بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شولۋ

بوران - شاشىن العا باسۋ جولىمىزعا بوگەت بولا المايدى

ــ جۇڭگو حالقىنىڭ جاڭا تيپتى ايدارشا ۆيرۋس وكپە قابىنۋى ىندەتىمەن كۇرەسۋىنە وراي

رىن جۇڭپيڭ

2020.03.26 18:21     كەلۋ قاينارى : حالىق تورابى

  (1)

  ۇلى تابيعات سياقتى، ادامزات قوعامىنىڭ دامۋىندا دا شۇعىلالى كۇندەر مەن بوران - شاشىندى كۇندەر قاتار كەزدەسەدى.

  جۇڭحۋا ۇلتىنىڭ ءوسىپ ـ جەتىلۋ جولى بولجاۋعا بولاتىن جانە بولجاۋعا بولمايتىن ءتۇرلى حاۋىپ ـ قاتەر مەن سىن ـ سايىسقا تولى بولدى. ءبىراق بوران ـ شاشىننان تايسالمايتىن باتىلدىق، حاۋىپ ـ قاتەردەن تايسالمايتىن كۇش جۇڭحۋا ۇلتىنىڭ ۇزدىكسىز دامىپ، زورايۋىن ىلگەرىلەتەتىن تاريحي اعىمعا اينالدى.

  وتكەن جىلدىڭ سوڭى مەن وسى جىلدىڭ باسىندا جاڭا تيپتى ايدارشا ۆيرۋس وكپە قابىنۋ ىندەتى چاڭجياڭنىڭ وڭتۇستىگى مەن سولتۇستىگىنە تۇتقيىل تارالدى. بۇل ىندەت توعىز جولدىڭ تورابىنا ورنالاسقان حۋبەي ولكەسىنىڭ ۋحان قالاسىندا تۇتقيىل تارالىپ، جۇرتشىلىق قاۋىرت جول جۇرەتىن كوكتەم مەرەكەسى دەمالىسىندا كەڭەيىپ، جاڭا جۇڭگو قۇرىلعاننان بەرى ەلىمىزدە ەڭ تەز تارالعان، جۇعىمدالۋ كولەمى ەڭ كەڭ، ساقتانۋ قيىنعا سوققان الەۋمەتتىك دەنساۋلىق ساقتاۋ وقيعاسىنا اينالدى. جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدىڭ، كەدەيلىكتەن ارىلتۋدان قامال الۋدىڭ شەشۋشى شايقاسىندا جۇڭحۋا ۇلتى تاعى ءبىر رەت اۋىر سىنعا ءدوپ كەلدى.

  «ءومىر بارىنەن دە ماڭىزدى. ىندەت __ بۇيرىق، ساقتانۋ - تىزگىندەۋ __ جاۋاپكەرلىك». شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل بويىنشا جوعارى - تومەن جابال ارەكەتكە كەلىپ، ۋاقىتتان ۇتىپ، ىندەتپەن بەلدەستى. قارت اكادەميكتەردەن 90 - جىلداردىڭ، 2000 - جىلداردىڭ تۇلەكتەرىنە دەيىن، شيپاگەرلەر، پەرزەنت اسكەرلەر، حالىق جۇرتشىلىعى قالتقىسىز ەڭبەك ءسىڭىردى، پارتيالى كادرلار الدا اتويلاپ، الەۋمەتتىك اۋماق قىزمەتكەرلەرى ءبىرىنشى شەپتە شايقاس جاسادى، حۋبەي حالقى جالپى جاعدايدى تانىپ، ميلليارد حالىق ءبىر نيەت، ءبىر تىلەكتە بولىپ، بۇرىن بولىپ كورىلمەگەن ءبىر رەتكى ىندەتتەن ساقتانۋ - تىزگىندەۋ توسقاۋىل شايقاسى جاپپاي باستالدى، ءبىر ميلليارد 400 ميلليون جۇڭگو حالقى جاپا - ماشاقاتتا بىرگە بولىپ، ەرلىكپەن العا باستى.

  اق تۇيەنىڭ قارنى جارىلدى! ءبىز ەجەلدەن كوكتەمنىڭ كەلۋىن مۇنشالىق سارىلا كۇتكەن ەمەسپىز. ۋحاندا ۋادەلەسكەندەي اشىلعان شيە گۇلى جۇڭگونىڭ بايتاق دالاسىنداعى كوكتەمگى ەگىس وندىرىسىمەن قاتار كەلىپ، تىرشىلىك تىنىسى مەن ءۇمىتىن ايگىلەدى. قاھارمان حالىق قايتپاس قايسارلىق تانىتتى، قاھارمان قالا قۇرىشتاي بەرىك ەكەنىن سەزىندىردى، قاھارمان جۇڭگو تاپجىلماس قاجىر - قايراتىن تاعى ءبىر رەت دالەلدەدى __

  جۇڭحۋا ۇلتى تاريحتا تالاي ازاپ - تاۋقىمەتتى باستان كەشىرگەن، ءبىراق ەجەلدەن ەڭسەسى تۇسكەن ەمەس، قايتا ساتسىزدىككە ۇشىراعان سايىن باتىلدانىپ، ۇزدىكسىز ازاپ ىشىندە ەسەيىپ - ەرجەتىپ، جاپا - ماشاقاتتان ەڭسە كوتەرىپ كەلەدى!

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار