جاڭا داۋىردە جاڭا، اناعۇرلىم زور كەرەمەت جاراتايىق (باسماقالا)
− رەفورما جاساپ، ەسىك اشۋدىڭ 40 جىلدىعىن قۇتتىتقايمىز
2018.12.18 16:43 كەلۋ قاينارى : حالىق تورابى
تاريح ساپارى ايبىنمەن العا تارتىپ، ءداۋىر تولقىنى تولاسسىز جوڭكىلۋدە.
1978 – جىلى پارتيا 11 – كەزەكتى ورتالىق كوميتەتىنىڭ ءۇشىنشى جالپى ءماجىلىسىن بەلگى ەتىپ، جۇڭگو رەفورما جاساپ، ەسىك اشۋدىڭ ۇلى ساپارىن باستادى. بايتاق دالانى ءدۇر سىلكىندىرە وياتقان كوكتەم ناجاعايى ىسپەتتى، پارتيامىز حالىقتى باستاپ جۇرگىزگەن وسىناۋ «جاڭا ۇلى توڭكەرىس» مەملەكەتتىڭ گۇلدەنۋىنىڭ، دامۋىنىڭ سالتاناتتى تاريحي داستانىن جازىپ، ءبىر ۇلتتىڭ ومىرشەڭدىگى قاۋلاعان گۇلدەنۋ بەينەسىن تۋىنداتىپ، جۇڭگونى تەرەڭ وزگەرتىپ قانا قالماستان، دۇنيە جۇزىنە دە تەرەڭ ىقپال جاسادى.
40 جىلدان بەرى «اقيقاتتىڭ ولشەمى تۋرالى زور تالقىدان» باستالعان رەفورما جاساپ، ەسىك اشۋ قاشان دا جۇڭگونىڭ بايتاق دالاسىن دۇبىرلەتكەن ءداۋىر ءۇنى بولىپ كەلەدى. اۋىل – قىستاقتان قالاعا، تۇيىندە سىناق ەتۋدەن جالپىلاستىرۋعا، ەكونوميكالىق ءتۇزىلىس رەفورماسىنان رەفورمانى جاپپاي تەرەڭدەتۋگە دەيىنگى رەفورما رۋحى تامىرلاسىپ جالعاسسا؛ تەڭىز جاعالاۋىنان ىشكى قۇرلىققا، «مەملەكەت قاقپاسىن اشۋدان» «شار تاراپقا ەسىك اشۋعا»، دۇنيە جۇزىلىك ساۋدا ۇيىمىنا كىرۋدە «ءبىر بەلدەۋ، ءبىر جولدى» بىرگە قۇرۋعا دەيىنگى ەسىك اشۋ اياق الىسى ارىنداي ىلگەرىلەدىل. بۇگىنگى تاڭدا «سوتسياليستىك جۇڭگو قالاي بەتتەيدى» دەگەنگە جاۋاپ بەرۋدى كۇتكەن بيلىكتى پارتيا وسىزاماندانۋعا بەت العان جۇڭگو جولىن ءساتتى اشتى؛ كەزىندە «جەر شارىنان ايدالۋ قاتەرىنە» ءدوپ كەلگەن مەملەكەت سەرپىلە كەلە دۇنيە ءجۇزى بويىنشا 2 – ۇلكەن ەكونوميكالىق تۇلعاعا اينالدى؛ تاياۋ زاماننان بەرى ۇلى گۇلدەنۋدى مۇرات ەتىپ كەلگەن وسى ۇلت اقىرى «داۋىرگە ىلەسۋدەن» «داۋىرگە جەتەكشىلىك ەتۋگە» دەيىنگى ۇلى سەكىرىستى جۇزەگە اسىردى.
ءدال وسىلاي بولعاندىقتان دا، باس شۋجي شي جينپيڭ رەفورما جاساپ، ەسىك اشۋ − «شەشۋشى تالعام»، «ومىرشەڭدىك قاينارى»، «ماڭىزدى اسىل»، «دۇرىس جول»، «حالىقتى بايىتۋ جولى» دەپ تەرەڭ ماعىنادا اتاپ كورسەتتى. ءدال وسىلاي بولعاندىقتان دا، پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى رەفورمانى بۇرىن بولماعان سەرپىنمەن جاپپاي تەرەڭدەتىپ، ءبىر مىڭ 600 دەن استام رەفورما جوباسىن ورتاعا قويىپ، تاريحي وزگەرىس پەن تابىستى بايتاق دالاعا جازىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى. «رەفورما جاساپ، ەسىك اشۋ بولماسا، جۇڭگونىڭ بۇگىنى بولماق ەمەس، جۇڭگونىڭ ەرتەڭى دە بولماق ەمەس». بۇگىنگى تاڭدا رەفورما جاساپ، ەسىك اشۋ ءالى دە وسى زامانىمىزداعى جۇڭگونىڭ ەڭ ايقىن ەرەكشەلىگى، پارتيامىزدىڭ جاڭا تاريحي مەزگىلدەگى ەڭ ايقىن تۋى؛ «رەفورما جاساپ، ەسىك اشۋدى سوڭىنا دەيىن جۇرگىزۋ» ءالى دە ميلليارد جۇڭگو حالقىنىڭ ورتاق جۇرەك ءۇنى، جۇڭحۋا ۇلتتارىنىڭ ۇلى گۇلدەنۋىن ىسكە اسىرۋداعى شەشۋشى شارا بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
