بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

«بۇقارانى رازى ەتۋ» ماڭىزدى ما، الدە «باستىقتىڭ كوزىنە ءتۇسۋ» ماڭىزدى ما

ـــ «ءتورت بۇرىس ستيلدى» باتىل تۇزەتۋدەگى جاڭا بەينە

2017.12.18 13:44     كەلۋ قاينارى : حالىق تورابى

  ءىشىنارا ادامدار قىزمەتتە «باستىقتىڭ كوزىنە ءتۇسۋدى» كوزدەيدى، سىرتتاي قاراعاندا جوعارىنىڭ تاپسىرۋىن جاۋاپكەرلىكپەن اتقارعان سياقتانعانىمەن، ءىس جۇزىندە، ءوزىنىڭ «ساياسي ناتيجەسىمەن باستىق نازارىن اۋدارۋ» ءۇشىن بولىپ تابىلادى


  قالا – اۋىلدىڭ ورتاسىن وڭالتۋدى ىلگەرىلەتۋ مەن اۋىل – قىستاقتاعى حاۋىپتى ۇيلەردى وزگەرتىپ سالۋ بارىسىندا كۇرە جولدىڭ بويىنداعىلاردى، تەمىر جولدىڭ بويىنداعىلاردى الدىمەن ويلاستىرۋ، ءتىپتى، ۇيلەردىڭ جۇردەك پويەز جولىنا، تاس جولعا قاراعان داۋالىن اعارتىپ قويۋ، كوشەگە كورىنبەيتىن جاعىمەن ساناسپاۋ؛ قارجى قوسۋ توقتامىنا قول قويعاندا، ءجۇز نەشە مىڭ يۋاندىق نىساندى «اققا سۋ قوسقانداي» ميلليون يۋاندىق، ءتىپتى، ون ميلليون يۋاندىق دەڭگەيدەگى نىسان ەتىپ كوتەرمەلەپ ايتۋ؛ ساناق قىزمەتكەرلەرىن كولەمدى كاسىپورىنداردىڭ ونەركاسىپ جالپى ءونىم قۇنى مەن نەگىزگى تيجارات كىرىسىن جالعان مالىمدەۋگە زاڭسىز ورنالاستىرۋ... قىزمەت بارىسىندا «بۇقارانى رازى ەتۋدى» ماقسات ەتكەن بە، جوق «بۇقارانىڭ» اتىن جامىلىپ، «باستىقتىڭ كوزىنە ءتۇسۋدى» ماقسات ەتكەن بە دەگەن ماسەلە ساياسي ناتيجەنى باعالايتىن ماڭىزدى ولشەم ەسەپتەلىپ، ستيل ماسەلەسىن وسى ارادان بايقاپ الۋعا بولادى.


  ستيل ماسەلەسىندە پارتيا مەن بۇقارانىڭ قارىم – قاتىناسى وزەكتى ماسەلە بولىپ تابىلادى، باس شۋجي شي جينپيڭ: «كوممۋنيستەر ماسەلەگە وي جۇگىرتكەندە، زەرتتەۋدە بولسىن، قاۋلى قابىلداۋ، ءىس بىتىرۋدە بولسىن، ءسوزسىز، پارتيا مەن حالىقتىڭ مايدانىندا تۇرۋى كەرەك، قارا باسىنىڭ قامىن كۇيتتەمەۋى كەرەك. بۇل كوممۋنيستەردىڭ پارتيالىلىق پرينسيپى ەسەپتەلەدى»، ـــ دەگەن بولاتىن. سوندىقتان دا، پارتيا 18 – قۇرىلتايىنان بەرى، «پارتياداعىلاردىڭ تىلەگى توعىسقان، ارميانىڭ كوڭىلى ورنىققان، حالىق سەنىمىنە يە بولعان» جاعداي جارىققا شىقتى، مۇنداعى باستى سەبەپ ـــ ستيل قۇرىلىسىن كۇشەيتۋ ارقىلى پارتيا مەن حالىق بۇقاراسىنىڭ ارالىعىنىڭ جاقىنداعاندىعى. الايدا، «بۇقارانىڭ رازى بولماۋىنان قورىقپاي، باستىقتىڭ كوزىنە تۇسپەۋدەن قورقاتىن» وسىنداي «ءتورت بۇرىس ستيلدىڭ» جاڭا ءتۇرى بىزگە فورماشىلدىق پەن تورەشىلدىكتىڭ قاسارىسپالى جانە قايتالامالى كەلەتىنىن، پارتيا مەن حالىق بۇقاراسىنىڭ ەتەنە بايلانىسىن ساقتاي ءبىلۋ ـــ ماڭگىلىك ماسەلە ەكەنىن ەسكەرتتى.


