«ءۇش ءتۇرلى كۇشپەن» باتىل كۇرەس جۇرگىزۋ _ قارت كادرلاردىڭ باس تارتپاس جاۋاپكەرلىگى
وبلىستىق حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى، اۆتونوميالى رايوننىڭ «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا قۇلجا اۋدانىندا تۇراتىن باقىلاۋ–جەتەكشىلىك ەتۋ گرۋپپاسىنىڭ باستىعى راشيدەن زىكىريا
2017.05.16 14:42
مەن 2013–جىلى ماۋسىمدا وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلىك مىندەتىنەن دەمالىسقا شىققان قارت كادرمىن. مەن قاراپايىم ديقان وتباسىندا دۇنيەگە كەلىپ، ۇزاق ۋاقىت پارتيانىڭ تاربيەسى مەن قامقورلىعىندا ەسەيىپ ەرجەتكەم. اتا–انام قاراپايىم ديقان بولسا دا جۇڭگو كوممۋنيستىك پارتياسىنا تەرەڭ سۇيىسپەنشىلىك ورناتقان، بىزگە ۇنەمى پارتيانى، وتاندى، اتا مەكەندى قىزۋ ءسۇيۋدى، ۇلتتار ىنتىماعىن قاستەرلەپ، پارتيانىڭ مەيىر–شاپاعاتىنا، باي–باقىتتى قوعامعا العىس ايتۋ جونىندە تاربيە بەرەتىن. مەن مىنانى تەرەڭ سەزىنىپ جەتتىم: بۇل اتا–انامىزدىڭ بىزگە قالدىرعان باعالى رۋحاني بايلىعى مەن باعا جەتپەس اسىلى ەكەن.
تاريحقا كوز جىبەرەر بولساق ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا ادامدى ەزىپ – قانايتىن، ەركىندىكتەن ايىرعان قارا تۇنەك قوعامنان قۇتىلىپ، ازاتتىقتىڭ ارايلى تاڭىن قارسى الىپ، باقىتتى تۇرمىسقا كەنەلدى. اتا–بابالارىمىزدىڭ «جۇڭگو كوممۋنيستىك پارتياسى جاساسىن! ءار ۇلت حالقىنىڭ ۇلى ىنتىماعى جاساسىن!» دەپ شىن جۇرەكتەن ۇرانداۋى بەكەر ەمەس. رەفورما جاساپ، ەسىك اشقاننان بەرى ەلىمىز بارىنشا گۇلدەنىپ–كوركەيىپ، دۇنيە ءجۇزى بويىنشا 2–ءىرى ەكونوميكالىق تۇلعاعا اينالدى. ءار ۇلت حالقى رەفورما مەن دامۋ جەتىستىكتەرىنەن يگىلىكتەنىپ، ءوندىرىسى مەن تۇرمىسىندا وراسان زور وزگەرىستەر تۋىلدى. اقيقات مىنانى دالەلدەدى:«جۇڭگو كوممۋنيستىك پارتياسى بولمايىنشا، جاڭا جۇڭگو بولماق ەمەس، ءار ۇلت حالقىنىڭ ۇلى ىنتىماعى بولمايىنشا تىنىش تا جاراسىمدى قوعام بولماق ەمەس».
بۇگىنگى تاڭدا شي جينپيڭ جولداستى ۇيتقى ەتكەن پارتيا ورتالىق كوميتەتى باستان–اياق شينجياڭ قىزمەتىنە وسكەلەڭ ءمان بەرىپ، شينجياڭداعى ءار ۇلت بۇقاراسىنا ايرىقشا كوڭىل ءبولىپ كەلەدى. ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ اشىلۋى، 19 ولكە، قالانىڭ شينجياڭنىڭ قۇرىلىس ىستەرىنە باعىتتامالى كومەك بەرۋى، ءبىرقىدىرۋ حالىق تۇرمىسى ينجەنەرياسى سياقتىلار شينجياڭنىڭ دامۋىن تەزدەتىپ، پارتيا مەن مەملەكەتتىڭ شينجياڭداعى ءار ۇلت بۇقاراسىنا بولعان شىنايى قامقورلىعىن ايگىلەدى. ىلەدە تۇتاس شينجياڭمەن ۇقساس وراسان وزگەرىستەر تۋىلدى. مەن شارۋالاردىڭ ءتۇرلى اۋىرتپالىقتان ارىلىپ ءتۇرلى قوسىمشا قاراجاتتان يگىلىكتەنگەنىن، كونە تام ۇيدەن ساياجايدان قالىسپايتىن بەيقۇت ۇيگە كوشىپ كىرگەنىن، بۇرىنعى توپىراق جولداردىڭ جارقىرعان اسفالت كوشەلەرگە وزگەرگەنىن، بۇرىنعى 600 يۋاندىق جان باسىندىق كىرىستىڭ قازىرگى 10 مىڭ يۋاننان اسقانىن، تامنان سوعىلعان كونە مەكتەپتەردىڭ قازىر كەڭ دە جارىق عيماراتقا كوشىپ كىرگەنىن، بۇرىن وقۋشىلار تۇسكى تاماق رەتىندە نان جەسە، ال قازىر مەكتەپ اسحاناسىنان ءدامدى تاعامدار جەي العانىن، سونداي–اق ءار ۇلت حالقىنىڭ وسى وزگەرىستەن يگىلىكتەنىپ، باقىتتى تۇرمىس كەشىرگەنىنە ءوز كوزىممەن كۋا بولدىم. «سۋ ىشكەندە قۇدىق قازۋشىنى ۇمىتپا» دەگەندەي بارلىعىمىز پارتياعا، وتانعا شەكسىز العىس ايتۋىمىز كەرەك.
الايدا جاقىنعى جىلداردان بەرى تۋىلعان لاكڭەستىك ۋاقيعالار ءبىزدى قاتتى اشىندىردى. اتا–بابالارىمىزدىڭ تۇسىنە دە كىرمەگەن باقىتتى كۇنىمىز «ءۇش ءتۇرلى كۇشتىڭ» لاڭىنا تاپ بولدى، ولار ۇيعۇر ۇلتى بۇقاراسىن الجاستىرىپ، ۇلتتىق ارازدىق تۋدىرىپ، ۇلتtىق بولشەكتەۋشىلىككە جەلىكتىرىپ، لاڭكەستىك ارەكەتتەردى جاپپاي ورىستەتتى، ولار ءسىرا كىمنىڭ مۇددەسىنە ۋاكىلدىك ەتەدى؟ نىساناسى نە؟ ءدىني ۇشقارىلىقتىڭ الجاستىرۋىنا ۇشىراعان كوپتەگەن باۋىرلاستار وزدەرىنىڭ قالايدان–قالاي «ءۇش ءتۇرلى كۇشتىڭ» قولشوقپارىنا اينالىپ قالعانىن، ءوزىنىڭ زاڭعا قايشىلىق ىستەگەنىن، اۋەلى ءسىلامنىڭ ءدىن قاعيداسىنا جات ىستەرمەن اينالىسقانىن دا انىقتاپ بىلمەيدى.
ءدىني ۇشقارى يدەيامەن ۋلانىپ، پارتيا مەن ۇكىمەتتىڭ دۇرىس ساياساتىن قابىلداعاندى قويىپ، وزدەرىنىڭ اكە–شەشەلەرىنىڭ جاساعان تاماعىن دا جەمەيدى، «حالال بولماسا ناعىز مۇسىلمان ەمەس» دەگەن سياقتى ۇشقارى يدەيانى كۇشپەن ۇگىتتەپ، جاقىندارىمەن جاۋلاسۋعا دەيىن باردى. ولاردىڭ لوگيكاسى بويىنشا ناعىز مۇسىلمان بولۋ ءۇشىن اكە–شەشەدەن، ۇلتتىق سالت–داستۇردەن بەزىپ، بالانى مەكتەپكە وقىتپاي، ايەلدەر مەن قىزداردى كوشەگە قىدىرتپاي، جۇمىس ىستەتپەي، باسقالارمەن قارىم–قاتىناس جاساتپاي، ءارقانداي قيمىلعا قاتىناستىرماۋ كەرەك. ولار بۇلاي بولعاندا ىشەر اس، كيەر كيىمدى كىم بەرەتىنىن ويلاپ كوردىمە؟ بۇل لاڭكەستەر ۇيعۇر ۇلتىنا ۋاكىلدىك ەتپەگەنىمەن، ءبىزدىڭ ءاربىر ۇيعۇر باۋىرلاس، ءسوزسىز، ماسەلەگە بەتپە–بەت كەلىپ، تۋرا قاراپ، سەرگەك بولۋى كەرەك.
شينجياڭ «ءۇش مەزگىل قاباتتاسقان» شەشۋشى جاعدايدا تۇرعان قازىرگى كەزدە ءبىز ۇيعۇر ۇلتىنان شىققان ءاربىر پارتيالى كادر مەيلى قىزمەتتەگىلەر بولايىق، مەيلى دەمالىستاعىلارىمىز بولسىن جاۋاپكەرشىلىكتى باتىل ارقالاپ، ساياسي مايداندا بەرىك تۇرىپ، كەۋدە كەرە العا شىعىپ، باتىل ءۇن قاتىپ، ۇلتتار ىنتىماعىن جانە وتان تۇتاستىعىن قورعاۋداعى، «ءۇش ءتۇرلى كۇشپەن» كۇرەستەگى سەنىمىمىز بەن بەكىمىمىزدى ايتىپ، اڭگىمەلەپ باتىل بەينەلەۋىمىز كەرەك.
ءبىز «ءۇش ءتۇرلى كۇشتىڭ» قاسكۇنەمدىگىن، جيىركەنىشتى كەيىپ–كەسپىرىن جانە ساياسي پيعىلىن بارىنشا اشكەرەلەۋىمىز كەرەك. «پانتۋركيزم»، «پانسلاميزمنىڭ» جانە ۇلتتىق بولشەكتەۋشىلەردىڭ شىنايى حاۋپىن شىنايى اشكەرەلەپ، قالىڭ كادر جۇرتشىلىعىنا «ءۇش ءتۇرلى كۇشتىڭ» ەشقانداي ءدىننىڭ قورعاۋشىسى ەمەس، قايتا ءسىلام ءدىنىنىڭ ازعىندارى، ۇيعۇر ۇلتىنىڭ ءارى بۇكىل جۇڭحۋا ۇلتتارىنىڭ دۇشپانى ەكەنىن ايقىن ۇعىندىرۋىمىز كەرەك.
ۇزاق جىل پارتيانىڭ باۋلۋى مەن تاربيەسىندە بولعان پارتيالى ءاربىر ۇيعۇر قارتىندا، قارت كادرلارىندا مول ءىس جۇزىندىك تاجىريبە جانە بۇقارالىق سۇيىسپەنشىلىك بار، بۇقارا ولاردىڭ ءسوزىن تىڭدايدى، ولاردىڭ بۇقارالىق قىزمەتكە ەرەكشە يكەمى بار. ءبىز ءسوزسىز ساياسي مىندەتتە جۇرەكتى بولىپ، جاۋاپكەرشىلىكتى باتىل ارقالاپ، تۇرعىمىزدى بەرىك ساقتاپ، ايقىن پوزيتسيا ءبىلدىرىپ، پارتيا مەن ۇكىمەتتىڭ قامقورلىعىن، ۇلتتار ىنتىماعى مەن قوعام ورنىقتىلىعىنىڭ ماڭىزدىلىعىن، باقىتتى تۇرمىستىڭ قادىرىن ءناسيحاتتاپ، ءار ۇلت كادرلارى مەن بۇقاراسىن شىن جۇرەكتەن پارتياعا العىس ايتۋعا، پارتياعا قۇلاق اسۋعا، پارتياعا ىلەسۋگە باستاۋىمىز كەرەك. باتىل ءۇن قاتۋعا بارىمىزدى سالا كىرىسىپ، «ءۇش ءتۇرلى كۇشتىڭ» جيىركەنىشتى كەسپىرىن اشىپ، ولارمەن باتىل سايىس جاساپ، ۇلتىمىز ۇرپاقتارىن بۇدان كەيىن «ءۇش ءتۇرلى كۇشتىڭ» قۇربانى بولعىزباۋىمىز، ۇرپاقتاردى كوز الدىمىزدا قارا تۇنەككە، بارسا كەلمەسكە جىبەرمەۋىمىز قاجەت.
ازامات رەتىندە مەن «بەس تانىم» مەن «ءۇشتىڭ ءبىر–بىرىنەن ايىرىلا الماۋىن» ۇستانىم ەتىپ، ۇلگىلىك رولىمدى تاباندى تۇردە ساۋلەلەندىرىپ، «ۇعىسۋ، تيىمدىلىك جاساۋ، توعىستىرۋ» قيمىلىن قىستاقتا تۇرىپ باقىلاۋ قىزمەتىمەن، «ءۇشتى ءسۇيۋ، ۇشكە قارسى تۇرۋ» تاربيە قيمىلىمەن ۇشتاستىرىپ، قايدا بارسام دا ايتۋدان، ۇگىتتەۋدەن تانباي، ۇيعۇر ۇلتىنان شىققان پارتيالى قارت كادر رەتىندە قارت كادردىڭ پارتيا مەن ۇكىمەتكە دەگەن ادال ءۇنىن ءاربىر قىزمەت اترەتىنە، قىستاققا، ءاربىر وتباسىنا جەتكىزىپ، بۇقارالىق قىزمەتتى شىن نيەتىممەن بەرىلە ىستەيمىن.
شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن بەكەم جۇزەگە اسىرۋ _ ءبىزدىڭ دەمالىسقا شىققاننان كەيىن دە بۇكىل ىنتا–پەيىلىمىزدى، كۇش–قايراتىمىزدى ارنايتىن، تىرشىلىگىمىزدەگى ەڭ كەلەلى، ەڭ تۋرا ءبىر ءىسىمىز بولماق.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
