بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

وسى رەتكى ءماجىلىستىڭ ءمانىن جەتە تانۋ كەرەك

− شينجياڭعا باعىتتامالى كومەكتەسۋ قىزمەتىندە تىنباي تىڭ جاعداي اشايىق (1)

2017.07.13 14:05     كەلۋ قاينارى : ءتاڭىرتاۋ تورابى

  يدەيا − ارەكەتتىڭ جەتەكشىسى، يدەيالىق تانىمدى جوعارىلاتۋ − بارلىق قىزمەتتى ويداعىداي ىستەۋدىڭ العى شارتى. شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسى كەلەر ساتىداعى شينجياڭعا كومەكتەسۋ قىزمەتىن ويداعىداي ىستەۋگە ورنالاستىرۋ جاساپ، ايقىن تالاپ قويدى. ال ءماجىلىستىڭ رۋحىن دايەكتىلەندىرۋدىڭ، تياناقتاندىرۋدىڭ العى شارتى مەن تەتىگى − وسى رەتكى ءماجىلىستىڭ كەلەلى ءمانىن جەتە تانىپ، مۇقيات ۇيرەنىپ، ىشكەرىلەي ءتۇسىنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن جانە شينجياڭعا كومەكتەسۋ قىزمەتىنىڭ شەشىم، ورنالاستىرۋلارىمەن بىرلىككە كەلتىرىپ، تاماشا كۇيمەن جانە ناقتى ارەكەتپەن شينجياڭعا باعىتتامالى كومەكتەسۋ قىزمەتىندە تىنباي تىڭ جاعداي اشۋدى ىلگەرىلەتۋگە قۇلشىنۋ كەرەك.

  پارتيا 19 - قۇرىلتايى جەڭىسپەن اشىلۋ قارساڭىنداعى شەشۋشى ساتتە، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدەي شەشۋشى ساتتە، شينجياڭعا باعىتتامالى كومەكتەسۋ قىزمەتىنە 20 جىل تولۋداي ماڭىزدى كەزەڭدە پارتيا ورتالىق كوميتەتى، مەملەكەتتىك كەڭەس اشقان شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسى بۇرىنعىعا مۇراگەر، كەيىنگىگە بۇيداگەر بولاتىن، ءورىس اشا العا ىلگەرىلەگەن ماڭىزدى ءماجىلىس بولدى. ءماجىلىس باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي دايەكتىلەندىردى، پارتيا ورتالىق كوميتەتىنىڭ شينجياڭ قىزمەتى جونىندەگى ماڭىزدى شەشىمدەرىن، ورنالاستىرۋلارىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن مۇقيات دايەكتىلەندىردى، تياناقتاندىردى، 20 جىلدان بەرگى، وتە - موتە، پارتيا 18 - قۇرىلتايىنان بەرگى شينجياڭعا باعىتتامالى كومەكتەسۋ قىزمەتىندە قول جەتكىزگەن كورنەكتى ناتيجەلەردى تولىق تۇراقتاندىردى، شينجياڭعا كومەكتەسۋ قىزمەتىندە توپتالعان باعالى تاجىريبەلەردى جۇيەلى قورىتىندىلادى، شينجياڭ قىزمەتى ءدوپ كەلگەن جاڭا جاعدايعا ىشكەرىلەي تالداۋ جاسادى، شينجياڭعا باعىتتامالى كومەكتەسۋ قىزمەتىنىڭ ماڭىزدى مىندەتتەرىن ايقىن ورنالاستىردى، بۇل كۇشتى جەتەكشىلىك سيپاتقا جانە باعىتتامالىلىق سيپاتقا يە، شينجياڭ قىزمەتىن جاقسى ىستەۋدە، اسىرەسە، شينجياڭعا باعىتتامالى كومەكتەسۋ قىزمەتىن جاقسى ىستەۋدە كەلەلى ءارى ۇزاق بولاشاقتىق ءمان الادى.

  وسى رەتكى ءماجىلىستىڭ اشىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرەتىندىگىن جانە ىقىلاستى قامقورلىعىن تولىق ايگىلەدى. شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. پارتيا ورتالىق كوميتەتى ەجەلدەن بەرى شينجياڭ قىزمەتىنە وسكەلەڭ ءمان بەرىپ كەلەدى، ءاربىر تاريحي كەزەڭدە ىركەس - تىركەس ءبىر قىدىرۋ كەلەلى شەشىم جانە ورنالاستىرۋ جاساپ، پارتيانىڭ شينجياڭدى جونگە سالۋ جالپى جوباسىنىڭ مازمۇنىن ۇزبەي بايىتىپ، شينجياڭ قىزمەتىنە باعىت ايقىنداپ بەردى. اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن اشىپ، شينجياڭعا باعىتتامالى كومەكتەسۋ − مەملەكەتتىك ستراتەگيا، وعان، ءسوز جوق، ۇزاق ۋاقىت تاباندى بولۋ كەرەك دەپ ايقىن العا قويدى ءارى شينجياڭ قىزمەتىن جاقسى ىستەۋگە جاپپاي ورنالاستىرۋ جاسادى. شينجياڭنىڭ رەفورما، دامۋ، ورنىقتىلىق ىستەرىنىڭ ءاربىر تابىستارى مەن العا باسۋى تۇگەلدەي پارتيا ورتالىق كوميتەتىنىڭ پارمەندى باسشىلىعىندا قولعا كەلگەن، تۇگەلدەي بۇكىل شينجياڭداعى ءار دارەجەلى پارتيا ۇيىمدارىنىڭ جالپى پارتيا مۇشەلەرى مەن كادرلاردى، بۇقارانى باستاپ، ىنتىماقتاسا كۇرەس جاساۋىنىڭ ناتيجەسى دەۋگە بولادى. وسى تۇرعىدان 20 جىلدىق شۇعىلالى بەلەستى باسىنان وتكىزگەن شينجياڭعا باعىتتامالى كومەكتەسۋ قىزمەتىنە قاراساق، ول جۇڭگو كوممۋنيستىك پارتياسىنىڭ باسشىلىعىندا ەلىمىزدەگى ۇلتتاردىڭ بىرگە ىنتىماقتاسا كۇرەسۋىنىڭ، ورتاق گۇلدەنىپ، دامۋىنىڭ جاندى امالياتى، سوتسياليستىك ءتۇزىمنىڭ كۇشتى شوعىرلاندىرىپ، ءىرى ءىس تىندىرۋداي ارتىقشىلىعىنىڭ ەڭ جاقسى تۇسىندىرمەسى بولماق.

  وسى رەتكى ءماجىلىستىڭ اشىلۋى پارتيا ورتالىق كوميتەتىنىڭ شينجياڭ قىزمەتىنە سەنەتىندىگىن جانە ونى تۇراقتاندىرعاندىعىن، شينجياڭ قىزمەتىنە قولداۋ كورسەتىپ، شابىت بەرەتىندىگىن تولىق ايگىلەدى. 20 جىلدان بەرى، ورتالىق شينجياڭعا باعىتتامالى كومەكتەسۋ قىزمەتى جونىندە ىلگەرىندى - كەيىندى 6 رەت ءماجىلىس اشتى، الايدا، بۇل ءماجىلىستىڭ شينجياڭدا اشىلۋى تۇڭعىش رەت. وسى رەتكى ءماجىلىس پارتيا مەن مەملەكەت قىزمەتى جالپى جاعدايىنىڭ ستراتەگيالىق تۇرعىسىندا تۇرىپ، 20 جىلدان بەرگى شينجياڭعا باعىتتامالى كومەكتەسۋ قىزمەتىندە قول جەتكىزگەن كورنەكتى ناتيجەلەردى تولىق تۇراقتاندىردى ءارى شينجياڭعا باعىتتامالى كومەكتەسۋدە ساياسات، قارجى، دارىندى سياقتى كوپ جاقتان ۇزبەي تولىق ءمان بەردى جانە قولداۋ كورسەتتى. مۇنىڭ ءبارى شينجياڭداعى ءار ۇلت حالقىن وسكەلەڭ قوجايىندىق جاۋاپكەرلىك سەزىممەن كوركەم شينجياڭ قۇرۋ ۇردىسىنە ات سالىسۋعا جۇمىلدىرىپ، قان جاساۋ قۋاتىن كۇشەيتىپ، شينجياڭنىڭ قىزمەتتەرىن جاقسى ىستەۋدەگى ىرىقتىلىقتارىن اناعۇرلىم ارتتىراتىندىعى، داۋسىز.

  جاڭا جاعدايدا، جاڭا مىندەتتەر الدىندا، وسى رەتكى ءماجىلىس شينجياڭنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋىنا ءتىپتى جوعارى تالاپ قويدى، سونداي - اق شينجياڭداعى ءار ۇلت حالقىنىڭ جاپپاي دوڭگەلەك داۋلەتتى قوعامعا بۇكىل مەملەكەتپەن بىرگە قادام تاستاۋداعى سەنىمى مەن بەكىمىن اناعۇرلىم نىعايتتى. ءبىز ءماجىلىستىڭ رۋحىن مۇقيات دايەكتىلەندىرىپ، تياناقتاندىرىپ، وسى رەتكى ءماجىلىستى وراي ەتىپ، اۋىر مىندەت ارقالاعان بورىشتىلىق تانىمدى، استە بۇلجىمايتىن جاۋاپكەرلىك تانىمدى باستان - اياق ساقتاپ، مۇقياتتىلىقپەن ىستەپ، باس الماي قاجىرلىلىقپەن كىرىسىپ، استە بوساڭسىتپاي، تاباندىلىقپەن ناتيجە شىعارىپ، شينجياڭنىڭ رەفورما، دامۋ، ورنىقتىلىق ىستەرىنىڭ تىڭ ساتىعا كوتەرىلۋىن ىلگەرىلەتۋىمىز كەرەك.

  وسى رەتكى ءماجىلىستىڭ كەلەلى ءمانىن تولىق تانىپ تۇسىنگەندە عانا، يدەيالىق سانالىلىقتى، ارەكەتتەگى سانالىلىقتى شىنايى ارتتىرۋعا، ءماجىلىس رۋحىن ءىس جۇزىندىك ارەكەتكە، ناقتى شاراعا جەدەل اينالدىرۋعا، امالياتتىڭ، حالىقتىڭ، تاريحتىڭ سىناعىنان وتە الاتىن شىنايى ناتيجە شىعارۋعا، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋعا ءتىپتى زور، تىڭ ۇلەس قوسۋعا بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار