داڭعىل جول الىسقا سوزىلدى، تەڭىزگە سان وزەن قۇيىلدى
− ءتوراعا شي جينپيڭنىڭ «ءبىر بەلدەۋ، ءبىر جول» دارىپتەمەسىن ورتاعا قويعانىنا 5 جىل تولۋىنا وراي
2018.08.27 16:27 كەلۋ قاينارى : حالىق تورابى
دۇنيە ءجۇزى ەسىك اشىپ، قاقپا اشقاننان كەيىن ارالىق شالعاي بولۋدان قالدى.
2013 – جىلى كۇزدە جۇڭگونىڭ مەملەكەت ءتوراعاسى شي جينپيڭ باتىستا قازاقستانعا، وڭتۇستىكتە يندونەزياعا بارىپ، ىلگەرىندى – كەيىندى «جىبەك جولى ەكونوميكالىق بەلدەۋىن» قۇرۋ جانە «21 – عاسىرداعى تەڭىزدەگى جىبەك جولىن» اشۋ كەلەلى دارىپتەمەسىن ورتاعا قويدى.
سودان باستاپ تاريحتىڭ تەرەڭ قوينانۋىنا تامىر تارتقان، 21 – عاسىرداعى ۇلى جاڭالىق دەپ تانىلعان وسى «ءبىر بەلدەۋ، ءبىر جول» دارىپتەمەسى ومىرشەڭدىك تانىتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدەگى ماڭىزدى امالياتتىق تەكشەگە اينالدى.
«دارىپتەمەنىڭ قاينارى جۇڭگودان شىقتى، الايدا ورايى مەن تابىسى دۇنيە جۇزىنە ءتان»، «ءبىز ‹ءبىر بەلدەۋ، ءبىر جول› قۇرىلىسىن ءۇرتىس زور كۇشپەن ىلگەرىلەتىپ، ءار ەلدىڭ ەكونوميكاسىنىڭ، قوعامىنىڭ دامۋىنا، 2030 – جىلعا دەيىنگى دامۋ كۇن ءتارتىبىن تياناقتاندىرۋعا جاڭا ءورىس اشامىز». ءتوراعا شي جينپيڭ وسى دارىپتەمەنىڭ باس جوبالاۋشىسى رەتىندە تىكەلەي جوسپار جانە ورنالاستىرۋ جاساپ، «ءبىر بەلدەۋ، ءبىر جول» قۇرىلىسىنا ايقىن باعدار كورسەتىپ، جۇڭگونىڭ جاۋاپكەرلىگى مەن دۇنيە جۇزىنە تىلەۋلەستىگىن اڭعارتتى.
5 جىلدىق دامۋ جانە قايراتتانا ۇمتىلۋ ارقىلى «ءبىر بەلدەۋ، ءبىر جول» تانىمنان ارەكەتكە اينالدى، تار اۋماقتان بىرتىندەپ كەڭ اۋماققا قادام تاستادى، كەڭ – بايتاق ۇلى قۇرلىقتا تامىر تارتىپ، مىڭ جىلدىق جىبەك جولىنىڭ ومىرشەڭدىك قۋاتىن قايتادان تاسقىنداتىپ، بۇگىنگى دۇنيەگە دامۋدىڭ جاڭا جورىعىن اشتى...
(1) 15 – تامىز 4 ساعات 55 مينۋت مولشەرى، شينجياڭنىڭ الاتاۋ ساعاسى، گۋدوك ءۇنى تاڭعى تىنىشتىقتى بۇزدى.
چۇڭچيڭنەن جولعا شىققان 2007 – رەتكى جۇڭگو – ەۆروپا كەزەكشى پويەزى وسى ارادا وتكەلدەن ءوتۋ رەسمياتىن وتەپ، شىراق، قازانشىق سياقتى ونىمدەردى تولتىرا تيەپ وتكەلدەن ءوتىپ، قازاقستانعا كىردى، ونىڭ سوڭعى بەكەتى پولشانىڭ مالاشەۆيچ قالاسى ەدى.
ءدال وسى مەزەتتە چيڭداۋدان جولعا شىققان جۇڭگو شالعاي مۇحيت تەڭىز تاسىمالى توبى شەكتى سەرىكتەستىگىنىڭ «گوللانديا» ءنومىرلى جۇك كەمەسى ادەن شىعاناعىنداعى تەڭىز ايدىنىندا كەتىپ بارا جاتقان ەدى، جاسى «ءبىر بەلدەۋ، ءبىر جول» دارىپتەمەسىمەن ۇقساس، 3 فۋتبول الاڭىنىڭ ۇزىنىمەن بىردەي كەلەتىن وسى الىپ كەمەگە 4 مىڭنان استام ولشەمدى تيەۋىش قوراپ تيەلگەن بولاتىن، كەمە گرەتسيانىڭ پيرەي كەمەجايى قاتارلى كەمەجايلاردان وتكەن سوڭ تامىزدىڭ سوڭىندا يسپانيانىڭ ۆالەنسيا قالاسىنا جەتەدى.
«ءبىر بەلدەۋ، ءبىر جولدا» قايشالىسىپ جۇرگەن قاتىناس قۇرالى، بەينە، بايىرعى جىبەك جولىنداعى كەرۋەن سەكىلدى.
«مەنىڭ مەكەنىڭ شانشي، بايىرعى جىبەك جولىنىڭ باستالعان جەرى. مەن بۇل ارادا تاريحقا قايىرىلا قاراپ، تاۋلاردى كەسىپ وتكەن كەرۋەننىڭ قوڭىراۋ ءۇنىن تىڭداعانداي، ءشول دالادان شۇباتىلا كوتەرىلگەن ءتۇتىندى كورگەندەي بولامىن». 5 جىلدىڭ الدىنداعى 7 – قىركۇيەكتە قازاقستان نازاربايەۆ ۋنيۆەرسيتەتىندە ءتوراعا شي جينپيڭنىڭ اسەرلى ءسوزى مىڭ جىلدىقتان بەرى جالعاسىپ كەلە جاتقان بايىرعى جىبەك جولىن دۇنيە جۇزىنە قايتادان ەلەستەتىپ ءوتتى.
وسىدان سوڭ ءبىر ايعا جەتپەي كوكوس مەكەنى شىعىس وڭتۇستىك ازيادا ءتوراعا شي جينپيڭ «21 – عاسىرداعى تەڭىزدەگى جىبەك جولىن» ورتاعا قويدى.
تاريح دەيتىن تەلەسكوپپەن نازار سالساق، وتكەندى ىشكەرىلەي تۇسىنە الامىز، قازىرگىنى يگەرىپ، بولاشاققا بەت الامىز.
جىبەك جولى گۇلدەنىپ، دۇنيە ءجۇزى قويۋ قاتىناس جاسادى.
2 مىڭ جىلدان استام ۋاقىتتىڭ الدىندا جاڭ چياننىڭ باتىس وڭىرگە بارۋىنان 600 جىلدان استام ۋاقىتتىڭ الدىندا جىڭ حىنىڭ تەڭىزدە ساپار شەگۋىنە دەيىن، جىبەك جولى «ەلشىلەر جول اشىپ، ساۋداگەرلەر قارىم – قاتىناس جاساعان» گۇلدەنگەن داۋىرگە كۋا بولدى.
حانزۋ تىلىندەگى «جىبەك جولى» دەگەن ءسوز بەن اعىلشىن تىلىندەگى «جىبەك جولى» دەگەن سوزدەگى ۇندەستىكتەن «ماركو پولونىڭ ساياحات ەستەلىگىنە» دەيىن؛ دۇنحۋاڭداعى موگاۋ ۇڭگىرىنەن ءۇندىستاننىڭ، باتىس ءوڭىردىڭ جانە ورتا جازىقتىڭ مادەنيەتىندەگى اسپانعا ۇشۋ وبرازىنان ياۆا تەڭىز ايدىنىندا جۇڭگونىڭ فارفور بۇيىمدارىن تولتىرا تيەپ، تەڭىزگە باتقان اراب كەمەسى «قارا تاسقا» دەيىن... تاريح وزگەشە قۇپيا نومىرلەرىمەن شىعىس پەن باتىستىڭ بايىرعى جىبەك جولىنداعى ءوزارا قارىم – قاتىناسى، بىرگە دامۋى سىندى اسەرلى بارىسىن ەستەلىككە الىپ وتىرعان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
