جوعارىدان تومەنگە دەيىن ءبىر تىلەكپەن ساپارعا تاعى اتتاندى
− باس شۋجي شي جينپيڭنىڭ 2019 – جىلعى مەملەكەتتىك ەكى ماجىلىسكە قاتىناسقان حالىق قۇرىلتايى ۋاكىلدەرىمەن، ساياسي كەڭەس مۇشەلەرىمەن بىرگە مەملەكەت ىستەرىن اقىلداسقانى جونىندە
2019.03.15 16:40 كەلۋ قاينارى : حالىق تورابى
حالىق قۇرىلتايى، ساياسي كەڭەس ۇيىرمەلەرى مەن گرۋپپالارىنا 6 رەت بارىپ، 48 ۋاكىلدىڭ، مۇشەنىڭ لەبىزىن بەتپە – بەت تىڭداپ، نازاردى باستى قايشىلىققا شوعىرلاندىردى، وزەكتى بۋىندى يگەردى، كورنەكتى ولقىلىقتاردى قاداعالادى، ءتۇيىندى مىندەتتەردى جوبالادى...
سوڭعى كۇندەردە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2019 – جىلعى مەملەكەتتىك ەكى ماجىلىسكە قاتىناسقان ۋاكىلدەرمەن، مۇشەلەرمەن كەڭ كولەمدە پىكىر الماستىرىپ، جاپپاي دوڭگەلەك داۋلەتتى قوعام قۇرۋ نەگىزگى جەلىسىن مىقتاپ ارقاۋ ەتىپ، شەشۋشى شايقاستىڭ شەشۋشى جەڭىسىنە قول جەتكىزۋ ۇلى جوسپارىن بىرگە اقىلداستى.
ىشكى موڭعۇل ۋاكىلدەر ۇيىرمەسىندە ەكولوگيالىق وركەنيەت قۇرىلىسىنا جان – جاقتى توقتالدى، گانسۋ ۋاكىلدەر ۇيىرمەسىندە نازاردى كەدەيلىكتەن ارىلتۋدان قامال الۋعا شوعىرلاندىردى، حىنان ۋاكىلدەر ۇيىرمەسىندە اۋىل – قىستاقتى گۇلدەندىرۋدى جوسپارلادى، فۋجيان ۋاكىلدەر ۇيىرمەسىندە جاڭالىق، يگىلىك، جاسامپازدىق جاراتۋدى، ەكى جاعالاۋدىڭ توعىسپالى دامۋىن، توڭكەرىستىك بايىرعى رايوندار مەن ورتالىق سوۆەتتىك رايونداردىڭ دوڭگەلەك داۋلەتكە ۇمتىلۋىن تىلگە تيەك ەتتى، ازاتتىق ارميا مەن قارۋلى ساقشى بولىمدەرىنىڭ ۋاكىلدەر ۇيىرمەسىندە مەملەكەت قورعانىسى مەن ارميا قۇرىلىسىن ورنالاستىردى، ساياسي كەڭەستىڭ مادەنيەت، ادەبيەت – كوركەمونەر سالاسىنىڭ، قوعامدىق عىلىمدار سالاسىنىڭ بىرىككەن گرۋپپا تالقىسىندا ادەبيەت – كوركەمونەر جاسامپازدىعى مەن عىلمي جاڭالىق اشۋعا باعدار سىلتەدى...
ىشكەرىلەي پىكىر الماستىرىپ، دۇرىس دۇرىس جاسالدى؛ ىقىلاسپەن امانداسىپ، تىلەكتەس كۇش ۇيىستىردى.
قيىن ماسەلەلەردى شەشۋ
− «قانشا قيىن بولعان سايىن، جۇمىس سەرپىنىن سونشا كۇشەيتۋ كەرەك»
نەگىزگى ساتىدان كەلگەن 2 ۋاكىلدىڭ اڭگىمەسى باس شۋجي شي جينپيڭدى اسەرلەندىردى.
حۋاڭ جيۋشىڭ − دابيەشان توڭكەرىستىك بايىرعى رايونىنان كەلگەن شارۋا جۇمىسكەرلەردىڭ ۋاكىلى. سوڭعى جىلداردا ول قىستاقتاعى كەدەي قاۋىمدى باستاپ سىرتقا شىعىپ جۇمىس ىستەدى، سونىمەن 12 مىڭنان استام ادام دوڭگەلەك داۋلەت جولىنا قادام تاستاپ، ارحيۆ تۇرعىزىلىپ، كارتوچكا بەرىلگەن 4 مىڭ 800 دەن استام كەدەي وتباسى اۋىلدارىندا شاعىن عيماراتتار سالىپ الدى.
«ءبىر وتباسىداعى ءۇش ۇرپاق 7 جاننىڭ بارلىعى قۇرىلىس ورنىندا جۇمىس ىستەيدى. 70 نەشە جاستاعى يان چۋانجۇڭ − وسى وتباسىنىڭ يەسى، ول ماعان: ‹باس شۋجي 19 – قۇرىلتايدا 3 ساعاتتان استام ۋاقىت بايانداما جاسادى، باياندامانى اياقتاعانشا تۇرىپ تىڭدادىم، ەگەر تۇرىپ تىڭداماسام، باس شۋجيگە ۇياتتى بولاتىنداي سەزىندىم، ويتكەنى پارتيا ءبىز بۇقارانىڭ كەدەيلىكتەن ارىلىپ اۋقاتتانۋىمىزعا مۇمكىندىك جاساپ وتىر ەمەس پە› دەدى».
«وسى ءسوزدى ەستىگەن سوڭ اسەرلەنگەنىمنەن كوزىمە جاس الدىم. سامايىن قىراۋ شالعان قارتتىڭ، وقىماعان شارۋانىڭ باس شۋجيگە، پارتيامىزعا دەگەن وسىنداي تەرەڭ سۇيىسپەنشىلىگى...» وسى اراعا كەلگەندە حۋاڭ جيۋشىڭ قىستىعىپ سويلەي الماي قالدى. ۋاكىلدەر ءبىر ساتكە وعان قاراپ قىزۋ قول شاپالاق سوقتى.«قايتىپ بارعان سوڭ وسى جولداسقا مەنىڭ سالەمىمدى جەتكىزىپ قوي!» باس شۋجي شي جينپيڭنىڭ جۇرەككە جىلۋ بەرەتىن سوزىنە بۇكىل الاڭداعىلار ءتىپتى دە قىزۋ قول شاپالاق سوقتى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