  ءىس جۇزىندە، ءىشىنارا ادامدار قىزمەتتە «باستىقتىڭ كوزىنە ءتۇسۋدى» كوزدەيدى، بۇل سىرتتاي قاراعاندا جوعارىنىڭ تاپسىرۋىن جاۋاپكەرلىكپەن اتقارعان سياقتانعانىمەن، ءىس جۇزىندە، ءوزىنىڭ «ساياسي ناتيجەسىمەن باستىق نازارىن اۋدارۋ» ءۇشىن بولىپ تابىلادى. قازىر پارتيانى جاپپاي قاتاڭ باسقارۋدىڭ ىشكەرىلەي تەرەڭدەۋىنە بايلانىستى، جوعارىنىڭ ۇيعارىمى مەن ورنالاستىرۋىنا جالعان ەسەپپەن توتەپ بەرەتىن، ويداعىداي اتقارمايتىن ىستەر ازايدى، الايدا، دەرەۋ ناتيجەسىن كورۋدى كوزدەيتىن، دارەجە سايىن ءۇستى – ۇستىنە مىندەت جامايتىن جاعداي كوبەيىپ كەلەدى. مىسالى: كەدەيلىكتەن ارىلتۋدا قامال الۋ شايقاسىندا، كەي جەرلەر «ارتتا قالىپ قويماۋدى» عانا كوزدەپ، «ەرتەرەك ، ەرتەرەك ، ەرتەرەك»، «تەز، تەز، تەز» دەگەندى ىلعي دارىپتەي بەرىپ، ۋاقىتتان ۇتۋ جاعىندا ءۇستى – ۇستىنە مىندەت جاماپ، كەدەيلىك قالپاعىن الىپ تاستاۋدىڭ ساپاسىن ەلەۋسىز قالدىرىپ، «سان – سيفر ارقىلى كەدەيلىكتەن ارىلتۋعا» اپارىپ سوعادى.


  تاعى دا مىسال كەلتىرسەك: ءىشىنارا كادرلەر باستىعىنىڭ الدىندا «بەتى جارىق» بولۋى ءۇشىن، تەك باستىعى كورە الاتىن نىساندارعا باسا نازار اۋدارادى، ناتيجەدە ءبىر جاعىنا باسا ءمان بەرىپ، ەكىنشى جاعىن قاعىس قالتىرادى دا قىزمەتتە ىرىقسىز كۇيگە تۇسەدى. وسىنداي ىستەردىڭ بارىندە ورتاق ءبىر ەرەكشەلىك بار، باستىعى ءوزىنىڭ قۇلشىنىسىن كورمەي قالۋدان الاڭداپ، بار نازارىن دەرەۋ كوزگە تۇسەتىن قىزمەتتەرگە اۋدارىپ، ءتىپتى، دامۋ كەزەڭىمەن، زاڭمەن باسقارۋ پرينسيپتەرىمەن، وبيەكتيۆ زاڭدىلىقپەن ساناسپاي، سىڭار جاقتىلىقپەن اتقارۋ تەزدىگى مەن پارمەنىنە عانا سالىنىپ، سىرتى ءبۇتىن، ءىشى ءتۇتىن جاعدايلارعا اپارىپ سوعادى؛ ءوزى ءىس تىندىرعانداي كوڭىلدى بولعانىمەن، ءزابىر – جاپاسىن بۇقارا شەگەدى.


  باس شۋجي شي جينپيڭنىڭ «ساياساتتىڭ جاقسى – جامان ەكەنى اۋىلداستاردىڭ ەڭىرەگەنى مەن كۇلگەنىنەن بەلگىلى» دەگەن كەرەمەت ءسوزى ادامعا وي سالادى. سىڭار جاقتىلىقپەن «باستىقتىڭ كوزىنە ءتۇسۋدى» عانا ويلاپ، «بۇقارانىڭ رازىلىعىن» ەلەۋسىز قالدىرۋ، ءتىپتى، ساناسپاۋ، تۇپتەپ كەلگەندە، ۇقىق كوزقاراسى مەن ساياسي ناتيجە كوزقاراسىندا ماسەلە بايقالعانىن بىلدىرەدى. حالىقتىڭ تاماشا تۇرمىسقا دەگەن تالپىىنىسى ءبىزدىڭ كۇرەس نىسانامىز بولۋى كەرەك دەگەن ءسوزدى باسشى كادرلاردىڭ ءبارى اۋزىنان تاستامايدى. ماڭىزدىسى حالىق بۇقاراسىنىڭ تالپىنىس باعدارىن قالاي يگەرە ءبىلۋىمىز كەرەك؟ حالىقتىڭ اڭىسىنا قۇلاق ءتۇرۋ ارقىلى بىلەمىز بە، جوق ويجوتا جورامال جاسايمىز با؛ جۇرتتى كوزگە ىلمەي، باستىقتىڭ ايتقانى ەسەپ دەيمىز بە، جوق ىشتەي يمەنىپ، سۋدىڭ دا سۇراۋى بار دەگەندى تەرەڭ تۇسىنەمىز بە، بۇل ەكەۋىنىڭ اراسىندا جەر مەن كوكتەي پارىق بار. «بۇقارانىڭ رازىلىعى» باعىت – باعدار بەلگىلەۋدىڭ، ساياساتتى اتقارۋدىڭ باستى ماقساتى ەكەنىن قاي – قاشان دا ۇمىتپاۋىمىز كەرەك. وسى تۇيىننەن اۋىتقىساق، قانشا ۇرانداتقانمەن، اۋىزدان شىققان ءسوز جۇرەككە جەتپەي قالادى؛ اتقارىلۋى قانشا پارمەندى بولعان سايىن، «باستاپقى ماقساتتان» سونشالىقتى اۋىتقىپ كەتەدى.


  2011 – جىلى شي جينپيڭ جولداس «ءىستىڭ تەتىگى ـــ تياناقتاندىرۋدا» دەگەن ماقالاسىندا: «ءىشىنارا باسشى كادرلاردىڭ تياناقتاندىرۋ قىزمەتىن مىقتى ۇستاماۋىنداعى باستى سەبەپ ولاردىڭ ساياسي ناتيجە كوزقاراسىنان ماسەلە شىعۋىنان، جەكەشىلدىك ويىنىڭ كەساپاتىنان بولىپ وتىر»، ـــ دەپ ءداپ باسىپ كورسەتكەن ءارى «تياناقتاندىرۋدى مىقتى ۇستاۋدا پارتيا الدىندا جاۋاپكەرشىلىگىن ورىنداۋى، حالىققا باقىت جاراتۋدى شىعار ءتۇيىن ەتۋى، استە ءوز وبىرازىن تىكتەۋدى، ءوز قىزمەتىن وسىرۋگە جول سالۋدى عانا ويلاماۋى كەرەك ەكەنىن؛ ناقتى ءىس تىندىرۋ مەن ءىستىڭ ونىمدىلىگىن تياناقتاندىرۋدى مىقتى ۇستاۋدىڭ تابان تىرەر تياناعى ەتۋ، كورىنىستەگى ساياسي ناتيجەنىڭ سوڭىنان عانا ءتۇسىپ كەتپەۋ كەرەك ەكەنىن» تالاپ ەتكەن. بۇگىنگى تاڭدا، باس شۋجي شي جينپيڭ «ءتورت بۇرىس ستيلدىڭ» جاڭا بەينەسىن تاعى دا قاتاڭ سىندادى، وسىنداي كورىنىستەگى ساياسي ناتيجە كوزقاراسىن باتىل تۇردە الاستاۋ كەرەك ەكەنىن، سونىمەن بىرگە، بۇكىل پارتياداعىلارعا ماسەلەنى شەشپەۋ ەڭ زور فورماشىلدىق؛ قايشىلىقتى شەشپەۋ ەڭ زور تورەشىلدىك نىساي ەكەنىن ەسكەرتتى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار