جۇدىرىقتاي جۇمىلىپ، ىندەتپەن كۇرەسۋدىڭ مىعىم كۇشىن ۇيىستىرايىق
«حالىق گازەتىنىڭ» شولۋشىسى
2020.02.03 17:17 كەلۋ قاينارى : حالىق تورابى
«ىنتىماق − قۇرىش، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭۋىنىڭ، جەڭىستەن - جەڭىسكە ۇزدىكسىز جەتۋىنىڭ ماڭىزدى كەپىلى. قازىر جۇرگىزىلىپ جاتقان ىندەتتەن ساقتانۋ - تىزگىندەۋ سىندى قاتاڭ كۇرەس وسى قورىتىندىنى تەرەڭ دالەلدەدى.
باس شۋجي شي جينپيڭ بىلاي دەپ دارىپتەگەن بولاتىن: «جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگوشا سوتسياليستىك ءتۇزىمنىڭ ابزالدىعىن تولىق ساۋلەلەندىرىپ، حالىق بۇقاراسىنا تىعىز سۇيەنىپ، سەنىمدى بەكەمدەپ، تار جول، تايعاق كەشۋدەن بىرگە ءوتىپ، عىلمي جولمەن ساقتانىپ، دالمە - ءدال شارا قولدانىپ، وسى رەتكى ىندەتتەن ساقتانۋ - تىزگىندەۋ شايقاسىنىڭ جەڭىسىنە جەتۋگە سەنىمىمىز كامىل، قابىلەتىمىز قاپتال جەتەدى». جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى تۋىلعاننان بەرى پارتيا ورتالىق كوميتەتى حالىق بۇقاراسىنىڭ باس اماندىعى مەن دەنساۋلىعىن ماڭداي الدى ورىنعا قويىپ، ىندەتتەن ساقتانۋ جانە ونى ەمدەۋ قىزمەتىن قازىرگى ەڭ ماڭىزدى قىزمەت رەتىندە يگەرىپ، ىندەتتەن ساقتانۋ - تىزگىندەۋ جونىندە جان - جاقتى ورنالاستىرۋ جاساپ، جۇدىرىقتاي جۇمىلىپ، ىندەتتەن ساقتانۋ جانە ونى ەمدەۋ توسقاۋىلداۋ شايقاسىنىڭ جەڭىسىنە باتىل قول جەتكىزۋگە ءتۇبىرلى ساياسي كەپىلدىك ازىرلەدى.
كۇشتى شوعىرلاندىرا وتىرىپ ءىرى ىستەردى ىستەۋ − سوتسياليستىك ءتۇزىمنىڭ ابزالدىعىنىڭ ماڭىزدى بەينەسى، سونداي - اق ءبىزدىڭ توسىن تۋىلعان الەۋمەتتىك دەنساۋلىق ساقتاۋ وقيعالارىن شۇعىل ءبىر جاقتى ەتۋدەگى ماڭىزدى اسىلىمىز. ەگىنشىلەر كۇن تىزبەسى بويىنشا جاڭا جىلدىڭ ءبىرىنشى كۇنى باس شۋجي شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جاڭاشا ءتاج ءتارىزدى ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى مالىمەتتى ارناۋلى تىڭداپ، ىندەتتەن ساقتانۋ جانە ونى ەمدەۋ قىزمەتىن قايتالاي زەرتتەپ، ورنالاستىرىپ، قايتالاي اتتانىسقا كەلتىردى. پارتيا ورتالىق كوميتەتى ىندەتكە توتەپ بەرۋ قىزمەتىنە باسشىلىق ەتۋ گرۋپپاسىن قۇرىپ، جەر - جەردىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە ءبىر تۇتاس قولباسشىلىق ەتىپ، تۇرگە ءبولىپ جەتەكشىلىك ەتتى. پارتيا ورتالىق كوميتەتى حۋبەي سياقتى ىندەت جاعدايى اۋىر رايوندارعا جەتەكشىلىك ەتۋ گرۋپپاسىن جىبەرىپ، قاتىستى جەرگىلىكتى ورىنداردىڭ ساقتانۋ - تىزگىندەۋ ءبىرىنشى شەپ قىزمەتىن جاپپاي كۇشەيتۋىن ىلگەرىلەتتى. بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، ءبىر تۇتاس ورنالاستىرۋدى كۇشەيتىپ، ساقتانۋ - تىزگىندەۋ قىزمەتىندەگى ماسەلەلەردى دەر كەزىندە زەرتتەپ شەشۋدەن بۇقارانى كەڭ كولەمدە اتتانىسقا كەلتىرىپ، بۇقارانى ۇيىمداستىرىپ، بۇقارانى ۇيىستىرىپ، بۇقارالىق ساقتانۋ، جۇمىلا جونگە سالۋدىڭ قاتاڭ قورعانىس شەبىن قۇرۋعا دەيىن، ونان ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ ىندەتتەن ساقتانۋ - تىزگىندەۋ، سوققى بەرۋ شايقاسىندا جەڭىسكە جەتۋىن كەزەكتەگى كەلەلى ساياسي مىندەت ەتىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە جەلبىرەتۋگە دەيىن، وسىنىڭ بارلىعى بۇكىل ەل قىزمەتىن ءبىر تۇتاس ورنالاستىرىپ، ءار جاقتىڭ بەلسەندىلىگىن جۇمىلدىرىپ، كۇشتى شوعىرلاندىرا وتىرىپ ءىرى ىستەردى ىستەۋ تۇزىمدىك ابزالدىعىن تولىق ايگىلەدى. وسى قاتاڭ كۇرەستىڭ ۇلى جەڭىسىنە قول جەتكىزۋدە، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا ورتالىق كوميتەتىنىڭ شەشىم، ورنالاستىرۋلارىن تاباندىلىقپەن ناقتاپ تياناقتاندىرىپ، قيىندىقتاردى الاستاپ، العان بەتتەن قايتپايتىن قۇدىرەتتى بىرىككەن كۇش قالىپتاستىرۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
