جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستايىق
پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە (5)
حالىق گازەتىنىڭ شولۋشىسى
2017.11.03 16:25 كەلۋ قاينارى : شينجياڭ گازەتى
ۇلى جوبامەن جۇرت تىلەگىن ۇيىستىرىپ، قاجىرلىلىقپەن ىستەۋ، شىنايى ىستەۋ ارقىلى بولاشاققا جول تارتۋ − جۇڭگو كوممۋنيستىك پارتياسىنىڭ حالىقتى باستاپ، مەملەكەتتى كوركەيتۋدەگى، گۇلدەنۋگە بەت الۋداعى قۇندى تاجىريبەسى.
پارتيانىڭ 19 - قۇرىلتايى جاپپاي دوڭگەلەك داۋلەتتى قوعام قۇرۋ نەگىزىندە، جاپپاي سوتسياليستىك وسىزاماندانعان مەملەكەت قۇرۋدى 2 ساتىعا ءبولىپ جۇرگىزۋ جاڭا نىساناسىن ورتاعا قويىپ، قازىردەن باستاپ وسى عاسىردىڭ ورتاسىنا دەيىنگى ەلىمىزدىڭ وسىزاماندانۋ قۇرىلىسىنىڭ ۇلى جوباسىن دايىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستراتەگيالىق كوز اياسىن، بيىكتە تۇرىپ الىستى بولجايتىن كورەگەندىگىن جانە عىلمي جوبا جاساعاندىعىن ايگىلەدى، بۇل − «قوس 100 جىلدىق» كۇرەس نىساناسىنىڭ ۋاقىت كەستەسى، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ مىندەتناماسى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ باعدار كارتاسى. پارتيا 19 - قۇرىلتايىنىڭ رۋحىن ۇيرەنۋدە، دايەكتىلەندىرۋدە وسى جاڭا نىسانانى جەتە يگەرۋىمىز، سوتسياليستىك وسىزاماندانۋ جاڭا جورىعىنىڭ شۇعىلالى پاراعىن تاباندىلىقپەن، قاجىرلىلىقپەن قۇلشىنا جازۋىمىز كەرەك.
وسىزاماندانعان مەملەكەت قۇرۋ جانە جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − تاياۋ زاماننان بەرى جۇڭگونىڭ تاريحي دامۋىنىڭ نەگىزگى جەلىسى. رەفورما جاساپ، ەسىك اشقاننان بەرى، پارتيامىز سوتسياليستىك وسىزاماندانۋ قۇرىلىسىن «ءۇش قادام» بويىنشا جۇرگىزۋ ستراتەگيالىق ورنالاستىرۋىن جاساپ، حالىقتىڭ ىشەر اس، كيىم - كەشەك ماسەلەسىن شەشۋدى، حالىق تۇرمىسىن تۇلعالىق جاقتان دوڭگەلەك داۋلەتتى ورەگە جەتكىزۋدى العا قويدى، بۇل 2 نىسانا جەكە - جەكە وتكەن عاسىردىڭ 80 - جىلدارىنىڭ سوڭىندا جانە وتكەن عاسىردىڭ سوڭىندا مەرزىمنەن بۇرىن جۇزەگە استى. وسى نەگىزدە، پارتيانىڭ 18 - قۇرىلتايى پارتيا قۇرىلعاندىعىنا 100 جىل تولعان كەزدە جاپپاي دوڭگەلەك داۋلەتتى قوعام قۇرۋدى، جاڭا جۇڭگو قۇرىلعاندىعىنا 100 جىل تولعان كەزدە وسىزاماندانۋدى نەگىزىنەن جۇزەگە اسىرىپ، ەلىمىزدى سوتسياليستىك وسىزاماندانعان ەل ەتىپ قۇرىپ شىعۋدى العا قويدى. 5 جىلدا عالامات قۇلشىنىسپەن ۇدەرە العا تارتۋ ارقىلى رەفورما جاساپ، ەسىك اشۋ ىستەرىندە جانە سوتسياليستىك وسىزاماندانۋ قۇرىلىسىندا جان - جاقتىلى، باستامالىق سيپات العان تاريحي تابىستارعا قول جەتىپ، پارتيا مەن مەملەكەت ىستەرىندە تەرەڭ، ءتۇبىرلى تاريحي وزگەرىستەر جارىققا شىعىپ، جۇڭگوشا سوتسياليزم جاڭا داۋىرگە ءوتتى.
