الىپ سامۇرىق زەڭگىر كوككە سامعادى
− باس شۋجي شي جينپيڭنىڭ رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2018.12.26 16:57 كەلۋ قاينارى : حالىق تورابى
تاريح قاشان دا العا باسادى، تاريح ەجەلدەن ءارى – ءسارى بولۋشىلاردى، بايقاي تۇرۋشىلاردى، بويكۇيەزدەردى، السىزدەردى توسىپ تۇرعان ەمەس. تاريحپەن قادامداس، داۋىرمەن تاعدىرلاس بولعاندار عانا نۇرلى بولاشاققا قول جەتكىزە الادى.
«40 جىل بويى اساۋ تولقىن جاعانى ۇرىپ، الىپ سامۇرىق زەڭگىر كوككە سامعادى». رەفورما جاساپ، ەسىك اشۋدىڭ 40 جىلدىعىن قۇتتىقتاۋ جينالىسىندا باس شۋجي شي جينپيڭ رەفورما جاساپ، ەسىك اشۋدىڭ 40 جىلدىعىن ىستىق ىقىلاسپەن ەسكە الدى ءارى جۇڭحۋا ۇلتتارىنىڭ ۇلى گۇلدەنۋى سىندى تاريحي كەڭ ايامەن رەفورما جاساپ، ەسىك اشۋدىڭ ماڭىزدى اسىل، باسىپ وتۋگە ءتيىستى جول، شەشۋشى سانالاتىن تەرەڭ ءمانىن اتاپ كورسەتتى، رەفورما جاساپ، ەسىك اشۋدى سوڭىنا دەيىن جۇرگىزۋگە ۇندەدى. بۇل ءارى تاريحتىڭ جالپى اۋقىمىن يگەرۋدەگى تەرەڭ كورەگەندىك، ءارى ءداۋىردىڭ دامۋىنا جەتەكشىلىك ەتۋدەگى ايبىندى جارناما سانالادى.
تاريحتىڭ جالپى اۋقىمىنان قاراعاندا، تاياۋ زاماننان بەرگى ۇزاق تاريحي ۇردىستە جۇڭگو حالقى وتە كوپ تاۋقىمەتتى باستان وتكەرىپ، وتە كوپ قۇرباندىق بەرىپ، وتە كوپ كۇرەس جۇرگىزدى. «وزەن - داريانىڭ جالاما قۇزدى جارىپ، قىساڭنان جوڭكىلىپ شىعۋىنىڭ سەبەبى مىڭ شاقىرىمدىق جويقىن اعىنمەن كەلگەن، سان سالادان قۇيىلعان وراسان ۇلى كۇش توپتاعاندىعىندا». ءدال وسى 40 جىلدىق رەفورما جاساپ، ەسىك اشۋ ارقىلى جۇڭگو حالقى بايۋ، قۇدىرەتتەنۋ ساپارىندا شەشۋشى قادام تاستادى، جۇڭحۋا ۇلتتارى «داۋىرگە ىلەسۋدەن» «داۋىرگە جەتەكشىلىك ەتۋگە» ءوتۋ سىندى ۇلى شارىقتاۋدى ىسكە اسىردى. بۇل كۇندە جۇڭگو حالقى مەن جۇڭحۋا ۇلتتارى تاريحي ۇردىستە جيناقتاعان قۇدىرەتتى وڭ ەنەرگيانى جان - جاقتى تاسقىنداتىپ، جۇڭحۋا ۇلتتارىنىڭ ۇلى گۇلدەنۋىنە بوگەۋ بەرمەس تەلەگەي تەڭىز كۇش ازىرلەدى. وسىلاي بولعاندىقتان، باس شۋجي شي جينپيڭ رەفورما جاساپ، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋدى جۇڭگو كوممۋنيستىك پارتياسىن قۇرۋمەن، جۇڭحۋا حالىق رەسپۋبليكاسىن قۇرۋمەن بىرگە «4 - مامىر» قوزعالىسىنان بەرى ەلىمىزدە بولعان 3 ۇلكەن تاريحي وقيعانىڭ ءبىرى دەپ اتادى ءارى تاياۋ زاماننان بەرى جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋ جولىنداعى 3 ۇلكەن بەلەستىڭ قاتارىنا قوستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
