بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شولۋ

ءبىر نيەتپەن ىنتىماقتاسىپ، ايەلدەر مەن بالالار ىستەرى دامۋىنىڭ جاڭا جاعدايىن اشايىق

اۆتونوميالى رايون ايەلدەر مەن بالالار قىزمەتى جونىندەگى 6 - رەتكى ءماجىلىسىن اشتى

2017.02.10 15:03     كەلۋ قاينارى : ءتاڭىرتاۋ تورابى

  اۆتونوميالى رايون 9 - اقپاندا ايەلدەر مەن بالالار قىزمەتى جونىندەگى 6 - رەتكى ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر بىلاي دەپ اتاپ كورسەتتى: جاڭا جاعدايدا شينجياڭنىڭ ايەلدەر مەن بالالار قىزمەتىن ويداعىداي ىستەۋدە، ايەلدەر مەن بالالار ىستەرىنىڭ دامۋىن ىلگەرىلەتۋدە بورىش داڭقتى، جاۋاپكەرلىك اۋىر. جەر - جەر، تاراۋلار جاعداي مەن مىندەتتى ايقىن تانىپ، ورتالىقتىڭ قاتىستى كەلەلى ساياسات، باعىتتارىن مۇقيات دايەكتى تياناقتاندىرىپ، اۆتونوميالى رايوندىق پارتكومنىڭ شەشىم - ورنالاستىرۋلارىن دايەكتى تياناقتاندىرىپ، ءبىر نيەتپەن سەلبەسىپ، قىزمەتتى تىڭعىلىقتى ىستەپ، شينجياڭنىڭ ايەلدەر مەن بالالار ىستەرى دامۋىنىڭ جاڭا جاعدايىن قۇلشىنا اشۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، باس حاتشى لي پىڭشين ءماجىلىستى باسقاردى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوندىق ايەلدەر مەن بالالار قىزمەتى كوميتەتىنىڭ مەڭگەرۋشىسى ەركىن تۇنياز «ءبىر نيەتپەن ىنتىماقتاسىپ، كۇشتەردى ۇيىستىرىپ، شينجياڭنىڭ ايەلدەر مەن بالالار ىستەرىنىڭ جاپپاي دامۋىن جەبەيىك» دەگەن تاقىرىپتا بايانداما جاسادى.

  شوكىرات زاكىر اۆتونوميالى رايوندىق پارتكوم، ۇكىمەت اتىنان ماداقتاپ - سيلانعان وزات كوللەكتيۆتەر مەن جەكەلەردى قۇتتىقتاپ، جالپى ايەلدەر مەن بالالار قىزمەتكەرلەرىنە وسكەلەڭ قۇرمەت ءبىلدىرىپ، بۇكىل شينجياڭداعى ايەلدەر مەن بالالاردان ىستىق ىقىلاستى حال سۇرادى.

  شوكىرات زاكىر بىلاي دەپ اتاپ كورسەتتى: «13 - بەسجىلدىق» جوبا مەزگىلىندە ايەلدەر مەن بالالار ىستەرىنىڭ دامۋىنا قاتىستى ورتالىقتىڭ كەلەلى ساياسات، باعىتتارىن مۇقيات دايەكتىلەندىرىپ، اۆتونوميالى رايوندىق پارتكومنىڭ شەشىم - ورنالاستىرۋلارىن تياناقتاندىرىپ، ايەلدەر ىستەرىنىڭ ەكونوميكامەن، قوعاممەن بىرگە دامۋىن جاپپاي جەبەپ، بالالار ىستەرىن دامىتۋدى ماڭداي الدى ورىنعا قويۋدان جازباي، ايەلدەر مەن بالالاردىڭ ۇقىق - مۇددەسىن زاڭ بويىنشا قامتاماسىز ەتىپ، ايەلدەر مەن بالالار ىستەرىنىڭ بىركەلكى دامۋىن ءبىر تۇتاس ورنالاستىرىپ ىلگەرىلەتۋ كەرەك.

  ايەلدەر مەن بالالار ىستەرى − كوپ تاراۋلارعا، كوپ جاقتارعا، كوپ سالالارعا ساياتىن جۇيەلى ينجەنەريا. شوكىرات زاكىر مىنالاردى تالاپ ەتتى: باسشىلىقتى كۇشەيتىپ، تياناقتاندىرۋدى مىقتاپ يگەرىپ، رايونىمىزدىڭ ايەلدەر مەن بالالار قىزمەتىن جەبەۋدە تىڭ ناتيجەلەرگە قول جەتكىزۋ كەرەك. ءار دارەجەلى پارتكومدار مەن ۇكىمەتتەر جاۋاپكەرلىكتى كۇشەيتىپ، اۆتونوميالى رايوننىڭ ايەلدەر مەن بالالار ىستەرىنىڭ دامۋىن تىڭ ساتىعا كوتەرۋدى پارمەندى كەپىلمەن قامداۋ كەرەك. قىزمەت جاۋاپكەرلىگىن ايقىنداپ، ۇكىمەتتىڭ سۋبيەكتتىك جاۋاپكەرلىگىن كۇشەيتۋ؛ جەر - جەر، تاراۋلار ايەلدەر مەن بالالار قىزمەتىن ناقتى قىزمەت مىندەتتەر بارىسىندا تياناقتاندىرىپ، مۇشە ورىندار بەلسەندى ىرىقتىلىعىن تولىق ساۋلەلەندىرىپ، تىعىز سايكەسىپ، قىزمەتتىڭ مىعىم بىرىككەن كۇشىن ۇيىستىرۋ؛ قاتىستى تاراۋلار جاماعات پىكىر بەتالىسىن يگەرىپ، جاماعات پىكىرى ارقىلى جەتەكشىلىك ەتۋدى كۇشەيتىپ، «ۇلتتار ىنتىماعىنىڭ بەرەكەلى شاڭىراعى» قيمىلىمەن ۇشتاستىرىپ، بۇكىل قوعامدا ايەلدەردى قۇرمەتتەيتىن، بالالاردى قورعايتىن تاماشا ورتانىڭ قالىپتاسۋىن ۇزبەي ىلگەرىلەتۋ كەرەك. ءماجىلىس اۆتونوميالى رايوندىق وقۋ - اعارتۋ مەڭگەرمەسى نەگىزدىك وقىتۋ باسقارماسى سياقتى 100 ورىن مەن لياڭ نيڭ قاتارلى اۆتونوميالى رايوننىڭ ايەلدەر مەن بالالار ىستەرىن دامىتۋ پروگرامماسىن اتقارۋداعى وزات 200 كوللەكتيۆ پەن جەكەنى ماداقتاپ - سيلادى.

  اۆتونوميالى رايوندىق پارتكومنىڭ تۇراقتى مۇشەسى سارقىت اقان ۇلى ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.