وتانىمىزدىڭ شينجياڭى ءتىپتى دە كوركەيە تۇسەدى
− باس شۋجي شي جينپيڭنىڭ شينجياڭدا قىزمەت تەكسەرگەندىگىنىڭ 6 جىلدىعىنا وراي
□ گازەتىمىز رەداكسياسى
2020.04.28 16:33 كەلۋ قاينارى : شينجياڭ گازەتى
كۇنلۇندە گۇلدەر جايقالىپ، تيانشان جاسىل جەلەك جامىلدى − بۇل باس شۋجي شي جينپيڭ شينجياڭدا قىزمەت تەكسەرگەننەن كەيىنگى 6 - كوكتەم ەدى.
2014 - جىلى 4 - ايدىڭ 27 - كۇنىنەن 30 - كۇنىنە دەيىنگى ۋاقىتقا قايىرىلا قاراساق، تاعى دا وسىنداي شۋاقتى كوكتەمدە، باس شۋجي شي جينپيڭ شينجياڭعا كەلىپ قىزمەت تەكسەردى. ول تىنىم الماي تيانشاننىڭ وڭتۇستىگى مەن سولتۇستىگىن ارالادى؛ ول تەرەڭ سۇيىسپەنشىلىكپەن بۇقارانىڭ اراسىنا كەلدى. شينجياڭنىڭ رەفورماسىنىڭ، دامۋىنىڭ، ورنىقتىلىعىنىڭ شەشۋشى ساتىندە، ول تەرەڭ جوسپارلاپ، الىستى ويلاپ، ستراتەگيالىق جانە جالپى جاعداي بيىگىنەن شينجياڭنىڭ كەلەشەگىن جوسپارلاپ، وتانىمىزدىڭ شينجياڭىن بارعان سايىن كورىكتى ەتىپ قۇرىپ شىعۋعا باعدار بەلگىلەپ، جول نۇسقادى.
اتتاي جەلگەن 6 جىل كوزدى اشىپ - جۇمعانشا وتە شىقتى. الايدا وسى 2000نان استام تاۋلىكتە، شينجياڭداعى ءار ۇلت كادر، بۇقارا باس شۋجيدىڭ قامقورلىعىنا العىس ايتىپ، باس شۋجيدىڭ تاپسىرماسىن ەستە بەرىك ساقتاپ، وتانىمىزدىڭ شينجياڭىن بارعان سايىن كورىكتى ەتىپ قۇرىپ شىعۋ ءۇشىن قيىندىقتاردى جەڭىپ، العان بەتتەن قايتپاي العا ىلگەرىلەدى، ءبىر ميلليون 660 مىڭ شارشى كيلومەتر كەلەتىن بايتاق دالادا باستان - اياق ەكپىندەي ىلگەرىلەۋدىڭ سينفونياسى جاڭعىردى.
اسپاندى جاڭعىرتقان سەرت
− وتانىمىزدىڭ شينجياڭىن بارعان سايىن كورىكتى ەتىپ قۇردى
ءبىر ءتۇرلى قامقورلىق بار، سالماقتى دا تەرەڭ؛ ءبىر ءتۇرلى مەيىرىمدىلىك بار، كۇش - قۋات جەتكىزدى.
2014 - جىلى 4 - ايدىڭ 27 - كۇنى تۇستەن بۇرىن بەيجيڭنەن شينجياڭعا ۇشقان ارنايى ۇشاقتا باس شۋجي شي جينپيڭ ۇستەلگە كارتانى جازىپ، شينجياڭنىڭ جاعراپيالىق ورنالاسۋىن ەگجەي - تەگجەيلى كوردى. ۇشاق شينجياڭ شەكاراسىنا كىرگەندە، ول اۋىق - اۋىق تەرەزەدەن جاسىل القاپتارعا، ۇزىننان - ۇزاق سوزىلىپ جاتقان قارلى تاۋلارعا كوز سالدى...
بۇل پارتيا 18 - قۇرىلتايىنان كەيىن، باس شۋجي شي جينپيڭنىڭ ءبىرىنشى رەت شينجياڭدا قىزمەت تەكسەرۋى ەدى. دەسەدە، وسىناۋ كەڭ - بايتاق، ءتىلسىم توپىراق باس شۋجيگە ەشقانداي دا بەيتانىس ەمەس ەدى. وتكەن عاسىردىڭ 80 - جىلدارىندا - اق ول شينجياڭعا كەلگەن بولاتىن. جىجياڭدا اكىمشىلىك جۇرگىزگەن كەزىندە، سونداي - اق ورتالىققا بارىپ قىزمەت ىستەگەننەن كەيىن، ول شينجياڭعا كەلىپ قىزمەت تەكسەرىپ، اياق ىزدەرىن تيانشاننىڭ وڭتۇستىگى مەن سولتۇستىگىندە قالدىردى.
باس شۋجي وسى ءوڭىر مەن مۇنداعى حالىقتى تەرەڭ سۇيىسپەنشىلىكپەن كوكەيىندە ساقتاپ كەلەدى. پارتيا 18 - قۇرىلتايى جاپپاي دوڭگەلەك داۋلەتتى قوعام ورناتۋدىڭ دابىلىن قاعىپ، باس شۋجي جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋداي ايبىندى نىسانانى العا قويدى. شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. جاپپاي دوڭگەلەك داۋلەتتى قوعام ورناتىپ، جۇڭگو ارمانىن جۇزەگە اسىرۋدا، ءسوز جوق، وتانىمىزدىڭ شينجياڭىن جاقسى قۇرۋ، جاقسى دامىتۋ كەرەك.
وسى رەتكى شينجياڭ ساپارىنداعى قىسقا عانا 4 كۇن ۋاقىتتا، وڭتۇستىك شينجياڭنان سولتۇستىك شينجياڭعا دەيىن، قالادان اۋىل - قىستاققا دەيىن، باس شۋجي ساپارىن قاۋىرت ورنالاستىرىپ، شينجياڭنىڭ قوعام ورنىقتىلىعىن قورعاۋ، ەكونوميكالىق، قوعامدىق دامۋدى ىلگەرىلەتۋ، حالىق تۇرمىسىن قامتاماسىز ەتۋ جانە جاقسارتۋ، ۇلتتار ىنتىماعىن جەبەۋ، پارتيا قۇرىلىسىن كۇشەيتۋ سياقتى قىزمەتتەرگە تەكسەرۋ - زەرتتەۋ جۇرگىزىپ، جەتەكشىلىك ەتىپ، شينجياڭنىڭ دامۋداعى جاڭا ورنىن العا قويىپ، شينجياڭ قىزمەتىنە جاڭا ورنالاستىرۋ جاسادى.
اتتاناردا سويلەگەن سوزىندە، باس شۋجي ءار ۇلت كادر، بۇقاراسىن ”بەكىمدى نىعايتىپ، سەنىمدى كۇشەيتىپ، باتىلدىقپەن العا ىلگەرىلەپ، باس الماي ىستەپ، وتانىمىزدىڭ شينجياڭىن بارعان سايىن كورىكتى ەتىپ قۇرىپ شىعۋعا“ شابىتتاندىردى.
”وتاننىڭ شينجياڭىن بارعان سايىن كورىكتى ەتىپ قۇرىپ شىعايىق“، بۇل تەرەڭ سۇيىسپەنشىلىكتى ءسوز، ءبىر ءىرى ەل كوسەمىنىڭ جاۋاپكەرشىلىك ارقالاۋى مەن حالىق ءۇشىن ىستەيتىن ىنتا - ىقىلاسىن ايگىلەدى، وندا پارتيا ورتالىق كوميتەتىنىڭ شينجياڭداعى ءار ۇلت كادر - بۇقاراسىنا دەگەن شىنايى ءۇمىتى قامتىلعان، بۇل ءارى 25 ميلليون تيانشان ۇلاندارىنىڭ كورىكتى شينجياڭ قۇرۋ، وتان ارمانىن بىرگە جۇزەگە اسىرۋ بەرىك سەنىمى مەن بەكىمىنە اينالدى!
