قول ۇستاسا قاتار ىلگەرىلەپ، بىرگە دامۋدىڭ سالتاناتتى سيمفونياسىن جازدى
__ ءتوراعا شي جينپيڭنىڭ ورتا شىعىس پەن افريكاداعى 5 ەلگە ساپارى جونىندە
2018.07.30 16:21 كەلۋ قاينارى : حالىق تورابى
ورتا شىعىس پەن افريكاداعى دامۋ ۇستىندەگى ەلدەردى بەتكە الىپ، مەملەكەت ءتوراعاسى شي جينپيڭ جاڭا كەزەكتى مىندەت وتەۋ مەرزىمىندەگى ديپلوماتيالىق ساپارىن باستادى.
افريكا ەلدەرىمەن ىنتىماقتى، سەلبەستىكتى كۇشەيتۋ اۋەلدەن جۇڭگونىڭ ديپلوماتيالىق ساياساتىنىڭ ماڭىزدى نەگىزى بولىپ كەلەدى. 2013 – جىلى ناۋرىزدا شي جينپيڭ مەملەكەت ءتوراعاسى بولىپ سايلانعاننان كەيىنگى العاشقى ساپارىنىڭ دا نىسانالى جەرى افريكا بولعان.
سول جولى ءتوراعا شي جينپيڭ بيىكتە تۇرىپ الىستى بولجاپ، افريكاعا باعىتتالعان شىنايى دا جاقىن ساياساتتىق ۇستانىم مەن دۇرىس ادىلەت – مۇددە كوزقاراسىن ورتاعا قويدى.
وسى جولى ورتا شىعىستاعى اراب بىرىككەن امىرلىگىنەن باتىس افريكا مۇيىسىندەگى سەنەگالعا، افريكانىڭ ىشكى قۇرلىعىنداعى رۋاندادان ءۇندى مۇحيتى مەن اتلاند مۇحيتىنىڭ قۇشاعىنداعى وڭتۇستىك افريكاعا، ودان شىعىس افريكاداعى ارال مەملەكەت ماۋريتۋسقا دەيىن ساپار شەكتى.
تاۋلار مەن شولدەردى باسىپ، ازيا مەن افريكا قۇرلىقتارىن ەندەي ءوتتى. 19 – شىلدەدەن 29 – شىلدەگە دەيىن 11 كۇندە 5 ەلگە ساپارلاپ، 50 گە جۋىق قيمىلعا قاتىناسىپ، جالپى 45 ساعات ۇشىپ، 36 مىڭ كيلومەتر جول باستى.
ورتاق ماقسات دامۋ ۇستىندەگى ەلدەردىڭ قول ۇستاسا العا باسۋداعى سەلبەستىك دانەكەرىن نىعايتتى؛ ىسكەرلىك ارەكەتى اشىق، قامتىمدى، پايدالى، ەكى جاققا ءتيىمدى دامۋدىڭ حيكاياسىن جازدى؛ جاۋاپكەرلىكپەن مىندەت ارقالاۋ ادامزاتتىڭ تاعدىرلاس ورتاق تۇلعاسىن قۇرۋدىڭ ىنتىماقتاسقان قۇلشىنىسىن جەبەدى.
سۇيىسپەنشىلىك توعىستى: اسقار تاۋ، الىپ وزەندەر بەرەكەنى جالعادى
بۇل __ ءتوراعا شي جينپيڭنىڭ جۇڭگونىڭ مەملەكەت باسشىسى رەتىندە اراب تۇبەگىنە 2 – رەت ساپارلاۋى، افريكاعا 4 – رەت اياق باسۋى.
بارلىق جەردەن دۋماندى دا شاتتىققا تولى كورىنىس مەنمۇندالاپ، ۇقىپتى دا تىڭعىلىقتى قارسى الۋ تۇتاس بارىسپەن ساباقتاسىپ جاتتى.
«شولدەگى گۇل» اراب بىرىككەن امىرلىگى «جۇڭگو قىزىلىمەن» كومكەرىلدى. استانا ءابۋدابي مەن بۇكىل ەلدەگى نەگىزگى داڭعىلداردا تۇگەل باس جۇلدىزدى قىزىل تۋ ءىلىندى، كوپتەگەن بوگانايلىق قۇرىلىستا قاتارىنان بىرنەشە كۇن بويى جۇڭگونىڭ مەملەكەت تۋى شىراق نۇرىمەن كورسەتىلدى. 12 سوعىس ۇشاعى كوككە كوتەرىلىپ قورعاپ ۇشتى، 12 قۇرمەت قاراۋىلى ارعىماق ءمىنىپ، قورعاپ ءجۇردى، اۋە ساربازدارى اۋەدە ونەر كورسەتۋ اترەتى زەڭگىر اسپاندا جۇڭگونىڭ مەملەكەت تۋىنا سيمۆول بولعان قىزىل – سارى جولاقتاردى جاسادى. سول جەردىڭ تەلەگراف ساۋداگەرلەرى دە قولفون سيگنالىنىڭ اتاۋىن «جۇڭگونىڭ مەملەكەت ءتوراعاسىن قارسى الامىز» دەپ وزگەرتتى. ءتوراعا شي جينپيڭ بارعان كۇنى تۇندە اسەم مەرەكەلىك وت شاشۋى ءابۋدابيدىڭ تەڭىز جاعالاۋىن جارقىراتىپ، بيىك عيماراتتارعا «قول ۇستاسا العا باسىپ، بىرگە گۇلدەنەيىك» دەگەن زور كولەمدى ۇراندار كەسكىندەلدى.
«قوناقجاي ەل» سەنەگال «مەن جۇڭگونى سۇيەمىن»، «ءتوراعا شي جينپيڭگە العىس» دەگەن قويۋ دوستىققا بولەندى. پرەزيدەنت سارايىنا باراتىن رەسپۋبليكا داڭعىلىندا قىزىل پالتو كيگەن 58 اتتى سارباز قارسى الىپ، قورعاپ ءجۇردى، ون مىڭنان اسا جەرگىلىكتى تۇرعىن ءان ايتىپ، ءبي بيلەپ، دۋمانعا باستى. جەلبىرەگەن مەملەكەت تۋى، ءتۇرلى - ءتۇستى مەرەكەلىك كيىم، كۇلكى ۇيىرىلگەن جۇزدەر، العىس پەن تىلەك جازىلعان ۇراندار داكار كوشەلەرىندەگى سامۇرىق گۇلدەرىندەي كوز تارتتى.
«ادىرلى ەل» راۋاندادا ىستىق پەيىل تۇنگى اسپاندى جارقىراتتى. پرەزيدەنت كاگامي مەن حانىمى جەاننەتتە ءتوراعا شي جينپيڭ مەن حانىمى پىڭ لييۋاندى اۋەجايدا كۇتىپ الدى. العاش ساپاردا بولعان جۇڭگونىڭ مەملەكەت باسشىسىن قارسى العان پرەزيدەنت كاگامي سيلى قوناقتاردى اۋەجايدىڭ سيلىق قوناقتار بولمەسىنە باستاپ، ىستىق ىقىلاسپەن اڭگىمەلەستى. مەرەكەلىك كيىم كيگەن قۇرمەت قاراۋىلى، ارۋ بويجەتكەندەر، مەرەيلى افريكا بارابانى، ويناقى ۇلتتىق ءبي، مىنگەسكەن جوتالاردىڭ ۇيلەردىڭ شامى... كيگاليدىڭ ءتۇنى ءتوراعا شي جينپيڭنىڭ كەلۋىمەن توتەنشە تەبىرەنەرلىك كۇيگە ەندى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
