بەيبىتشىلىك پەن دامۋ سىندى داۋىرلىك سۇراۋعا ويداعىداي جاۋاپ بەرەيىك
− ءتوراعا شي جينپيڭنىڭ جۇڭگو - افريكا سەلبەستىك فورۋمى بەيجيڭ ءسامميتىنىڭ اشىلۋ سالتىندا سويلەگەن ارقاۋ ءسوزى تۋرالى
«حالىق گازەتىنىڭ» شولۋشىسى
2018.09.06 16:36 كەلۋ قاينارى : حالىق تورابى
ءار ءداۋىردىڭ وزىندىك داۋىرلىك تاقىرىبى بولادى، ءار ءداۋىر ادامدارىنىڭ وزىندىك بورىشى بولادى.
«ءبىز مىناعان كامىل سەنەمىز: بەيبىتشىلىك پەن دامۋ − قازىرگى ءداۋىردىڭ نەگىزگى تاقىرىبى، سونداي - اق ءداۋىردىڭ العا قويعان سۇراۋى، ول حالىقارالىق قوعامنىڭ ىنتىماق، اقىل – پاراسات جانە باتىلدىقپەن تاريحي جاۋاپكەرلىك ارقالاۋىن، ءداۋىردىڭ سۇراۋىنا جاۋاپ قايتارۋىن، ءداۋىردىڭ جاۋاپكەرلىگىن ارقالاۋىن قاجەت ەتەدى». 2018 - جىلعى جۇڭگو - افريكا سەلبەستىك فورۋمى بەيجيڭ ءسامميتىنىڭ اشىلۋ سالتىندا ءتوراعا شي جينپيڭ دۇنيە ءجۇزىنىڭ دامۋ جالپى اۋقىمىنا ىشكەرىلەي تالداۋ جاساپ، حالىقارالىق قوعامدى دۇنيە ءجۇزىنىڭ بەيبىتشىلىگى مەن دامۋىن تىزە قوسا جەبەۋگە ۇندەپ، ءداۋىردىڭ سۇراۋىنا جاۋاپ قايتارعان وسى ءبىر جۇڭگو دارىپتەمەسىن ورتاعا قويدى. ءتوراعا شي جينپيڭنىڭ ماڭىزدى ءسوزى ادامزاتتىڭ بولاشاعى مەن تاعدىرىنا ءمان بەرەتىن دۇنيە جۇزىلىك سۇيىسپەنشىلىكتى تولىق ايگىلەدى، ادامزاتقا جاڭا دا اناعۇرلىم زور ۇلەس قوساتىن تاريحي جاۋاپكەرلىك ارقالاۋدى تولىق بەينەلەدى.
ءداۋىر − ەمتيحان شىعارۋشى، ءبىز − ەمتيحان تاپسىرۋشىمىز. قازىرگى تاڭداعى دۇنيە ءجۇزى ۇزاق ۋاقىتتان بەرى بولماعان زور وزگەرىستى باستان كەشۋدە، دۇنيە جۇزىندەگى ءار ەل حالىقتارىنىڭ تاعدىرى ەجەلدەن بەرى قازىرگىدەي ءبىر - بىرىمەن تىعىز بايلانىسىپ كورگەن ەمەس. ورايدى يگەرىپ، سىن - سايىسقا توتەپ بەرۋدە جاڭا جاعدايعا، جاڭا وزگەرىسكە ۇزدىكسىز ۇيلەسىپ، جاڭا جاۋاپكەرلىك ارقالاۋعا، جاڭا ىسكەرلىك كورسەتۋگە تۋرا كەلەدى. ءداۋىر سۇراۋى الدىندا جۇڭگو ادامزاتقا جاڭا دا اناعۇرلىم زور ۇلەس قوسۋدى ءوزىنىڭ بورىشى ەتتى. جۇڭگو دۇنيە جۇزىندەگى ءار ەلمەن ادامزاتتىڭ تاعدىرلاس ورتاق تۇلعاسىن تىزە قوسا سومداپ، دۇنيە جۇزىلىك ارىپتەستىك قاتىناستى دامىتىپ، دوستىق سەلبەستىكتى كەڭەيتىپ، ءبىر - بىرىنە قۇرمەت ەتۋ، ءادىل دە ادىلەتتى بولۋ، سەلبەسىپ تەڭ يگىلىككە كەنەلۋ سىندى ەل ارالىق بارىس - كەلىستىڭ جاڭا جولىمەن ءجۇرىپ، دۇنيە ءجۇزىنىڭ اناعۇرلىم بەيبىت، تىنىش بولۋىنا، ادامزات تۇرمىسىنىڭ اناعۇرلىم باقىتتى، جارقىن بولۋىنا مۇمكىندىك جاراتۋدى قالايدى.
