«بۇل ءىستى شەگە قاعۋ رۋحىمەن ۇزبەي يگەرەمىن»
− باس شۋجي شي جينپيڭنىڭ چۇڭچيڭدە كەدەيلىكتەن ارىلتۋدان قامال الۋ جونىندە ارناۋلى تەكسەرۋ – زەرتتەۋ جۇرگىزگەنى جونىندە
«حالىق گازەتىنىڭ» ءتىلشىسى دۋ شاڭزى، شينحۋا اگەنتتىگىنىڭ ءتىلشىسى جاڭ شياۋسۇڭ
2019.04.19 16:10 كەلۋ قاينارى : حالىق تورابى
ءبىر قىستاقتا ءبىر ءماجىلىس. كوكتەمنىڭ شۋاقتى كۇندەرىندە باس شۋجي شي جينپيڭ چۇڭچيڭگە بارىپ، «ەكىدەن تارىقتىرماۋ، ءۇشتى قامتاماسىز ەتۋدەگى» كورنەكتى ماسەلەلەردى شەشۋگە نازار اۋدارىپ، ارناۋلى تاقىرىپتا تەكسەرۋ – زەرتتەۋ جۇرگىزدى.ول بارعان قىستاق − تاۋ قويناۋىنداعى حۋاشي دەپ اتالاتىن كەدەي قىستاق. ول ۋ – ليڭشانداعى شوعىرلى تۇتاسقان ەرەكشە كەدەي وڭىرگە، اسقار تاۋلاردىڭ قويناۋىنا ورنالاسقان. كەدەيلىكتەن ارىلتۋدان قامال الۋدىڭ ىلگەرىلەتىلۋ جاعدايىن ناقتاپ تەكسەرىپ، كەدەي وڭىرلەردىڭ جاڭا بەت – بەينەسىن كورۋ ءۇشىن، باس شۋجي تاۋ اسىپ، تاس باسىپ، شالعايدان وسى اراعا كەلدى.
ءماجىلىستىڭ اتى «ەكىدەن تارىقتىرماۋ، ءۇشتى قامتاماسىز ەتۋدەگى» كورنەكتى ماسەلەلەردى شەشۋ جونىندەگى ولكە، رايوندار ارا اڭگىمە ءماجىلىسى. «ەكىدەن تارىقتىرماۋ، ءۇشتى قامتاماسىز ەتۋ» − كەدەيلەردى كەدەيلىكتەن ارىلتۋدىڭ نەگىزگى تالابى جانە وزەكتى كورسەتكىشى، كوممۋنيستەردىڭ دۇنيە ءجۇزى الدىنداعى اينىماس سەرتى جانە ايبىندى ۋادەسى، ياعني 2020 – جىلعا دەيىن اۋىل – قىستاقتاعى كەدەيلەردى ىشەر استان، كيەر كيىمنەن تارىقتىرماۋدى، مىندەتتى اعارتۋ، نەگىزدىك ەمدەلۋ، تۇرعىن ءۇي حاۋىپسىزدىگى جاقتارىنان قامتاماسىز ەتۋدى ورنىقتى جۇزەگە اسىرۋ. نازاردى ماسەلەلەرگە شوعىرلاندىرىپ، قيىن تۇيىندەردى شەشۋدىڭ شاراسىن قاراستىردى، باس شۋجي شي جينپيڭ ايتقانداي، بۇل ءماجىلىستىڭ ماقساتى − قۇرعاق اڭگىمە ايتۋ ەمەس، قايتا ماسەلەلەردى ورتاعا سالۋ، «ەكىدەن تارىقتىرماۋ، ءۇشتى قامتاماسىز ەتۋدەگى» كورنەكتى ماسەلەلەردى ناقتىلاپ زەرتتەپ شەشۋ.
كەدەيلىكتەن ارىلتۋ − جۇڭگو كوممۋنيستىك پارتياسى قۇرىلعان 100 جىلعا تاياۋ ۋاقىتتان بەرى، جاڭا جۇڭگو قۇرىلعان 70 جىلداعى، رەفورما جاسالىپ، قاقپا اشىلعان 40 نەشە جىلداعى جۇڭگو كوممۋنيستەرىنىڭ بۇلجىماس اۋەلگى ماقساتى، تالماي تالپىنعان نىساناسى ءارى باس شۋجي شي جينپيڭ ۇزاق ۋاقىت وي جۇگىرتىپ تولعانعان كەلەلى ماسەلە.
«تالاي جىلدان بەرى مەن كەدەيلەردى سۇيەمەلدەۋمەن اينالىسىپ كەلەمىن، شىنىن قۋعاندا، مەن كەدەيلەردىڭ كۇركەشەسىنەن شىققانمىن». لياڭجياحىدا ونىڭ ەڭ ۇلكەن ارمانى اۋىلداستاردىڭ قارنىن ءبىر ۋاق ەتكە تويدىرۋ بولدى؛ جىڭديڭگە بارعان سوڭ ول حاۋىپ – قاتەرى بولسا دا، «مول ءونىمدى كەدەي اۋدان» قالپاعىن الىپ تاستادى؛ نيڭدىدا «شابان ۇيرەك بۇرىن ۇشاتىن» كەدەيلىكتەن ارىلتۋ جولىن باستاماشىلدىقپەن قاراستىردى. ولكەگە، ورتالىققا بارعانعا دەيىن ول كەدەيلەردى سۇيەمەلدەۋگە باستان – اياق «ەڭ كوپ قاجىر – قايراتىن جۇمسادى». باس شۋجي شي جينپيڭ: «مەن شەگە قاعۋ رۋحىن دارىپتەگەن ەكەنمىن، مۇنى وزىمنەن باستاۋىم كەرەك قوي! بۇل ءىستى شەگە قاعۋ رۋحىمەن ۇزبەي يگەرەمىن» دەدى.
پارتيانىڭ 18 – قۇرىلتايىنان قازىرگە دەيىن جۇڭگونىڭ كەدەيلەردى ازايتۋ جاعىندا ۇزدىكسىز قول جەتكىزگەن ناتيجەلەرى دۇنيە ءجۇزىن تاڭ قالدىردى. 2012 – جىلدان قازىرگى ولشەم بويىنشا اۋىل – قىستاقتاعى 98 ميلليون 990 مىڭ كەدەيدىڭ سانىن 2018 – جىلى 16 ميلليون 600 مىڭعا ازايتقانعا دەيىن ءار جىلدا، ءار ايدا، ءتىپتى ءار كۇندە وسى سيفر ۇزدىكسىز وزگەرىپ وتىردى. جۇڭگودا نەشە مىڭ جىل جالعاسقان كەدەيلىك قيىن ماسەلەسىن شەشۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ سوڭعى ساتتەرىنە قادام تاستالدى.
جۇدىرىقتاي جۇمىلىپ، شايقاسقان سايىن قايراتتانا ءتۇستى. باس شۋجي شي جينپيڭ: «كەدەيلىكتەن ارىلتۋدان قامال الۋ شايقاسى شەشۋشى جەڭىستىڭ شەشۋشى كەزەڭىنە ءوتتى، ءبىز، ءسوز جوق، ارىنداي ءتۇسىپ، قايتپاس قايسارلىقپەن شايقاس جۇرگىزۋىمىز، تولىق جەڭىسكە جەتپەيىنشە استە توقتاماۋىمىز كەرەك» دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
