ءوڭىردىڭ بەيبىتشىلىگىن، ورنىقتىلىعىن جانە دامىپ، گۇلدەنۋىن جەبەدى
−شي جينپيڭنىڭ 4 - كەزەكتى شىعىس ەكونوميكا فورۋمىنىڭ جالپى ماجىلىسىندەگى ءسوزى كۇشتى اڭىس قوزعادى
2018.09.14 16:20 كەلۋ قاينارى : حالىق تورابى
«جاڭا جاعدايدا، ءبىز تىزە قوسا وتىرىپ، سەلبەستىكتى كۇشەيتۋىمىز، ءوڭىردىڭ بەيبىتشىلىگىن، ورنىقتىلىعىن جانە دامىپ، گۇلدەنۋىن بىرگە جەبەۋىمىز كەرەك». 12 – قىركۇيەكتە 4 - كەزەكتى شىعىس ەكونوميكا فورۋمىنىڭ جالپى ماجىلىسىندە ءتوراعا شي جينپيڭ «قيىر شىعىستىڭ دامۋداعى جاڭا ورايىنان بىرگە يگىلىكتەنىپ، شىعىس سولتۇستىك ازيانىڭ كوركەم جاڭا بولاشاعىن جاراتايىق» دەگەن تاقىرىپتا ءسوز سويلەپ، وڭىردەگى مەملەكەتتەرمەن بىرگە ءوڭىردىڭ بەيبىتشىلىگىن، تىنىشتىعىن قورعاپ، ءار ەلدىڭ ءوزارا تيىمدىلىك جاساپ، تەڭ يگىلىككە كەنەلۋىن جۇزەگە اسىرىپ، حالىقتىڭ ءداستۇرلى دوستىعىن بەكەمدەپ، جاپپاي سايكەستى دامۋدى ىسكە اسىرىپ، وسى ءوڭىردىڭ بەيبىتشىلىگىن، ورنىقتىلىعىن جانە دامۋىن، گۇلدەنۋىن جەبەۋدى دارىپتەدى.
ءتوراعا شي جينپيڭنىڭ ءسوزى فورۋمعا قاتىناسۋشىلاردىڭ كۇشتى اڭىسىن قوزعادى. ءار سالادان كەلگەن سيلى قوناقتار ءبىر اۋىزدان بىلاي دەپ قارادى: ءتوراعا شي جينپيڭنىڭ ماڭىزدى دارىپتەمەسى ءداۋىر اعىمىنا ۇيلەسەدى، ءار جاقتىڭ مۇددەسىمەن ساي كەلەدى، بولاشاق ءۇشىن ايقىن جول كارتاسىن كورسەتىپ، تىڭ دا مىعىم قوزعاۋشى كۇش ۇستەدى. وسى وڭىردەگى حالىقتار سەلبەستىك ورايى مەن بىرگە دامۋ تابىسىنان يگىلىكتەنىپ، شىعىس سولتۇستىك ازيانىڭ اناعۇرلىم كوركەم بولاشاعىن جاراتۋى كەرەك.
جۇڭگو مەن رەسەيدىڭ قيىر شىعىس سەلبەستىگى مول ءونىم الۋ مەزگىلىنە وتەتىن بولادى
جۇڭگو مەن رەسەي جالپى بەتتىك ستراتەگيالىق ىستەستىك ارىپتەسى سانالادى، ەكى ەل قاتىناسى تاريحتاعى ەڭ جاقسى كەزەڭدە تۇر. ەكى جاقتىڭ بىرگە قۇلشىنۋىندا تاياۋ جىلداردان بەرى جۇڭگو جاقتىڭ رەسەيدىڭ قيىر شىعىس سەلبەستىگىنە ات سالىسۋ ناتيجەسى كورنەكتى بولدى. 2017 - جىلى جۇڭگونىڭ رەسەيدىڭ قيىر شىعىس فەدەراتسيالىق رايونىمەن جاساسقان ساۋدا سوماسى 7 ميلليارد 700 ميلليون دوللاردان استى. جۇڭگو قيىر شىعىستىڭ قارىشتاپ دامۋ رايونىنىڭ جانە ەركىن ساۋدا پورتىنىڭ 30 نەشە نىسانىنا ات سالىسىپ، جوباداعى قوسقان قارجىسى 4 ميلليارد دوللاردان استى. جۇڭگو رەسەيدىڭ قيىر شىعىس رايونىنا 1 - ۇلكەن ساۋدا سەرىگى بولعان ەلگە جانە 1 - ۇلكەن سىرتقى قارجىمەن قامداۋشى ەلگە اينالدى.
رەسەي پرەزيدەنتىنىڭ ەكونوميكا اقىلشىسىسەرگەي گرادزيەۆ ءتىلشىنىڭ سۇراۋىنا جاۋاپ قايتارعاندا بىلاي دەدى: ءتوراعا شي جينپيڭنىڭ ءسوزى ونىڭ تاباندىلىق ستيلىن اڭعارتتى. ءتوراعا شي جينپيڭ جۇڭگو العاشقى مەزگىلدە 10 ميلليارد يۋان قوسىلاتىن، جالپى مولشەرى 100 ميلليارد يۋان كەلەتىن جۇڭگو - رەسەي وڭىرلىك سەلبەسە دامۋعا قارجى قوسۋ قورىن قۇرعانىن جاريالاعاندا جەلپىنىپ قالدىق. ءتوراعا شي جينپيڭنىڭ اتاپ وتكەنىندەي، جۇڭگو مەن رەسەيدىڭ قيىر شىعىس سەلبەستىگى مول ءونىم الۋ مەزگىلىنە وتەتىن بولادى، رەسەيدىڭ قيىر شىعىسىنىڭ جۇڭگومەن ارادا تاماشا سەلبەستىگى بار، ءتوراعا شي جينپيڭنىڭ ءسوزى ەكى جاقتى سەلبەستىكتەگى سەنىمىمىزدى ءتىپتى دە بەكەمدەي ءتۇستى.
جەرگىلىكتى ورىندار سەلبەستىگى جۇڭگو - رەسەي قاتىناسىندا ەرەكشە ماڭىزدى رول اتقارىپ وتىر. مەملەكەتتەردىڭ سەلبەستىگى جەرگىلىكتى ورىندارعا سۇيەنۋى، جەرگىلىكتى ورىنداردى تياناق ەتۋى، جەرگىلىكتى ورىندارعا باقىت جاراتۋى كەرەك. جەرگىلىكتى ورىنداردىڭ سەلبەستىگى جيىلەگەن سايىن ەكى ەلدىڭ ءوزارا ءتيىمدى سەلبەستىگىنىڭ نەگىزگى سولعۇرلىم بەكەمدەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
