جەڭىستى شايقاس جۇرگىزەتىن ايبىندى قوسىن جايلى تولعانعاندا (قايراتتانا العا ۇمتىلعان 5 جىل)
ــ شي جينپيڭ جولداس ۇيىتقى بولعان پارتيا ورتالىق كوميتەتىنىڭ ارميانى قۇدىرەتتەندىرىپ، گۇلدەندىرۋگە باسشىلىق ەتكەنى جانە ونى ىلگەرىلەتكەنى جونىندە (6)
2017.09.22 16:02 كەلۋ قاينارى : حالىق تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 24 - مامىر تۇستەن بۇرىن تەڭىز ارمياسىنىڭ ورگانىندا قىزمەت تەكسەرىپ، تەڭىز ارمياسىنداعى بارلىق كوماندير - جاۋىنگەرلەرگە شىنايى سالەم جولدادى. ستراتەگيالىق شولعىنداۋ مىندەتىن اتقارىپ جۇرگەن 538 – كەمەمەن ەكران جۇيەسى ارقىلى سويلەستى، ولاردى جاۋىنگەرلىك رۋحتى تاسقىنداتىپ، جاۋاپكەرلىكتى ادالدىقپەن وتەپ، پارتيا مەن حالىقتىڭ ءۇمىتىن اقتاۋعا شابىتتاندىردى.
ءتوراعا شي جينپيڭ ورتالىق اسكەري ىستەر كوميتەتىنىڭ قىزمەتىن باسقارعاننان بەرى ءىرى مانەۆر قيمىلدارىنا تىكەلەي قاتىناسىپ، كەلەلى اسكەري ارەكەتتەرگە تىكەلەي شەشىم جاساپ، قولباسشىلىق ەتىپ، تۇتاس ارميانى شارپىعان سوعىس دايىندىعى جاتتىعۋلارىندا اسكەري قوسىندى تالاي رەت ءوزى تىكەلەي تەكسەرىپ وتىردى.
قۇرىش قوسىن سەڭدەي جوڭكىلدى، قۇرلىق ارمياسى رايون اتتاپ قيمىلعا كىرىسىپ، شايقاس الاڭى كەيدە مىڭ كيلومەتر ارالىققا شۇعىل جوتكەلىپ تۇردى؛ ۇشقىش قىراندار اۋەدە سامعادى، جاتتىعۋعا قاتىناسقان اۋە ارميا قوسىندارى جاقىن ارالىقتان شايقاس جۇرگىزۋگە جاتتىعىپ، الىستان مەڭگەرۋدىڭ ناتيجەسىندە «ەلەكتر ماگنيتتىك ورماننان» كەسىپ ءوتتى؛ سوعىس كەمەلەرى اساۋ تولقىندا شەرۋ تارتتى، تەڭىزدەگى پاراحودتار تۇنگى شابۋىلعا ءوتىپ، كوزگە كورىنبەيتىن قارسىلاسپەن شالقار تەڭىزدە قاجىماي – تالماي شايقاس جۇرگىزدى؛ زىمىران قوسىنىنىڭ ءمالىم بريگاداسى توسىننان مىندەت جۇكتەلگەندە باسقارىلمالى راكەتالاردى نىساناعا ءدال تيگىزىپ وتىردى...
قاتەلىك كەتۋدەن، ءبۇلدىرىپ قويۋدان، قايتا ىستەۋدەن الاڭدامادى... جاتتىعۋ شىنايى سوعىس سياقتى جۇرگىزىلىپ، سانداعان قوسىننىڭ ەرىك – جىگەرى شىڭالدى.
اسكەرلەر ءبىر كۇن جاتتىعۋسىز قالمايدى، جاتتىققان ەكەن جەڭىستى شايقاس جۇرگىزە الاتىنداي جاتتىعۋى كەرەك؛ شايقاس ءبىر كۇن ازىرلىكسىز بولمايدى، ازىرلىك كورىلگەن ەكەن سوققى بەرە الاتىنداي ازىرلەنۋ كەرەك.
پارتيانىڭ 18 – قۇرىلتايىنان بەرى ءتوراعا شي جينپيڭ پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن ايقىن ورتاعا قويىپ، مىنانى اتاپ كورسەتتى: پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، جاڭا جاعدايداعى اسكەري ىستەردىڭ ستراتەگيالىق باعىتىن دايەكتىلەندىرىپ، شايقاس جۇرگىزۋدى زەرتتەۋ، سوعىسقا قولباسشىلىق ەتۋ سىندى وزەكتى فۋنكتسياعا نازاردى شوعىرلاندىرىپ، يدەيانى اناعۇرلىم ازات ەتىپ، كوزقاراستا بۇرىلىس جاساپ، ءورىس اشا جاڭالىق ەنگىزىپ، قيىنشىلىقتاردى جەڭىپ قامال الىپ، شارتسىز ادال، شايقاس جۇرگىزۋگە شەبەر، قولباسشىلىعى ۇتىمدى، سوعىسقا باتىل، جەڭىسكە سەنىمدى سوعىسقا قولباسشىلىق ەتۋ بىرلەسكەن قۇرىلىمىن كۇش سالا قۇرىپ، بەيبىت شاق پەن سوعىس كەزىن قاتار يگەرەتىن، داعدىلى جۇمىس جۇرگىزەتىن، ءوز جۇمىسىن بار ىنتاسىمەن جۇرگىزەتىن، ىسكەر دە ۇتىمدى ستراتەگيالىق شايقاسقا قولباسشىلىق ەتۋ جۇيەسىن قۇرىپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋعا مىعىم تىرەك دايىنداۋ كەرەك.
5 جىلدان بەرى ءتوراعا شي جينپيڭ مەن ورتالىق اسكەري ىستەر كوميتەتىنىڭ پارمەندى باسشىلىعىندا بۇكىل ارمياداعى كوماندير – جاۋىنگەرلەر جاۋىنگەرلىك سىندى وسى بىردەن – ءبىر ءتۇبىرلى ولشەمنەن تيتتەي دە اۋىتقىماي، نازاردى شايقاسقا ساقاداي ساي تۇرۋعا شوعىرلاندىرىپ، شاقىرسا جينالاتىن، جينالسا شايقاس جۇرگىزە الاتىن، شايقاس جۇرگىزسە جەڭە الاتىن تاڭداۋلى ارميا رۋحىن جەتىلدىرىپ، ارميانى قۇدىرەتتەندىرۋدىڭ، جەڭىسكە جەتۋدىڭ قۇدىرەتتى كۇشىن قالىپتاستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
