«شەكسىز اسپاندا بىرگە شارىقتايمىز»
__ ءتوراعا شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناسقانى جونىندە
2017.05.17 15:51 كەلۋ قاينارى : حالىق تورابى
2017 – جىلى 14 – مامىردان 15 – مامىرعا دەيىن مەملەكەت ءتوراعاسى شي جينپيڭ بەيجيڭدە «ءبىر بەلدەۋ، ءبىر جول» حالىقارالىق سەلبەستىك فورۋمىنا قاتىناستى ءارى باسشىلاردىڭ دوڭگەلەك ۇستەل ءماجىلىسىن باسقارىپ اشتى، دۇنيە ءجۇزىنىڭ جاعدايى مەن ادامزات تاعدىرى جونىنەن بارلاۋ جۇرگىزىپ، وي جۇگىرتىپ، ماجىلىسكە قاتىناسۋشىلارمەن بىرگە «ءبىر بەلدەۋ، ءبىر جول» قۇرىلىسى سەلبەستىگىنىڭ ۇلى جوسپارىن اقىلداسىپ، ادامزاتتىڭ تاعدىرلاس ورتاق تۇلعاسىنىڭ كوركەم كارتيناسىن بىرگە سالدى.
14 – مامىر تۇستەن بۇرىن حالىقارالىق ءماجىلىس ورتالىعىندا «ءبىر بەلدەۋ، ءبىر جول» حالىقارالىق سەلبەستىك فورۋمى باستالدى. ءتوراعا شي جينپيڭ ارقاۋ لەكسيا جاساپ، ادامزات جونىنەن تولعانىپ، دۇنيە جۇزىنە نازار سالىپ، تاريحتان سىر شەرتىپ، بۇگىنگى جاعدايدى ءسوز ەتتى، ءماجىلىس جالىندى بەينەگە شومدى.1600 دەن استام ادام سياتىن ءماجىلىس زالىندا ينە شانشار جەر قالمادى. 40 مينۋتتان استام جاسالعان لەكسيادا تۇتاس الاڭدا 27 رەت قىزۋ قول شاپالاق ءۇنى كوتەرىلدى.
ءتوراعا شي جينپيڭنىڭ تەرەڭ تولعامى، ايبىندى دارىپتەمەسى، قىزمەتتى ناقتى ىلگەرىلەتۋى «ءبىر بەلدەۋ، ءبىر جول» قۇرىلىسىندا قوماقتى ناتيجەگە قول جەتكىزىلۋىنە جەبەۋشى بولىپ، ماجىلىسكە ءار سالادان كەلىپ قاتىناسقان سيلى قوناقتاردىڭ ايرىقشا القاۋىنا يە بولدى.
مەديالار باعا بەرىپ بىلاي دەدى: ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ بەيجيڭدەگى ءماجىلىسى، 20 ەل توبىنىڭ حاڭجوۋداعى باسشىلار ءماجىلىسى جۇڭگونىڭ وڭىرلىك سەلبەستىك تەكشەسىندەگى نەگىزگى ورنىن كورنەكتىلەندىردى دەسەك، جۇڭگو وتكىزگەن «ءبىر بەلدەۋ، ءبىر جول» حالىقارالىق سەلبەستىك فورۋمىن شىن مانىندەگى «جۇڭگو ماركاسى» دەۋگە بولادى.2013 – جىلى كۇزدە ءتوراعا شي جينپيڭ «ءبىر بەلدەۋ، ءبىر جول» دارىپتەمەسىن رەسمي ورتاعا قويدى.
دارىپتەمە كوزقاراستان ارەكەتكە، بولاشاق جوسپاردان رەالدىققا اينالدى.
4 جىلدان بەرى دۇنيە جۇزىندەگى 100 نەشە مەملەكەت پەن حالىقارالىق ۇيىم «ءبىر بەلدەۋ، ءبىر جول» قۇرىلىسىن بەلسەندى قولدادى جانە ات سالىستى، ب م ۇ قۇرىلتايى، ب م ۇ - نىڭ حاۋىپسىزدىك القالار كەڭەسى سياقتىلاردىڭ ماڭىزدى قاۋلىلارىنا دا «ءبىر بەلدەۋ، ءبىر جول» قۇرىلىسى جونىندەگى مازمۇندار ەنگىزىلدى.
جاڭا جىل باستالعان مەزگىل، شۆەتساريانىڭ داۆوس قالاسى. ءتوراعا شي جينپيڭ دۇنيە جۇزىلىك ەكونوميكالىق تالقى مىنبەسىندە «ءداۋىر جاۋاپكەرلىگىن جۇمىلا كوتەرىپ، عالامدىق دامۋدى قاتار ىلگەرىلەتەيىك» دەگەن تاقىرىپتا ارقاۋ لەكسيا جاساپ، ستراتەگيالىق باعدار نۇسقادى ءارى مىنانى جاريالادى: بيىل مامىردا جۇڭگو بەيجيڭدە «ءبىر بەلدەۋ، ءبىر جول» حالىقارالىق سەلبەستىك فورۋمىن وتكىزىپ، سەلبەستىكتىڭ ۇلى جوسپارىن اقىلداسىپ، سەلبەستىك تۇعىرىن بىرگە قالاسىپ، سەلبەستىك جەمىسىن بولىسەدى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