دۇنيە ءجۇزىن جونگە سالۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتكەندە عانا دۇنيە ءجۇزىنىڭ بەيبىتشىلىگى مەن دامۋىنا اناعۇرلىم ءتيىمدى شارت - جاعداي جاراتۋعا بولادى. «ءبىر بەلدەۋ، ءبىر جولدى» بىرگە قۇرۋ دۇنيە ءجۇزىن جونگە سالۋ جۇيەسى وزگەرىسىنىڭ ىشكى تالابىنا سايكەسىپ، تار جول، تايعاق كەشۋدەن بىرگە ءوتۋ، مىندەت پەن جاۋاپكەرلىكتى بىرگە ارقالاۋ سىندى تاعدىرلاس ورتاق تۇلعا تانىمىن ايگىلەپ، دۇنيە ءجۇزىن جونگە سالۋ جۇيەسى وزگەرىسىن كەمەلدەندىرۋگە جاڭا وي جەلىسى مەن جاڭا جوبانى ازىرلەدى. ءداۋىر سۇراۋى الدىندا جۇڭگو حالىقارالىق سەلبەستىك سەرىكتەرىمەن «ءبىر بەلدەۋ، ءبىر جولدى» بىرگە قۇرۋدى قالايدى. ءبىز وسى حالىقارالىق سەلبەستىك جاڭا تۇعىرى ارقىلى ورتاق دامۋعا جاڭا قوزعاۋشى كۇش قوسىپ، «ءبىر بەلدەۋ، ءبىر جول» قۇرىلىسىن بەيبىتشىلىك جولىنا، گۇلدەنۋ جولىنا، ەسىك اشۋ جولىنا، جاسىل جولعا، جاڭالىق جاراتۋ جولىنا، وركەنيەت جولىنا اينالدىرۋىمىز كەرەك.
ۇستانىم ارەكەتكە جەتەكشىلىك ەتەدى، بەتالىس شىعار جولدى بەلگىلەيدى. سوڭعى جىلداردان بەرى حالىقارالىق كۇشتەردە سالىستىرمالى تەرەڭ وزگەرىس جارىققا شىقتى، جاڭادان گۇلدەنگەن بازار ەلدەرى مەن ءبىرسىپىرا دامۋ ۇستىندەگى ەلدەر جەدەل دامىپ، حالىقاراداعى ىقپالى ۇزدىكسىز كۇشەيدى، مىنە، بۇل − تاياۋ زاماننان بەرى حالىقارالىق كۇشتەر سالىستىرماسىنداعى توڭكەرىستىك سيپاتى ەڭ كورنەكتى وزگەرىس. ءداۋىر سۇراۋى الدىندا جۇڭگو دۇنيە ءجۇزىن جونگە سالۋعا بەلسەنە ات سالىسىپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە ءجۇزىن جونگە سالۋ كوزقاراسىنان جازبايدى. جۇڭگو قاي - قاشان دا دۇنيە ءجۇزى بەيبىتشىلىگىن قۇرۋشى، دۇنيە ءجۇزىنىڭ دامۋىنا ۇلەس قوسۋشى، حالىقارالىق ءتارتىپتى قورعاۋشى، دامۋ ۇستىندەگى ەلدەردىڭ حالىقارالىق ىستەردەگى ۋاكىلدىك سيپاتى مەن ءسوز بيلىگىن كەڭەيتۋدى قولدايدى، دۇنيە ءجۇزىن جونگە سالۋ جۇيەسىندەگى وڭتۇستىك جاقتىڭ ولقىلىعىن تولىقتىرۋدى قولدايدى، وڭتۇستىكتەگىلەردىڭ سەلبەستىك كۇشىن شوعىرلاندىرۋدى قولدايدى، دۇنيە ءجۇزىن جونگە سالۋ جۇيەسىنىڭ باسىم كوپ ساندى ەلدەردىڭ، اسىرەسە، وركەندەپ كەلە جاتقان ەلدەردىڭ تىلەگى مەن مۇددەسىن اناعۇرلىم ءادىل اڭىس ەتۋىن جەبەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
