ءار ەلدەگى حالىقتاردىڭ كوركەم ومىرگە دەگەن تالپىنىسىن شىندىققا اينالدىرايىق
− باس شۋجي شي جينپيڭنىڭ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە سويلەگەن ارقاۋ ءسوزى تۋرالى (2)
□حالىق گازەتىنىڭ شولۋشىسى
2017.12.05 16:47 كەلۋ قاينارى : شينجياڭ گازەتى
باقىتتى، كوركەم ءومىر ءسۇرۋ − ادامزاتتىڭ ارىماي - تالماي ىزدەگەن ارمانى، الەمنىڭ ءار ەلىندەگى حالىقتاردىڭ كوركەم ومىرگە دەگەن تالپىنىسىن شىندىققا اينالدىرۋ − دۇنيە جۇزىندەگى ساياسي پارتيالاردىڭ جاۋاپكەرشىلىگى.
«ادامزاتتىڭ تاعدىرلاس ورتاق تۇلعاسى دەگەنىمىز اتاۋىنان بەلگىلى بولىپ تۇرعانداي، ءار ۇلتتىڭ، ءار مەملەكەتتىڭ بولاشاق تاعدىرىن تىعىز بىرلەستىرىپ، اشتى - تۇشتىنى بىرگە تاتىپ، داڭق پەن نامىستى تەڭ كوتەرىپ، ءوزىمىزدى تۋىپ - وسىرگەن وسىناۋ عالامشاردى تاتۋ - ءتاتتى ۇلى شاڭىراق ەتىپ، الەمنىڭ ءار ەلىندەگى حالىقتاردىڭ كوركەم ومىرگە دەگەن تالپىنىسىن شىندىققا اينالدىرۋ». جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىندە باس شۋجي شي جينپيڭ ادامزاتتىڭ تاعدىرلاس ورتاق تۇلعاسىنىڭ كورىكتى كەلەشەگىن تەرەڭ سەزىممەن سۋرەتتەپ كورسەتىپ، كوركەم الەم قۇرۋدىڭ «4 قۋاتتاماسىن» ايقىن العا قويىپ، دۇنيە جۇزىندەگى ساياسي پارتيالاردى ادامزاتتىڭ تاعدىرلاس ورتاق تۇلعاسىن قۇرۋ ۇلى ىسىنە ات سالىسۋعا ىستىق ىقىلاسپەن شاقىرىپ، كەڭەسكە قاتىناسقان ساياسي پارتيالار مەن ساياسي ۇيىمداردىڭ باسشىلارىنىڭ قۇپتاۋىنا يە بولىپ، حالىقارالىق قوعامنىڭ كەڭ كولەمدە نازارىن اۋداردى.
ءار ەلدەگى حالىقتاردىڭ ءتىلى بولەك، ءومىر سالتى ءار ءتۇرلى بولعانىمەن، ءوزىمىز تەڭ ءومىر ءسۇرىپ وتىرعان وسى دۇنيە جونىندەگى ارمان - تىلەگىندە ورتاقتىقتار بار. ءبىز ۇرەيدەن اۋلاق، جاپپاي حاۋىپسىز الەم، كەدەيلىكتەن اۋلاق، بىرگە گۇلدەنەتىن الەم، توماعا - تۇيىقتىقتان اۋلاق، اشىق، قامتىمدى الەم، تاۋى جاسىل، سۋى تۇنىق، تازا دا كورىكتى الەم قۇرۋىمىز قاجەت. باس شۋجي شي جينپيڭ ورتاعا قويعان كوركەم الەم قۇرۋ تۋرالى وسى «4 قۋاتتامادا» الەمنىڭ ءار ەلىندەگى حالىقتاردىڭ كوركەم ومىرگە دەگەن ورتاق تىلەگى يگەرىلىپ، كوركەم ارماندى شۇعىلالى شىندىققا اينالدىرۋ دەگەن الەمدىك سەزىم مەن ساياسي پارتيانىڭ جاۋاپكەرشىلىگى دارىپتەلگەن.
ادامزاتتىڭ تاعدىرلاس ورتاق تۇلعاسىن ورناتۋ − وسىنداي كوركەم الەم قۇرۋدىڭ، ءسوزسىز، باسىپ وتۋگە ءتيىستى جولى. تەك ورتاق، كەشەندى، سەلبەسكەن، باياندى جاڭا حاۋىپسىزدىك تانىمىنا تاباندى بولىپ، ءادىل دە ادىلەتتى، بىرگە قۇرىپ، بىرگە يگىلىككە كەنەلەتىن حاۋىپسىزدىك جاعدايىن قالىپتاستىرعاندا عانا، جەر بەتىن بەيبىتشىلىكتىڭ شۋاعىنا شومدىرىپ، بار ادامدى تىنىشتىق پەن تاتۋلىقتان يگىلىكتەندىرۋگە بولادى. تەك «ءسىز دە جاقسى، ءبىز دە جاقسى، ءبارىمىز جاقسى بولايىق» دەگەن ۇستانىمعا تاباندى بولىپ، اشىق، قامتىمدى، جالپىعا بىردەي، بىرگە يگىلىككە كەنەلەتىن ەكونوميكالىق جاھاندانۋدى ىلگەرىلەتىپ، بۇكىل ادامزاتتىڭ بىرگە دامۋىنا تاماشا شارت ازىرلەگەندە عانا، دامۋ جەمىستەرىنىڭ الەمنىڭ ءار ەلىنە تيىمدىلىك جاساۋىنا، اركىمنىڭ مولشىلىق پەن تىنىش، الاڭسىز ومىردەن يگىلىكتەنۋىنە مۇمكىندىك جاساۋعا بولادى؛ الەمنىڭ سان الۋاندىعى، وركەنيەتتەردىڭ كوپ تۇرلىلىگى ۇستانىمىنا تاباندى بولىپ، ادامزات جاراتقان ءتۇرلى وركەنيەتتەردى ءوزارا ساۋلە شاشتىرىپ، كوزدىڭ جاۋىن الار اسەم سۋرەت قالىپتاستىرعاندا عانا، ءتۇرلى وركەنيەتتەردىڭ جاراسىمدى قاتار ءومىر ءسۇرىپ، بارلىق ادامنىڭ مادەنيەتتەن ءنار الۋىنا مۇمكىندىك جاساۋعا بولادى؛ ادام مەن تابيعاتتىڭ قاتار ءومىر ءسۇرۋى ۇستانىمىنا تاباندى بولىپ، ەكولوگيالىق ورتانى جانىمىزداي ارداقتاپ، تابيعاتتى جۇرەكپەن ۇلىقتاپ، تابيعاتقا قۇرمەت ەتىپ، تابيعاتقا ۇيلەسىپ، تابيعاتتى قورعاعاندا عانا، تابيعات ەكولوگياسىن تىڭ تىرشىلىككە بولەپ، جان بىتكەندى جاسىل تابيعاتتان يگىلىكتەندىرۋگە بولادى.
وسىنداي كوركەم الەم قۇرۋدىڭ تەتىگى دۇنيە جۇزىندەگى ساياسي پارتيالاردىڭ ءداۋىر جۇكتەگەن بورىشتى سانالىلىقپەن ارقالاي بىلۋىندە. ادامزاتتىڭ تاعدىرلاس ورتاق تۇلعاسىن ورناتۋ ساياسي پارتيالاردىڭ ءتۇرلى ۇلتتى، ءتۇرلى سەنىمدى، ءتۇرلى مادەنيەتتى، ءتۇرلى جەردەگى حالىقتاردى ورتاق تانىمعا كەلتىرىپ، ادامزاتتىڭ تاعدىرلاس ورتاق تۇلعاسىن ورناتۋ ۇلى ىسىنە بىرگە ات سالىسۋىن قاجەت ەتەدى، ءار ەلدەگى ساياسي پارتيالاردىڭ ءوزارا سەنىمدى نىعايتىپ، بايلانىستى كۇشەيتىپ، تىعىز سەلبەسىپ، پارىقتاردى قايىرا تۇرىپ ورتاقتىققا ۇمتىلاتىن، ءوزارا قۇرمەت ەتەتىن، ءوزارا ۇيرەنىپ، ءبىر - بىرىنەن ۇلگى الاتىن جاڭاشا ساياسي پارتيالار قاتىناسىن ورناتىپ، ساياسي پارتيالاردىڭ ءار ءتۇرلى، كوپ ساتىلى حالىقارالىق بايلانىس جانە ىنتىماقتاستىق جەلىسىن قالىپتاستىرىپ، ادامزاتتىڭ تاعدىرلاس ورتاق تۇلعاسىن ورناتۋعا قۋاتتى كۇش توپتاۋىن قاجەت ەتەدى. ادامزاتتىڭ تاعدىرلاس ورتاق تۇلعاسىن ورناتۋ − تاريحي بارىس، ونىڭ ءبىر جولدا ورىندالۋى مۇمكىن ەمەس، ۇنەمى جەلى وڭىنان تۇرۋى دا مۇمكىن ەمەس، ول ۇزاق مەزگىل جاپالى قۇلشىنىس جاساۋدى قاجەت ەتەدى. ساياسي پارتيالار بەلدى بەكەم بۋىپ، قاجىماي - تالماي ىزدەنىپ، ءىس جۇزىندەگى كۇردەلى جاعدايلارعا بولا ارماننان باس تارتپاسا، ارماننىڭ الىستىعىنا بولا تالپىنىستى توقتاتپاسا، ادامزاتتىڭ تاعدىرلاس ورتاق تۇلعاسىن ورناتۋ نىساناسى، ءسوز جوق، ىسكە اسادى.
ادەبيەتشىلەر «ءومىر − بەر جاق، ارمان − ار جاق، ورتادا اساۋ وزەن جاتىر، ال ارەكەت وزەننىڭ ۇستىنەن وتەتىن كوپىر» دەسەدى. دۇنيە جۇزىندەگى ساياسي پارتيالار جۇدىرىقتاي جۇمىلىپ، سايىستارعا توتەپ بەرىپ، قول ۇستاسا اناعۇرلىم كوركەم الەم قۇرار بولسا، وتپەيتىن وزەن، جەتپەيتىن جاعا بولماق ەمەس، الەمنىڭ ءار ەلىندەگى حالىقتاردىڭ كوركەم ومىرگە دەگەن تالپىنىسىن، ءسوز جوق، شۇعىلالى شىندىققا اينالدىرۋعا بولادى.
(شينحۋا اگەنتتىگىنىڭ 2 - جەلتوقساندا بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
