بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

ءداۋىر اعىمىنا سايكەسىپ، تاعى دا «التىن ون جىلدىقتى» جاراتايىق

ــ ءتوراعا شي جينپيڭنىڭ تەبىندى ەلدەر ونەركاسىپ – ساۋدا تالقى مىنبەسىندەگى ماڭىزدى ءسوزى جونىندە (1)

«حالىق گازەتىنىڭ» شولۋشىسى

2018.07.27 16:17     كەلۋ قاينارى : حالىق تورابى

  «مۇراتتاس بولساڭ، الىستىق بولمايدى». كورىكتى «كەمپىرقوساق ەلى» وڭتۇستىك افريكانىڭ يوحاننەسبۋرگ قالاسىندا تەبىندى ەلدەر باسشىلارىنىڭ 10 – رەتكى كەزدەسۋى باستالدى. بىلتىر شيامىنداعى كەزدەسۋدىڭ ءساتتى بولۋى تەبىندى ەلدەر سەلبەستىگىنىڭ ەكىنشى «التىن ون جىلدىعى» باستالعانىن اڭعارتتى. دۇنيە ءجۇزى تەبىندى ەلدەر سەلبەستىگىنىڭ يوحاننەسبۋرگتەن تاعى دا باستاۋ الىپ، «التىن ون جىلدىقتا» جاڭا سەكىرىستىڭ جۇزەگە اسۋىن كۇتۋدە.


  ءتوراعا شي جينپيڭ 25 – شىلدەدە تەبىندى ەلدەر ونەركاسىپ – ساۋدا تالقى مىنبەسىندە ماڭىزدى ءسوز سويلەپ، دۇنيە ءجۇزىنىڭ جالپى اۋقىمىن تەرەڭدەي يگەرىپ، ءداۋىر تولقىنىن بويلاپ، ورتاق دامۋدى ىسكە اسىرۋ سىندى «جۇڭگو دارىپتەمەسىن» ايقىن العا قويدى، ادامزاتتىڭ بەيبىتشىلىگى مەن دامۋىنا اناعۇرلىم زور ۇلەس قوساتىن «جۇڭگو ارەكەتىن» سالتاناتپەن جاريالادى. بۇل ماڭىزدى ءسوز جۇڭگونىڭ جاڭاشىل حالىقارالىق قاتىناستى ورناتۋدى، ادامزاتتىڭ تاعدىرلاس ورتاق تۇلعاسىن قۇرۋدى بەلسەندىلىكپەن ىلگەرىلەتۋدەگى بەرىك سەنىمى مەن ناقتى ارەكەتىن ايگىلەدى، جۇڭگونىڭ ادامزاتتىڭ العا باسۋ ىستەرى ءۇشىن كۇرەس جاساۋداعى وسكەلەڭ بورىشى مەن جاۋاپكەرلىگىن اڭعارتتى، تەبىندى ەلدەر سەلبەستىگىنىڭ «التىن ون جىلدىقتا» جاڭا سەكىرىستى ىسكە اسىرۋىنا ايقىن بەتالىس كورسەتتى.


  10 جىلدى باسىپ وتكەن تەبىندى ەلدەر سەلبەستىگى 5 ەلدىڭ حالىقتارىن باقىتقا كەنەلتۋمەن بىرگە، دۇنيە ءجۇزى ەكونوميكاسىنىڭ ورنىقتى جاندانۋىنا ءارى ارتۋ جولىنا قايتا تۇسۋىنە كورنەكتى ۇلەس قوستى. تەبىندى ەلدەر سەلبەستىگىنىڭ امالياتى مىنانى تولىق دالەلدەدى: وسى جاسامپاز سەلبەستىك مەحانيزمى ساياسي جانە اسكەري وداقتاستىق كونە سۇردەكتى ارتقا تاستادى، سەرىكتەسۋ، وداقتاسپاۋ جاڭا قاتىناسىن ورناتتى؛ يدەيالوگيامەن ايىرۋ كونە ويىنان ارىلدى، ءبىر - ءبىرىن قۇرمەتتەيتىن، ورتاق العا باساتىن جاڭا جولمەن ءجۇردى؛ ءبىر – بىرىنە ىرىق بەرمەۋ، جەڭگەندەر بارلىعىنا يە بولۋ كونە كوزقاراسىنان ارىلدى، تيىمدىلىك جاساۋ، پايدا جەتكىزۋ، سەلبەسىپ تەڭ يگىلىككە كەنەلۋ جاڭا ۇستانىمىن ىسكە اسىردى. بۇگىنگى دۇنيە ءجۇزىنىڭ عاسىردان بەرى كەزدەسپەگەن ۇلكەن وزگەرىسى جاعدايىندا، حالىقارالىق جاعدايدىڭ تاريحي اياق الىسى بارىسىندا تەبىندى ەلدەر سەلبەستىگىن جوسپارلاعاندا، دۇنيە جۇزىلىك دامۋدىڭ جانە تەبىندى ەلدەردىڭ ورتاق دامۋىنىڭ تاريحي اياق الىسى بارىسىندا وزىندىك دامۋعا ۇمتىلعاندا عانا تەبىندى ەلدەر سەلبەستىگى تاعى ءبىر «التىن ون جىلدىقتا» جاڭا سەكىرىستى ىسكە اسىرا الادى.


  الداعى 10 جىلدا قانداي كەلەلى وزگەرىسكە ءدوپ كەلەمىز؟ ءتوراعا شي جينپيڭ «الداعى 10 جىل __ دۇنيە ءجۇزى ەكونوميكاسىنىڭ جاڭا، كونە قوزعاۋشى كۇشتەرىنىڭ الماسۋىنداعى شەشۋشى 10 جىل، حالىقارالىق جاعداي مەن كۇشتەردىڭ سالىستىرماسى جەدەل وزگەرەتىن 10 جىل، دۇنيە ءجۇزىن جونگە سالۋ جۇيەسى تەرەڭدەي قايتادان قالىپتاساتىن 10 جىل» دەپ ايقىن اتاپ كورسەتتى. وسى عىلمي تۇجىرىم دۇنيە جۇزىلىك دامۋدىڭ جالپى اۋقىمىن ايگىلەدى. ءبىر جاعىنان، قىرۋار جاڭا كاسىپ سالاسى، جاڭا شارۋاشىلىق كۇيى، جاڭا ۇلگى ادامزات تۇرمىسىندا جەر مەن كوكتەي وزگەرىس تۋدىرادى؛ قازىرگى دامۋ قارقىنى جالعاسسا، 10 جىلدان كەيىن بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ەكونوميكالىق جالپى مولشەرى دۇنيە ءجۇزى جالپى مولشەرىنىڭ تەڭ جارىمىنا تايايدى. تاعى ءبىر جاعىنان، قاقپا اشۋ كەرەك پە، الدە تۇيىقتالۋ كەرەك پە، ءوزارا پايدا جەتكىزىپ، تەڭ يگىلىككە كەنەلۋ كەرەك پە، الدە كورشىگە زيان جەتكىزۋ كەرەك پە، حالىقارالىق قوعام قايدا بارۋدىڭ، كىمگە ىلەسۋدىڭ اشا جولىنا قايتا ورالادى. تاريحتىڭ جالپى اۋقىمىنا ۇيلەسىپ، دامۋ ورايىن يگەرىپ، كۇش بىرىكتىرە سىن – سايىستى جەڭىپ، جاڭاشا حالىقارالىق قاتىناس ورناتۋ، ادامزاتتىڭ تاعدىرلاس ورتاق تۇلعاسىن قۇرۋر ءۇشىن سىندارلى رول اتقارۋ كەرەك، بۇل ـــ ءداۋىردىڭ تەبىندى ەلدەرگە جۇكتەگەن ورتاق جاۋاپكەرلىگى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار