شەشۋشى شايقاستىڭ شەشۋشى جەڭىسىنە جاپپاي قول جەتكىزەيىك
− قۇرىش قورعان سوعىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جەڭىسىنە كۇش سالا قول جەتكىزۋ تۋرالى (1)
شينجياڭ گازەتىنىڭ شولۋشىسى
2017.02.28 15:00
اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى 27-اقپان كۇنى ۇرىمجىدە وتكىزىلدى، بۇل بۇكىل رايونىمىزداعى ءار ۇلت كادر-بۇقاراسىنىڭ قوعام ورنىقتىلىعى مەن باياندى تىنىشتىق باس نىساناسىن بۇلجىماي جۇزەگە اسىرۋداي باتىل بەكىمىن اشىق اڭعارتىپ، ورنىقتىلىقتى قورعاۋشى كۇشتەردىڭ ادال دا، ەرجۇرەك، مۇقالماس-قايسار، باتىل شايقاس جۇرگىزىپ، ءسوزسىز، جەڭەتىن قۇدىرەتتى جاۋىنگەرلىك قۋاتىن كورسەتىپ، شينجياڭداعى ءار ۇلت حالقىنىڭ دۇسپانعا تەگىس كەكتەنۋ، زورلىقتى كۇش لاڭكەستەردى باتىل جەڭۋدەي ورتاق تىلەگىن ايگىلەپ، بۇكىل رايونىمىزداعى ءار ۇلت كادر-بۇقاراسىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا جۇدىرىقتاي جۇمىلىپ، بەرىك قامال سوعىپ، لاڭكەستىككە قارسى تۇرىپ ورنىقتىلىقتى قورعاۋ كۇرەسىن كۇش سالا جەڭىسپەن جۇرگىزۋگە ونان ارى جۇمىلدىردى.
لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى __ باس نىسانانى تياناقتاندىرۋدىڭ، ورنىقتىلىقتى قورعاۋدىڭ بىرىككەن كۇشىن ۇيىستىرۋدىڭ، زورلىقتى كۇش لاڭكەستىك ارەكەتتەرىنە سوققى بەرۋدىڭ سالتاناتتى سەرتى. قارۋلى ساقشى كوماندير-جاۋىنگەرلەرى، قوعام حاۋىپسىزدىگى حالىق ساقشىلارى، زاپاستاعى حالىق جاساقتارى سياقتى ورنىقتىلىقتى قورعاۋشى كۇشتەردەن 10 مىڭ ادامدىق قوسىن مىلتىق، قالقاندارىن سەرت ۇستاپ، رەتتى ساپ تۇزەپ قاسقايىپ تۇردى، اسپاندا تىك ۇشاقتار زۋلاپ، اسكەري اۆتوموبيلدەر، ساۋىتتى اۆتوموبيلدەر، موتوتسيكلدەر ساپ تۇزەپ جورىققا ساقاداي سايلانىپ، اۆتونوميالى رايوندىق پارتكومنىڭ شي جينپيڭ جٶلداستى ۇيىتقى ەتكەن پارتيا ورتالىق كوميتەتىنىڭ شينجياڭدى جٶنگە سالۋ جالپى جوباسىن مىزعىماي دايەكتىلەندىرەتىن ايقىن پوزيتسياسى، «ءۇش ءتۇرلى كۇشكە» مىزعىماي سوققى بەرەتىن بەرىك جىگەرى، شينجياڭنىڭ قوعام ورنىقتىلىعىن، حالىقتىڭ باس اماندىعى مەن مال-مۇلىك حاۋىپسىزدىگىن مىزعىماي قورعايتىن باتىل سەنىمى مەن بورىشتى ارقالايتىندىعى جٶنىندە پارمەندى سەرت بەردى. سونىمەن بىرگە، زورلىقتى كۇش، لاڭكەستىك مايدانىندا توڭمويىندىقپەن قاسارىسقان اتتوبەلىندەي جاۋ ەلەمەنتتەرىنە قوعام ورنىقتىلىعى مەن باياندى تىنىشتىق باس نىساناسىنىڭ دۇرىس جەتەكشىلىگىندە، پارتيا، ۇكىمەت، ارميا، ساقشى، بيڭتۋان، حالىقتىڭ سايكەسە قيمىلداۋىندا، ءار ۇلت كادرلارى مەن بۇقاراسىنىڭ جاۋعا تۇگەل تۇيىلۋىندە، حالىقتىق دەموكراتيا-ديكتاتۋرانىڭ قۇدىرەتتى اياۋسىز سوققىسىندا، مەملەكەتتى بولشەكتەۋگە، حالىقپەن جاۋلاسۋعا ۇرىنعان ءارقانداي ءىس-ارەكەتتىڭ، ءسوزسىز، تۇبەگەيلى جەڭىلىسكە ۇشىرايتىندىعىن قاتاڭ ەسكەرتتى.
لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى زورلىقتى كۇش، لاڭكەستەرىنە جاپپاي شابۋىلدى باستاعان سوعىستىق جۇمىلدىرۋ. زورلىقتى كۇش، لاڭكەستەرى ءار ۇلت حالقىنىڭ ورتاق جاۋى، بۇل الاپات الاستالماسا، شينجياڭدا تىنىشتىق ورناۋى قيىن. تاياۋدا، تۇتاس رايونىمىزدىڭ لاڭكەستىككە قارسى تۇرىپ، ورنىقتىلىقتى قورعاۋداعى ۇدايىلىلانعان قاتاڭ سوققى بەرۋ جاعدايىندا زورلىقتى كۇش، لاڭكەستەرى بارار جەر، باسار تاۋى قالماي، تۇيىققا تىرەلگەندە جاۋىزدىققا باسىپ، ءار ۇلت حالىق بۇقاراسىنىڭ باس اماندىعى مەن مال-مۇلىك حاۋىپسىزدىگىن اۋىر زياندادى.
بۇل زورلىقتى كۇش، لاڭكەستىك قيمىلىنىڭ ءالى دە كەزەكتە شينجياڭنىڭ ورنىقتىلىعىنا ىقپال كورسەتەتىن ەڭ ۇلكەن رەال حاۋىپ ەكەندىگىن، لاڭكەستىككە قارسى تۇرىپ، ورنىقتىلىقتى قورعاۋ قىزمەتىن ءارقانداي كەزدە تيتتەي دە بوساڭسىتۋعا كەلمەيتىندىگىن تۇسىندىرەدى. تۇتاس رايونىمىزدىڭ جەر-جەرى شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ جاعدايىنىڭ قاتاڭدىعىن، كۇردەلىلىگىن، ۇزاق ۋاقىتتىلىعىن، زورلىقتى كۇش، لاڭكەستەرىنىڭ ادامزاتقا، قوعامعا، وركەنيەتكە قارسى جاۋىزدىق كەسپىرىن تەرەڭ تانىپ، ساياسي تاباندىلىقتى، ستراتەگيالىق تاباندىلىقتى قاي-قاشان دا ساقتاپ، ساقتىق دابىلىن قاعىپ، قاي-قاشان دا قىراعى بولىپ، قارۋ-جاراقتى سەرت ۇستاپ، نايزانى جاستانىپ جاتىپ، جاۋ كۇشتەرىنە جانە بولشەكتەۋشىلەرگە ءارقانداي ۇرىنار وراي قالدىرماي، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ ىرىقتىلىق ۇقىعىن، جەتەكشىلىك ۇقىعىن، شەشۋشى جەڭىس ۇقىعىن مىقتاپ يگەرۋى كەرەك.لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ ايبىندى سەرتى. «پارتيانىڭ قولباسشىلىعىنا بويسۇنىپ، سوعىستا جەڭىسكە جەتىپ، تاڭداۋلى ءداستۇردى ۇستانۋ!» ايبىندى سەرتى ورنىقتىلىقتى قورعاۋ كۇشتەرىنىڭ شەشۋشى شايقاستىڭ شەشۋشى جەڭىسىنە قول جەتكىزۋدەگى بەكىمى مەن سەنىمىن ايگىلەدى. لاڭكەستىككە قارسى