بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

سەلبەسىپ تەڭ يگىلىكتەنۋدى ىسكە اسىرىپ، ورتاق دامۋدى جەبەيىك

− ءتوراعا شي جينپيڭنىڭ جۇڭگو - افريكا سەلبەستىك فورۋمى بەيجيڭ ءسامميتىنىڭ اشىلۋ سالتىندا سويلەگەن ارقاۋ ءسوزى افريكانىڭ ءارقايسى سالاسىندا كۇشتى اڭىس قوزعادى

2018.09.06 16:38     كەلۋ قاينارى : حالىق تورابى

  2018 – جىلعى جۇڭگو - افريكا سەلبەستىك فورۋمى بەيجيڭ ءسامميتى ءساتتى وتكىزىلدى. ءتوراعا شي جينپيڭنىڭ ءسوزى جۇڭگو مەن افريكانىڭ «قول ۇستاسا تاعدىرلاس بولىپ، ءبىر نيەتپەن دامۋدى جەبەۋدەگى» بەرىك بەكىمىن دۇنيە جۇزىنە تاعى دا كورسەتىپ، افريكانىڭ ءارقايسى سالاسىندا كۇشتى اڭىس قوزعادى. گازەتىمىز تىلشىلەرىنىڭ تىلشىلىگىن قابىلداعان افريكالىق قايراتكەرلەر بىلاي دەپ قارادى: ءتوراعا شي جينپيڭنىڭ ءسوزى افريكا مەن جۇڭگو قاتىناسىنىڭ دامۋىنا ءتىپتى دە تاماشا جوبا ازىرلەدى، افريكانىڭ ءارقايسى سالاسى افريكا مەن جۇڭگونىڭ اناعۇرلىم جوعارى دەڭگەيدە سەلبەسىپ تەڭ يگىلىكتەنۋدى، بىرگە دامۋدى جۇزەگە اسىرۋىن، افريكا مەن جۇڭگونىڭ جالپى بەتتىك ستراتەگيالىق سەلبەستىك ارىپتەستىك قاتىناسىنىڭ ىشكەرىلەي دامۋىن ىلگەرىلەتۋىن تىلەپ وتىر.

  «جۇڭگو مەن افريكانىڭ سەلبەستىگى بىزگە شىنايى تيىمدىلىك جەتكىزدى»

  شارۋاشىلىقتى جەبەۋ، قۇرىلعىلاردى تۇتاستىرۋ، ساۋدانى قولايلىلاندىرۋ، جاسىل دامۋ، قۋات قۇرىلىسى، سالاماتتىق جانە دەنساۋلىق ساقتاۋ، گۋمانيتارلىق اۋىس - كۇيىس، بەيبىتشىلىك پەن حاۋىپسىزدىك − ءتوراعا شي جينپيڭ جاريالاعان «سەگىز ءىرى ارەكەت» بولاشاق 3 جىلداعى جانە مۇنان كەيىنگى ءبىر مەزگىلدەگى جۇڭگو مەن افريكانىڭ سەلبەستىگىنە جول كارتاسىن ازىرلەپ بەردى.

  «جۇڭگو افريكانىڭ دامۋىنا ۇلگى ورناتتى، افريكالىق ارىپتەستەر شىعىسقا نازار سالادى، جۇڭگونىڭ تاجىريبەسىنەن پايدالانىپ افريكا ەلدەرىنىڭ ءوز جاعدايلارىنا ۇيلەسەتىن دامۋ جولىن تابۋدى ءۇمىت ەتەدى». سۋداننىڭ ورىنباسار پرەمەر مينيسترى، قوسىمشا ينفورماتسيا مينيسترى احمەت ءبىلال بىلاي دەدى: «سەگىز ءىرى ارەكەت» افريكانىڭ ناقتى قاجەتىنە ۇيلەسەدى، الدا افريكانىڭ دامۋىنا بارىنشا دەم بەرەتىن بولادى.

  2015 – جىلعى جۇڭگو - افريكا سەلبەستىك فورۋمى يوحاننەسبۋرگ سامميتىنەن بەرى جۇڭگو يوحاننەسبۋرگ سامميتىندە بەلگىلەنگەن جۇڭگو - افريكا «ون ءىرى سەلبەستىك جوسپارىن» جاپپاي تياناقتاندىردى: تەمىر جول، تاس جول، اۋەجاي، كەمەجاي سياقتىلارعا ساياتىن قىرۋار نەگىزدىك قۇرىلعى جانە ەكونوميكا – ساۋدا سەلبەستىك رايونىن جالعاستىرىپ سالۋ، تىڭنان سالۋ قۇرىلىسى بارىسىندا جۇڭگو مەن افريكانىڭ بەيبىتشىلىك، حاۋىپسىزدىك، عىلىم – تەحنيكا، وقۋ – اعارتۋ، دەنساۋلىق ساقتاۋ، كەدەيلەردى ازايتىپ، حالىققا تيىمدىلىك جاراتۋ، بۇقارالىق بارىس – كەلىس سالالارىنداعى سەلبەستىگى ىشكەرىلەي ىلگەرىلەتىلدى، جۇڭگو شىعارامىز دەپ ۋادە بەرگەن 60 ميلليارد امەريكا دوللارىندىق قارجى قولداۋى ناقتىلانىپ بولدى نەمەسە ورنالاستىرۋ جاسالدى.

  الجيريا – جۇڭگو دوستىق قوعامىنىڭ باستىعى دابەش بىلاي دەدى: جۇڭگونىڭ قاتىناسۋىمەن سالىنعان حالىقارالىق ءماجىلىس ورتالىعى، استانا جاڭا اۋەجايى سياقتى نىساندار الجيريانىڭ وسىزامانعى قۇرىلىسىن دۇنيە جۇزىلىك دەڭگەيگە كوتەردى، جۇڭگو مەن افريكانىڭ سەلبەستىگى بىزگە شىنايى تيىمدىلىك جەتكىزدى.

  نيگەريانىڭ مۇناي مينيسترى كاچيكۋ جۇڭگو جاريالاعان «سەگىز ءىرى ارەكەتتى» جوعارى باعالادى. ول بىلاي دەدى: ۇزاق ۋاقىتتان بەرى افريكا مەن جۇڭگو بارابار بولۋ، ءوزارا قۇرمەتتەۋ، ءبىر – بىرىنە پايدا جەتكىزۋ نەگىزىندە ناقتى سەلبەستىك ورىستەتىپ كەلەدى، جۇڭگو افريكانىڭ ىشكى ىستەرىنە كيلىككەن جوق، افريكامەن سەلبەستىك جاساۋدا ءارقانداي ساياسي شارت قويمادى. جۇڭگو افريكانىڭ دامۋىن قارجىمەن جانە تەحنيكامەن قولدادى، سونىمەن بىرگە سول جەرلەرگە دارىندى تاربيەلەپ بەردى، افريكانىڭ باياندى دامۋىنا كۇش توپتاپ بەردى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار