بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

ەكولوگيالىق ورتانىڭ ساپاسى ۇزدىكسىز جاقسارىپ، كورىكتى جۇڭگو قۇرىلىسى ۋاقىت وزعان سايىن تۇلەدى

− ەلىمىزدىڭ پارتيانىڭ 18 - قۇرىلتايىنان بەرگى ەكولوگيالىق وركەنيەت قۇرىلىسىنداعى تابىسىنا شولۋ

شينحۋا اگەنتتىگىنىڭ تىلشىلەرى دۇڭ جۇن، گاۋ جيڭ

2018.05.23 15:00     كەلۋ قاينارى : حالىق تورابى

  پارتيانىڭ 18 - قۇرىلتايىندا «ەكولوگيالىق وركەنيەت قۇرىلىسىن زور كۇشپەن ىلگەرىلەتىپ، كورىكتى جۇڭگونى قۇلشىنا قۇرىپ، جۇڭحۋا ۇلتتارىنىڭ ماڭگى باياندى دامۋىن جۇزەگە اسىرۋ كەرەك» دەپ ايقىن العا قويىلدى. 5 جىلدان بەرى «تۇنىق سۋ، جاسىل تاۋ − باعالى بايلىق» دەيتىن ۇستانىم جۇرت كوڭىلىنە تەرەڭ ۇيالاپ، ەكولوگيالىق وركەنيەتتى جوعارى دەڭگەيدە جوبالاۋ جانە ءتۇزىلىس جۇيەسى قۇرىلىسى جەدەل ىلگەرىلەپ، لاستانۋدى جونگە سالۋ پارمەندى ىلگەرىلەپ، جاسىل دامۋدىڭ ونىمدىلىگى كورنەكتىلەنىپ، ەكولوگيالىق ورتانىڭ ساپاسى ۇزدىكسىز جاقسارىپ، كورىكتى جۇڭگونىڭ جاڭا بەينەسى جارىققا شىقتى.

  لاستانۋدى جونگە سالۋ تەبىنى بۇرىن بولىپ كورمەگەن دارەجەدە ارتىپ، ەكولوگيالىق ورتانىڭ ساپاسىن جاقسارتۋ تەزدەي ءتۇستىجاڭبىردان كەيىن جاز باسىنداعى بەيجيڭ ايرىقشا تازارىپ، جاسىل جەلەك جامىلدى. قالا تۇرعىنى گاۋ شياڭ اسەرلەنە: بۇرىن جاڭبىر جاۋسا قاشاتىنبىز، ويتپەگەندە ءۇستى - باسىمىز كىر - قوجالاق بولىپ كەتەتىن، قازىر جاڭبىر كوپ تازاردى، − دەدى.

  قورشاعان ورتانىڭ ءوزى − حالىق تۇرمىسى، جاسىل تاۋ دەگەنىمىز كوركەمدىك، اشىق اسپان − باقىت. قازىر اشىق اسپان، اقشا بۇلت سيرەك كەزدەسەتىن قۇبىلىس بولۋدان قالدى. بەيجيڭنىڭ وزگەرىسى ەلىمىزدىڭ «اشىق اسپاندى قورعاۋ شايقاسىن» زور كولەمدە ورىستەتۋىنىڭ ناتيجەسى.

  2013 - جىلداعىمەن سالىستىرعاندا، بىلتىر بۇكىل ەلدەگى ايماق دارەجەلىدەن جوعارعى 338 قالانىڭ سىمىرىلگىش شاڭ - توزاڭىنىڭ (PM10) ورتاشا قويۋلىعى %22.7 تومەندەپ، بۇرىن مۇناردان كوز اشا الماي قالعان بەيجيڭ، تيانجين، حىبەي وڭىرلەرىندەگى 5.PM2 تىڭ ورتاشا قويۋلىعى %39.6 تومەندەدى. ال بەيجيڭدە 5.PM2 تىڭ ورتاشا قويۋلىعى ءار شارشى مەتردە 89.5 ميكروگرامنان 58 ميكروگرامعا تومەندەدى.

  پارتيانىڭ 18 - قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى ەكولوگيالىق وركەنيەت قۇرىلىسىن «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى مازمۇنى ەتىپ، ءبىرقىدىرۋ ءتۇبىرلى، جاسامپاز، باياندى قىزمەتتى جوسپارلاپ ورىستەتىپ، ەكولوگيالىق ورتانى قورعاۋدا تاريحي، بۇرىلىستىق، جالپى جاعدايلىق وزگەرىستەر تۋدىرۋدى جەبەدى.

  جۋىردا جابىلعان ەكولوگيالىق ورتانى قورعاۋ جونىندەگى مەملەكەتتىك ماجىلىستە باس شۋجي شي جينپيڭ: «ءبىز حالىق بۇقاراسىنىڭ ويلاعانىنا، ارمان - تىلەگىنە، كوكەيتەستى ىسىنە بەلسەنە جاۋاپ بەرىپ، ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، اناعۇرلىم كوپ ساپالى ەكولوگيالىق ءونىم ۇسىنىپ، حالىق بۇقاراسىنىڭ كۇن سايىن ارتقان تاماشا ەكولوگيالىق ورتا قاجەتىن ۇزدىكسىز قاناعاتتاندىرۋىمىز كەرەك» دەپ دارىپتەدى.

  وسى قىسقا عانا 5 جىلدان استام ۋاقىت ەلىمىزدىڭ ەكولوگيالىق وركەنيەت قۇرىلىسىنىڭ تەبىنى ەڭ زور، شارالارى ەڭ ناقتى، ىلگەرىلەۋى ەڭ تەز، ونىمدىلىگى ەڭ جاقسى مەزگىل بولدى: اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى جونگە سالۋدىڭ 3 ءىرى ارەكەت جوسپارى جاريالانىپ اتقارىلىپ، لاستانۋدى جونگە سالۋ تەبىنى بۇرىن بولىپ كورمەگەن دارەجەدە زورايدى؛ قورشاعان ورتاعا قاتىستى نەگىزدىك قۇرىلعى قۇرىلىسى جەدەل ىلگەرىلەپ، دۇنيە جۇزىندەگى لاس سۋدى، قوقسىقتى ءبىر جاقتى ەتۋ قۋاتى ەڭ جوعارى ەلگە اينالدىق.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار