حالىق گازەتى شولۋشىسىنىڭ ماقالاسى
ءبىرىنشى شەپتە ەرلىكپەن شايقاس جاساپ جاتقان كومپارتيا مۇشەلەرىنە قۇرمەت بىلدىرەمىز
□ حالىق گازەتىنىڭ شولۋشىسى
2020.02.21 16:51 كەلۋ قاينارى : شينجياڭ گازەتى
باتىر مايداندا سىنالار، التىن وتتا سىنالار. ايعۇلاقتانا جەتكەن جاڭا تيپتى ايدارشا ۆيرۋس وكپە قابىنۋ ىندەتى الدىندا، قالىڭ كومپارتيا مۇشەلەرى پارتيا ورتالىق كوميتەتىنىڭ ۇندەۋىنە ءۇن قوسىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قىسىلتاياڭ ساتتە كەۋدە كەرە العا شىعىپ، ەرلىكپەن كۇرەسىپ، قىزمەتتى تىڭعىلىقتى ىستەدى، قاي جەردە مىندەت قاتەرلى، اۋىر بولسا، سول جەردە پارتيا ۇيىمىنىڭ قۋاتتى دا پارمەندى قىزمەتى بولدى، سول جەردە پارتيا مۇشەلەرى اۆانگارد بولىپ ونەگە كورسەتتى. ءبىز ءبىرىنشى شەپتە ەرلىكپەن شايقاس جاساپ جاتقان قالىڭ كومپارتيا مۇشەلەرىنە ەڭ وسكەلەڭ قۇرمەت بىلدىرەمىز!
ىندەت تۋىلعاننان كەيىن، باس شۋجي شي جينپيڭ دەرەۋ ماڭىزدى نۇسقاۋ بەرىپ، ءار دارەجەلى پارتيا ۇيىمى مەن قالىڭ پارتيالى كادرلاردىڭ، ءسوز جوق، حالىق مۇددەسى بارىنەن جوعارى تۇرادى دەگەندى ەستە بەرىك ساقتاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋ كەرەكتىگىن باسا دارىپتەدى. پارتيا ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە پارمەندى ساياسي كەپىلدىك ازىرلەۋ جونىندەگى حابارلاندىرۋدى» دەر كەزىندە تاراتىپ، ءار دارەجەلى پارتيا ۇيىمى مەن قالىڭ پارتيا مۇشەلەرىن، كادرلاردى ۇيىمداستىرىپ، اتتانىسقا كەلتىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدى كەزەكتەگى كەلەلى ساياسي مىندەت، ىندەتتەن ساقتانۋ - تىزگىندەۋدىڭ ءبىرىنشى شەبىنە اتتانۋدى اۋەلگى ماقساتتى، بورىشتى امالياتتا ايگىلەۋدىڭ، جاۋاپكەرشىلىكتى ايگىلەۋدىڭ تارازىسى مەن قايراعى ەتىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن، بۇقارامەن تىعىز بايلانىس ورناتۋ ابزالدىلىعىن ىندەتتەن ساقتانۋ - تىزگىندەۋدىڭ قۋاتتى ساياسي ابزالدىلىعىنا اينالدىرۋدى تالاپ ەتتى.
ءبىر پارتيا مۇشەسى − ءبىر تۋ، ءبىر ياچەيكا − ءبىر قامال. وسى اۋىر كۇرەستە، ءار كاسىپ، ءار سالاداعى قالىڭ كومپارتيا مۇشەلەرى تىزىمدەلۋدە الدا بولىپ، شايقاستا الدا ءجۇرىپ، الدا ءجۇرىپ جول باستاپ، ءبىرىنشى شەپتە اتوي سالىپ، ەڭ الدىڭعى شەپتە شايقاس جۇرگىزدى. حۋبەيدىڭ ۋحانىندا بۇكىل ەلدىڭ جەر - جەرىنەن جانە ارميادان ۋحانعا كومەككە بارعان ەمدەۋ اترەتتەرى ۋاقىتتىق پارتيا ياچەيكاسىن جەدەل قۇردى، ”پارتيا ياچەيكاسى ۋاقىتتىق بولعانىمەن، اۋەلگى ماقساتتارى جالىن اتتى“؛ حۋنان چاڭشادا، حۋنان جۇڭگوشا شيپاگەرلىك - دارىگەرىلىك داشۋەسىنە قاراستى 1 - شيپاحاناداعى كومپارتيا مۇشەلەرى ”شايقاسقا دايىنمىن! الدا اتوي سالۋعا مەن بارمىن! جەڭىسكە جەتۋگە مەن بارمىن!“ دەپ ايبىندى سەرت بەردى، جىجياڭ ۋىنجوۋدا، ۋاقىتتىق پارتيا ياچەيكالارى، پارتيا مۇشەلەرى ەكپىندىلەر اترەتى، پارتيا مۇشەلەرى ەرىكتى قىزمەت وتەۋ اترەتى جەدەل قيمىلدادى؛ تيانجين جانجوۋ دۇڭجاۋگىجۋاڭدا، ءادىليا بولىمشەسىنىڭ 27 جىلدىق پارتيا ستاجى بار باستىعى ۋاڭ حۇي ىندەتتەن ساقتانۋ - تىزگىندەۋدىڭ ءبىرىنشى شەبىندە قازا بولدى. ”مەن ساقا پارتيا مۇشەسىمىن، تابان تىرەپ تۇرا الامىن“، ”مەن شۋجيمىن، ناۋقاستاردى مەن جەتكىزەيىن“، ”پارتيا مۇشەلەرى كوبىرەك جۇگىرىپ، تۇرعىندار سىرتقا كوپ شىقپاسىن“، ”پارتيا مۇشەلەرى اتويلاپ الدا ءجۇرۋى كەرەك“، ”بۇل پارتيا مۇشەلەرى كەۋدە كەرىپ العا شىعاتىن ەرەكشە ءسات ەمەس پە“، ”اجالمەن كۇرەستە، جۇرەكتە، ءسوز جوق، سۇيەۋ بولاتىن رۋحاني كۇش بولۋى كەرەك“، − وسى شىنايى دا قاراپايىم سوزدەر پارتيالىلىقتىڭ نۇر - ساۋلەسىن جارقىراتپ، وتانعا دەگەن ادال سۇيىسپەنشىلىكتى ايگىلەدى. سالماقتى ناۋقاستار بالنيتساسىندا ءار سەكۋندپەن جارىسا قۇتقارىپ ەمدەۋدەن قالا، اۋىل الەۋمەتتىك اۋماقتارىندا ءار وتباسىن ءبىر شەتىنەن تەكسەرۋگە دەيىن، زاۆود سەحتارىندا ۇستەمەلىپ جۇمىس ىستەپ ءوندىرىس جۇرگىزۋدەن عىلمي زەرتتەۋ تاجىريبەحانالارىندا كۇن - ءتۇن دەمەي قامال الۋعا دەيىن، مەيلى قاي جەر، قايسى قىزمەت ورنى بولسا دا، قالىڭ كومپارتيا مۇشەلەرى ناۋقاستاردىڭ قامىن ويلاپ، بۇقارانىڭ اسىققانىنا اسىعىپ، حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىن ارەكەتتەرىندە ايگىلەدى.
كوپتىڭ قامىن جەدى، الدىمەن وزگەنى، سوڭىنان ءوزىن ويلاۋ، جاپادا الدا، راقاتتا ارتتا بولۋ، ءوزى ونەگە بولىپ، باستاماشىلدىقپەن ۇلگى كورسەتۋ، پارتيا مەن حالىق قاجەت ەتكەن ساتتە كەۋدە كەرىپ العا شىعىپ، ەرلىكپەن كۇرەسۋ، پارتيا مەن حالىق ءۇشىن بارلىعىن قۇربان ەتۋگە قاشاندا دايىن تۇرۋ، مىنە بۇلاردىڭ بارلىعى كوممۋنيستەردىڭ پارتيالىلىعىنىڭ رۋحاني فاكتورى. پارتيا ۇزاق ۋاقىتتىق كۇرەستە وسى يدەيا مەن رۋح ارقىلى ءوزىنىڭ پارتيا مۇشەلەرىن تاربيەلەۋگە، ءوزىنىڭ كادرلارىن شىنىقتىرۋعا باستان - اياق تاباندى بولدى، ءاربىر پارتيا مۇشەسى پارتياعا كىرگەن كۇننەن باستاپ وسى يدەيا مەن رۋحتى ءسىڭىردى، ونىمەن شىڭدالدى. وسى يدەيا مەن رۋح − پارتيانىڭ العاباسارلىعىنىڭ ناقتى بەينەسى، جۇڭگو كوممۋنيستىك پارتياسىن باسقا ءارقانداي پارتيادان پارىقتاندىرىپ تۇراتىن، كومپارتيا مۇشەلەرىنىڭ جاي بۇقاراعا ۇقسامايتىن كورنەكتى بەلگىسى. قانشا قيىن - قىستاۋ ساتتەر، ەلەۋلى كەزەڭدەر بولعان سايىن، وسى يدەيا مەن رۋح سونشا جارقىراپ ساۋلە شاشا تۇسەدى. وتە از سانداعى پارتيالى كادرلار ىندەتكە قارسى قاتال كۇرەستە سىناقتان وتە الماي، جاۋاپكەرشىلىك ارقالاي الماي، ىسكەرلىك كورسەتە الماي، ءتىپتى شەپتەن قاشۋ سياقتى جايتتەر جارىققا شىققانىمەن، ءبىراق بۇل ارەكەتتەر پارتيالىق تالاپقا مۇلدە ۇيلەسپەيدى، ول تەك كۇن نۇرى استىنداعى بولىمسىز كولەڭكە عانا.
قاتال كۇرەس، ەلەۋلى ساتتە پارتيالى كادرلاردى ناقتاپ تەكسەرۋگە جانە تانۋعا بولادى. ءار دارەجەلى پارتيا ۇيىمى باس شۋجي شي جينپيڭنىڭ جانە پارتيا ورتالىق كوميتەتىنىڭ تالابى بويىنشا، ىندەتتەن ساقتانۋ - تىزگىندەۋدىڭ ءبىرىنشى شەبىندە كادرلاردى تەكسەرىپ، تانىپ، باعالاپ، ىستەتىپ، پارتيالى كادرلاردىڭ ىندەتتەن ساقتانۋ - تىزگىندەۋ كۇرەسىندەگى ءىس جۇزىندىك بەينەسىن ولاردىڭ ساياسي ساپاسىن، باستى ماقسات تانىمىن، جالپى جاعداي كوزقاراسىن، مەڭگەرۋ قابىلەتىن، جاۋاپكەرشىلىك ارقالاۋ رۋحىن تەكسەرۋدىڭ ماڭىزدى مازمۇنى ەتۋ كەرەك. بەينەسى كورنەكتى بولعاندارىن ماداقتاپ، سيلاپ، جۇرەكتىلىكپەن ىستەتۋ؛ باتىل جاۋاپكەرشىلىك ارقالاماعانداردى، ستيلى تۇرلاۋسىز، تياناقتاندىرۋى پارمەنسىز بولعانداردى، ءتىپتى جالعاندىق ىستەگەندەردى، مىندەتىن وتەمەي، قىزمەتىن اقساتقانداردى قاتاڭ جاۋاپقا تارتۋ كەرەك. اسقاق جەلبىرەگەن پارتيا تۋىنىڭ جەتەكتەۋىندە، بۇكىل پارتيا، بۇكىل ەل حالقى ءبىر نيەت، ءبىر تىلەكپەن، جۇدىرىقتاي جۇمىلىپ، ىنتىماقتاسا كۇرەس جۇرگىزگەندە، ءبىز ىندەتتەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ نىسانالارىن جۇزەگە اسىرۋدىڭ قوس جەڭىسنە، ءسوز جوق، قول جەتكىزە الامىز!
(2 - ايدىڭ 19 - كۇنگى «حالىق گازەتى»ندە باسىلعان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
