىمنىڭ ىندەتتەن ساقتانۋ - تىزگىندەۋ جانە جەرگىلىكتى ورىننىڭ ىندەتتەن ساقتانۋىنا كومەكتەسۋ جاعدايىن ۇعىستى. شي جينپيڭ مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ارميامىز پارتيانىڭ قولباسشىلىعىنا بويسۇنىپ، بۇيرىقتى تاپسىرىپ الا سالا اتتانىسقا كەلىپ، ىندەتتەن ساقتانۋ - تىزگىندەۋ كۇرەسىندە ماڭىزدى رول اتقارىپ، كورنەكتى ۇلەس قوستى. قازىر مەملەكەت سىرتىندا ىندەت ءالى دە قيىن كۇيدە تۇر، ەلىمىزدىڭ ىندەتتەن ساقتانۋ - تىزگىندەۋ قىزمەتى ءالى دە اۋىر، اسىرەسە، كوكتەم مەرەكەسى كەزىندە ادامداردىڭ اعىلۋى مەن شوعىرلانۋى كوبەيىپ، ىندەتتىڭ تارالۋ حاۋىپ - قاتەرى ارتادى. اسكەري بولىمدەردىڭ ىندەتتەن ساقتانۋ - تىزگىندەۋىن تيتتەي دە بوساڭسىماي مىقتى يگەرىپ، جەرگىلىكتى ورىنداردىڭ ىندەتتەن ساقتانۋ - تىزگىندەۋىنە كومەكتەسۋ دايىندىعىن ويداعىداي ىستەپ، ەلىمىزدىڭ ىندەتتەن ساقتانۋ - تىزگىندەۋدەگى تاماشا جاعدايىن بەكەمدەۋ جانە جاقسارتۋ كەرەك.

  سىرتقى ۇشاق قالتقىسىندا شي جينپيڭ ديۆيزيانىڭ نەگىزگى جاعدايى مەن نەگىزگى سوعىس جابدىقتارىنىڭ جاعدايى جونىندەگى تانىستىرۋدى تىڭدادى. ءمالىم تۇردەگى ەرەكشە ۇشاق − اۋە ينفورماتسياسىمەن سوعىس جۇرگىزۋدەگى ماڭىزدى جابدىق، شي جينپيڭ وسى ۇشاققا شىعىپ، مىندەت بولمەسىنە كىرىپ مىندەت جۇيەسىن كوزدەن كەشىرىپ، ەرەكشە ۇشاق قىزمەتىنىڭ ءتارتىبى مەن مىندەت اتقارۋ جاعدايىن ۇعىستى. شي جينپيڭ مىنالاردى دارىپتەدى: وسى زامانعى سوعىستا ينفورماتسيا جاساۋ ۇقىعى سوعىستىڭ جەڭىسىنە قول جەتكىزۋدىڭ شەشۋشى تۇيىنىنە اينالدى. وزىق جابدىقتاردى جەدەل دامىتىپ، كاسىپتىك دارىندىلاردى جەدەل جەتىلدىرىپ، باعىتتامالى قارسىلاسۋ جاتتىعۋىن كۇشەيتىپ، جاڭاشا جاۋىنگەرلىك قۋاتتىڭ جەدەل جوعارىلاۋىن ىلگەرىلەتۋ كەرەك.

  شي جينپيڭ وفيتسەر - اسكەرلەردىڭ ۇيرەنۋىنە، تۇرمىسىنا ەرەكشە كوڭىل ءبولىپ، بەلگىلى ۇشۋ ۇلكەن اترەتىنىڭ اۋە قىزمەت عيماراتىنا ارنايى بارىپ، قاتىستى جاعدايلاردى كوزدەن كەشىردى. ۇشۋ دايىندىق بولمەسىندە ۇلكەن اترەت جاڭا ۇشقىشتاردى ۇشۋ تەحنيكاسىن زەرتتەۋگە ۇيىمداستىرىپ جاتقان ەدى. ءتوراعا شي جينپيڭنىڭ كەلگەنىن كورگەن كوپشىلىك ەرەكشە تەبىرەنىپ، ءتوراعا شي جينپيڭگە سالەم بەرىپ، جاتتىعۋ جاعدايىن مالىمدەدى. شي جينپيڭ مىنالاردى اتاپ كورسەتتى: اسكەري ءبولىم جونىنەن العاندا، اسكەري جاتتىعۋدى ويداعىداي يگەرۋ توتەنشە ماڭىزدى. ورتالىق اسكەري ىستەر كوميتەتىنىڭ اسكەري جاتتىعۋ ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۋە ارمياسى قوسىندارىنىڭ ءىس جۇزىندىك جاعدايىمەن ۇشتاستىرىپ، ناقتى سوعىستىق اسكەري جاتتىعۋدى مىقتى يگەرىپ، جاتتىعۋ ورەسى مەن جەڭىسكە جەتۋ قابىلەتىن ۇزدىكسىز جوعارىلاتۋ كەرەك.

