بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

توردوستاردىڭ كەگىن قوزعادى: ا ق ش – تىڭ «شينجياڭعا قاتىستى زاڭ جوباسى» بۇكىلدي وتىرىك - وسەك

چىن جىنكاي، ۋەي لياڭۋەي

2019.12.13 15:13     كەلۋ قاينارى : حالىق تورابى

  شينجياڭ تاسقورعان تاجىك اۆتونوميالى اۋدانى دابدار اۋىلىنداعى ەمحانانىڭ شيپاگەرى نيمارات سىدىق (ورتادا) قىستاق تۇرعىندارىنىڭ دەنساۋلىعىن ارالاپ تەكسەرۋدە. شينحۋا اگەنتتىگىنىڭ ءتىلشىسى حۋ حۋحۋ فوتوسى

  جۋىردا ا ق ش پارلامەنتىنىڭ قاۋىمدىق پالاتاسى اتالمىش «2019 – جىلعى ۇيعۇرلاردىڭ كىسىلىك ۇقىق ساياساتى زاڭ جوباسىن» (تومەندە «شينجياڭعا قاتىستى زاڭ جوباسى» دەپ اتالادى) ماقۇلدادى. شينجياڭعا قاتىستى زاڭ جوباسى فاكتپەن ساناسپاي، اق پەن قارانى ايىرماي، جۇڭگو شينجياڭنىڭ كىسىلىك ۇقىق جاعىنداعى جاعدايىنا قاسكۇنەمدىكپەن جالا جاۋىپ، جۇڭگونىڭ ۇشقارىلىقتى الاستاۋ جانە لاڭكەستىككە سوققى بەرۋدەگى قۇلشىنىستارىن قارالاپ، جۇڭگونىڭ ىشكى ىستەرىنە دورەكىلىكپەن كيلىگىپ، جۇڭگو حالقىنىڭ كوڭىلىنە داق سالدى. جۇڭگولىق توردوستار بۇعان كەكتەندى: شينجياڭعا قاتىستى زاڭ جوباسى بۇكىلدەي جالعان، كورىكتى شينجياڭعا جالا جابۋعا مۇلدە جول بەرىلمەيدى.

  12 – ايدىڭ 11 – كۇنى تۇستەن كەيىنگە دەيىن، ميكروبلوگتاعى «شينجياڭنىڭ لاڭكەستىككە قارسى تۇرۋى جونىندەگى قۇجاتتى فيلىم» 460 ميلليون رەت وقىلعان، ءبىر ميلليون 640 مىڭ رەت تالقىلانعان، ميكروبلوگتاعى «مەملەكەتتىك لاڭكەستىككە قارسى تۇرۋ كەڭسەسى ا ق ش – تىڭ شينجياڭعا قاتىستى زاڭ جوباسى جونىندە تىلشىلەردىڭ سۇراۋىنا جاۋاپ بەردى» دەگەن تاقىرىپ 210 ميلليون رەت وقىلىپ، ون مىڭ رەتكە جۋىق تالقىلانعان. مۇنان سىرت، «شينجياڭنىڭ ىستەرىنە ءارقانداي وزگە مەملەكەتتىڭ كيلىگۋىنە بولمايدى»، «حالىق گازەتى ا ق ش – تىڭ شينجياڭعا قاتىستى زاڭ جوباسىن ماقۇلداۋى جونىندەگى شولۋ»، «مەملەكەتتىك حابارلاردا ا ق ش – تى جالعاستى التى رەت ايىپتادى» دەگەن سياقتى ميكروبلوگتاعى قاتىستى تاقىرىپتاردىڭ وقىلىمى دا ءبىرشاما جوعارى بولدى.

  جۇڭگونىڭ ءار سالاسىنداعىلار ا ق ش – تىڭ ساندىراقتارىنا تويتارىس بەردى

  ا ق ش پارلامەنتى قاۋىمدىق پالاتاسىنىڭ شينجياڭعا قاتىستى زاڭ جوباسىن ماقۇلداعانى جونىندە، مەملەكەتتىك حالىق قۇرىلتايىنىڭ سىرتقى ىستەر كوميتەتى، مەملەكەتتىك ساياسي كەڭەستىڭ سىرتقى ىستەر كوميتەتى، جۇڭگونىڭ سىرتقى ىستەر مينيسترلىگى، مەملەكەتتىك لاڭكەستىككە قارسى تۇرۋ كەڭسەسىنىڭ مەڭگەرۋشىسى ليۋ يۋەجين، مەملەكەتتىك ۇلتتىق ىستەر كوميتەتى، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتى قاتارلى كوپتەگەن ورىندار مەن جەكەلەر دەرەۋ مالىمدەمە جاريالاپ، قارسىلىق ءبىلدىرىپ، پىكىرلەسىپ، قاتتى كەكتەنگەنىن جانە باتىل قارسى تۇراتىنىن ءبىلدىردى.

