رەفورما جۇرگىزىپ، قاقپا اشۋدىڭ كوكتەم سامالىمەن بىرگە تەربەتىلدى (جاڭا داۋىرگە جورىق جاسپ، رەفورما جۇرگىزىلىپ، ەسىك اشىلعانىنىڭ 40 جىلدىعىن قۇتتىقتايمىز)
ــ شي – ان جوعارى، جاڭا تەحنيكا رايونىنىڭ 27 جىلدىق تۇلەۋ جولى جونىندە
«حالىق گازەتىنىڭ» تىلشىلەرى ۋاڭ لى – ۋىن، گاۋ بيڭ
2018.08.09 16:50 كەلۋ قاينارى : حالىق تورابى
72 جاستاعى جاڭ دۇڭفان قارت ءار جولى شي – ان جوعارى، جاڭا تەحنيكا رايونىنان وتكەن سايىن اۆتوموبيلىنىڭ اينەگىن ءتۇسىرىپ، جولدىڭ ەكى شەتىندەگى عيماراتتارعا قىزىعا قارايدى. ول: «قىزىل شاقا نارەستەنىڭ كوزدى اشىپ – جۇمعانشا جىگىت جاسىنا كەلگەنى سەكىلدى، قاراعان سايىن قاراي بەرگىم كەلەدى» دەيدى.
شي – ان جوعارى، جاڭا تەحنيكا رايونىن باسقارۋ كوميتەتىنەن زەينەتكە شىققانىنا 12 جىل بولعان جاڭ دۇڭفان وسى رايوننىڭ قۇرىلۋ ساتىنە كۋا بولعان. 1991 – جىلى ناۋرىزدا مەملەكەتتىك كەڭەس شي – ان جوعارى، جاڭا تەحنيكا كاسىپتەرىن اشۋ رايونىن قۇرۋدى بەكىتتى. وسىدان باستاپ «جوعارى، جاڭا تەحنيكا رايونى» دەگەن جاڭا ءسوز بايىرعى قالاداعى جۇرتشىلىقتىڭ كوكەيىنە بىرتىندەپ ۇيالادى.
27 جىل قايراتتانا العا ۇمتىلۋدىڭ ناتيجەسىندە شي – ان جوعارى، جاڭا تەحنيكا رايونى دامۋ ساپاسى مەن ونىمدىلىگىن بىردەي جوعارىلاتىپ، ەلىمىزدىڭ جوعارى، جاڭا تەحنيكا كاسىبىنىڭ ماڭىزدى بازاسىنا اينالدى.
يگىلىك جاراتۋ رۋحى ۇزبەي جالعاسىپ كەلدى
جاز كۇندەرىنىڭ كەشكى ساتىندە جوعارى، جاڭا تەحنيكا رايونى تاڭ داۋىرىندەگى چاڭ – ان قالاسىنىڭ وڭتۇستىك قورعانى بايىرعى جۇرت باقشاسىنا قادام تاستاساڭىز، جىنىس توعايدىڭ ىشىندە جۇرگەندەي سەزىنەسىز، ودان وتكەندە اشەكەيلى شىراقتارى جايناعان كەڭسە عيماراتتارى وزگەشە كوز تارتىپ تۇرادى، جۇرگىنشىلەر مەن اۆتوموبيلدەر قايشالىسىپ جاتىر.
«قورشاۋدىڭ سىرتى وسى زامانعى دۇنيە، كۇن سايىن جاڭارۋدا. باقشا ءىشىنىڭ مادەنيەت ءتۇسى قويۋ، وندا قوزعالىس پەن تىنىشتىق ءبىر – بىرىمەن قابىسىپ كەتكەن». جۇدىرىقشىلىق جاتتىعۋىن ىستەپ بولعان ليۋ كاريا تەرىن ءسۇرتىپ، تىنىققان ساتىندە ءوز اسەرىن ايتىپ بەردى.
27 جىلدىڭ الدىندا بۇل ارا مۇلدە باسقاشا بەينەدە بولاتىن. 1991 – جىلى 14 – ماۋسىمدا شي – ان قالاسىنىڭ باتىس وڭتۇستىك شەتكەرى تۇسىندا قۇرىلىس ماشينالارى ىشقىنىپ، جوعارى، جاڭا تەحنيكا رايونىنىڭ قۇرىلىس جۇمىسى باستالدى. باسقارۋ كوميتەتىندە قىزمەت ىستەيتىن جاڭ دۇڭفان ۋادەلەسىپ قويعان قىزمەتتەسىمەن بىرگە جۇمىس باسىنا كەلگەندە، كوز الدىنداعى كورىنىس كوڭىلىنىڭ اپتەر – تاپتەرىن شىعاردى، «توڭىرەك تۇگەلدەي كونەرگەن قورجا، قاعىر جەر بولاتىن، كەرەكتەن شىققان سۋارۋ توعانى شىعىستان باتىسقا قاراي كولبەپ جاتىر، سول كەزدە ەشكىم دە بۇل ارانىڭ بۇگىنگىدەي تاماشا بەينەسىن كوز الدىنا ەلەستەتىپ كورمەگەن».
يگىلىك جاراتۋ كۇندەرى ءارى جاپا – ماشاقاتقا تولى بولدى، ءارى جۇرت كوڭىلىن جەلپىندىرىپ وتىردى. باسقارۋ كوميتەتى قۇرىلعان العاشقى مەزگىلدە 100 مىڭ يۋان قاراجاتى مەن قارىزعا الىپ كەلگەن كونەتوز جەڭىل ماشيناسى عانا بار بولاتىن، 20 عا جۋىق قىزمەتكەر جالعا العان بىرنەشە اۋىز ۇيدە جۇمىس ىستەيتىن. شي – ان قالاسىنىڭ ىشكى جاعىنا بارىپ ساۋداگەر شاقىرۋ ءۇشىن جىگىتتەر ۆەلوسيپەدپەن جۇرەتىن؛ سىرتقا شىعىپ ساۋداگەر شاقىرۋدا اۆتوبۋزعا، پويەزگە وتىراتىن. جاڭ دۇڭفان بىلاي دەدى: «قىزمەتىمىز جاپالى بولعانىمەن، كوپشىلىك قىزۋ ىنتامەن ىستەيتىن، شارشاپ – شالدىعۋدى ەلەمەيتىن، 27 جىلدان بەرى وتتاي ىستىق يگىلىك جاراتۋ رۋحى ۇزبەي جالعاسىپ كەلدى».
سول جىلى شي – ان جوعارى، جاڭا تەحنيكا رايونى مەملەكەتتىڭ نەگىزدىك قۇرىلىس جوسپارىن مىندەتتەن اسىرا ورىنداپ، بۇكىل ەلدەگى 50 دەن استام جوعارى، جاڭا تەحنيكا رايونىنىڭ الدىڭعى قاتارىندا تۇردى. جوعارى، جاڭا تەحنيكا رايونىنىڭ جۇمىس قارقىنىن ەسىنە الىپ جەلپىنە تۇسكەن جاڭ دۇڭفان بىلاي دەدى: «سول جىلى رايوندى قۇرىپ، سول جىلى جۇمىس باستاپ، سول جىلى ءونىمىن كوردىك، العاشقى شايقاستىڭ تابىسى جوعارى، جاڭا تەحنيكا رايونىنىڭ قىزمەتكەرلەرىنە زور شابىت بەردى».
وسىدان باستاپ قىرتىسى قالىڭ سارى توپىراقتى جەردە تىڭ قامال الىنا باستادى: ءتۇزىلىس جاعىندا، ساۋداگەر شاقىرىپ، قارجى ەنگىزۋ سالاسىنا قالا دارەجەلى باسقارۋ ۇقىعى بەرىلدى؛ مەحانيزم جاعىندا، ءبىر تەكشەدە جۇمىس جۇرگىزۋ ءتاسىلى قولدانىلىپ، الەۋمەتتىك قىزمەت وتەۋدە بۇرىلىس جاساۋدان باستاما كوتەرىلدى؛ قىزمەت وتەۋ جاعىندا، «ەرەكشە ءىستى ەرەكشە جولمەن ءبىتىرۋ، شۇعىل ءىستى جەدەل ءبىتىرۋ» سىندى «جوعارى، جاڭا تەحنيكا رايونىنىڭ ورتاق تانىمى» شوعىرلاندى...
وسىنداي ەلەۋلى قىزمەتتىڭ ناتيجەسىندە جوعارى، جاڭا تەحنيكا رايونى دامۋعا نىق قادام تاستادى. 70 مىڭنان استام كاسىپورىن وسىندا تىزىمدەلىپ، دۇنيە ءجۇزى بويىنشا قۋاتتى 500 كاسىپورىن قاتارىنان ورىن العان 120 كاسىپورىن 177 سەرىكتەستىگىن جانە قۇرىلىمىن قۇردى، ەلەكترون – ينفورماتسيا، وزىق جاساۋ، بيولوگيالىق ءدارى – دارمەك، وسى زامانعى قىزمەت وتەۋ سىندى 4 ۇلكەن تىرەكتى كاسىپ اينالىسقا ءتۇسىپ، ەكولوگيالىق ورتاسى جايلى، كاسىپتەرى گۇلدەنگەن جاڭا قالا ەڭسە كوتەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