جاعداي مىندەتتى بەلگىلەيدى. پارتيانىڭ 19 - قۇرىلتايىنان 20 - قۇرىلتايىنا دەيىنگى مەزگىل «قوس 100 جىلدىق» كۇرەس نىساناسىنىڭ تاريحي توعىسۋ كەزەڭى. ەلىمىز دامۋىنىڭ جاڭا تاريحي باستاماسىندا تۇرىپ، حالىقارالىق جاعدايعا جانە ەل ءىشى جاعدايىنا، سونداي - اق ەلىمىزدىڭ دامۋ شارت - جاعدايىنا جان - جاقتىلى تالداۋ جاساي كەلىپ، پارتيا 19 - قۇرىلتايى جاڭا داۋىردەگى جۇڭگوشا سوتسياليستىك وسىزاماندانۋ قۇرىلىسى جونىندە ستراتەگيالىق ورنالاستىرۋ جاسادى، سونىمەن ەكىنشى 100 جىلدىق كۇرەس نىساناسىن، وسى عاسىردىڭ ورتاسىندا جەتەتىن دامۋ ورەسىن 2035 - جىلى مەرزىمىنەن بۇرىن جۇزەگە اسىرىپ، ۋاقىتىن 15 جىل قىسقارتتى؛ 2035 - جىلدان وسى عاسىردىڭ ورتاسىنا دەيىنگى كۇرەس نىساناسى باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل قۇرۋ دەپ بەلگىلەندى. ەكى ساتىدا ورىندالاتىن جاپپاي سوتسياليستىك وسىزاماندانعان مەملەكەت قۇرۋ جاڭا نىساناسى − بىزگە سوتسياليستىك وسىزاماندانعان قۇدىرەتتى ەل قۇرۋدىڭ جان تەبىرەنتەرلىك كورىنىسىن بەينەلەپ، جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ قيمىل باعدارناماسىن جاساپ بەردى.
ارمان بولاشاققا جەتەلەيدى. قازىردەن 2020 - جىلعا دەيىنگى مەزگىل − جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن مەزگىل. ەندىگى 3 جىل ۋاقىت ىشىندە، ءبىر ميلليارد 300 ميلليوننان استام حالىقتى ەكونوميكا اناعۇرلىم دامىعان، دەموكراتيا اناعۇرلىم كەمەلدەنگەن، عىلىم - تەحنيكا، وقۋ - اعارتۋ اناعۇرلىم العا باسقان، مادەنيەت اناعۇرلىم گۇلدەنىپ - كوركەيگەن، قوعام اناعۇرلىم جاراسىم تاپقان، حالىق تۇرمىسى اناعۇرلىم باقۋاتتى دوڭگەلەك داۋلەتتى قوعامعا بىرگە قادام تاستاۋعا باستاۋ ءبىزدىڭ، ءسوزسىز، ورىنداۋعا ءتيىستى ايبىندى ۋادەمىز. پارتيانىڭ 16 -، 17 -، 18 - قۇرىلتايلارىندا العا قويىلعان دوڭگەلەك داۋلەتتى قوعام قۇرىپ شىعۋ تالاپتارى بويىنشا، 19 - قۇرىلتايدىڭ ەڭ جاڭا ورنالاستىرۋلارىنا ساي، ەلىمىز قوعامىنداعى باستى قايشىلىقتىڭ جاڭا وزگەرىسىن مىقتى ۇستاپ، ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىستارىن ىلگەرىلەتۋدى ءبىر تۇتاس جوسپارلاپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسىن، مەملەكەتتى دارىندىلارمەن قۇدىرەتتەندىرۋ ستراتەگياسىن، دامۋدى جاڭالىق اشا جەبەۋ ستراتەگياسىن، اۋىل - قىستاقتاردى گۇلدەندىرۋ ستراتەگياسىن، وڭىرلەردى سايكەستى دامىتۋ ستراتەگياسىن، باياندى دامۋ ستراتەگياسىن، ارميا مەن حالىقتى توعىستىرا دامىتۋ ستراتەگياسىن تاباندىلىقپەن اتقارىپ، جاپپاي دوڭگەلەك داۋلەتتى قوعام قۇرىپ شىعۋدى حالىق قۇپتايتىن، تاريحتىڭ سىنىنان وتەتىن ەتۋىمىز كەرەك.
جاڭا نىسانا تۇراقتاندى، جاڭا جورىق باستالدى. ءبىز بىلەك سىبانا ىسكە كىرىسىپ، مينۋت - سەكۋندتى قولدان بەرمەي، ۋاقىتپەن جارىساتىن رۋحتى ساۋلەلەندىرىپ، جاڭا ءداۋىردىڭ ۇزاق جورىعىن قايراتتانا باستاساق بولعانى، جاپپاي دوڭگەلەك داۋلەتتى قوعام قۇرىپ، جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي بارىسىندا ايبىندى جاڭا داستان جازىپ، كۇللى الەمدى جالت قاراتاتىن كەرەمەتتەر جاراتا الامىز.
(شينحۋا اگەنتتىگىنىڭ 1 - قاراشادا بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
