مۇرات ورناتىپ، رۋح سومداپ، ۇلى ىستەردى گۇلدەندىردى
ــ شي جينپيڭ جولداس ۇيىقتى بولعان پارتيا ورتالىق كوميتەتىنىڭ وقۋ – اعارتۋ ىستەرىنىڭ دامۋىن كوكەيگە تۇيگەنى جونىندە
2018.09.10 16:55
وسىزاماندانعان قۇدىرەتتى ەل بولۋعا قادام تاستاعان ءبىر ۇلت قانداي وقۋ – اعارتۋمەن گۇلدەنۋگە مۇقتاج؟
جاڭا ءداۋىردىڭ پاراعىن اشقان ءبىر ءىس قانداي دارىندىلاردى جاۋاپكەرلىك ارقالاۋعا شاقىرادى؟
پارتيانىڭ 18 – قۇرىلتايىنان بەرى باس شۋجي شي جينپيڭ جۇڭگوشا سوتسياليستىك وقۋ – اعارتۋ ىستەرى جونىندەگى تەرەڭ تولعانىسپەن مەكتەپتەردى ارالاپ، مەكتەپ اۋلالارىنا كىرىپ، وقىتۋشىلار مەن وقۋشىلاردىڭ تىلەگىنە مۇقيات قۇلاق ءتۇرىپ، وقۋ – اعارتۋ رەفورماسىنىڭ دامۋى جونىندەگى وي – پىكىرىن تەرەڭ پايىمداپ وتىردى.
ارناۋ سوزدەر جاستىق ارماندى اسقاقتاتىپ، ىقىلاستى سالەمدەر وقۋ – اعارتۋدىڭ ۇمىتىنە شۋاق بەردى. كەدەي وڭىرلەردەگى تاۋلى اۋىلداردىڭ مەكتەپتەرىنەن جاستىقتىڭ جالىندى ۇنىنە تولى ءبىلىم وردالارىنا دەيىن، جاپالى جاتتىعۋمەن ونەرىن ۇشتاپ جاتقان كاسىپتىك مەكتەپتەردىڭ شاكىرتتەرىنەن باتىس بولەككە كومەككە بارىپ، تامىر تارتقان وقىتۋشىلارعا دەيىن وقۋ – اعارتۋدىڭ رۋحى سۇيىسپەنشىلىكتىڭ جەتكىزىلۋىمەن اناعۇرلىم جارقىراپ، جاستىقتىڭ جالىندى كەلبەتى جۇڭگو ارمانىمەن ۇندەسۋ بارىسىندا جامىراي ساۋلە شاشتى.
جاڭا ءداۋىر، جاڭا ءۇمىت، وتان قانداي تىرەكتى دارىندىلارعا مۇقتاج؟
جاسىل جاپىراق التىنداي سارعايىپ، بۇگىن تاعى جاسىل تۇسكە بويالدى. بەيجيڭ ۋنيۆەرسيتەتىنىڭ اۋلاسىنىڭ بارلىق جەرىنەن كورۋگە بولاتىن گينكگو اعاشتارى قاجىرلى شاكىرتتەردىڭ ءوسىپ – جەتىلۋىنىڭ ايعاعى ىسپەتتى.
كورىكتى يان – يۋانعا قوش ايتىپ، ماگيسترلىق بىتىرگەن ليۋ جياۋەي جوعارى مەكتەپتىڭ ارناۋلى مىندەتتەگى تاربيەشىسى بولۋعا سالتاناتپەن تالعام جاسادى.
2014 – جىلى 4 – مامىر، «4 – مامىر» قوزعالىسىنىڭ 95 جىلدىعىن ەسكە الۋ ءۇشىن، ليۋ جياۋەي مەن ساباقتاستارى جيڭيۋان كوگالىندا جاستىق جىرى ولەڭ جارىسىن وتكىزدى.
«سول كەزدە مەن مىنبەدە ءوزىم جازعان ‹جاستاردىڭ ءۇنىن تىڭداۋ› دەگەن ولەڭدى ايتىپ تۇرعانىمدا، كەنەت بسا شۋجي شي جينپيڭنىڭ بىزگە قاراي كەلە جاتقانىن، قولى بۇلعاپ قۇرمەت كورسەتكەنىن كوردىم». 4 جىلدىڭ الدىنداعى سول ءساتتى ەسكە العاندا، ليۋ جياۋەيدىڭ كوكەيىندە ءبارى سايراپ تۇرعان ەدى.
وسى رەت جوعارى مەكتەپتى كوزدەن كەشىرگەندە، باس شۋجي شي جينپيڭ جاستارعا دۇرىس قۇن كوزقاراسىن ورناتۋدىڭ ماڭىزدىلىعىن باياندادى: «جاستاردىڭ قۇن بەتالىسى بولاشاقتاعى تۇتاس قوعامنىڭ قۇن بەتالىسىن بەلگىلەيدى، ال جاستار قۇن كوزقاراسىنىڭ قالىپتاسۋى مەن تۇراقتانۋ مەزگىلىندە تۇر، وسى مەزگىلدى مىقتى يگەرىپ قۇن كوزقاراسىن قالىپتاستىرۋ ەرەكشە ماڭىزدى بولماق. بۇل بەينە كيىمنىڭ تۇيمەسىن تۇيمەلەگەن سياقتى، ەگەر ءبىرىنشى تۇيمەنى قاتە تۇيمەلەسەك، قالعان تۇيمەلەر دە قاتە تۇيمەلەنەدى. سوندىقتان ءومىر تۇيمەسى ءاۋ باستان دۇرىس تۇيمەلەنۋى كەرەك».
«قازىرگى جۇڭگو قانداي قۇن كوزقاراسىنان جازباۋى كەرەك؟ جاس وقۋشىلار نەلىكتەن سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەۋى كەرەك؟ باس شۋجي شي جينپيڭنىڭ ‹تۇيمە تۇيمەلەۋ› دەگەن تەڭەۋى مەنى وي شۇڭەتىنە باتىردى» دەدى ليۋ جياۋەي.
باس شۋجيدىڭ وبرازدى دا جاندى «تۇيمە ايتىلىمى» ءاربىر جاس وقۋشى ويلانۋعا ءتيىستى ءوسىپ – جەتىلۋ تاقىرىبىن العا قويۋمەن قاتار، وقۋ – اعارتۋ ىستەرى جاۋاپ قايتارۋعا ءتيىستى مەملەكەت ءمورالسىز گۇلدەنبەيدى، ادام ءمورالسىز تۇلعالانبايدى دەگەن ماڭىزدى تاقىرىپتى دا ايقىندادى.
ءبىز «ەكى 100 جىلدىق» كۇرەس نىساناسىن ىسكە اسىرۋدىڭ شەشۋشى ساتىندە تۇرعاندا، قايتكەندە جاستاردى ءوزىنىڭ مەملەكەتتىڭ، ۇلتتىڭ قۇن كوورديناتىنداعى ورنىن بەلگىلەپ، جاڭا بۋىننىڭ ۇزاق جورىعىن ويداعىداي جۇرگىزۋگە باستاي الامىز؟
پارتيا 18 – قۇرىلتايىنىڭ بايانداماسىندا «مورالمەن ادام تاربيەلەۋ» تۇڭعىش رەت وقۋ – اعارتۋدىڭ تۇبىرلى مىندەتى ەتىپ بەلگىلەنگەننەن كەيىن پارتيا 19 – قۇرىلتايىنىڭ بايانداماسىندا «مورالمەن ادام تاربيەلەۋ ءتۇبىرلى مىندەتىن تياناقتاندىرىپ»، «احىلاق، اقىل – وي، دەنە، ەستەتيكا جاقتارىنان جاپپاي جەتىلگەن سوتسياليزم قۇرىلىسشىلارى مەن ءىزباسارلارىن تاربيەلەۋ» ىشكەرىلەي العا قويىلدى.
جاستارعا ناعىز ءبىلىمدى يگەرتۋمەن قاتار، ولاردىڭ جەكە ءمورالدىق ساپاسىن، قوعامدىق جاۋاپكەرلىگىن، مەملەكەتكە سۇيىسپەنشىلىگىن ۇزبەي نىعايتقاندا عانا ولاردى مەملەكەتكە، قوعامعا، وزىنە پايدا جەتكىزەتىن ادامدار ەتىپ تاربيەلەي الامىز، سوندا عانا جۇڭحۋا ۇلتتارىنىڭ ۇلى گۇلدەنۋىن دارىندىلارمەن پارمەندى كەپىلدىك ەتۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
