شىعىس سولتۇستىكتى گۇلدەندىرۋدىڭ جاڭا ءداۋىر داستانىن قۇلشىنا جازايىق
− باس شۋجي شي جينپيڭنىڭ شىعىس سولتۇستىكتەگى ءۇش ولكەنى كوزدەن كەشىرگەنى ءارى شىعىس سولتۇستىكتىڭ گۇلدەنۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقانى جونىندە
2018.09.30 13:44 كەلۋ قاينارى : حالىق تورابى
جۇڭحۋا حالىق رەسپۋبليكاسىنىڭ بايتاق دالاسىندا شىعىس سولتۇستىكتەگى ءۇش ولكە اسقاق بوي كوتەرىپ، ماڭىزدى ورنىن ايگىلەپ تۇر.
2018 – جىلعى ورتا كۇز مەرەكەسى وتە سالىسىمەن باس شۋجي شي جينپيڭ وسى قاسيەتتى مەكەنگە ات باسىن تاعى بۇردى. ون مىڭ مۋلىق اتىزدىڭ مول ءونىم شاتتىعىن كورۋ، شاعانكول ەكولوگياسىن ۇعىسۋ، زاۆود سەحتارىن ارالاۋ، شارۋالار وتباسىنا بارۋ … وسىناۋ 4 كۇندە ول ەكى مىڭ كيلومەتر جول باسىپ، شىعىس سولتۇستىكتەگى ءۇش ولكەنىڭ بايتاق دالاسىنا ءىزىن قالدىردى، شىعىس سولتۇستىكتىڭ گۇلدەنۋىن ىشكەرىلەي ىلگەرىلەتۋدەي وسى ۇلى تاقىرىپتى توڭىرەكتەپ، ناق مايدانعا بارىپ تەكسەرىپ – زەرتتەۋ جۇرگىزدى ءارى اڭگىمە ءماجىلىسىن باسقارىپ اشىپ، جول بويى ماڭىزدى جەلىلەس سوزدەرىن جاريالاپ وتىردى.
التىن كۇزدىڭ ەسكەك جەلى شىعىس سولتۇستىكتىڭ اسقار تاۋ، ايدىندى وزەندەرىن ەندەي ءوتتى.
شىعىس سولتۇستىكتى گۇلدەندىرۋدىڭ تاسى ورگە دومالاپ، ماڭىزدى تۇيىندەرگە بەتالعان، ساۋدا قورعانىمپازدىعى باس كوتەرىپ، «جەر شارىلانۋعا قارسى تۇرۋ» يدەيالىق اعىمى جوڭكىلگەن حالىقارالىق جاعداي استىندا، باس شۋجي شي جينپيڭ شىعىس سولتۇستىكتى گۇلدەندىرۋدىڭ العا باسۋ باعىتىن نۇسقاپ، پارتيا ورتالىق كوميتەتى بەلگىلەگەن ورنالاستىرۋلاردىڭ تاباندى ىلگەرىلەۋىن كورسەتىپ، زەيىندى شوعىرلاندىرا ءوز جۇمىسىن تىڭعىلىقتى ىستەۋدىڭ الىسقا كوز جىبەرۋ جانە ستراتەگيالىق كۇشىن تۇراقتاندىرىپ بەردى.
شىعىس سولتۇستىكتى گۇلدەندىرۋ مەملەكەتتىڭ دامۋ جالپى جاعدايىنا بايلانىسادى
25 – قىركۇيەك شي جينپيڭ بەيجيڭنەن شىعىس سولتۇستىككە ۇشىپ كەلىپ، الدىمەن حەيلۇڭجياڭ ولكەلىك تىڭ يگەرۋ باس مەكەمەسى جيانسانجياڭ باسقارۋ مەكەمەسىنە بارىپ، اتىزداردى ارالاپ، كۇزگى جيىن – تەرىندى كوزدەن كەشىردى.
كەشكى شاپاق شۇعىلاسىنا بولەنگەن سانجياڭ جازىعى التىن دانگە تولىپ، كىسىنى جەلپىندىرەتىن ەدى. كەڭ كوسىلگەن كۇرىش اتىزىنا كوز جىبەرگەن باس شۋجي تەبىرەنىسپەن: «كوز مەيىرىم ءالى قانا قويمادى، كەيىن وراي بولسا تاعى دا كەلەمىن» - دەدى.
1986 – جىلى فۋجيان ولكەسى شيامىن قالاسىنىڭ ورىنباسار باستىعى بولىپ تۇرعان شي جينپيڭ لياۋنيڭ ولكەسى شىنياڭ قالاسى تيەشي رايونىنا تەكسەرىپ – زەرتتەۋگە كەلگەن بولاتىن. ورتالىق كوميتەتكە اۋىسىپ كەلگەن سوڭ شي جينپيڭ شىعىس سولتۇستىككە 7 مارتە كەلىپ، حەيلۇڭجياڭ، جيلين، لياۋنيڭ ولكەلەرىن 3 رەتتەن كوزدەن كەشىردى. پارتيا 18 – قۇرىلتايىنان كەيىن، شي جينپيڭ شىعىس سولتۇستىكتەگى ءۇش ولكەگە ىلگەرىندى – كەيىندى 4 مارتە ات باسىن بۇرىپ، گۇلدەندىرۋ جۇمىستارىن ورتاق اقىلداستى.
«مەن شىعىس سولتۇستىكتەگى بايىرعى ونەركاسىپ بازالارىن گۇلدەندىرىپ دامىتۋعا بۇرىننان نازار اۋدارىپ كەلەمىن» - بۇل سوڭعى جىلداردان بەرى باس شۋجي شي جينپيڭنىڭ شىعىس سولتۇستىكتى كوزدەن كەشىرگەندە اۋزىنان تاستامايتىن سوزىنە اينالدى.
تەگى نە ءۇشىن باس شۋجي شىعىس سولتۇستىك ءوڭىرىن ەسىنەن شىعارمايدى، جۇرەك قانىن ءسىڭىرۋدى كوكەيىنە بۇگەدى؟
28 – قىركۇيەك تۇستەن كەيىن شىنياڭدا اشىلعان شىعىس سولتۇستىكتىڭ گۇلدەنۋىن ىشكەرىلەي ىلگەرىلەتۋ اڭگىمە ماجىلىسىندە، شي جينپيڭ ءبىر اۋىز سوزبەن ۇعىندىرىپ بىلاي دەدى: «شىعىس سولتۇستىك ءوڭىرى ەلىمىزدىڭ ماڭىزدى ونەركاسىپ جانە اۋىل شارۋاشىلىق بازاسى، ەلىمىزدىڭ مەملەكەت قورعانىسى حاۋىپسىزدىگىن، استىق حاۋىپسىزدىگىن، ەكولوگيالىق حاۋىپسىزدىگىن، ەنەرگيا – بايلىق حاۋىپسىزدىگىن، كاسىپ سالاسى حاۋىپسىزدىگىن قورعاۋداعى ستراتەگيالىق ورنى توتەنشە ماڭىزدى، مەملەكەتتىڭ دامۋ جالپى جاعدايىنا بايلانىسادى».
شىعىس سولتۇستىك ءوڭىرى سىندى بايىرعى ونەركاسىپ بازالار كەزىندە جۇڭگو ونەركاسىبىنىڭ بەسىگى بولىپ، رەسپۋبليكانىڭ دامۋ تاريحىنا وشپەس شۇعىلالى داستانىن جازىپ قالدىرعان ەدى. الايدا جوسپارلى شارۋاشىلىققا ەڭ الدىمەن قادام تاستاپ ءارى جوسپارلى شارۋاشىلىقتى ەڭ سوڭىندا كۇشىنەن قالدىرعان شىعىس سولتۇستىكتىڭ ۇزاق ۋاقىتتان بەرى جيناقتاعان تۇزىلىستىك، قۇرىلىمدىق قايشىلىعى كۇن سايىن كورنەكتىلەنىپ، ونەركاسىپ ءوندىرىسى ءبىر مەزەت توقىراۋ كۇيىنە ءتۇسىپ، ەكونوميكالىق رەت ءتارتىبى ءۇرتىس ارتىنا شەگىنگەن – دى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
