كوپىرمە مالىمەتتەردەگى ساياسي ناتيجەنىڭ شيكىلىگىن شىعارايىق
2018.01.08 13:46 كەلۋ قاينارى : حالىق تورابى
باسشىنىڭ ءسوزىن جازعاندا بولسىن، قۇجات – باياندامالاردى رەتتەگەندە بولسىن، ءسوزسىز، ماقالانىڭ ۇيقاسىنا، ءسوز – سويلەمىنىڭ كوركەمدىگىنە ءمان بەرەتىن؛ قايدا بارسا دا ارناۋلى مالىمەت جازاتىن ادام ەرىپ جۇرەتىن، ءبولىم دارەجەلى ورىننىڭ وزىنە حاتشى كەڭسەسىن قۇراتىن؛ ءۇش ءجۇز، بەس ءجۇز ارىپپەن انىق جەتكىزۋگە بولاتىن ءىستى كوپىرمە سوزبەن كۇپيتىپ، باسشىنىڭ قالايدان – قالاي كوڭىل ءبولىپ وتىرعانىن جەتكىزەتىن ىستەر كوپتەپ تابىلادى. ءتىلشى تەكسەرۋ بارىسىندا قاعازباستىلىقتىڭ كەي جەرلەر مەن كەي تاراۋلاردا ءالى دە اۋىر ەكەنىن، «كوپىرمە ۇگىتشىلەردىڭ» ماسەلەسىنەن ساق بولۋ قاجەتتىگىن بايقاعان.
ماتەريال جازۋعا، ۇگىت – ءناسيحاتقا كوڭىل ءبولۋ اكىمشىلىك ءتارتىپتىڭ، قىزمەتتى ىلگەرىلەتۋدىڭ قاجەتىنەن تۋىندايتىنىن ەسكەرۋىمىز كەرەك، بۇل كوپ ۋاقىتتا پارتيانىڭ نازاريالىق قىزمەتكە، ۇگىت – ءناسيحات قىزمەتىنە ءمان بەرەتىن تاماشا ءداستۇرىن ايگىلەيدى. ءبىراق، بارلىق ماتەريالدى جازعاندا تۇگەل قالام قۋاتىنا سۇيەنە بەرمەۋ كەرەك، ماتەريالدى قاتاڭ دا شىنايى جازباۋ ستيلىن جۇقتىرۋ، فورماشىلدىق نىسايداعى «قالامگەرلىكتى» جۇقتىرۋ ناقتى قىزمەتكە عانا ىقپال ەتىپ قالماستان، بۇقارانىڭ نازارىندا «تىلدىك ءىرىپ- ءشىرۋ»، «ستيلدىڭ بىلعانۋى» بولىپ كورىنەدى. سوندىقتان دا پارتيامىز شىنايى جازۋ ستيلىن ۇگىتتەۋ، بوس ءسوز بەن جاتتاندى سوزدەن بارىنشا ساق بولۋ، قاعازباستىلىققا قارسى تۇرۋ، تەكسەرىپ زەرتتەۋگە ءمان بەرۋگە ەجەلدەن قاتتى كوڭىل بولەدى.
«ۇيرەنۋ ستيلى مەن جازۋ ستيلى دە پارتيانىڭ ستيلى بولىپ تابىلادى، ءبارى دە پارتيا ستيلى ەسەپتەلەدى». پارتيانىڭ 18 – قۇرىلتايىنان بەرى، «جيىندى قىسقا اشۋ، ءسوزدى ىقشام سويلەۋ، كادەگە جارايتىن ءسوزدى سويلەۋ، بوس ءسوز بەن جاتتاندى سوزدەن قاتاڭ ساقتانۋدى دارىپتەۋ» تالابى جوعارىدان تومەنگە دەيىن بۇكىل پارتيانى شارلاپ، جازۋ ستيلىن وزگەرتۋ، بۇرىلىس جاساۋ سىندى انىق باعدار مەن پارمەندى اۋقىم قالىپتاستىردى. سەگىز تارماقتى بەلگىلەمە ورتاعا قويىلعاننان بەرى، ورتالىقتىڭ باسشىلارىنىڭ كوللەكتيۆ تۇردە ونەگە بولۋى، كۇش سالا ىلگەرىلەتۋىنىڭ ارقاسىندا، ءار دارەجە، جەر – جەر، ءتۇرلى تاراۋلار ستيلدە بەلسەندى بۇرىلىس جاساپ، ۇيرەنۋ ستيلىن دۇرىستاپ، جازۋ ستيلىن وزگەرتىپ، كوپتەگەن جاڭا نىسايلار، جاڭا ناتيجەلەر جارىققا شىقتى. الايدا، ورتالىق قايتا – قايتا دارىپتەسە دە، رەتتەۋ جانە رەفورمالاۋ شارالارى قاتتامدار سايىن پارمەندى جۇرگىزىلسە دە، ماتەريال جازۋداعى كوپىرمەشىلىك قالايشا ايعاي – اتتان ىشىندە العان قادامىنان جازباي كەلەدى؟
كورنەۋ بەلگىلەرگە قاراعاندا، رەتتەۋ جۇرگىزۋدىڭ پارمەندى بولماۋى ماڭىزدى سەبەپ؛ ىشكەرىلەي ۇڭىلسەك، ءتۇرلى ماتەريالدارعا قوساقتالعان «ەسەپ بەرۋ» ـــ ماتەريالداردى كوپىرتىپ جازۋ، ماتەريالدى جالعان جازۋعا يتەرمەلەيتىن ىشكى سەبەپ بولىپ تابىلادى. كوپتەگەن ادامداردىڭ ماتەريال جازۋى قىزمەت ءۇشىن ەمەس، قايتا، ماتەريال جازۋدىڭ ءوزى ونىڭ قىزمەتىنە اينالعان. مىسالى: قىزمەتتى تياناقتاندىرۋ بارىسىندا «ناقتى ىسكە بەيىمى بولماسا، ماتەريالمەن جاسىرىپ - جابۋ»، «قولى قيمىلداماي تۇرىپ، ماتەريالدى دايىنداپ بولۋ»، قورىتىندى ماتەريالمەن قىزمەت ناتيجەسىن جۇتىندىرىپ قويۋ سىندى ىستەر كوپتەگەن كادرلاردىڭ مىزعىماس كوزقاراسى، كوپتەگەن تاراۋلاردىڭ سان وتكەلەكتەن وتكەن امالى ەسەپتەلەدى. ال، كادرلاردىڭ قىزمەتىن باعالاعان كەزدە، اقساقتى تىڭداي قىپ قۇراي الاتىن «قالامى قۋاتتىلار» ءوسىپ، الدىڭعى شەپتە شىنايى ءىس تىندىرعاندار نازارعا ىلىنبەي، قۇلازىپ قالادى، بۇل ءىشىنارا ادامداردى «ماتەريالمەن ءمانساپ كەلەدى» دەيتىن كوزقاراسقا ونان ارى جەتەلەي تۇسەدى.
ءبىزدىڭ كوز الدىمىزداعى جاڭا ءداۋىر ـــ شىنشىلدىقتان اۋىتقىماۋ رۋحى مەن تىڭعىلىقتى ىستەۋ ستيلىن بۇرىنعى ءارقانداي كەزدەگىدەن دە قاجەت ەتەتىن ءداۋىر. «جالعاندىق» جالپاعىنان باسا ما، الدە، «شىنشىلدىق» داۋرەن سۇرە مە، مىنە، بۇل ءبىزدىڭ داۋىرىمىزدەگى ادامداردىڭ تاريحتان الار باعاسىنا ساياتىن ءىس. «قاعازباستىلىقتىڭ» ەسكى سۇرلەۋىنەن قۇتىلىپ، «ماتەريالداعى ساياسي ناتيجەنىڭ» شىرماۋىنان شىعىپ، قىزمەتتە ناقتى ناتيجەنى باعدار ەتۋدە، تياناقتاندىرۋدى ىلگەرىلەتۋدە تاباندى بولعاندا عانا شىنايى ناتيجەمىز ارقىلى بۇقارانى شىنايى باقىت سەزىمىنە كەنەلتە الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
