ماركسيزمنىڭ تىڭ ءورىسىن تىنباي اشايىق
− باس شۋجي شي جينپيڭنىڭ ماركس دۇنيەگە كەلگەنىنىڭ 200 جىلدىعىن ەسكە ءتۇسىرۋ جينالىسىندا سويلەگەن ءسوزى جونىندە (4)
«حالىق گازەتىنىڭ» شولۋشىسى
2018.05.09 15:07 كەلۋ قاينارى : حالىق تورابى
نازاريانىڭ ومىرشەڭدىك كۇشى تىنباي جاڭالىق جاراتۋدا، ماركسيزمنىڭ ۇزدىكسىز دامۋىن ىلگەرىلەتۋ − جۇڭگو كوممۋنيستەرىنىڭ قاسيەتتى بورىشى.
«ماركسيزممەن ءداۋىردى باقىلاۋدا، ءداۋىردى تۇسىنۋدە، داۋىرگە جەتەكشىلىك ەتۋدە تاباندى بولىپ، ماركسيزمنىڭ دامۋىن زامانىمىزداعى جۇڭگونىڭ شىت جاڭا، باي مازمۇندى امالياتىمەن ىلگەرىلەتۋىمىز كەرەك»، «زامانىمىزداعى جۇڭگونىڭ ماركسيزمىنىڭ، 21 - عاسىرداعى ماركسيزمنىڭ تىڭ ءورىسىن تىنباي اشۋىمىز كەرەك». ماركس دۇنيەگە كەلگەنىنىڭ 200 جىلدىعىن ەسكە ءتۇسىرۋ جينالسىندا باس شۋجي شي جينپيڭ ماركسيزم نازارياسىنا مامىلە جاساۋدىڭ عىلمي پوزيتسياسىن ايقىن ءتۇسىندىرىپ، جاڭا داۋىردە ماركسيزمدى ۇيرەنۋگە جانە امالياتتا ايگىلەۋگە ايقىن جەتەكشىلىك ازىرلەپ، ماركسيزمنىڭ جۇڭگوشالانۋىن، داۋىرلىك، حالىقتىق ءتۇس الۋىن ۇزدىكسىز ىلگەرىلەتۋگە زور قوزعاۋشى كۇش قوستى.
ماركسيزم باستان - اياق پارتيامىز بەن مەملەكەتىمىزدىڭ جەتەكشى يدەياسى بولىپ كەلدى. جۇڭگو كوممۋنيستىك پارتياسىنىڭ جاپا - ماشاقاتتى باسىنان كەشىرە وتىرىپ ۇزدىكسىز دامىپ زورايۋىنىڭ ءبىر ماڭىزدى سەبەبى پارتيامىزدىڭ باستان - اياق پارتيانى يدەيالىق جاقتان قۇرۋعا، پارتيانى نازاريالىق جاقتان كۇشەيتۋگە ءمان بەرگەنىندە؛ جۇڭگو سىندى بايىرعى شىعىس ەلىنىڭ ادامزات تاريحىندا بۇرىن بولىپ كورمەگەن دامۋ كەرەمەتىن تۋدىرا الۋىنداعى سەبەپ ماركسيزمنىڭ جۇڭگو توڭكەرىسىن، قۇرىلىسىن، رەفورماسىن قۇدىرەتتى يدەيالىق قارۋمەن قامداعانىندا. قازىر رەفورما، دامۋ، ورنىقتىلىق مىندەتىنىڭ سالماقتىلىعى، قايشىلىقتىڭ، حاۋىپ - قاتەردىڭ، باسەكەنىڭ كوپتىگى، ەل باسقارۋ سىن - سىناعىنىڭ اۋىرلىعى بۇرىنعى كەزدەردەگىدەن اسىپ ءتۇستى. باسىمدىققا، ىرىقتىلىققا، بولاشاققا قول جەتكىزۋدە ءىس جۇزىندىك ماسەلەلەرگە ماركسيزمنەن پايدالانىپ تالداۋ جاساۋ جانە ونى شەشۋ قابىلەتىمىزدى جوعارىلاتىپ، عىلمي نازاريانىڭ جەتەكشىلىگىنەن پايدالانىپ، ءىرى سايىسقا توتەپ بەرۋ، ۇلكەن حاۋىپ - قاتەردى تەجەۋ، اۋىر كەدەرگىنى جەڭۋ، سالماقتى قايشىلىقتى ساباسىنا ءتۇسىرۋ، كەلەلى ماسەلەنى شەشۋ قابىلەتىمىزدى ۇزدىكسىز ءوسىرىپ، بولاشاق دامۋدا ءدوپ كەلەتىن ءبىرسىپىرا كەلەلى ماسەلەگە اناعۇرلىم كەڭ كوز ايامەن، اناعۇرلىم الىستى بولجايتىن كورەگەندىكپەن وي جۇگىرتىپ، ماركسيزم سەنىمى مەن كوممۋنيزمدىك مۇراتتى ۇزدىكسىز بەكەمدەۋىمىز كەرەك.
عىلمي نازارياعا مامىلە جاساۋدا عىلمي پوزيتسيادا بولۋ كەرەك. «ماركستىڭ دۇنيە تۋرالى تۇتاس كوزقاراسى − ءدىني قاعيدا ەمەس، قايتا ءادىس». زامانىمىزداعى جۇڭگونىڭ ۇلى قوعامدىق وزگەرىسى ەلىمىز تاريحي مادەنيەتىنىڭ ءتۇپ تاعانىنىڭ جاي عانا جالعاسۋى ەمەس، ماركسيزم كلاسسيكتەرىنىڭ بولجامىنىڭ جاي كوشىرە سالعان نۇسقاسى ەمەس، باسقا ەلدەردىڭ سوتسياليزم امالياتىنىڭ قايتالانعان نۇسقاسى ەمەس، شەتەلدەردىڭ وسى زامانعى دامۋىنىڭ كوشىرمە نۇسقاسى دا ەمەس. سوتسياليزم ءبىر قالىپتان جازبايتىن، وزگەرمەيتىن ءبىر سىدىرعى جول ەمەس، عىلمي سوتسياليزمنىڭ نەگىزگى پرينسيپتەرىن ءوز ەلىنىڭ ناقتى امالياتىمەن، تاريحىمەن، مادەنيەت داستۇرىمەن، ءداۋىر تالابىمەن تىعىز بىرلەستىرىپ، اماليات بارىسىندا ۇزدىكسىز ىزدەنىس جاساپ، قورىتىندىلاعاندا عانا ايبىندى جوسپاردى تاماشا رەالدىققا اينالدىرۋعا بولادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
