- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولى رۋحىن ساۋلەلەندىرىپ، تەڭ ۇتىپ، بىرگە گۇلدەنەيىك
2014.06.30 13:34 كەلۋ قاينارى : ءتاڭىرتاۋ تورابى
جىبەك جولى ەكونوميكالىق بەلدەۋى جونىندەگى حالىقارالىق زەرتتەۋ تالقى جيىنى 26 - ماۋسىمدا اشىلدى. جىبەك جولى ەكونوميكالىق بەلدەۋى بويىنداعى ەلدەردەن كەلگەن مامان، وقىمىستىلار ۇرىمجىدە باس قوسىپ، «جىبەك جولى ەكونوميكالىق بەلدەۋى − ورتاق قۇرىپ، ورتاق يگىلىكتەنۋ جانە تەڭ ۇتىپ، بىرگە گۇلدەنۋدىڭ جاڭا ورايى» دەگەن نەگىزگى تاقىرىپتا ساياسات جاقتاعى بارىس - كەلىس، جولدى تۇتاستىرۋ، ساۋدانى ىركىلىسسىزدەندىرۋ، اقشا اينالىمى، حالىق جۇرەگىن توعىستىرۋدى ارقاۋ ەتىپ، ەكى جاقتى جانە كوپ جاقتى ەكونوميكا - ساۋدا، عىلىم - تەحنيكا، گۋمانيتارلىق سەلبەستىك مەحانيزمى مەن تەكشەسىن قۇرۋ جونىندە ىشكەرىلەي زەرتتەۋ جۇرگىزدى، مۇنىڭ جىبەك جولى ەكونوميكالىق بەلدەۋى بويىنداعى مەملەكەتتەر مەن رايونداردىڭ ءوزارا ءتۇسىنىسۋدى، سەلبەستىكتى جانە بارىس - كەلىستى كۇشەيتۋىن جەبەۋدە ماڭىزدى رول اتقاراتىندىعى، شينجياڭدى حالىقارالىق سەلبەستىكتە تىڭ ورايمەن قامدايتىندىعى داۋسىز.
بىلتىر قىركۇيەك ايىندا ءتوراعا شي جينپيڭ ورتا ازياداعى 4 ەلدە ساپاردا بولعاندا، جىبەك جولى ەكونوميكالىق بەلدەۋىن بىرگە قۇرۋ سىندى ستراتەگيالىق ويدى تۇڭعىش رەت ورتاعا قويدى. وسى ستراتەگيالىق وي «ىنتىماقتاسۋ، ءوزارا سەنۋ، تەڭ تۇرعىدا ءوزارا پايدا جەتكىزۋ، باۋىرمال بولۋ، ءبىر - بىرىنەن عيبىرات الۋ، سەلبەسىپ تەڭ ۇتۋدى» وزەك ەتكەن بايىرعى جىبەك جولى رۋحىنا مۇراگەرلىك ەتتى ءارى بەيبىتشىلىككە تالپىنۋ، دامۋعا ۇمتىلۋ، سەلبەستىكتى جەبەۋ، تەڭ ۇتۋعا ۇمتىلۋداي ءداۋىر اعىمىنا ساي كەلەدى.
جىبەك جولى ەكونوميكالىق بەلدەۋى ازيا مەن ەۆروپاداعى 18 مەملەكەتتى ەندەي ءوتىپ، 40 مەملەكەتتى، شامامەن 3 ميلليارد ادامدى قامتىپ، دۇنيە ءجۇزىنىڭ ەكونوميكالىق، ساياسي كارتاسىندا كەلەلى ءمان الادى. ەكونوميكا الەميلەنگەن، ىشكەرىلەي دامىعان تاريحي شارت - جاعدايدا ەكونوميكالىق بەلدەۋ بويىنداعى مەملەكەتتەردىڭ مۇددەسى توعىسىپ، كوركەيۋ مەن قۇلدىراۋدا ءبىر - بىرىنە سۇيەنىش بولىپ، ءبىر - ءبىرىنىڭ جۇرەگىنەن ورىن الىپ، مۇددەلىك جانە تاعدىرلاس ورتاق تۇلعاعا اينالدى. جىبەك جولى ەكونوميكالىق بەلدەۋىن قۇرۋ جىبەك جولى بويىنداعى ءار ەل حالقىنىڭ دوستىق قارىم - قاتىناسىن ءتىپتى دە ويداعىداي جەبەيدى، تۇرلىشە ءناسىل، سەنىم جانە مادەنيەت اراسىنداعى جاراسىمدىلىقتى ىلگەرىلەتەدى، جىبەك جولى بويىنداعى ءار ەل حالقىن ناقتى يگىلىككە كەنەلدىرىپ، تيىمدىلىكتەر جەتكىزەدى.
سوندىقتان جىبەك جولى ەكونوميكالىق بەلدەۋىندەگى ەلدەر جىبەك جولى رۋحىنا تاباندى بولۋى جانە ونى ساۋلەلەندىرۋى، مۇددەلىك جانە تاعدىرلاس ورتاق تۇلعا تانىمىن كۇشەيتۋى، ويى ءبىر جەردەن شىعىپ، بىرلىكتە كۇش قوسىپ، ءوز ەرەكشەلىكتەرىن ساۋلەلەندىرىپ، ءوز رولدارىن اتقارىپ، ءتۇرلى جاقتاعى كومەسكى قۋاتتىڭ كوزىن اشىپ، ءارقايسى جاقتاردىڭ باسىمدىلىقتارىن جەتە ساۋلەلەندىرۋلەرى، ءسويتىپ، ءوزارا تيىمدىلىك جاساپ، سەلبەستىك ورناتۋدى ءتىپتى دە زوركولەمدە، كەڭ ايادا، بيىك دەڭگەيدە دامىتىپ، جىبەك جولى بويىنداعى ءار ەل حالقىن ينجەنەريا جەتىستكتەرىنەن ءتىپتى دە كوپ، ءتىپتى دە ءادىل يگىلىكتەندىرۋگە مۇمكىندىك جاراتۋلارى قاجەت.
بۇگىنگى كۇندە شينجياڭ ەلىمىزدىڭ باتىسقا ەسىك اشۋىنداعى قامالى بولىپ، جىبەك جولى ەكونوميكالىق بەلدەۋى قۇرىلىسىندا اسا ماڭىزدى ورىنعا جانە رولعا يە بولىپ، كەلەلى تاريحي جاۋاپكەرلىك ارقالاۋدا. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە وتكەل قۇرىلىسىن تياناق ەتۋ، شينجياڭنىڭ ىشكە جانە سىرتقا ەسىك اشۋ ءورىسىن كەڭەيتۋ، تەمىر جول سىندى نەگىزدىك قۇرىلعىلار قۇرىلىسىن كۇشەيتۋ، وسى زامانعى زات اينالىمىن دامىتۋ، وڭىرلىك باسىمدىلىقتى تياناق ەتۋ، شينجياڭدى «جىبەك جولى ەكونوميكالىق بەلدەۋىندەگى» ءتۇيىندى ءوڭىر ەتىپ قۇرۋ ورتاعا قويىلدى، سوندىقتان ءبىز جاعراپيالىق جانە گۋمانيتارلىق جاقتاعى دارالىق باسىمدىلىقتى جەتە ساۋلەلەندىرۋىمىز، سول ماڭداعى جانە جىبەك جولى بويىنداعى ەلدەرمەن بولعان جان - جاقتى، ناقتى، سەلبەستىكتى كۇشەيتۋىمىز، جىبەك جولى ەكونوميكالىق بەلدەۋىندەگى قاتىناس - تاسمال، ساۋدا تورابى، فينانس، مادەنيەت، عىلىم - تەحنيكا، وقۋ - اعارتۋ، ەمدەۋدەن قىزمەت وتەۋ سىندى «5 ۇلكەن وزەك» جوباسىن جاساۋ اياق الىسىن جەدەلدەتىپ، جىبەك جولى ەكونوميكالىق بەلدەۋىندەگى ءتۇرلى قىزمەتتەرگە بەلسەنە ات سالىسىپ، جىبەك جولى ەكونوميكالىق بەلدەۋىن بىرگە قۇرۋعا ۇلەس قوسۋىمىز كەرەك.
جىبەك جولى ەكونوميكالىق بەلدەۋىن قۇرۋ− جىبەك جولى بويىنداعى ءار ەل حالقىن يگىلىككە كەنەلدىرەتىن ۇلى ءىس، وسى ستراتەگيالىق ويدىڭ ورتاعا قويىلۋىنان، ناقتى شارالاردى اتقارۋدان تارتىپ قوماقتى تابىسقا قول جەتكىزگەنگە دەيىن ۇزاق ۋاقىتتىق، ماشاقاتتى بارىس قاجەت. بۇل جىبەك جولى بويىنداعى ءار ەلدىڭ تاماشا سەلبەستىك ورناتۋىن قاجەت ەتەدى. ءبىز جىبەك جولى بويىنداعى ءار ەل ۇكىمەتتەرى مەن حالقىنىڭ كۇش بىرىكتىرە سەلبەسىپ، ورتاق قۇلشىنۋىنىڭ ارقاسىندا جىبەك جولى ەكونوميكالىق بەلدەۋىنىڭ جارقىن كارتاسىنىڭ تەز ارادا رەالدىققا اينالاتىندىعىنا، بايىرعى جىبەك جولى ەكونوميكالىق بەلدەۋىنىڭ جاڭادان نۇر - شۇعىلا شاشاتىندىعىنا كامىل سەنەمىز. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
