بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

تيانچۋان اۋدانى قالاشىعى مەن ءىشىنارا اۋىل-قالاشىقتاردا ەلەكترمەن، سۋمەن قامداۋ قالپىنا كەلتىرىلدى، ءوندىرىس، تۇرمىس ءتارتىبى دە بىرتىندەپ قالپىنا كەلە باستادى. سۋرەتتە تيانچۋان اۋدانى شياۋحى قىستاعىنداعى توپتىق ورنالاستىرۋ ءتۇيىنى.  جاڭ شياۋلي فوتوسى (شينحۋا اگەنتتىگىنىڭ حابارى)

ليۆاندا بەيبىتشىلىك قورعاۋ مىندەتىن وتەپ جاتقان كومانديرلەر مەن جاۋىنگەرلەر اپات تۋىلعان رايونعا 161 مىڭ يۋان حالىق اقشاسىن اتادى.  سۋرەتتە: ب م ۇ قىزمەتكەرى مۇحاممەت قاتارلىلار جىلۋ اتاۋدا. لي ليڭكۇي فوتوسى (شينحۋا اگەنتتىگىنىڭ حابارى)

حالىق تورابى>>شولۋ

ارماننىڭ تاعان تاسىن دامۋ ارقىلى ورناتايىق

− جۇڭگو ارمانىن جۇرت بولىپ جۇمىلا ورىنداۋ تۋرالى (4)

2013.03.28 09:51     كەلۋ قاينارى : ءتاڭىرتاۋ تورابى

  ارماننىڭ كۇش - قۋاتتى تاسقىنداتىپ، كۇرەسكە شابىتتاندىرۋى رەال مىعىم نەگىزدەن ايرىلا المايدى؛ ارماننىڭ ىسكە اسۋى رەال بولمىستىڭ كۇشتى تىرەگىن تىپتەن قاجەت ەتەدى.

  دامۋ − داۋ جۇرمەيتىن قيسىن دەگەن ستراتەگيالىق يدەياعا تاباندى بولىپ، جۇڭگو ارمانىن ىسكە اسىرۋدىڭ زاتتىق مادەنيەت نەگىزىن ۇزدىكسىز بايىتۋ كەرەكتىگى جونىندە ءتوراعا شي جينپيڭ ماڭىزدى سوزىندە ەكونوميكالىق، قوعامدىق دامۋدى جەدەلدەتۋدىڭ جۇڭگو ارمانىن ىسكە اسىرۋدىڭ تابيعي تالابى جانە ءتۇبىرلى جولى ەكەنىن پايىمداپ ءوتتى.

  ۇلى ارمان شىنايى بولمىستان تۋادى. جۇڭگو ارمانىنىڭ بىرتىندەپ قالىپتاسۋ بارىسىنىڭ ءوزى دە جۇڭگونىڭ ۇزدىكسىز دامۋ، العا باسۋ بارىسى. الدىڭعى عاسىردىڭ باسىندا وتانشىل وقۋشىلار ويدا جوقتا وليمپيادا جونىندە 3 ءتۇرلى سۇراۋ تاستادى؛ العاباسار جاستار الەم ەلدەرى كورمەسىن وتكىزۋدى تەك اڭگىمەلەردە عانا قيالدادى. ەل سوعىستان كوز اشپاي، حالىق تۇرمىسى سۇرەڭسىزدەنىپ، ەكونوميكا قۇلدىراپ جاتسا، ارماننان قايتىپ ءسوز اشۋعا بولسىن؟ جاڭا جۇڭگو «ورنىنان تۇرعاننان» رەفورما جاسالىپ، ەسىك اشىلىپ «اۋقاتتانعانعا» دەيىن، ودان ارى جاڭا عاسىردا «قۇدىرەتتەنگەنگە» دەيىن، وليمپيادا وتكىزۋ، الەمدىك كورمە وتكىزۋ ارمانىمىز اقىرى ورىندالدى. قۇلاعىمىزعا جۇڭگو ارمانىنىڭ اسقاق ءۇنى بىرتىندەپ جەتە باستادى.

  ۇزدىكسىز دامۋ ارقىلى عانا ارماندى ورىنداۋعا بولادى. مەملەكەتتىڭ بايىپ - قۇدىرەتتەنۋى، ۇلتتىڭ گۇلدەنۋى، حالىقتىڭ باقىت قۇشۋى سىندى جۇڭگو ارمانى مەملەكەتتىڭ ماتەريالدىق قۋاتى مەن مادەنيەتتىك قۋاتىنىڭ وسۋىندە ايگىلەنەدى، نەعۇرلىم جاقسى تاربيە، نەعۇرلىم تۇراقتى قىزمەت، نەعۇرلىم قوماقتى كىرىس سياقتى حالىق تۇرمىسىنا پايدالى ىستەردە ايگىلەنەدى. رەفورما جاسالىپ، ەسىك اشىلعان 30 نەشە جىلدان بەرى، ەلىمىزدىڭ ەكونوميكالىق، قوعامدىق دامۋى جالىندى ومىرشەڭدىك كۇشىن ساقتاپ، امبەباپ مەملەكەت قۋاتى، قوعامدىق وندىرگىش كۇش، حالىقتىڭ تۇرمىس ورەسى بارىنشا جوعارىلادى، بۇل − جۇڭگو ارمانىنىڭ ەڭ بەرىك نەگىزى، ول ءبىزدىڭ وسىزامانداندىرۋ قۇرىلىس نىساناسىنا قاراي كامىل سەنىمدە نىق قاداممەن العا تارتۋىمىزعا مۇمكىندىك بەردى.

  العا باسۋ جولىندا، ءار ءتۇرلى حاۋىپ - قاتەر مەن سىن - سايىستاردىڭ ءالى ءومىر ءسۇرىپ وتىرعانىن ابدەن بىلەمىز. ەكونوميكامىزدىڭ جالپى مولشەرى دۇنيە جۇزىندە 2 - ورىنعا شىقتى، ءبىراق جان باسىنا تۋرا كەلەتىن ورە جاعىندا ءالى تالاي پارىقتار بار؛ جەر شارىنىڭ دامۋىنىڭ «جاڭا قوزعالتقىشىنا» اينالدىق، ءبىراق قورشاعان ورتانىڭ قىسىمى، بايلىق قىسپاعى دا كۇن سايىن كورنەكتىلەنە تۇسۋدە؛ بۇكىل قوعامنىڭ ومىرشەڭدىك كۇشى جالىن اتتى، ءبىراق بۇرىلىس بارىسىنداعى ءتۇرلى قيىن ماسەلەلەردى دۇرىس ءبىر جايلى ەتۋگە تۋرا كەلەدى. نەگىزگى مەملەكەت جاعدايىندا، باستى قايشىلىقتا، حالىقاراداعى ورىندا وزگەرىس بولعان جوق. جۇڭگو ارمانىنا ءالى جەتە قويمادىق.

  ماسەلەلەردى شەشۋ، سىن - سايىستارعا توتەپ بەرۋ، ماڭىزدى ستراتەگيالىق وراي مەزگىلىن مىقتى يگەرۋ ءۇشىن، تەك دامۋدى باستان - اياق باستى ورىنعا قويىپ، «دامىعاننان كەيىنگى ماسەلەلەردى» دامۋ ارقىلى شەشۋ، دامۋ تاسىلىنە بۇرىلىس جاساۋدان، كاسىپ قۇرىلىمىن رەتتەۋدەن تارتىپ قورشاعان ورتانى قورعاپ، «كوركەم جۇڭگونى» قۇرعانعا، بۇقارانىڭ مادەني تۇرمىسىن بايىتۋدان حالىقتىڭ نەگىزگى ۇقىق - مۇددەسىن قامتاماسىز ەتۋگە دەيىن، جۇڭگو ارمانىنىڭ زاتتىق مادەنيەت نەگىزىن ۇزدىكسىز بايىتۋ كەرەك. عىلمي دامۋدى باسشىلىققا الىپ، ەكونوميكالىق قۇرىلىستى وزەك ەتۋگە باستان - اياق تاباندى بولىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن جاپپاي ىلگەرىلەتكەندە عانا، ءسوز جوق، قيىنشىلىقتاردى جەڭۋدە «جۇڭگو» اتتى الىپ كەمەنى نەعۇرلىم اشىق سۋ ايدىنىنا قاراي جۇرگىزە الاتىنىمىزدى اماليات دالەلدەدى.

  1902 - جىلى لياڭ چيچاۋ «جاڭا جۇڭگونىڭ بولاشاعى» اتتى شىعارماسىندا «جۇڭگو ارمانى» جونىندە: «بەيبىتشىلىككە جەتەم دەسەڭ، ەلمەن يىق تەڭەستىر»، − دەگەن ەدى. ۇلتتىڭ گۇلدەنۋىن ىسكە اسىرۋ − سانسىز جۇڭحۋا ۇلاندارىنىڭ عاسىرلىق ارمانى، جاپالى ىزدەنۋ جانە تالماي قۇلشىنۋ ارقىلى، جۇڭگو حالقى مىناداي بۇلجىماس اقيقاتتى، ياعني دامىعاندا عانا، الۋەتتەنۋگە بولاتىنىن، ناقتى ىستەگەندە عانا، ەلدى كوركەيتۋگە بولاتىنىن ءارقانداي ءبىر مەزگىلدەگىدەن دە انىق ءتۇسىنىپ جەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.