دۇنيە ءجۇزى جۇڭگوعا قۇلاق تۇرۋدە
__ شي جينپيڭنىڭ 20 ەل توبى باسشىلارىنىڭ 13 - رەتكى سامميتىنە قاتىناسقانى جونىندە
2018.12.06 16:51 كەلۋ قاينارى : حالىق تورابى
ازيا – ەۋروپا ۇلى قۇرلىعىنىڭ كەڭ اياسىنان، اتلانت مۇحيتىنىڭ شەكسىز سۋ ايدىنىنان ءوتىپ، امازونكا اڭعارىنداعى جىنىس ورمانداردى ارتقا تاستاپ، پامپاس ساحاراسىنىڭ كوگىندەگى بۇلتتاردى جارىپ ءوتتى. 11 – ايدىڭ 29 – كۇنى كەشكى ىمىرت ۇيىرىلگەن ءسات، بۋەنوس – ايرەس كەشكى شاپاقپەن ارايلاندى، ءتوراعا شي جينپيڭ وتىرعان ارناۋلى ۇشاق قالاعا بارعان سايىن جاقىنداپ كەلەدى.
بۋەنوس – ايرەس اۋەجايىندا توڭىرەكتىڭ ءتورت بۇرىشىنان كەلگەن ۇشاقتاردىڭ شىراقتارى جىلت – جىلت ەتەدى، مەملەكەت تۋلارى دا كورىنىپ تۇر، 20 ەل توبى باسشىلارىنىڭ ءسامميتى مىنە، ەندى العاش رەت وڭتۇستىك امەريكادا اشىلماق، مۇندا دۇنيە ءجۇزى حالىق سانىنىڭ ۇشتەن ەكى ۇلەسىن قۇرايتىن، ءوندىرىس جالپى ءونىم قۇنىنىڭ %90 كە تاياۋىن قۇرايتىن دۇنيە جۇزىندەگى ماڭىزدى ەكونوميكالىق تۇلعالاردىڭ باسشىلارى جينالۋدا.
جۇرتشىلىق سامميتكە زور ءۇمىت ارتۋدا.
دۇنيە ءجۇزى جۇڭگوعا قۇلاق تۇرۋدە.
العاشقى ماقساتتىڭ ورتاعا قويىلعانىنا 10 جىل بولدى.
سول جىلعى تاريحي ءىس دۇنيە ءجۇزىنىڭ ەكونوميكا تاريحىنا وشپەستەي بولىپ جازىلدى. ۋول – ستريت كوشەسىنەن باستالعان فينانس داعدارىسى سول كەزدە دۇنيە ءجۇزىن شارپىپ، دۇنيە ءجۇزىنىڭ فينانىسىن جونگە سالۋ اۋىر قيىنشىلىققا ءدوپ كەلگەن ەدى.
20 ەل توبىنىڭ باسشىلارى 2008 – جىلى ءبىرىنشى رەت باس قوسقان كەزدە، ولاردىڭ بورىشى عاسىردان بەرگى ەڭ اۋىر حالىقارالىق فينانس داعدارىسىنان دۇنيە ءجۇزى ەكونوميكاسىن قۇتقارىپ الۋ بولدى، وسى اۋىر مىندەت كەزىندە قۇر دالباسا دەپ تە قارالدى، الايدا كەيىن ءسامميتتىڭ تابىستى بولعانى دالەلدەندى.
قازىر دۇنيە ءجۇزى ەكونوميكاسىنىڭ ارتۋى باياۋلادى، حالىقارالىق فينانس قاتەرىنىڭ قات – قابات ىقپالى ءالى دە جويىلا قويعان جوق، قورعانىمپازدىق، داراشىلدىق باس كوتەردى، سايىس پەن قاتەر اسقىنا ءتۇستى. دۇنيە ءجۇزىن جونگە سالۋدىڭ قىزىل سيفرى نەمقۇرايدى قاراۋعا بولمايتىن تاڭباعا اينالدى.
ءسامميتتىڭ داياشى ەلى ارگەنتينانىڭ پرەزيدەنتى ماكري ءتوراعا شي جينپيڭدى ءبىرىنشى بولىپ ءسوز سويلەۋگە ۇسىنىس ەتتى. «ءتوراعا شي جينپيڭ مەن جۇڭگونىڭ وسىنداي سالماعى، بەدەلى جانە ۋاكىلدىك سيپاتى بار». ارگەنتينا جاق ورنالاستىرۋدىڭ ءمان – جايىن وسىلايشا ءتۇسىندىردى.
شي جينپيڭ سوزىندە: «دۇنيە ءجۇزى ەكونوميكاسى تاعى ءبىر رەت تاريحي تاڭداۋعا ءدوپ كەلدى» دەدى.
تاريحي تاڭداۋ الدىندا تاريحي تۇجىرىم جاساۋ قۋاتى، كەسىم جاساۋ قۋاتى بولۋ كەرەك. ءماجىلىس الاڭىنداعىلار سوزگە سىلتىلدەي تىنىپ قۇلاق ءتۇردى، سانسىزداعان جانار ءتوراعا شي جينپيڭگە قادالدى.
تاريحتىڭ جالپى بەتالىسىندا باعىتتى يگەرۋ تۇرعىسىنان شي جينپيڭ بىلاي دەدى: «10 جىلدان بەرى ءبىز ءبىر جەڭنەن قول، ءبىر جاعادان باس شىعارىپ، جۇدىرىقتاي جۇمىلىپ، دۇنيە ءجۇزى ەكونوميكاسىنىڭ قۇلدىراۋدان قۇتىلىپ، قالپىنا كەلۋ، ارتۋ ارناسىنا ءتۇسۋىن ىلگەرىلەتتىك. 10 جىلدان كەيىن ءبىز تاعى دا جۇرەكتىلىكپەن بەل بايلاپ، ستراتەگيالىق كورەگەندىك كورسەتىپ، دۇنيە ءجۇزى ەكونوميكاسىنىڭ دۇرىس ارنامەن العا دامۋىنا جەتەكشىلىك ەتۋگە ءتيىسپىز». «5 جىلدىڭ الدىندا 20 ەل توبى باسشىلارىنىڭ سامميتىنە تۇڭعىش رەت قاتىناستىم، سول جولى دۇنيە ءجۇزىنىڭ اشىق ەكونوميكاسىن بىرگە قورعاۋدى جانە قۇرۋدى دارىپتەدىم». 5 جىلدان بەرى جۇڭگونىڭ ءۇنى اۋەلگىدەي جالعاسىپ، اۋەلگى بايلام بۇلجىماستان دايەكتىلەنىپ كەلدى. حالىقارالىق ساحنادا ءتوراعا شي جينپيڭ كەزىندە قورعانىمپازدىقتى «ءوزىن قاراڭعى ۇيگە كىرگىزۋگە» تەڭەگەن بولاتىن، «تەرەزەنى اشۋدى»، «تازا اۋانى ىشكە كىرگىزۋدى» دارىپتەگەن دە بولاتىن. وسى سوزدەر ءبىر جاعىنان دۇنيە ءجۇزىن ويعا سالدى، تاعى ءبىر جاعىنان جۇڭگونىڭ داۋىرلىك رولى باستان – اياق ەكونوميكا عالامدانۋىنىڭ مىعىم قورعاۋشىسى، بەلسەندىلىكپەن امالياتتا ايگىلەۋشىسى بولۋ ەكەنىن دالەلدەدى.
بۇگىنگى ءداۋىر جانە جاعداي ءتوراعا شي جينپيڭنىڭ بۋەنوس – ايرەستە وسى ءسوزدى جاريالاۋىنا ايرىقشا ءمان جانە قۇن ۇستەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
