«ۇلكەننىڭ ۇلكەنگە ءتان سالاۋاتى بولۋ كەرەك»
− جۇڭگو كوممۋنيستىك پارتياسى قۇرىلعانىنىڭ 97 جىلدىعىنا ارناۋ
شينحۋا اگەنتتىگىنىڭ تىلشىلەرى حۋاڭ شياۋشي، لو جىڭگۋاڭ، ۋاڭ چي، ليڭ جۇنحۇي
2018.06.29 16:13 كەلۋ قاينارى : حالىق تورابى
«جۇڭگو كوممۋنيستىك پارتياسى − دۇنيە جۇزىندەگى ەڭ ۇلكەن پارتيا. ۇلكەننىڭ ۇلكەنگە ءتان سالاۋاتى بولۋ كەرەك». پارتيانىڭ 19 – قۇرىلتايى تابىسپەن جابىلعان سوڭ باس شۋجي شي جينپيڭنىڭ جۇڭگولىق، شەتەلدىك تىلشىلەرمەن كەزدەسكەندە سويلەگەن ءسوزى ءارى ايبىندى دا اسقاق سەرت، ءارى جۇرت كوڭىلىن جەلپىندىرگەن شابىت بولدى.
قۇرىلعان 97 جىلىندا، بيلىك جۇرگىزگەن 69 جىلىندا ءجۇز ميلليونداعان حالىقتى باستاپ 40 جىلدىق رەفورما جۇرگىزۋ، قاقپا اشۋ ۇلى جورىعىن باسىپ ءوتىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، «جەر شارىنان قۋدالانۋ» قاتەرىنە ءدوپ كەلگەن مەملەكەتتى دۇنيە ءجۇزى ساحناسىنىڭ تورىنە جاقىنداتتى، تاۋقىمەت تارتقان ۇلتتى گۇلدەنۋ ارمانىنا جەتۋگە تاياتتى...
جۇڭگو كوممۋنيستىك پارتياسى بورىشىنىڭ كەرەمەتتىگىمەن زور، جولىنىڭ ايبىندىلىعىمەن ۇلى، قابىلەتىنىڭ مىقتىلىعىمەن قۇدىرەتتى.
ۇلى ارمان جانە زور جاۋاپكەرلىك: حالىقتىڭ باقىتىن، ۇلتتىڭ گۇلدەنۋىن، دۇنيە ءجۇزىنىڭ ۇلى بىرلىگىن كوزدەگەن جۇڭگو كوممۋنيستىك پارتياسى ۇلى بورىش ارقالاپ، عاسىر كوشىندە دامىپ، زورايدى
بورىشتىڭ كۇشىن سەزىنۋ ءۇشىن پارتيا قۇرىلعان جەرگە بارۋ كەرەك.
«مەن ءوز ەركىممەن جۇڭگو كوممۋنيستىك پارتياسىنا مۇشە بولامىن، پارتيانىڭ پروگرامماسىن قولدايمىن، پارتيانىڭ ۋستاۆىنا بويسۇنامىن...» 1 – شىلدە قارساڭىندا جۇڭگو كوممۋنيستىك پارتياسىنىڭ 1 – قۇرىلتايى اشىلعان جەردەگى ەسكەرتكىش سارايىن قۇرمەتپەن كورىپ قايتۋعا كەلگەندەردىڭ اياعى ۇزىلمەدى. بۇكىل ەلدىڭ جەر – جەرىنەن توپ – توبىمەن كەلگەن كوممۋنيستىك پارتيا مۇشەلەرى نارت قىزىل پارتيا تۋى الدىندا پارتياعا كىرگە كەزدەگى ايبىندى سەرتتەرىن قايتادان ەسكە الدى.
ءبىر ساقا پارتيا مۇشەسى اسەرلەنە: «باس شۋجي شي جينپيڭ بۇكىل پارتياعا ونەگە كورسەتتى» دەدى.
پارتيانىڭ 19 – قۇرىلتايى جابىلىپ كوپ وتپەي باس شۋجي شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ وسى اراعا كەلىپ، جۇرتشىلىققا: اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەس جۇرگىزەتىنىن سالتاناتپەن جاريالادى.
ءبىر عاسىرعا تاياۋ ۋاقىتتىڭ الدىندا ەرەكشە بورىش ارقالاعان جۇڭگو كوممۋنيستىك پارتياسى دۇنيەگە كەلىپ، «جەر دۇنيە جارالعاننان بەرگى ۇلى وقيعاعا» اينالدى.
1921 – جىلى شىلدە، شاڭحاي. ۇستىلەرىنە جەيدە، جۇڭشان ۇلگىسىندەگى شاپان، كاستيۋم كيگەن ون نەشە جىگەرلى ازامات ۇلت تاعدىرى جولىنداعى الاڭداۋشىلىقپەن، ماركسيزم سەنىمىمەن توڭىرەكتىڭ ءتورت بۇرىشىنان فرانسيا جالعا العان جەردەگى ءبىر تىنىش اۋلاعا كەلىپ، ەسىكتى اقىرىن قاقتى.
مۇراتقا باستايتىن ەسىك باياۋ اشىلدى. وسى ارادان ساپارعا اتتانعان جۇڭگو كوممۋنيستىك پارتياسى 60 ادامعا جەتپەيتىن جاسىرىن پارتيادان دامىپ، زورايىپ، 89 ميلليوننان استام مۇشەسى بار دۇنيە جۇزىندەگى ەڭ ۇلكەن بيلىكتى پارتياعا اينالدى.
جۇڭگو حالقىنىڭ باقىتىن، جۇڭحۋا ۇلتتارىنىڭ گۇلدەنۋىن كوزدەدى.
جۇڭگو كوممۋنيستەرى بورىشتى ەستە بەرىك ساقتاپ، ەشتەڭەدەن تايسالماي، عاسىرلىق جۇڭگونىڭ ۇلى دۇبىرمەن العا باسۋىن ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
