پارتيانى جاپپاي قاتاڭ جونگە سالۋدىڭ جاڭا ناتيجەلەرىمەن مەملەكەتتى جونگە سالۋدىڭ وسىزاماندانۋىن ىلگەرىلەتەيىك
− باس شۋجي شي جينپيڭنىڭ پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2020.01.20 16:23 كەلۋ قاينارى : حالىق تورابى
باقىلاۋ − جونگە سالۋدىڭ ىشكى فاكتورى، ول پارتيانى باسقارۋدا، پارتيانى جونگە سالۋدا، مەملەكەتتى جونگە سالۋدا ماڭىزدى ورىندا تۇرادى.
پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە باس شۋجي شي جينپيڭ جاڭا داۋىردەگى پارتيانى جاپپاي قاتاڭ جونگە سالۋدىڭ تاريحي تابىسىن تەرەڭ قورىتىندىلاپ، پارتيامىزدىڭ وزىندىك توڭكەرىس جاساۋىنىڭ تابىستى جولىن، ءونىمدى ءتۇزىمىن ىشكەرىلەي ءتۇسىندىرىپ، پارتيانى جاپپاي قاتاڭ جونگە سالۋدىڭ جاڭا ناتيجەلەرىمەن مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاساپ، پارتيا مەن مەملەكەتتىڭ باقىلاۋ جۇيەسىندە تاباندى بولىپ جانە ونى كەمەلدەندىرىپ، ۇقىق جۇرگىزۋدى تەجەۋ مەن باقىلاۋدى كۇشەيتىپ، پارتيانىڭ لۋشيان، باعىت - ساياساتتارىنىڭ دايەكتى تياناقتانۋىنا كەپىلدىك ەتۋگە ماڭىزدى تياناق ازىرلەپ، قۇلشىنۋ بەتالىسىن ايقىن كورسەتتى.
پارتيا مەن مەملەكەتتىڭ باقىلاۋ جۇيەسى − پارتيانىڭ ۇزاق ۋاقىت بيلىك جۇرگىزۋ شارت - جاعدايىندا ءوزىن كىرشىكسىزدەندىرۋ، جاڭارتۋ، دەڭگەيىن جوعارىلاتۋدىڭ ماڭىزدى تۇزىمدىك كەپىلى. پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى بۇرىن - سوڭدى بولماعان باتىلدىقپەن جانە تاباندىلىقپەن ىلگەرىلەتىپ، ۇزاق ۋاقىت بيلىك جۇرگىزۋ شارت - جاعدايىندا ءوز ماسەلەسىن شەشۋدىڭ، تاريحي پەريود مەزگىلىنەن اتتاپ شىعۋدىڭ ءساتتى جولىن قاراستىرىپ، ۇقىقتى باقىلاۋدىڭ ءونىمدى ءتۇزىمىن جانە ءتارتىپ اتقارۋ، زاڭ اتقارۋ جۇيەسىن ورناتتى. وسى جول، وسى ءتۇزىم − جاڭا داۋىردە پارتيانى جاپپاي قاتاڭ جونگە سالۋدا كەلەلى امالياتتىق، ساياسي، نازاريالىق، تۇزىمدىك تابىسقا قول جەتكىزۋدىڭ شوعىرلى بەينەسى، ول پارتيانىڭ ءوزىن كىرشىكسىزدەندىرۋ، جاڭارتۋ، دەڭگەيىن جوعارىلاتۋ قۋاتىن بارىنشا كۇشەيتتى، وندا ۇزاق ۋاقىت تاباندى بولۋ ءارى ونى ۇزدىكسىز بەكەمدەۋ، دامىتۋ كەرەك. پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى جۇڭگوشا سوتسياليستىك تۇزىمدە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋ جونىندە ستراتەگيالىق ورنالاستىرۋ جاساپ، «پارتيا مەن مەملەكەتتىڭ باقىلاۋ جۇيەسىندە تاباندى بولىپ جانە ونى كەمەلدەندىرىپ، ۇقىق جۇرگىزۋدى تەجەۋ مەن باقىلاۋدى كۇشەيتۋ» جونىندە ايقىن تالاپتار قويدى. پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ناقتاپ تياناقتاندىرىپ، ءتۇزىمدى ۇزدىكسىز اقاۋسىزداندىرىپ، جۇيەنى كەمەلدەندىرىپ، باقىلاۋ جۇيەسىن پارتيانىڭ باسشىلىق تۇزىلىسىنە ۇيلەستىرىپ، مەملەكەتتى جونگە سالۋ جۇيەسىمەن توعىستىرىپ، ءتۇزىم ابزالدىعىن اناعۇرلىم تولىق ساۋلەلەندىرگەندە عانا پارتيانى جاپپاي قاتاڭ جونگە سالۋدىڭ جاڭا ناتيجەلەرى ارقىلى مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋدى ىلگەرىلەتۋگە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