  حالىق گازەتىنىڭ شەتەلگە ارنالعان نۇسقاسى «ا ق ش – تىڭ ‹شينجياڭعا قاتىستى زاڭ جوباسى› — قوقىر - قوقسىق زاڭ جوباسى» دەگەن شولۋ جاريالاپ، ينتەرنەتتە قىرۋار مەديالار كوشىرىپ جاريالادى. شولۋدا بىلاي دەپ كورسەتىلگەن: شينجياڭعا قاتىستى بۇل زاڭ جوباسى جۇڭگولىقتاردىڭ كوڭىلىنە داق سالىپ قالماستان، ا ق ش ساياساتپازدارىنىڭ ناداندىعى مەن كولگىرلىگىن اناعۇرلىم ايپاراداي اشىپ تاستادى، جارىققا شىققاننان باستاپ - اق، تاريح كۇرەسىنىنە دەرەۋ سىپىرىپ تاستالدى. شينجياڭعا قاتىستى زاڭ جوباسى ۇزىن – سونار وتىرىك - وسەككە تولى بولىپ، ا ق ش- تىڭ شينجياڭداعى لاڭكەستىككە قارسى تۇرۋ ماسەلەسىندە قوش ولشەم قولدانۋى كەيبىر ساياساتپازداردىڭ كولگىرلىگى مەن جەكسۇرىندىعىن تولىق اشكەرەلەدى. «لياۋلۋ كلاسى مىقتى» دەگەن توراپتاس: «جالعاندىق جۇڭحۋا پەرزەنتتەرىنىڭ جانارىن ماڭگى كولەگەيلەي المايدى، بىزگە تەك ا ق ش ساياساتپازدارىنىڭ جەكسۇرىن بەت – بەينەسىن اناعۇرلىم ايقىن تانىتادى»، — دەپ جازدى.

  جۇڭگو حالىقارالىق تەلەۆيزيا ستانسياسى جاساعان «جۇڭگو شينجياڭ — لاڭكەستىككە قارسى تۇرۋدىڭ الدىڭعى شەبى» جانە «پەردە ارتىنداعى قاسكۇنەم — ‹شىعىس تۇركستان ءىسلام قوزعالىسى› مەن شينجياڭداعى زورلىقتى كۇش لاڭكەستىك ارەكەتى» اتتى ەكى قۇجاتتى فيلىم لاڭكەستىك ۇيىمنىڭ شينجياڭداعى زورلىقتى كۇش ارەكەتتەرىن ايپاراداي اشىپ، جۇڭگو ۇكىمەتىنىڭ شينجياڭدا لاڭكەستىك ۇيىمدارعا سوققى بەرۋ جانە حالىقتىڭ حاۋىپسىزدىگىن قورعاۋ جاعىنداعى شىنايى جاعدايىن ايگىلەپ، توردوستاردىڭ نازارىن اۋداردى. قۇجاتتى فيلىمدى كورگەن سوڭ، ميكروبلوگتاعى «مىڭمىڭ ساياحاتتى ۇناتادى» اتتى توراپتاس: «ءبىز ءۇشىن اۋىرتپالىقتى ارقالاپ العى شەپتە جۇرگەن جاندار بولماسا، تىنىش كۇندەر قايدان بولسىن»، — دەدى اسەرلەنىپ. ميكروبلوگتاعى «Sherlockians» ەسىمدى توردوس: «مەنىڭشە، وسى ءبىر 50 مينۋتتىق فيلىمدى مۇقيات كورىپ شىقپاعان ادامنىڭ جۇڭگونىڭ شينجياڭى تۋرالى ناداندىقپەن ءارقانداي ورەسكەل ءسوز ايتۋعا تولىمدىلىعى جوق»، — دەدى.

  سىرتقى ىستەر مينيسترلىگىنىڭ مالىمدەمەشىسى حۋا چۇنيڭ 12 – ايدىڭ 9 – كۇنى كەزەكتى تىلشىلەردى قابىلداۋ جيىنىندا، شەتەلدىك تىلشىلەردەن وسى ەكى قۇجاتتى فيلىمدى كورگەن – كورمەگەنىن سۇراعاندا، ناق مايدانداعى نەشە ونداعان شەتەلدىك تىلشىلەردەن بىردە – ءبىر ادام كورمەگەن بولىپ شىعادى. كوپتەگەن توراپتاستار: «ەگەر باتىستىڭ نەگىزگى اقپارات قۇرالدارىنىڭ جانە كەيبىر ساياساتپازداردىڭ شىنايى جاعدايدان دا حابارسىز بولا تۇرىپ، جۇڭگونىڭ شينجياڭدى جونگە سالۋ جاعىنداعى ساياساتتارىن جازعىرۋى قيسىنسىز شاتپاق»، — دەپ قارادى.

  «سۋبي سۋبي» اتتى توراپتاس: «ءبىزدىڭ ۇيعۇر ۇلتىمىزدىڭ شينجياڭدا باقىتتى تۇرمىس كەشىرىپ جاتقانى ايدان ايقىن، تۇرمىسىمىز كۇننەن – كۇنگە جاقسارۋدا، كىسىلىك ۇقىعىمىزعا ا ق ش – تىڭ كەپىلدىك ەتۋىن مۇلدە قاجەت ەتپەيمىز»، — دەدى.

  «سورپا قايناتۋدى ۇناتاتىن بوزداق» اتتى توراپتاس: «ا ق ش – تىڭ وزگە ەلدىڭ ىشكى ىسىنە ارالاسىپ وتىرعانى تۇڭعىش رەت ەمەس، يراق، سيريا، ۋەنەسۆەلا قاتارلى قانشالاعان ەلدەردىڭ ىشكى ىستەرىنە ا ق ش ارالاستى»، — دەدى.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار