«حالىق گازەتى»: كادرلاردىڭ كوز بوياۋشىلىق ىستەۋى پارتياعا ادال بولماعاندىق، مومىن بولماعاندىق سانالادى
بۇرىنعى تاقىرىبى: «تەكسەرۋدى جالعانشىلىقپەن قارسى الۋعا» استە جول بەرمەۋ كەرەك (قىزىل قايىق باقىلاۋى)
جياڭ لين
2019.07.16 14:30 كەلۋ قاينارى : حالىق تورابى
تاياۋدا ورتالىقتىڭ 5 - رەتكى ەكولوگيالىق ورتانى قورعاۋدى باقىلاۋ - تەكسەرۋ گرۋپپاسى گۇيجوۋ ولكەسىنە «قايىرىلا قاراۋ» جانە باقىلاۋ - تەكسەرۋ جاعدايىن اڭىس ەتكەن كەزدە مىنانى اتاپ كورسەتتى: زۇن - ي قالاسى پايجوۋ رايوندىق پارتكوم، رايوندىق ۇكىمەت ماسەلەنى بۇركەمەلەۋ، باقىلاۋ - تەكسەرۋگە توتەپ بەرۋ ءۇشىن، رايوندىق پارتكوم تۇراقتى كوميتەتى ءماجىلىسىنىڭ 10 ۋاقىتتىق ماڭىزدى ەستەلىگىن جازىپ، ەكولوگيالىق ورتانى قورعاۋ جاعىنداعى زەرتتەۋ - ۇيرەنۋ مەن قىزمەت ورنالاستىرۋلارىن اي سايىن ورىستەتىپ جاتىرمىز دەپ، ساياسي تارتىپكە اۋىر قايشىلىق جاسادى، سيپاتى جيرەنىشتى بولىپ وتىر.
كوز بوياۋشىلىق ىستەگەندەر بۇل عانا ەمەس. تاياۋدا از ساندى كادرلاردىڭ كوز بوياۋشىلىق ىستەۋ ماسەلەسى ىلگەرىندى - كەيىندى اشكەرەلەندى: حۋبەي ولكەسى ماچىڭ قالالىق وقۋ - اعارتۋ مەكەمەسىنىڭ بۇرىنعى پارتكوم شۋجيى، مەكەمە باستىعى ورتالىقتىڭ سۇرقيا كۇشتەردى الاستاۋ جونىندەگى 7 - قۋزاۋ گرۋپپاسىنا قىزمەتتەن مالىمەت بەرگەن كەزدە، قول استىنداعىلاردى ءماجىلىس ەستەلىگىنە جاپسىرىلعان بۇرىنعى «2018 - جىلعى كۇزگى وقۋ باستاۋ قىزمەتى ءماجىلىسى» دەگەن جازۋدى «قالا بويىنشا وقۋ - اعارتۋ جۇيەسىنىڭ سۇرقيا كۇشتەردى الاستاۋ قىزمەتىن ىلگەرىلەتۋ جانە كۇزگى وقۋ باستاۋ قىزمەتى ءماجىلىسى» دەگەن جازۋعا وزگەرتۋدى بۇيىرىپ، پارتيا ىشىندە اۋىر ەسكەرتۋ جازاسى بەرىلدى ءارى مىندەتىنەن قالدىرىلدى؛ بۇرىن بەلگىلەنگەن جاڭاشا اۋىل - قىستاق كاسىبىن دامىتۋ نىسانى اتقارىلماعان جاعدايدا، جوعارى دارەجەلى ورىننىڭ بايقاپ، تەكسەرىپ وتكىزىپ الۋىنا توتەپ بەرۋ ءۇشىن، شانشي ولكەسى شانياڭ اۋدانى لياڭليڭ قالاشىعىنىڭ بۇرىنعى باستىعى سانحى قىستاعىنىڭ بۇقارانى ۇيىمداستىرىپ «جالعانشىلىقپەن تەكسەرۋدى قارسى الۋىنا» ماقۇل بولىپ، پارتيا ىشىندە ەسكەرتۋ جازاسى بەرىلدى؛ سىچۋان ولكەسى زىگۇڭ قالاسى جوعارى، جاڭا تەحنيكا رايونى ەكونوميكالىق اينالىم مەكەمەسىنىڭ بۇرىنعى باستىعى جالعان ساناق ساندى مالىمەتىن جولداپ، دارەجەسىن تومەندەتۋ جازاسى بەرىلدى، ەكونوميكالىق اينالىم مەكەمەسىنىڭ باستىقتىعى مىندەتىنەن قالدىرىلدى... وسىنداي ءتۇرلى الدامكوستىك ارەكەتتەرى قاتاڭ تەكسەرىپ ءبىر جاقتى ەتىلدى.
پارتيانى جاپپاي قاتاڭ جونگە سالۋدىڭ ىشكەرىلەي ىلگەرىلەۋىنە بايلانىستى، قالىڭ پارتيالى كادرلار ءتارتىپ تانىمىن جاپپاي كۇشەيتىپ، ءتارتىپ ارقاۋىن شيراتتى، ءبىراق ءالى دە از ساندى ادام باق سىناۋ ويىندا بولىپ، كوز بوياۋشىلىق ىستەپ، جوعارىنى الداپ، تومەندى كولەگەيلەۋدە. كەيبىر قۇراستىرما ماتەريالداردا «كوشىرىپ جاساۋ»، «جاپسىرۋ» تاسىلدەرى ارقىلى وتكەلدەن ءوتۋ كوزدەلگەن، كەيبىرەۋىندە ناتيجە اسىرەلەنىپ، ماسەلە قاساقانا بۇركەمەلەنگەن، كەيبىرەۋى كورىنىستە ءبىر ءتۇرلى، كومەسكىدە ءبىر ءتۇرلى بولعان... كادرلار كوز بوياۋشىلىق ىستەگەندە، پارتيا ۇيىمىنىڭ احۋالدى دەر كەزىندە ۇعىسۋىنا، عىلمي شەشىم جاساۋىنا كەدەرگىلىك جاسايدى ءارى پارتيا مۇشەلەرى مەن كادرلاردىڭ بەلسەندىلىگىن مۇقالتادى، پارتيا ىشىندەگى ساياسي ەكولوگيانى بۇلدىرەدى. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىندە» «پارتياعا ادال بولماۋ، ءىشى - سىرتى بىردەي بولماۋ، كورىنىستە بويسۇنعانسىپ، كومەسكىدە قايشىلىق جاساۋ، جوعارىنى الداپ، تومەندى كولەگەيلەۋ، ەكى بەتكەيلىك ىستەۋ، ەكى بەتكەي بولۋ» جايتتەرى «ساياسي تارتىپكە قايشى ارەكەتتەردى جازالاۋ» بولىمىنە ارنايى ەنگىزىلگەن. ءمانى جاعىنان الىپ ايتقاندا، كوز بوياۋشىلىق دەگەنىمىز ساياسي تارتىپكە قايشىلىق جاساۋ، ستيلى دۇرىس بولماۋ، پارتيالىلىعى كىرشىكسىز بولماۋ، پارتياعا ادال بولماۋ، مومىن بولماۋ دەگەن ءسوز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
