بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

قارىشتاپ دامۋدىڭ جولىن اشايىق

ج ك پ يۇننان ولكەلىك كوميتەتىنىڭ شۋجيى چىن حاۋ، يۇننان ولكەلىك حالىق ۇكىمەتىنىڭ باستىعى رۋان چىڭفا

2019.08.01 16:53     كەلۋ قاينارى : حالىق تورابى

  پارتيانىڭ 18 - قۇرىلتايىنان بەرى يۇننان شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن باستان - اياق ەستە بەرىك ساقتاپ جانە ىشكەرىلەي ۇيرەنىپ، باس شۋجي شي جينپيڭنىڭ يۇنناندا العا قويعان «ىرىقتىلىقپەن قىزمەت وتەپ جانە مەملەكەتتىڭ دامۋ ستراتەگياسىمەن توعىسىپ، قارىشتاپ دامۋ جولىمەن ءجۇرىپ، ۇلتتار ىنتىماعى، العاباسارلىعىنداعى ۇلگى كورسەتۋ رايونى، ەكولوگيالىق وركەنيەت قۇرىلىسىنىڭ سەركەسى، وڭتۇستىك ازيا، شىعىس وڭتۇستىك ازياعا ىقپال جاساۋ ورتالىعى بولۋعا قۇلشىنىپ، جۇڭگو ارمانىنىڭ يۇننان تاراۋىن ويداعىداي جازۋ» تالابى بويىنشا، زەيىن - زەردەنى، كۇش - قۋاتتى شوعىرلاندىرىپ، بىرگە كۇرەس جۇرگىزدى.

  جۇڭگو كوممۋنيستىك پارتياسىنىڭ باسشىلىعى − ۇلتتاردىڭ دامۋى مەن العا باسۋىنىڭ ءتۇبىرلى كەپىلى، جۇڭگوشا سوتسياليزم جولى − ءار ۇلت حالقىنىڭ مۇراتقا جەتۋىندەگى داڭعىل جول، رەفورما جاساپ، قاقپا اشۋ − يۇنناننىڭ دامۋىن، العا باسۋىن ىلگەرىلەتەتىن ومىرشەڭدىك كۇش.

  1935 - جىلى 2 - ايدان 5 - ايعا دەيىن ورتالىق قىزىل ارميا ەكى رەت يۇننانعا كىرىپ، جول جوق جەردەن جول تاۋىپ، ستراتەگيالىق جوتكەلۋ بارىسىندا شەشۋشى ماڭىز الاتىن جەڭىسكە قول جەتكىزدى. قىزىل ارميانىڭ ۇزاق جورىعى قىزىل توپىراقتى ۇستىرتكە جارىق جانە ءۇمىت الا كەلىپ، يۇننانداعى ءار ۇلت حالقىنىڭ ساياسي ويانۋىن جەبەپ، ۇلتتار ىنتىماعىنىڭ ۇرىعىن سەپتى. 1951 - جىلى جاڭا جىلدا يۇننانداعى 26 ۇلتتىڭ ۋاكىلى پۋىر ايماعىندا باس قوسىپ، قۇلىپتاس ويىپ: «وسىدان باستاپ ءبىر نيەت، ءبىر تىلەكپەن، ەڭ سوڭىنا دەيىن ىنتىماقتاسىپ، جۇڭگو كوممۋنيستىك پارتياسىنىڭ باسشىلىعىندا، تەرەزەسى تەڭ، ەرىكتى، باقىتتى ۇلى شاڭىراق قۇرۋ جولىندا كۇرەسۋگە سەرت بەردى!» سەرت باتىل، ارەكەتى شىنايى بولدى. ۇزاق ۋاقىتتان بەرى يۇننانداعى ءار ۇلت حالقى پارتياعا، پارتيانىڭ سوزىنە قۇلاق اسىپ، پارتياعا ىلەسىپ، پارتيانىڭ شاپاعاتىنا العىس ايتىپ، كەدەيلىكتەن بىرتە - بىرتە ارىلىپ، باي – باقىتتى تۇرمىسقا بەت الدى، تۇيىقتالۋدان ارىلىپ، قاقپا اشۋعا بەت الدى، مەشەۋلىكتەن ارىلىپ، العا باسۋعا بەت الدى، ەكونوميكالىق دامۋدا جەر - كوكتى ءدۇر سىلكىندىرىپ، قالا مەن اۋىلدىڭ بەت - بەينەسىندە وراسان زور وزگەرىستەر تۋىلىپ، حالىق تۇرمىسى كۇننەن - كۇنگە جاقسارا ءتۇستى. 2018 - جىلى بۇكىل ولكەنىڭ ەكونوميكالىق جالپى مولشەرى ءبىر تريلليون 788 ميلليارد 112 ميلليون يۋانعا، جەرگىلىكتى ورىنداردىڭ الەۋمەتتىك قازىنالىق جالپى كىرىسى 371 ميلليارد 977 ميلليون يۋانعا جەتىپ، 1952 - جىلداعىدان جەكە - جەكە 205 ەسە جانە 1988 ەسە ارتتى، بۇكىل ولكەدەگى قالا - قالاشىق تۇرعىندارىنىڭ جان باسىندىق يگەرىلمەلى ورتاشا كىرىسى 33 مىڭ 488 يۋانعا جەتىپ، 1950 - جىلداعىدان 283.7 ەسە ارتتى. ەگىنشىلەردىڭ جان باسىندىق ساپ كىرىسى 10 مىڭ 768 يۋان بولىپ، 1956 - جىلداعىدان 182.8 ەسە ارتىپ، بۇكىل ەلدەگى ماڭىزدى ىقپالى بار تەمەكى، ساياحات، ەنەرگيا، ءتۇستى مەتال، بيولوگيا سياقتى تىرەكتى كاسىپتەردى جەتىلدىرىپ، مەملەكەتتىڭ «باتىستىڭ ەلەكترىن شىعىسقا جەتكىزۋ»، «يۇنناننىڭ ەلەكترىن سىرتقا جەتكىزۋ» سىندى ماڭىزدى جاسىل ەنەرگيا بازاسىنا اينالدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: 2017 – جىلى 8 – ايدىڭ 20 – كۇنى اقساي اۋدانىندا وتكىزىلگەن بايگەدە قازاق بويجەتكەندەر قولفونمەن سۋرەتكە ءتۇسىپ، ءوزارا اڭگىمە دۇكەن قۇرۋدا. ما شياۋۋەي فوتوسى (كەسكىندەگى جۇڭگو)