شەشۋشى «قوزعالتقىش» ورنىقتى جۇمىس جۇرگىزدى (جۇڭگونىڭ ەكونوميكاسىن جان – جاقتى اڭگىمە ەتكەندە ④)
— قازىرگى قارجىلاندىرۋ اۋقىمىنا قالاي قاراۋ كەرەك
«حالىق گازەتىنىڭ» تىلشىلەرى ليۋ جىچياڭ، لۋ يانان، ديڭ ي - تيڭ
2019.07.08 16:26 كەلۋ قاينارى : حالىق تورابى
5G كەلدى!
6 - ايدىڭ 6 - كۇنى ونەركاسىپ جانە ينفورماتسيالاندىرۋ مينيسترلىگى 4 كاسىپورىنعا 5G تيجارات كۋالىگىن تاراتتى؛ 6 - ايدىڭ 25 - كۇنى جۇڭگو جىلجىمالى حابارلاسۋى بيىل بۇكىل ەل بويىنشا 50 مىڭ 5G نەگىزگى پۋنكتىن سالاتىنىن، كەلەر جىلى ايماق دارەجەلىدەن جوعارى بارلىق قالادا 5G ساۋدالىق قىزمەت وتەۋىن ىسكە قوساتىنىن جاريالادى.
ونەركاسىپ ينتەرنەت تورابى، زەردەلى قاتىناس، زەردەلى ەمدەۋ... كوپتەگەن كاسىپورىن 5G ساۋدا ورايىن كوزدەپ، قارجى قوسۋ تەبىنىن ارتتىردى. مامانداردىڭ مەجەلەۋىنشە، نەگىزگى پۋنكت قۇرىلىسىنىڭ ءوزىن الىپ ايتقاندا، 5G عا قارجى قوسۋ 4G عا قوسىلاتىن قارجىنىڭ شامامەن 1.5 ەسەسىندەي بولادى ەكەن، 8 جىل ىشىندە 5G بويىنشا قارجى قوسۋ ارقىلى ەلىمىزدەگى قارجى قوسۋ مولشەرى ءبىر تريلليون 200 ميلليارد يۋان كوبەيەدى ەكەن.
قارجى قوسۋ − ەلىمىزدىڭ ەكونوميكالىق دامۋىنداعى ماڭىزدى وزگەرىس. قارجى قوسۋدىڭ شەشۋشى رولىن ساۋلەلەندىرۋ − سىرتقى ورتانىڭ وزگەرىسىنە توتەپ بەرىپ، ەكونوميكانىڭ ورنىقتى دامۋىن ساقتاۋداعى ماڭىزدى تىرەك. وتكەن جىلدىڭ سوڭعى جارىمىنان بەرى كۇردەلى دە اۋىر ىشكى - سىرتقى جاعداي الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى جاعدايدى باعامداپ، دەر كەزىندە شەشىم جاساپ، قارجى قوسۋدى ورنىقتىرۋدىڭ ءبىرقىدىرۋ شاراسىن بەلگىلەدى. بيىل 1 - ايدان 5 - ايعا دەيىن ەلىمىزدىڭ تۇراقتى مۇلىككە قوسقان قارجىسى وتكەن جىلدىڭ ۇقساس مەزگىلىندەگىدەن %5.6 ارتىپ، ورنىقتى ارتۋ ىسكە استى.
قارجى قوسۋدىڭ ارتۋ قارقىنى ورنىقتى بولدى، قۇرىلىم اناعۇرلىم ساپالىلاندى
شىلىڭگىر ىستىق، تەڭىز تولقىنى جاعانى ۇزدىكسىز ۇرعىلاۋدا، شىلىڭگىر جازدا جۋجياڭ وزەنىنىڭ قۇيعانى دۋمانعا بولەندى. تۋنەل، ارال، كوپىر جانە جەر استى توعىستىرىلاتىن شىنجىننەن جۇڭشان وتكەلىنە دەيىنگى تاس جول قۇرىلىسى قاۋىرت جۇرگىزىلۋدە. جالپى قوسىلاتىن قارجىسى 44 ميلليارد 690 ميلليون يۋانعا جەتەتىن شىنجىن - جۇڭشان جەر استى جولى شياڭگاڭ - جۋحاي - اۋمىن كوپىرىنەن كەيىنگى ەلىمىزدىڭ قاتىناس قۇرىلىسى ساحناسىنداعى تاعى ءبىر ەرەكشە ينجەنەرياعا اينالادى.
جەر ءتۇزىلىسى قاتەرلى، جالاما جارتاسى كوپ داتىڭ قىساڭىنداعى سۋ يگىلىگى ينجەنەرياسىندا جۇمىس قاربالاس جۇرگىزىلۋدە. گۋاڭشيدىڭ داتىڭ قىساڭى سۋ يگىلىگى تورابىندا بيىل وزەندى بوگەۋ ىسكە اسىرىلادى. جالپى 17 ميلليارد يۋاننان استام قارجى قوسىلعان وسى نىسان سالىنىپ بولعاننان كەيىن جىلىنا 6 ميلليارد كيلوۆات ساعات توك تاراتىلۋمەن بىرگە، ءبىر ميلليوننان استام بۇقارانىڭ سۋدان پايدالانۋ قيىن بولۋ ماسەلەسى شەشىلەدى.
وتكەن جىلدىڭ سوڭعى جارىمىنان بەرى نەگىزدىك قۇرىلعىلارعا قارجى قوسۋدىڭ كوپ جىلدىق جوعارى قارقىنمەن ارتۋىنان كەيىن جارىققا شىققان تومەندەۋ جاعدايى الدىندا ەلىمىز جەرگىلىكتى ورىنداردىڭ ارناۋلى قارىز تاراتۋ قارقىنى مەن نىسانداردى تەكسەرىپ بەكىتۋ قارقىنىن جەدەلدەتىپ، ءبىر توپ كەلەلى نىساننىڭ تياناقتانۋىن پارمەندى ىلگەرىلەتتى. بيىل 1 - ايدان 5 - ايعا دەيىن ەلىمىزدىڭ نەگىزدىك قۇرىلعىلارىنا قوسىلعان قارجى وتكەن جىلدىڭ ۇقساس مەزگىلىندەگىدەن %4 ارتىپ، بىلتىرعى تۇتاس جىلداعى ارتۋ قارقىنىنان 0.2 پايىز جوعارى بولدى.
ارتۋ قارقىنى ورنىقتى بولدى، قۇرىلىمى دا جاقساردى. «مول سۋمەن قاپتاتىپ سۋارماۋ»، «دالمە - ءدال تامشىلاتىپ سۋارۋعا» تالپىنۋ ەلىمىزدىڭ نەگىزدىك قۇرىلعىلارعا قارجى قوسۋداعى ولقىلىقتاردى تولىقتاۋ ءتۇيىنى بولدى، قارجى قوسۋ كەدەيلىكتەن ارىلتۋدان قامال الۋ، تەمىر جول، تاس جول جانە سۋ تاسىمالى، اۋەجاي، سۋ يگىلىگى، ەنەرگيا، اۋىل شارۋاشىلىعى، اۋىل - قىستاق، ەكولوگيالىق ورتانى قورعاۋ جانە قوعام، حالىق تۇرمىسى سياقتى 9 سالاعا ءتۇيىندى شوعىرلاندىرىلىپ، ارتۋدى ورنىقتىرۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ سىندى ءبىر جولدا كوپ ناتيجەگە قول جەتكىزۋگە قۇلشىنىس جاسالدى. «وسى قارجى قوسۋ كولەمى بۇرىنعىعا جەتپەگەنىمەن، بارلىعى شەشۋشى سالالارعا، شەشۋشى بۋىندارعا باعىتتالىپ، نەگىزدىك قۇرىلعىلارعا قارجى قوسۋدىڭ جالپى تۇلعالىق ونىمدىلىگى بارىنشا جوعارىلاتىلدى» دەدى مەملەكەتتىك كەڭەس دامۋدى زەرتتەۋ ورتالىعى كاسىپتەردى، ەكونوميكانى زەرتتەۋ ءبولىمىنىڭ زەرتتەۋشىسى شۇي جاۋيۋان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
