بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

شياڭگاڭ ساقشى جاعىنىڭ زاڭدى قاتاڭ اتقارۋىن باتىل قولدايمىز

«حالىق گازەتىنىڭ» شولۋشىسى

2019.08.05 16:35     كەلۋ قاينارى : حالىق تورابى

  زاڭ شىعارۋ كەڭەسىن، شياڭگاڭ ورتا مەكتەبىن قورشاپ شابۋىلداۋدان ساقشى مەكەمەسىن قورشاپ شابۋىل جاساۋعا، قوپارعىش زات جاساۋ سياقتى زورلىقتى قارۋ - جاراقتاردى جاساۋعا دەيىن شياڭگاڭنىڭ تاياۋ مەزگىلدەگى زورلىقتى كۇش ارەكەتى ۇزدىكسىز كۇشەيىپ، شياڭگاڭدى ايالايتىن بارلىق جاندى قاتتى اشىندىردى. شياڭگاڭنىڭ قازىرگى شۇعىل مىندەتى − شياڭگاڭ ساقشىلارىنىڭ زاڭدى قاتاڭ اتقارىپ، زورلىقتى كۇشكە تيىم سالىپ، قوعام تىنىشتىعىن تەز قالپىنا كەلتىرىپ، شياڭگاڭنىڭ تاماشا زاڭمەن جونگە سالۋ ءىسىن باتىل قولداۋ.

  ءبىر ايدان استام ۋاقىتتان بەرى شياڭگاڭدىق قارسى توپ پەن ۇشقارى زورلىقتى كۇش لاڭكەستەرى قاساقانا زورلىقتى كۇش ۋاقيعاسىن تۋدىرىپ، بەيبىت جولمەن قىر كورسەتۋ كاتەگورياسىنان بۇكىلدەي اسىپ، ارىز - ارمان ارناسىنان شىعىپ، ءىستىڭ ءمان - جايىن بۇرمالادى. جۇرتقا ايان، ءىس «قاشقىن قىلمىسكەرلەر ەرەجەسىنە» وزگەرىس ەنگىزۋدەن باستالدى، ءبىراق ەرەكشە اكىمشىلىك رايون ۇكىمەتى مۇنى ۋاقىتشا كەشەۋىلدەتكەنىن، سايكەستى زاڭ شىعارۋ قىزمەتى دە وسىعان بايلانىستى بۇكىلدەي توقتاتىلعانىن ەرتەدە - اق جاريالادى. الايدا اتويشىل زورلىقتى كۇش ەلەمەنتتەرى توقتاۋ بىلاي تۇرسىن، قايتا ءورشي ءتۇستى. ولار ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىن قورشاۋعا الىپ، مەملەكەت بەلگىسىن ءبۇلدىرىپ، ساقشى مەكەمەسىن قورشاپ الىپ، ساقشىلاردى ۇرىپ - سوعىپ، مەملەكەت تۋىن اياق استى ەتتى، ءتىپتى زاڭسىز ەرەۋىل جينالىستارىندا «شياڭگاڭ تاۋەلسىزدىگى» ۇرانىن كوتەرىپ، شياڭگاڭنىڭ زاڭمەن باسقارىلۋىن اياق استى ەتۋمەن بىرگە، «ءبىر ەل، ەكى ءتۇزىم» پرينسيپىنىڭ تومەنگى شەگىنە دە سوقتىقتى. ءتۇرلى - ءتۇستى دەرەكتەردىڭ كورسەتۋىنشە، ۇشقارى زورلىقتى كۇش لاڭكەستەرى استە تۇزەتىمپازدىققا قارسى تۇرۋ ءۇشىن ەمەس، تۇپتەپ كەلگەندە، شياڭگاڭدى بىلىقتىرىپ، شياڭگاڭدى السىرەتىپ، «ءبىر ەل، ەكى ءتۇزىمدى» تالقانداۋعا ۇرىنعان.

  ءارقانداي وركەنيەت پەن زاڭمەن باسقارىلاتىن قوعام زورلىقتى كۇشتىڭ زورلىق - زومبىلىعىنا جول بەرمەيدى. ءبىز مىنانى كورە ءبىلۋىمىز كەرەك: بۇكىل ۋاقيعانىڭ ءورشۋى بارىسىندا، قوعام ءتارتىبىن قورعاۋشى رەتىندە شياڭگاڭ ساقشىلارى اسا زور قىسىمعا ۇشىرادى. شياڭگاڭ قوعامىنىڭ بەيبىت جولمەن ەرەۋىل وتكىزۋ جينالىسىنا قاراتا، ەرەكشە رايوننىڭ ساقشىلارى زاڭ بويىنشا بەكىتۋدەن وتكىزدى ءارى قاجەتتى كومەك كورسەتتى. الايدا، اتويشىل زورلىقتى كۇش ەلەمەنتتەرى بەيبىت ەرەۋىل ارقىلى قورعانىپ، ءار رەت زاڭمەن جونگە سالۋدىڭ تومەنگى شەگىن بۇزىپ، كەرپىشپەن، تەمىر تاياقشامەن، ءتىپتى بەنزين بومبىمەن ساقشىلارعا شابۋىل جاساپ، ۋلى، زياندى سۇيىقتىقپەن، ۇنتاق زاتتارمەن ساقشىلارعا شابۋىل جاسادى، ءتىپتى ساقشىلاردىڭ ساۋساعىن تىستەپ تاستادى، ولاردىڭ قانپەزەر قىلىقتارى ادامدى تۇرشىكتىرەدى. ولار تاعى دا ساقشىعا كەكتەنۋگە جەلىكتىردى. جەكە ادام مەن وتباسى قاتتى قينالعان جاعدايدا دا شياڭگاڭ ساقشى اترەتى قىزمەت ورنىنان تاپجىلماي، قىزمەت مىندەتىن ادا ەتىپ، ەشتەڭەدەن تايىنباي، قورلىققا شىدادى، ولاردىڭ ەرلىكتەرى ادامدى سۇيىندىرەدى، كاسىپتىك رۋحى شياڭگاڭ تۇرعىندارىنىڭ القاۋىنا بولەندى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار