بۇلىك تۋدىرۋعا جەلىكتىرەتىن زۇلىمدىق حالىقارالىق قوعام جاعىنان تالقاندالادى (قوڭىراۋ ءۇنى)
2019.11.26 14:34 كەلۋ قاينارى : حالىق تورابى
حالىق تورابى، 11 – ايدىڭ 26 – كۇنى، بەيجيڭ. شياڭگاڭدا جالعاستى قيان - كەسكى زورلىقتى كۇش قىلمىسى تۋىلىپ، ەسەرسوقتىق، شياڭگاڭدى بىلىقتىرۋ، شياڭگاڭدى ويرانداۋ ارەكەتتەرى جان تۇرشىكتىردى. ادامدى تاڭعالدىراتىنى، ا ق ش پارلامەنتى ايتىلمىش «2019 - جىلعى شياڭگاڭنىڭ ادامدىق ۇقىق جانە دەموكراتيالىق زاڭ جوباسى» ارقىلى زورلىقتى كۇش قىلمىستارىنا باسقاشا ءتۇس بەرىپ، ۇرىپ قيراتۋعا جەلىكتىرىپ، جۇڭگونىڭ ىشكى ىسىنە دورەكىلىكپەن كيلىكتى. بۇلىك تۋدىرۋعا جەلىكتىرەتىن مۇنداي زۇلىمدىق ارەكەتتەر ادىلەتتىلىككە، حالىقارالىق زاڭ مەن حالىقارالىق قاتىناستىڭ نەگىزگى ولشەمدەرىنە قايشى، حالىقارالىق قوعام جاعىنان ءسوزسىز تالقاندالادى. وتكەن بەس ايدان استام ۋاقىتتان بەرى، شياڭگاڭدا ءسىرا نە بولدى، ءسال ۇجداندى ادامدار بۇدان قورىتىندى شىعارا الادى. سويقانشىلار قۇتىرىنا ۇرىپ - سوعىپ، الباتى ءورت قويىپ، الەۋمەتتىك قاتىناستى ءبۇلدىرىپ، ساقشىلارعا تۇتقيىل شابۋىل جاساپ، جاي تۇرعىنداردى زاقىمداپ، قالىڭ شياڭگاڭ تۇرعىندارىنىڭ باس اماندىعىنا، ءسوز سويلەۋ بوستاندىعىنا اۋىر زالال جەتكىزدى. ولار تاسىمال ۇستىندەگى پويەزعا جانار ماي بومبىسىن تاستاپ، مەكتەپ اۋلاسىن «اسكەري زاۆودقا» اينالدىرىپ، قالىپتى زاڭ اتقارۋشى ساقشىلارعا قۇتىرىنا شابۋىل جاساپ، اشىقتان – اشىق ٶرت قويىپ، بەيكۇنا قالا تۇرعىندارىن ورتەدى . . . شياڭگاڭنىڭ زاڭمەن باسقارۋى مەن قوعامدىق ءتارتىبى اۋىر دارەجەدە اياق استى ەتىلدى، ادامدىق ۇقىق پەن دەموكراتيانى قالاي اۋىزعا الۋعا بولادى؟ دۇنيە جۇزىندەگى قايسى مەملەكەت دەموكراتيا دەگەن اتپەن تەررورلىق ىستەۋگە توزە الادى؟
زورلىقتى ارەكەت ادامزات وركەنيەتىنىڭ تومەنگى شەگىن بۇزدى، اتالمىش «بەيبىتشىلىك ەرەۋىلىنىڭ» ماسقارالىعى تۇبەگەيلى اشىلدى! شياڭگاڭ ساقشىلارى زاڭدى قاتاڭ اتقارىپ، زورلىقتى كۇشكە تيىم سالعان تولىق حابارى تارالعاننان كەيىن، حالىقارالىق اقپارات قۇرالدارى قارا كيىمدى سويقانشىلاردىڭ «قارا تەررورلىعىن» اشكەرەلەي باستادى. ءبىر شياڭگاڭ تۇرعىنى سويقانشىلار جاعىنان قاتتى كۇيىپ جارالانعاننان كەيىن، اۆستراليا ءتىلشىسى حەدلي توماس «بۇل وتە قورقىنىشتى جاعداي»، «قورقىنىشتى زورلىقتى كۇش ارەكەتى» دەپ ايعايلادى؛ ءبىر جاپونيالىق ساياحاتشى سويقانشىلار جاعىنان تاياق جەگەندە، الەۋمەتتىك جەلىدەگى شەتەلدىك توراپتاستار «بۇل قايداعى بەيبىت ەرەۋىل، قىلمىس ەكەنى كورىنىپ تۇر عوي» دەپ اشۋلاندى؛ شياڭگاڭنىڭ جوعارى مەكتەپتەرىن سويقانشىلار باسىپ العان سوڭ، كوپتەگەن ەلدىڭ جوعارى مەكتەپتەرى ولاردى شەتەلگە وقۋعا شاقىرۋعا ءماجبۇر بولدى، سونداي - اق «زورلىقتى كۇش قيمىلى جاڭا ورەگە جەتتى» دەپ ەسكەرتتى . . . حالىقارالىق قوعام سول سويقانشىلار مادەنيەت پەن ءتارتىپتىڭ تومەنگى شەگىنە سايىس جاريالاپ، شياڭگاڭدى جارعا يتەرمەلەپ جاتقاندىعىن جاپپاي تانىپ جەتتى.