تۇرىپ، ورنىقتىلىقتى قورعاۋ كۇرەسى بولشەكتەۋشىلىككە قارسى تۇرۋداعى، كەۋلەپ كىرۋگە قارسى تۇرۋداعى، قۇلاتۋعا قارسى تۇرۋداعى قاتاڭ ساياسي كۇرەس، سول ءۇشىن، شەشۋشى شايقاستىڭ شەشۋشى جەڭىسىنە، ءسوزسىز، قول جەتكىزۋ كەرەك. ورنىقتىلىقتى قورعاۋشى كۇشتەر پارتيا ورتالىق كوميتەتىنىڭ، باس شۋجي شي جينپيڭنىڭ كەلەلى تاپسىرماسىن، ءار ۇلت بۇقاراسىنىڭ كوكەيتەستى تىلەگىن قاي - قاشان دا ەستە بەرىك ساقتاپ، ءار ۇلت حالىق بۇقاراسىنىڭ مۇڭ - مۇقتاجىن، باس اماندىعىن جانە مال - مۇلىك حاۋىپسىزدىگىن كوكەيلەرىندە ساقتاپ، پارتياعا، مەملەكەتكە ءوزىن ارناۋ، پارتيانىڭ، مەملەكەتتىڭ ءۇمىتىن اقتاۋ ورەسى مەن ىنتاسىن ساقتاپ، ايبىندى سەرتتى ىستىق قاندارى مەن ادالدىقتارى ارقىلى امالياتتا ايگىلەۋى كەرەك. تۇتاس رايونىمىزداعى پارتيا، ۇكىمەت، ارميا، ساقشى، بيڭتۋان، حالىق شىن پەيىلىمەن ىنتىماقتاسىپ، بەرىك قامال سوعىپ، قاتاڭ شەپ تۇزەپ، ساقاداي ساي تۇرىپ، مىلتىقتىڭ تاڭدايىنا وق سالىپ، سەمسەردى قىنىنان سۋىرىپ، وتاندى بولشەكتەۋ قيمىلدارىمەن شۇعىلداناتىن، وتان تۇتاستىعىنىڭ، مەملەكەت حاۋىپسىزدىگىنىڭ، ۇلتتار ىنتىماعىنىڭ، قوعام ورنىقتىلىعىنىڭ تومەنگى شەگىنە سوقتىعاتىن زورلىقتى كۇش، لاڭكەستىك توپتارىنا جانە زورلىقتى كۇش لاڭكەستەرىنە قاراتا قاتاڭ سوققى بەرۋدىڭ تەگەۋرىندى كۇيىن باستان - اياق ساقتاپ، قوعامدىق جالپى جاعدايدىڭ تۇلعالىق ورنىقتىلىعىنىڭ جاڭا ناتيجەسى، جاڭا لەبى ارقىلى مەملەكەتتىك ەكى ءماجىلىس پەن پارتيا 19-قۇرىلتايىنىڭ جەڭىسپەن اشىلۋىنا تاماشا راي قالىپتاستىرۋ كەرەك.
ادىلەتتىلىك پەن جاۋىزدىق، جارىق پەن قاراڭعىلىق، العاباسارلىق پەن كەرتارتپاشىلىق اراسىنداعى شەشۋشى شايقاستا، ءبىز ادىلەتتىلىكتىڭ، ءسوزسىز، جەڭىسكە جەتەتىندىگىنە، بەيبىتشىلىكتىڭ، ءسوزسىز، جەڭىسكە جەتەتىندىگىنە، حالىقتىڭ، ءسوزسىز، جەڭىسكە جەتەتىندىگىنە كامىل سەنەمىز.
كەلۋ قاينارى: حۋيۇي تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