  وسىدان كەيىن شي جينپيڭ اۋە قىزمەتى عيماراتىنىڭ دالىزىنە كەلىپ، كوكتەم مەرەكەسىنىڭ الدىنداعى مادەنيەت، دەنەتاربيە قيمىلى قۇرىلعىلارىنىڭ دايىندىق جاعدايىن كورىپ، اسكەري ءبولىمنىڭ ىندەتتەن ساقتانۋ - تىزگىندەۋ جانە مەرەكە كەزىندەگى تۇرمىسقا قاتىستى ورنالاستىرۋلاردى ءبىر تۇتاس جوسپارلاعانىن ۇعىستى. اسكەري ءبولىمنىڭ الدىڭعى شەپكە بارۋ، كوكتەم بوساعالىعىن جەتكىزۋ، دوپ جارىستارى سياقتى كوپ ءتۇرلى قىزىقتى قيمىلداردى دايىنداعانىن ەستىگەننەن كەيىن شي جينپيڭ قيمىلدىڭ اسكەري ءتۇس العانىن، ەرەكشەلىككە يە بولعانىن القادى، ءار دارەجەلى ورىندارعا ىندەتتەن ساقتانۋ - تىزگىندەۋ تالاپتارىن جاپپاي تياناقتاندىرىپ، مەرەكەگە قاتىستى قيمىلداردى ۇيلەسىمدى ورنالاستىرىپ، وفيتسەر - اسكەرلەردىڭ اسكەري بولىمدە مەرەكەنى جاقسى وتكىزۋىنە مۇمكىندىك جاساۋدى تاپسىردى.

  دۋ قول شاپالاق ءۇنى ىشىندە شي جينپيڭ بۇكىل ديۆيزياداعى وفيتسەر - اسكەرلەردىڭ ۋاكىلدەرىن ىقىلاسپەن قابىلداپ، كوپشىلىكپەن بىرگە سۋرەتكە ءتۇسىپ ەستەلىك قالدىردى. شي جينپيڭ مىنالاردى دارىپتەدى: بيىل − پارتيامىز قۇرىلعانىنىڭ 100 جىلدىعى، «14 – بەسجىلدىقتىڭ» باستاما جىلى، بيىلعى قىزمەتتى ويداعىداي ىستەۋدىڭ ماڭىزى زور. پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىم، ورنالاستىرۋلارىن مۇقيات دايەكتىلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى يگەرىپ، اسكەر جاتتىقتىرۋدى، سوعىسقا دايىندالۋدى جاپپاي كۇشەيتىپ، ءتۇرلى قىزمەتتى تىڭعىلىقتى ىلگەرىلەتىپ، جاڭا باستامادا اسكەري ءبولىم قۇرىلىسىنىڭ جاڭا جاعدايىن ۇزدىكسىز اشىپ، پارتيا قۇرىلعانىنىڭ 100 جىلدىعىن ەرەن ناتيجەمەن قارسى الۋ كەرەك.

  شي جينپيڭ ەڭ سوڭىندا مىنانى ءبىلدىردى: كوكتەم مەرەكەسى كەزىندە بۇكىل ارمياداعى اسكەري بولىمدەر سوعىس دايىندىعى كەزەكشىلىگىن كۇشەيتىپ، مەملەكەتتىڭ حاۋىپسىزدىگىن جانە حالىقتىڭ باقىتى مەن تىنىشتىعىن ويداعىداي قورعاۋى كەرەك. ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا وفيتسەر - اسكەرلەردىڭ مەرەكە كەزىندەگى تۇرمىسىن ويداعىداي ورنالاستىرىپ، كوپشىلىكتىڭ مەرەكەنى شات - شادىمان، كوڭىلدى، حاۋىپسىز وتكىزۋىنە مۇمكىندىك جاساۋ كەرەك.

  جاڭ يوۋشيا قاتارلىلار قيمىلعا قاتىناستى.


جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار