ەكونوميكانىڭ باستاماسى ورنىقتى بولدى، بازار سەنىمى كۇشەيدى (نازاردى ەكونوميكاعا شوعىرلاندىرۋ)
«حالىق گازەتىنىڭ» ءتىلشىسى لۋ يانان
2019.04.18 16:44 كەلۋ قاينارى : حالىق تورابى
مەملەكەتتىك كەڭەستىڭ اقپارات كەڭسەسى 4 – ايدىڭ 17 – كۇنى اشقان اقپار جاريالاۋ ماجىلىسىندە جۇڭگو ەكونوميكاسىنىڭ 1- توقسانداعى ساندى مالىمەتى جاريالاندى: باستاپقى ەسەپ – قيساپ، 1 - توقساندا ەلىمىزدىڭ ىشكى ءوندىرىس جالپى ءونىم قۇنى 21 تريلليون 343 ميلليارد 300 ميلليون يۋان بولعان، ونى باعامەن سالىستىرىپ ەسەپتەگەندە، سايكەس مەزگىلدەگىدەن ٪6.4 ارتىپ، بىلتىرعى ءتورت توقسانمەن سالىستىرمالى دەڭگەيلەس بولعان.
«جۇڭگو ەكونوميكالىق اينالىمىنىڭ باستاماسى ورنىقتى بولدى، ورنىقتىلىق ىشىندە ىلگەرىلەدى، اسىرەسە، 3 – ايدا كوپ ساندى كورسەتكىشتەردىڭ ورىندالۋى مەجەدەگىدەن جاقسى بولىپ، بەلسەندى فاكتورلار بىرتىندەپ كوبەيدى» دەدى مەملەكەتتىك ساناق مەكەمەسىنىڭ اقپارات مالىمدەمەشىسى ماۋ چىڭيۇڭ، «مەيلى ەل ىشىندەگى وندىرۋشىلەر نەمەسە تۇتىنۋشىلار بولسىن، مەيلى ەل ءىشى جاعدايىنان نەمەسە حالىقارالىق تۇرعىدان كوز جىبەرگەندە بولسىن، كوپشىلىكتىڭ ءبارى جۇڭگو ەكونوميكاسىنىڭ ارتۋ مەجەسى ويداعىداي بولىپ، بازار سەنىمى كۇشەيدى دەستى».
1 - توقساندا ەكونوميكالىق اينالىم ۇيلەسىمدى ارالىقتى ساقتاپ، ەكونوميكالىق قۇرىلىم ءۇرتىس ساپالىلاندى
1 - توقسانداعى ناتيجە تىزىمدىگىنە مۇقيات ۇڭىلسەك، ونەركاسىپ، قىزمەت وتەۋ كاسىبى، تۇتىنۋ، قارجى قوسۋ ... سياقتى ماڭىزدى كورسەتكىشتەردىڭ ارتۋ قارقىنى ءبىرشاما تەزدەپ، 1 - توقسانداعى ەكونوميكالىق اينالىم بىركەلكى ىلگەرىلەپ، ورنىقتى بولعان.
ارتۋ قارقىنى ورنىقتى بولدى. بيىل 1 - توقسانداعى GDP سايكەس مەزگىلدەن ٪6.4 ارتىپ، وتكەن جىلعى ءتورت توقسانمەن سالىستىرمالى دەڭگەيلەس بولعان ءارى بازار مەجەسىنەن كورنەكتى جاقسى بولعان.
كاسىپتەنۋ ورنىقتى بولدى. بيىل 3 – ايدا بۇكىل مەملەكەتتىڭ قالا – قالاشىعىندا تەكسەرىلگەن كاسىپسىزدىك سالىستىرماسى ٪5.2 بولىپ، وتكەن ايداعىدان 0.1 پايىز ازايعان. 1 - توقساندا بۇكىل مەملەكەتتىڭ قالا – قالاشىعىندا 3 ميلليون 240 مىڭ ادام تىڭنان كاسىپتەنىپ، تۇتاس جىلدىق نىسانالى مىندەتتىڭ ٪29.5 ى ورىندالىپ، كاسىپتەنۋدىڭ جالپى جاعدايى ورنىقتى بولعان.
زات باعاسى ورنىقتى بولدى. 1 - توقساندا تۇرعىنداردىڭ تۇتىنۋ باعاسى ورتا ەسەپپەن ٪1.8 جوعارىلاپ، بايىپپەن جوعارى ورلەۋ جاعدايىن جالعاستىردى. ونەركاسىپ وندىرىسشىلەرىنىڭ زاۆودتان شىعۋ باعاسى ورتا ەسەپپەن ٪0.2 جوعارىلاپ، شاعىن كولەمدە جوعارىلاۋ جاعدايىن ساقتادى. «قامداۋ ءبىرشاما تولىق بولۋ، قامداۋ ساپاسى ارتۋداي جاعداي استىندا، باعا ءسال جوعارىلادى، بۇل تۇتاس بازار سۇرانىسىنىڭ جاقسارىپ كەلە جاتقانىن ۇعىندىرادى» دەدى ماۋ چىڭيۇڭ.
كىرىس ورنىقتى بولدى. 1 - توقساندا تۇتاس مەملەكەت بويىنشا تۇرعىنداردىڭ مەڭگەرۋگە بولاتىن ورتاشا كىرىسى ءىس جۇزىندە ٪6.8 ارتىپ، ارتۋ قارقىنى وتكەن جىلدىڭ سايكەس مەزگىلىنەن 0.2 پايىز تەز بولدى ءارى GDP دىڭ ارتۋ جىلدامدىعىن باسىپ وزدى. ال اۋىل – قالا تۇرعىندارىنىڭ كىرىس پارقى كىشىرەيىپ، قالا – اۋىل تۇرعىندارىنىڭ كىسى باسىنا تۋرا كەلەتىن كىرىس سالىستىرماسى ءمانى 2.53 بولىپ، وتكەن جىلدىڭ سايكەس مەزگىلىنەن 0.02 پايىز تومەندەگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