ادامدار شياڭگاڭنىڭ ادامدىق ۇقىعى، دەموكراتياسى، زاڭمەن باسقارۋى وسىنشاما اياق استى ەتىلگەن جاعدايدا، ا ق ش پارلامەنتى ءوزىنىڭ ەل ىشىندەگى زاڭ شىعارۋ ءتاسىلى ارقىلى ءورت سالىپ نە ىستەمەك؟ بىرنەشە ايدان بەرى، ا ق ش - نىڭ كەيبىر ساياسي الاياقتارى شياڭگاڭ ماسەلەسىندە باستان - اياق بار كۇشىن سالىپ، اق پەن قارانى شاتاستىرىپ، وزدەرى جەلىكتىرگەن سويقانشىلاردىڭ كۇن سايىن جۇرت كوڭىلىنە جاقپاعانىن، جۇرت ونى كوزگە ىلمەيتىنىن، جەك كورەتىنىن كورىپ، قىسىلىپ - قىمتىرىلماي الدىڭعى ساحناعا كوتەرىلىپ، ءوزى اتويلاپ العا شىعادى. ولار «ادامدىق ۇقىق پەن دەموكراتيا» دەگەندى جەلەۋ ەتىپ، شىندىقتى ەلەمەي، اق پەن قارانى شاتاستىرىپ، زورلىقتى كۇش قىلمىستارىن اسەمدەپ، حالىقارالىق ادىلدىككە سايىس جاريالادى. ۇلى بريتانيانىڭ وكسفورد ۋنيۆەرسيتەتىنىڭ وقىمىستىسى توم فۋدي اتاپ كورسەتكەندەي: « 2019 - جىلى شياڭگاڭنىڭ ادامدىق ۇقىعى مەن دەموكراتيالىق زاڭ جوباسى» ادامدىق ۇقىق پەن دەموكراتيامەن ەشقانداي بايلانىسى جوق، بۇل زاڭ جوباسى شياڭگاڭدى ا ق ش - نىڭ ءوزىنىڭ ديپلوماتيالىق نىساناسى مەن مۇددەسىنە بويسۇندىرۋ عانا.
ا ق ش - نىڭ كەيبىر ساياسي الاياقتارىن ساياسي باس پايداعا كەنەلۋ نيەتى الجاستىرىپ، ادامدىق ۇقىق پەن دەموكراتيانىڭ نەگىزگى قۇنىن تۇبەگەيلى بۇرمالايتىن تالعام جاساپ، حالىقارالىق ادىلەتشىل كۇشتەردىڭ قاراما - قارسى جاعىنا ءوتتى. سينگاپۋردىڭ پرەمەر مينيسترى لي شيانلۇڭ مىنانى اتاپ كورسەتتى: شياڭگاڭداعى نارازىلىق بىلدىرۋشىلەردىڭ تىلەگى شياڭگاڭنىڭ قيىن - قىستاۋ جاعدايىن شەشۋ ءۇشىن ەمەس، قايتا ۇكىمەتتى قورلاۋ جانە اۋدارۋ ءۇشىن، «بۇل شياڭگاڭنىڭ وكىنىشى، ءوز رايونىنىڭ باقىتسىزدىعى» . «شياڭگاڭدى بىلقتىرۋشىلاردىڭ ۋاكىلىنىڭ» الدىندا گەرمانيا ءتىلشىسى ىزاعا بۋلىعىپ: نە ءۇشىن قىر كورسەتۋشىلەردىڭ زاڭعا قايشىلىق جاساۋى «زاڭمەن باسقارۋدى قورعاۋ»، ساقشىلاردى ولتىرمەك بولعانى «ءوزىن قورعاۋ» بولادى، نە ءۇشىن ۇقساماعان پىكىردەگى ادامداردى ۇرىپ - سوعۋ سياقتى ارەكەتتەردى جازعىرۋعا بولمايدى؟ ءىستىڭ شىن سىرى الدەقاشان دۇنيە جۇزىنە تانىلدى! الايدا، ا ق ش - نىڭ كەيبىر ساياسي الاياقتارى سىڭار جاقتىلى كوزقاراس جانە جات نيەتپەن ءوز بەتىمەن كەتىپ، قانپەزەرگە جول كورسەتتى.
ا ق ش - نىڭ «2019 - جىلعى شياڭگاڭنىڭ ادامدىق ۇقىعى مەن دەموكراتيالىق زاڭ جوباسى» ا ق ش - نىڭ كەيبىر ساياسي الاياقتارىنىڭ شياڭگاڭدى بىلىقتىرىپ، جۇڭگونىڭ دامۋىنا تۇساۋ بولاتىن سۇرقيا نيەتىن تولىق اشكەرەلەدى، ولاردىڭ بۇلىك تۋدىرۋعا جەلىكتىرۋ، شياڭگاڭنىڭ گۇلدەنۋى مەن ورنىقتىلىعىن ءبۇلدىرۋ قاسكۇنەمدىگى، ءسوز جوق، ىسكە اسپايدى. سول ءبىر اعىمعا قارسى ارەكەت جاساعان ا ق ش - نداعى كەيبىر ساياسي الاياقتار قالاي ايعايلاسا دا، اقىرى ابىرويدان جۇرداي بولىپ، ەل - جۇرتقا مازاق بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
