بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

قول ۇستاسا وتىرىپ ەسىك اشىپ، سەلبەستىك جاساپ، بىرگە دامۋدىڭ نۇرلى داڭعىلىنا تۇسەيىك

− ءتوراعا شي جينپيڭنىڭ پاپۋا - جاڭا گۆينەيادا، برۋنەيدە، فيليپپيندە مەملەكەتتىك ساپاردا بولعانى ءارى ديپلوماتيالىق قاتىناس ورناتقان تىنىق مۇحيت ارال ەلدەرى باسشىلارىمەن كەزدەسكەنى جونىندە

2018.11.23 16:37     كەلۋ قاينارى : حالىق تورابى

  ءتوراعا شي جينپيڭ 11 – ايدىڭ 15 – كۇنىنەن 21 – كۇنىنە دەيىن بەيجيڭنەن وڭتۇستىككە جول الىپ پاپۋا شىعاناعىنىڭ جاعالاۋىنداعى پورت – مورسبيگە بارىپ، باتىستا كاليمانتان ارالىنىڭ سولتۇستىگىندەگى باندار – سەري – بەگاۆانعا بارىپ، ودان سولتۇستىكتە مانيلاعا باردى. 7 كۇن 6 تۇندە 3 ەلدە ساپاردا بولىپ، ءبىر حالىقارالىق ماجىلىسكە قاتىناسىپ، ءبىر رەت توپتىق كەزدەسۋ وتكىزىپ، 40 نەشە مايدان قيمىلعا قاتىناسىپ، 15 مىڭ كيلومەتردەن استام جول باستى.


  جاڭا ءداۋىردىڭ الىپ تولقىنى العا جىلجۋدا. عاسىردا كەزدەسپەگەن وراسان زور وزگەرىس جاعدايىندا ءتوراعا شي جينپيڭ دۇنيە جۇزىنە نازار سالىپ، جۇڭگوشا ءىرى ەلدىك ديپلوماتيانى تاعى ءبىر قىرىنان بەينەلەدى.


  تاتۋلىق، كورشىلىك قاتىناستى بەكەمدەدى


  جۇڭگونىڭ دۇنيە جۇزىمەن قاتىناس جاساۋ تاريحىندا تىنىق مۇحيت كىتاپتىڭ ومىرشەڭدىك قۋاتقا باي ءبىر تاراۋى سياقتى. مىڭداعان جىلدان بەرى جۇڭگو وڭتۇستىك ازياداعى ەلدەرمەن جانە تىنىق مۇحيتتاعى ارال ەلدەرمەن تەڭىز جولى ارقىلى ساۋدا جاساسىپ، ءوزارا قارىم – قاتىناس ورناتىپ كەلەدى.


  پاپۋا – جاڭا گۆينەيا وڭتۇستىك تىنىق مۇحيتتاعى ارال ەلدەرىنىڭ سەركەسى، جۇڭگونىڭ وڭتۇستىك تىنىق مۇحيتتاعى ەتەنە دوسى سانالادى؛ برۋنەي، فيليپپين جۇڭگونىڭ ۇرپاقتار بويى دوستىعى جاراسقان نانحاي تەڭىزىندەگى كورشىسى سانالادى.


  وسى رەتتە جۇڭگونىڭ مەملەكەت باسشىسى ديپلوماتيالىق قاتىناس ورناتقان 42 جىلدان بەرى پاپۋا – جاڭا گۆينەياعا تۇڭعىش رەت ساپارلاي باردى، سونداي – اق اراعا 13 جىل سالىپ برۋنەيدە، فيليپپيندە تاعى دا ساپاردا بولدى.


  دوستىق قاتىناسىنىڭ جاڭا ءورىسى اشىلىپ، سەلبەستىك ىستەرى كۇن سايىن جاڭاردى.


  «بۇل رەتكى ساپاردى توسقانىما كوپ بولدى»، «ماڭىزدى تاريحي ساتتە»، «بەلەستىك مانگە يە ساپار» ... دەگەن سوزدەر ايتىلدى، ساپارلاي بارعان 3 ەلدىڭ دە سالتاناتپەن قارسى الۋى ءتوراعا شي جينپيڭگە دەگەن ىقلاستى، ىزگى تىلەكتى بەينەلەدى.


  پاپۋا – جاڭا گۆينەيا توتىدايىن تۇرلەنگەن «قۇستار ۇجىماعىنىڭ ەلى» سانالادى.


  ءتوراعا شي جينپيڭ بۇل ەلگە بارعاندا، كۇن كەش بولىپ كەتكەن ەدى. باداي ءوڭىرىنىڭ، تەڭىز جاعالاۋىنداعى رۋلاردىڭ ۋاكىلدەرى اۋەجايعا لىق تولىپ، جۇڭگولىق سيلى قوناقتى قارسى الۋعا دايىندالىپ تۇر ەكەن. جۇرتشىلىق ۇلتتىق كيىمدەرىن كيىنگەن، كەيبىرەۋى بامبۇك سىبىزعى تارتۋدا، تەرەڭ دوستىق سۇيىسپەنشىلىك كوڭىلدى جىلىتادى.


  ءتوراعا شي جينپيڭنىڭ ساپارلاي بارۋى پاپۋا – جاڭا گۆينەيانىڭ ازيا – تىنىق مۇحيت ەكونوميكالىق سەلبەستىك ۇيىمىنىڭ بەيرەسمي باسشىلار ءماجىلىسىن ءساتتى وتكىزۋىنە قوزعاۋشى كۇش قوسىپ، ناقتى ارەكەتپەن تىنىق مۇحيت ارال ەلدەرىنە پارمەندى قولداۋ كورسەتتى. پاپۋا – جاڭا گۆينەيا جاق: ءتوراعا شي جينپيڭنىڭ وسى رەتكى مەملەكەتتىك ساپارىنا عانا قابىلداۋ جاعىنان قىزمەت وتەيمىز، − دەگەندى انىق ءبىلدىردى.


  پارلامەنت سارايىنىڭ الدىندعى الاڭدا قۇرمەت ساليۋتى اتىلىپ، فونتاندار اتقالاقتادى، قۇرمەت قاراۋىلى ايبىنمەن قاتار تۇزەۋدە، اسكەري وركەستر مەملەكەت اندەرىن اسقاقتاتا شىرقادى. گۋبەرناتور داداي بىلاي دەدى: پاپۋا – جاڭا گۆينەيانىڭ جۇڭگومەن تەرەڭ دوستىعى بار، ءتوراعا شي جينپيڭنىڭ وسى رەكتى ساپارى پاپۋا – جاڭا گۆينەيا جونىنەن كوپ جىلدان بەرگى ىلۋدە ءبىر كەزدەسەتىن سالتاناتتى ءىس سانالادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار