بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

ساقتىقتى كۇشەيتىپ، اۋىر حاۋىپ - قاتەردەن ساقتانايىق

«حالىق گازەتىنىڭ» شولۋشىسى

2020.03.06 18:14     كەلۋ قاينارى : حالىق تورابى

  اقىلدىلار پالە - قازادان ەرتە ساقتانادى، پاراساتتىلار كەلەشەك حاۋىپ - قاتەر جونىندە تولعانادى.

  باس شۋجي شي جينپيڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندە ورنالاستىرۋ جاساۋ ماجىلىسىندە سويلەگەن ماڭىزدى سوزىندە بىلاي دەپ دارىپتەگەن بولاتىن: ءار دارەجەلى كادرلار، اسىرەسە، باسشى كادرلار، ءسوز جوق، ساقتىقتى كۇشەيتىپ، حاۋىپ - قاتەر فاكتورىن تومەنگى شەكتە ويلاپ، ماسەلەنى تۇبەگەيلى شەشىپ، ءبىر ءسات تە بوساڭسىماي، تيتتەي دە شالاعايلىق ىستەمەي، ەڭ سوڭعى جەڭىسكە قول جەتكىزۋى كەرەك.

  جاڭا تيپتى ايدارشا ۆيرۋس وكپە قابىنۋ ىندەتى سىندى وسى رەتكى توسىن تۋىلعان الەۋمەتتىك دەنساۋلىق ساقتاۋ وقيعاسى الدىندا باس شۋجي شي جينپيڭ ىندەت جاعدايىنا قاي - قاشان دا نازار اۋدارىپ، ساقتانۋ - تىزگىندەۋ قىزمەتىنە تىكەلەي قولباسشىلىق ەتىپ، تىكەلەي ورنالاستىرۋ جاساپ، ءبىرقىدىرۋ ماڭىزدى نۇسقاۋ بەرىپ، بۇكىل ەل بويىنشا جوعارىدان تومەنگە دەيىن ءبىر نيەت، ءبىر تىلەكتە بولىپ، تار جول، تايعاق كەشۋلەردەن بىرگە ءوتىپ، ەڭ جان - جاقتى، ەڭ قاتاڭ، ەڭ تۇبەگەيلى ساقتانۋ - تىزگىندەۋ شارالارىن قولدانىپ، ىندەتتىڭ تارالۋىن باتىل تەجەپ، ىندەتتەن ساقتانۋ - تىزگىندەۋ شايقاسىنىڭ جەڭىسىنە باتىل قول جەتكىزدى. ىندەتتەن ساقتانۋ - تىزگىندەۋدى ماڭداي الدى ءىرى ءىس رەتىندە مىقتى يگەرۋگە ءدال وسىنداي ايرىقشا ءمان بەرۋدىڭ ناتيجەسىندە ىندەتتىڭ زالالىن تولىق مولشەرلەۋي الدىق، «وقىس جاعدايدان ساقتانۋ، ءمۇلت جىبەرمەۋ» سىندى ساقتانۋ - تىزگىندەۋ ارەكەتىمەن ىندەتتەن ساقتانۋ - تىزگىندەۋ قىزمەتىنىڭ تەز ارادا تابىسقا جەتۋىن ىلگەرىلەتتىك، ىندەتتەن ساقتانۋ - تىزگىندەۋ جاعدايى ۇزدىكسىز جاقسارۋ، ءوندىرىس، تۇرمىس ءتارتىبى جەدەل قالپىنا كەلۋ اۋقىمىن جارىققا شىعاردىق.

  3 - ايدىڭ 4 - كۇنى اشىلعان ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە باس شۋجي شي جينپيڭ دارىپتەپ بىلاي دەدى: قازىرگى ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ جاعدايىنىڭ كۇردەلىلىگىن جىعا تانىپ، ءتۇرلى قىزمەتتى ءبىر تۇتاس جوسپارلاپ ويداعىداي يگەرۋ جاۋاپكەرلىك سەزىمى مەن كوكتەي تەستىلىك سەزىمىن كۇشەيتۋ كەرەك. حۋبەي مەن ۋحاننىڭ ىندەتتەن ساقتانۋ - تىزگىندەۋ مىندەتى ءالى دە ماشاقاتتى، اۋىر، باسقا وڭىرلەردە ادامداردىڭ جىلجۋى مەن توپتالۋىنىڭ ارتۋى اكەلەتىن ىندەتتىڭ تارالۋ حاۋىپ - قاتەرى زورايۋدا، ىندەتتەن ساقتانۋ - تىزگىندەۋدى كۇشەيتۋدە، ءسوز جوق، باستان - اياق ساق بولۋ كەرەك، ىندەت جونىندەگى قىراعىلىقتى تومەندەتۋگە بولمايدى، ساقتانۋ - تىزگىندەۋ تالابىن تومەندەتۋگە بولمايدى، ۇزدىكسىز مىقتى، ناقتى، ەگجەي - تەگجەيلى يگەرۋ كەرەك. سونىمەن بىرگە، ەكونوميكالىق، قوعامدىق دامۋ قىزمەتىن مىقتى يگەرە ىلگەرىلەتىپ، جۇمىستى، ءوندىرىستى قالپىنا كەلتىرۋدى دالمە - ءدال، ءتارتىپتى، تىڭعىلىقتى ىلگەرىلەتىپ، ادام كۇشىنىڭ، قارجىنىڭ، زاتتىڭ ءتارتىپتى اينالىمىن، ءوندىرۋدىڭ، قامداۋدىڭ، ساتۋدىڭ ورگانيكالى ۇشتاسۋىن، ىشكى - سىرتقى ساۋدانىڭ ۇتىمدى ۇلاسۋىن جۇزەگە اسىرىپ، ىندەت تۋدىرعان زياندى ەڭ تومەنگى شەككە ءتۇسىرۋ كەرەك. ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، ساقتىقتى كۇشەيتىپ، العاشقى قادامدى ويداعىداي يگەرىپ، ىرىقتى شايقاس جۇرگىزىپ، ءتۇرلى كۇردەلى، قيىن جاعدايلارعا ۇيلەسىمدى توتەپ بەرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس ىلگەرىلەتۋ قىزمەتىن دەن قويا ويداعىداي ىستەۋى كەرەك (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار).

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار