بۇلىكتى تيىپ، ءتارتىپتى قالپىنا كەلتىرۋ − شياڭگاڭنىڭ قازىرگى بارلىعىن باسىپ تۇسەتىن شۇعىل مىندەتى
− مەملەكەتتىك كەڭەستىڭ شياڭگاڭ، اۋمىن ىستەرى كەڭسەسى مەن ورتالىق ۇكىمەتتىڭ شياڭگاڭدا تۇراتىن بايلانىس كەڭسەسى شياڭگاڭ جاعدايى جونىندە اڭگىمە ءماجىلىسىن وتكىزدى
2019.08.08 15:05 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 7 – كۇنى، شىنجىن (تىلشىلەر چىن جيانشيڭ، ۋاڭ فىڭ، جوۋ ۋىنچي). مەملەكەتتىك كەڭەستىڭ شياڭگاڭ، اۋمىن ىستەرى كەڭسەسى مەن ورتالىق ۇكىمەتتىڭ شياڭگاڭدا تۇراتىن بايلانىس كەڭسەسى 8 - ايدىڭ 7 – كۇنى شىنجىن قالاسىندا شياڭگاڭ جاعدايى جونىندە اڭگىمە ءماجىلىسىن وتكىزدى. مەملەكەتتىك كەڭەستىڭ شياڭگاڭ، اۋمىن ىستەرى كەڭسەسىنىڭ مەڭگەرۋشىسى جاڭ شياۋميڭ ورتالىقتىڭ شياڭگاڭنىڭ قازىرگى جاعدايىن ورنىقتىرۋ جونىندەگى ماڭىزدى رۋحىن حابارلاندىردى، ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىنىڭ مەڭگەرۋشىسى ۋاڭ جىمين ورتالىقتىڭ رۋحىن تياناقتاندىرۋ جونىندە ءۇمىت ءبىلدىردى. شياڭگاڭ رايونىنداعى مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، ولكە دارەجەلى ساياسي كەڭەستەردىڭ تۇراقتى مۇشەلەرى، شياڭگاڭداعى وتاندى ءسۇيۋ، شياڭگاڭدى ءسۇيۋ باستى ساياسي توپتاردىڭ، قوعامدىق توپتاردىڭ كوسەمدەرى، قاتىستى جاستار ۇيىمدارىنىڭ، وقۋ - اعارتۋ ۇيىمدارىنىڭ، كاسىپتىك ۇيىمداردىڭ جاۋاپتىلارى، شياڭگاڭدا تۇراتىن جۇڭگو قارجىلاندىرعان كاسىپورىنداردىڭ جاۋاپتىلارى قاتارلى 550 دەن استام ادام ماجىلىسكە قاتىناستى.
جاڭ شياۋميڭ مىنالاردى اتاپ كورسەتتى: ورتالىق شياڭگاڭنىڭ قازىرگى جاعدايىنا باسا نازار اۋدارىپ، ستراتەگيالىق جانە جالپى جاعداي تۇرعىسىنان زەرتتەۋ جۇرگىزىپ، تۇجىرىم جانە ورنالاستىرۋ جاسادى. شياڭگاڭ وتان قۇشاعىنا ورالعاننان بەرگى ەڭ اۋىر جاعدايعا ءدوپ كەلىپ وتىر، قازىرگى ەڭ شۇعىل جانە بارلىعىن باسىپ تۇسەتىن مىندەت زورلىقتى كۇشتەردى تيىپ، ءتارتىپتى قالپىنا كەلتىرىپ، اتا مەكەنىمىزدى بىرگە قورعاپ، شياڭگاڭنىڭ قۇيعا باتۋىن توسۋ بولىپ تابىلادى. ەرەكشە اكىمشىلىك رايون ۇكىمەتى زاڭعا وزگەرىس ەنگىزۋ قىزمەتىنىڭ تۇبەگەيلى توقتاتىلعانىن كوپ رەت بىلدىرگەنىمەن، شياڭگاڭداعى قارسى توپ پەن كەيبىر ۇشقارى كۇشتەر «زاڭعا وزگەرىس ەنگىزۋگە قارسى تۇرۋدى» جەلەۋ ەتە وتىرىپ، ءتۇرلى قيان - كەسكى قارسىلىق كورسەتۋ قيمىلدارىن جۇرگىزدى، زورلىقتى كۇش كورسەتۋ دارەجەسى ۇزدىكسىز جوعارىلاپ، قوعامدىق تولقۋ كولەمى بارعان سايىن كەڭەيدى، ءتىپتى «ءبىر ەل، ەكى ءتۇزىم» پرينسيبىنىڭ تومەنگى شەگىنە اشىقتان - اشىق سايىس جاريالادى. ەگەر زورلىقتى كۇش پەن بىلىقپالىق جالعاسا بەرەتىن بولسا، شياڭگاڭ تۇرعىندارىنىڭ ءومىرى مەن مال - مۇلكىنىڭ اماندىعىنا حاۋىپ ءتوندىرىپ قانا قويماي، ونىڭ ۇستىنە ەرەكشە اكىمشىلىك رايون ۇكىمەتىنىڭ باسقارۋ، جونگە سالۋ بەدەلىن، شياڭگاڭنىڭ زاڭمەن جونگە سالۋ ىرگە تاسىن، شياڭگاڭنىڭ گۇلدەنىپ - كوركەيۋى مەن ورنىقتىلىعىن، «ءبىر ەل، ەكى ءتۇزىمدى» تالقاندايدى، بۇعان قالىڭ شياڭگاڭ تۇرعىندارى جول بەرمەيدى، بۇكىل ەل حالقى دا جول بەرمەيدى. ءبىز جۇڭگوعا قارسى تۇرىپ، شياڭگاڭدى بىلىقتىرۋعا ۇرىنعان ءار ءتۇرلى كۇشتەرگە جاعدايدى قاتە تۇجىرىمداماۋدى، ۇستامدىلىقتى السىزدىك ەتتى دەپ ساناماۋدى، ورتالىق ۇكىمەت پەن بۇكىل ەل حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، بىرلىگىن، شياڭگاڭنىڭ گۇلدەنۋى مەن ورنىقتىلىعىن قورعاۋداعى بەرىك جىگەرى مەن بەرىك بەكىمىن تومەن مولشەرلەمەۋدى ەسكەرتەمىز! ەگەر شياڭگاڭنىڭ جاعدايى ونان ارى ۋشىعىپ، شياڭگاڭ ەرەكشە اكىمشىلىك رايون ۇكىمەتى تەجەي المايتىن بىلىقپالىق تۋىلسا، ورتالىق استە قول قۋسىرىپ قاراپ وتىرمايدى. ءتۇبىرلى زاڭداعى بەلگىلەمەلەر بويىنشا، ورتالىق كوميتەت تۋىلۋى مۇمكىن بولعان ءتۇرلى بىلىقپالىقتى جەتكىلىكتى ءادىس، جەتكىلىكتى قۇدىرەتتى كۇش – قۋاتپەن تىنىشتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