6 جىلدان بەرى، باس شۋجيدىڭ تاپسىرماسىن ەستە بەرىك ساقتاپ، باس شۋجيدىڭ ىقىلاستى ءۇمىتىن اقتاۋ جولىندا اۆتونوميالى رايوندىق پارتكوم ءار ۇلت كادر - بۇقاراسىن ىنتىماقتاستىرا باستاپ، باس شۋجي شي جينپيڭنىڭ ماڭىزدى ءسوزى مەن نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، پارتيانىڭ جاڭا داۋىردەگى شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نىسانادان بۇلجىمايتىن، جاپالى بولعان سايىن العا ىلگەرىلەيتىن قايىسپاي سايىسۋ رۋحىمەن رەفورماداعى، دامۋداعى، ورنىقتىلىقتاعى ءبىر قىدىرۋ قيىن ماسەلەلەردى شەشىپ، شينجياڭ قىزمەتىنىڭ جاڭا جاعدايىن اشتى.
بۇگىنگى شينجياڭدا زامان تىنىش، ەل امان؛ تيانشاننىڭ وڭتۇستىگى مەن سولتۇستىگىندە كوكتەم شۋاق شاشىپ، كوركەم كورىنىس مەن مۇندالاپ، تىرشىلىك تىنىسى جالىن اتتى. ”وتاننىڭ شينجياڭىن بارعان سايىن كورىكتى ەتىپ قۇرىپ شىعايىق!“ بۇل باس شۋجي شي جينپيڭنىڭ ءۇمىتى، وتاننىڭ ۇلى شاڭىراعى مۇشەلەرىنىڭ ورتاق ارمان - تىلەگى، تيانشان ۇلاندارىنىڭ اسپاندى جاڭعىرتقان سەرتى، بۇگىنگى شينجياڭنىڭ بايتاق دالاسىنىڭ جاندى كورىنىسى بولدى.
بولاتتاي بەرىك سەنىم
− باس نىسانانى مىقتاپ ارقاۋ ەتىپ، شينجياڭ قىزمەتىن جوسپارلاپ ىلگەرىلەتتى
جاڭا عانا وتكەن 2019 - جىلى شينجياڭنىڭ شەكارا ءىشى - سىرتىنان قابىلداعان ساياحاتشىسى تۇڭعىش رەت 200 ميلليون ادام - رەتتەن اسىپ، ساياحات كىرىسى 345 ميلليارد 265 ميلليون يۋان بولىپ، جەكە - جەكە ％41.6 جانە ％40.4 ارتتى. ەل ءىشى - سىرتىنان كەلگەن ساياحاتشىلار اياق ىزدەرى ارقىلى كوڭىل قالاۋلارىن ءبىلدىرىپ، شينجياڭنىڭ جاراسىمدىلىعىن، ورنىقتىلىعىن القاپ، ”شينجياڭ − جاقسى جەر“ دەگەن تاماشا اتتى الىسقا تاراتتى.
ارىقتاعى سۋدىڭ سونشالىقتى تۇنىق بولۋى باس جاعىندا سارقىلمايتىن ءمولدىر بۇلاق بولعاندىعىنان.
شينجياڭدا قىزمەت تەكسەرگەن كەزىندە، باس شۋجي شي جينپيڭ شينجياڭنىڭ ورنىقتىلىعىن وتە - موتە ەسىنەن شىعارمادى، ول بىلاي دەپ باسا دارىپتەدى: جاڭا جاعدايدا شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن قوعام ورنىقتىلىعى مەن باياندى تىنىشتىققا قويۋ كەرەك. بۇل كەزەكتەگى شينجياڭ قىزمەتىن جاقسى ىستەۋدىڭ باس نىساناسى.
ءبىر ايدان كەيىن، باس شۋجي ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە ماڭىزدى ءسوز سويلەپ، پارتيانىڭ شينجياڭدى جونگە سالۋ جالپى جوباسىن ىشكەرىلەي بايىتىپ، دامىتىپ، ”قوعام ورنىقتىلىعى مەن باياندى تىنىشتىق“ − شينجياڭ قىزمەتىنىڭ باس نىساناسى ەكەندىگىن ىشكەرىلەي ايقىندادى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭنىڭ جاعدايى مەن بۇكىل ەلدىڭ كەلەلى جاعدايىنا نەگىزدەلە وتىرىپ جاساعان كەلەلى ستراتەگيالىق تۇجىرىمى. باس نىسانا ويداعىداي يگەرىلسە، شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى باياندى قۇرۋدىڭ جەتەكشىلىك ۇقىعى مەن ىرىقتىلىق ۇقىعى يگەرىلەدى.
باس نىسانا تۋ ۇستاپ، باعدار بەلگىلەۋدىڭ تۇعىرناماسى، ءتىپتى، بولاتتاي بەرىك سەنىم. 6 جىلدان بەرى، اۆتونوميالى رايوندىق پارتكوم باس شۋجيدىڭ ماڭىزدى ءسوزى مەن نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، باس نىسانانى مىقتاپ ارقاۋ ەتە وتىرىپ شينجياڭنىڭ بارلىق قىزمەتىن جوسپارلاپ ىلگەرىلەتىپ، شينجياڭنىڭ ورنىقتىلىق، دامۋ قىزمەتتەرىنىڭ جاڭا جاعدايىن اشتى.
− ۇستىنەن وڭاۋ مەن تۇبىرىنەن وڭاۋعا تەڭ ءمان بەرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ”كەشەندى شاراسىن“ ويداعىداي جۇرگىزدى. ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت ەتۋگە، تايشان تاۋىنان دا اۋىر ساياسي جاۋاپكەرشىلىك ەتۋگە تاباندى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ بىرگە ارەكەت ەتىپ، ۇستىنەن وڭاۋ مەن تۇبىرىنەن وڭاۋعا تەڭ ءمان بەرىپ، كەشەندى شارالار قولدانىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇدايىلانۋىن، باياندى بولۋىن ىلگەرىلەتىپ، قوعامدىق جونگە سالۋدى ۇزدىكسىز كۇشەيتتى جانە وندا جاڭالىق اشتى.
− بارلىعىن بىردەي يگەرىپ، قاينارىنان جونگە سالۋدى كۇشەيتتى. لاڭكەستىككە الدىن الۋ سيپاتتى قارسى تۇرۋدى ءبىرىنشى ورىنعا قويۋعا تاباندى بولىپ، زورلىقتى كۇش، لاڭكەستىك قىلمىستارىنا زاڭ بويىنشا قاتاڭ سوققى بەرۋمەن بىرگە، قاينارىنان جونگە سالۋدى ورىستەتۋگە دە باسا ءمان بەرىپ، حالىق تۇرمىسىن كۇش سالا جاقسارتۋ، زاڭ - ءتۇزىم ۇگىت - تاربيەسىن كۇشەيتۋ، كاسىپتىك شەبەرلىككە تاربيەلەۋ - باۋلۋ ورتالىعىن زاڭ بويىنشا قۇرۋ سياقتى كوپ ءتۇرلى ءتاسىل ارقىلى لاڭكەستىك، ءدىني ۇشقارىلىق تۋىلاتىن توپىراق پەن شارت - جاعدايدى ەڭ جوعارى شەكتە جويدى.
− تۇعىردى كۇشەيتىپ، نەگىزدى بەكەمدەپ، نەگىزگى ساتىنىڭ جاۋىنگەر قورعاندىق رولىن نىعايتتى. نەگىزگى ساتىنى يگەرۋدى، نەگىزدى بەكەمدەۋدى شينجياڭدى ورنىقتىرۋدىڭ، شينجياڭدا تىنىشتىق ورناتۋدىڭ ۇزاق ۋاقىتتىق جوسپارى جانە نەگىزدى بەكەمدەۋ شاراسى ەتۋگە تاباندى بولىپ، ”حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ىلگەرىلەتتى، نەشە ون مىڭداعان ءار دارەجەلى كادرلار تيانشاننىڭ وڭتۇستىگى مەن سولتۇستىگىندەگى قىستاقتار مەن الەۋمەتتىك اۋماقتارعا تامىر تارتىپ، بۇقارامەن تىعىز بايلانىس جاساۋ بارىسىندا ستيلدى جاقسارتىپ، وبراز ورناتىپ، دامۋدى جەبەپ، حالىق تىلەگىنە ەڭ جوعارى شەكتە قول جەتكىزىپ، جۇرت تىلەگىن ۇيىستىرىپ، ورنىقتىلىقتى قورعاۋدىڭ قۋاتتى بىرىككەن كۇشىن قالىپتاستىردى.
نالىعانمەن ءتۇن بويى كوكەك كوپتەن، كۇن شىعىستان كەلەدى كۇلىپ كوكتەم. تەمىرگە تاپ، تاسقا تاڭبا قالدىرارداي ءبىر قىدىرۋ تىڭعىلىقتى شارالار شينجياڭنىڭ قوعامدىق جونگە سالۋ قابىلەتى مەن جونگە سالۋ ورەسىنىڭ ۇزدىكسىز جوعارىلاعاندىعىنا كۋا بولىپ، باس نىسانانىڭ تيانشاننىڭ وڭتۇستىگى مەن سولتۇستىگىندە تياناقتانىپ تامىر تارتۋىن جەبەدى. قازىرگە دەيىن شينجياڭدا ءۇرتىس 40 اي بويى زورلىقتى كۇش، لاڭكەستىك دەلوسى تۋىلمادى، قىلمىستىق ىستەر دەلولارى، اماندىق دەلولارى، حاۋىپسىزدىككە قاتەر ءتوندىرۋ دەلولارى، الەۋمەتتىك حاۋىپسىزدىك وقيعالارى زور مولشەردە ازايىپ، ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيدى. ورنىقتى قوعامدىق ورتا ەكونوميكانىڭ دامۋىنا ەڭ ماڭىزدى شارت - جاعداي، ەڭ پارمەندى تىرەك ازىرلەدى، ءتىپتى دە ماڭىزدىسى، باياندى تىنىشتىققا ىقپال ەتەتىن تەرەڭ قاتپارلى ماسەلەلەردى شەشۋگە ۋاقىت اپەردى، ىرىقتىلىق اپەردى.
تىنىش تا جاراسىمدى قوعامدىق جاعدايدا تيانشاننىڭ وڭتۇستىگى مەن سولتۇستىگىندەگى ءار ۇلت باۋىرلاستاردىڭ كوڭىلى جاي تاۋىپ، جۇزدەرىنەن كۇلكى ەسىپ، بۇكىل ەل حالقىمەن بىرگە قول ۇستاسا دوڭگەلەك داۋلەتتىلىككە بەتتەۋ رۋحى مەن جىگەرى اناعۇرلىم نىعايدى. اماليات ءبىز باس نىسانانى كوڭىل تورىنە قويىپ، قولدا يگەرىپ، ارەكەتتە تياناقتاندىرساق، ءسوز جوق، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن ورناتا الاتىندىعىمىزدى، ءسوز جوق، وتاننىڭ شينجياڭىن بارعان سايىن كورىكتى ەتىپ قۇرىپ شىعا الاتىندىعىمىزدى تالاسسز دالەلدەدى.
بايتاق دالانى مەيىرگە بولەگەن ىنتا - ىقىلاس
− حالىق تۇرمىسىن جاقسارتۋدى مىقتاپ ارقاۋ ەتىپ، دامۋدى ىلگەرىلەتتى
4 - ايدىڭ 18 - كۇنى شينجياڭ گويە ءپىشان ءجۇزىم ساۋدا ورتالىعىنىڭ ولشەمدەندىرىلگەن وڭدەۋ سەحىنىڭ ۇلاسپالى جەلىسىندە تولىق تا كىسى قىزىعارلىق مەيىزدەر التىن رەڭدە جارقىرايدى. بىلتىر 11 - ايدىڭ اياعىندا تيجارات جۇرگىزگەننەن بەرى، ورتالىق 6000نان استام ءجۇزىم ەگەتىن وتباسىنىڭ كىرىسىن ارتتىرۋىن جەبەدى ءارى بازار باعاسىن ورنىقتىرۋ مەن جەمىس ەگەتىن شارۋالاردىڭ سەنىمىن كۇشەيتۋدە ماڭىزدى رول اتقاردى. ال بۇل شينجياڭ گويە توبى قۇرۋدى ورنالاستىرعان 9 ءىرى ەگىن جانە ورمان شارۋاشىلىعى ونىمدەرىن قامبالاۋ، وڭدەۋ ساۋداسىن شوعىرلاندىرعان ورتالىقتاردىڭ ءبىرى.
شينجياڭدا قىزمەت تەكسەرگەن كەزدە، باس شۋجي شي جينپيڭ شينجياڭ گويە توبىن وسىزاماندانعان ساۋدا، زات اينالىمى كاسىپورنى ەكەن دەپ ماداقتاپ، ولاردى شينجياڭنىڭ ەرەكشە بايلىعىن ىشكەرىلەي اشىپ، ەكونوميكانىڭ دامۋىن جانە شارۋالاردىڭ كىرىسىن ارتتىرۋدى جەبەۋگە كوپتەپ ۇلەس قوسۋعا شابىتتاندىردى. باس شۋجيدىڭ ىقىلاستى قامقورلىعى وراسان زور قوزعاۋشى كۇشكە اينالىپ، گويە توبىن كاسىپ كۇيىندە ۇزدىكسىز جاڭالىق جاراتىپ، بازار اشىپ، اسەر ەتۋ، جەتەكتەۋ قابىلەتىن جوعارىلاتىپ، شينجياڭنىڭ جەمىس ورمانى كاسىبىنىڭ دامۋى مەن شارۋالاردىڭ كىرىسىن ارتتىرۋعا كورنەكتى ۇلەس قوسۋعا شابىتتاندىردى.
ورنىقتىلىق − كورىكتى شينجياڭدى قۇرىپ شىعۋدىڭ العى شارتى، دامۋ − كورىكتى شينجياڭدى قۇرىپ شىعۋدىڭ ءتۇبىرلى جولى. باس شۋجي شينجياڭنىڭ ەكونوميكالىق، قوعامدىق دامۋىنا ايرىقشا كوڭىل ءبولدى، قىزمەت تەكسەرگەن كەزدە، ول ءار جەرگە بارعان سايىن دامۋدى سۇراپ، رەفورمانى اڭگىمەلەسىپ، حالىق تۇرمىسىن تىلگە الدى. ول بىلاي دەپ اتاپ كورسەتتى: حالىق بۇقاراسىنىڭ ارمان - تىلەگىنە ۇيلەسەتىن ءىستىڭ بارلىعى ءبىزدىڭ پارتيامىزدىڭ كۇرەس نىساناسى. ول بىلاي دەپ باسا دارىپتەدى: دامۋ ءالى دە شينجياڭنىڭ بارلىق ماسەلەسىن شەشۋدىڭ تەتىگى، ءسوز جوق، شىن مانىندە جاقسى يگەرۋ كەرەك. دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جاساۋدا تياناقتاندىرۋ، ىنتىماقتى كۇشەيتۋدە تياناقتاندىرۋ كەرەك.
ستراتەگيالىق بيىكتەن دامۋ اۋقىمىن يگەرىپ، جالپى جاعداي كوز اياسىنان دامۋ جولىن ايقىن كورسەتىپ، شينجياڭنىڭ كورىكتى كەلەشەگىن باس شۋجي جادىنان شىعارماي، جىگەر - قايراتىن، ىنتا - پەيىلىن سالدى.باس شۋجيدىڭ ىقىلاستى ءسوزى، شىن پەيىلدى ارمانى ەستە قالدى! 6 جىلدان بەرى، اۆتونوميالى رايوندىق پارتكوم حالىقتى وزەك ەتكەن دامۋ يدەياسىن باتىل دايەكتىلەندىرىپ، حالىق تۇرمىسىنىڭ قۇت - ىرىسىن ارتتىرۋدى دامۋدىڭ ءتۇبىرلى نىساناسى ەتىپ، حالىق تۇرمىسىن جاقسارتۋدى مىقتاپ ارقاۋ ەتىپ دامۋدى ىلگەرىلەتتى، ءار ۇلت بۇقاراسى بىرگە قۇرۋ، بىرگە يگىلىكتەنۋ بارىسىندا تابىس سەزىمىن، باقىت سەزىمىن ۇزدىكسىز جوعارىلاتتى.
4 - ايدىڭ باس شەنىندە وڭتۇستىك شينجياڭداعى ماڭىزدى قالاشىق كورلانىڭ 10 مىڭ مۋلىق المۇرت گۇلى جابال اشىلىپ، قار مەن بۇلتتاي جەر - الەمدى اق تۇسكە بولەپ، كوركى كوكجيەككە دەيىن سوزىلدى. جەرگىلىكتى ساياحات تاراۋى ۇيىمداستىرعان گۇل تاماشالاۋ قيمىلى 8000نان استام ساياحاتشىنى وزىنە باۋرادى. اۋات اۋىلى ۇساقتەرەك قىستاعىنداعى كەدەي بۇحالچەم داۋۇت تەك 2 كۇن كاۋاپ ساتۋدان 1000 يۋاننىڭ ۇستىندە تازا كىرىس كىرگىزدى. بۇحالچەمنىڭ تومپيعان اقشا قاپشىعى مەن كوڭىلدى ءجۇزى شينجياڭنىڭ ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن اتقارۋىنىڭ قوماقتى جەتىستىگىنە كۋا بولدى. 2017 - جىلدان 2019 - جىلعا دەيىن شينجياڭعا جىل سايىن ساياحاتتايتىن ادام (رەت) سانى 100 ميلليوننان 150 ميلليونعا، ونان 200 ميلليونعا جەتىپ، قاۋىرت ارتۋ جۇزەگە استى. ساياحات كاسىبى شينجياڭنىڭ ستراتەگيالىق تىرەكتى كاسىبى جانە ەكونوميكانى جوعارى ساپالى دامىتۋداعى ماڭىزدى قوزعالتقىش بولىپ قانا قالماستان، ونان دا ماڭىزدىسى، تۇنىق سۋ، جاسىل تاۋدى، قالىڭ مۇز، قاسات قاردى باعالى بايلىققا اينالدىرىپ، سان ميلليونداعان ەگىنشى - مالشىلارعا باقىت جاراتتى.
سونىمەن بىردەي اۋىزعا الۋعا تاتيتىنى، شينجياڭنىڭ توقىماشىلىق، كيىم - كەشەك كاسىبىنىڭ دامۋى بولدى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى شينجياڭدا توقىماشىلىق، كيىم - كەشەك كاسىبىن دامىتىپ، ءبىر ميلليون ادامنىڭ جۇمىستانۋىن جەبەۋ ستراتەگياسىن تۇراقتاندىرىپ، ىشكى وڭىرلەردىڭ توقىماشىلىق كاسىبىنىڭ شينجياڭعا ويىسۋىن ىلگەرىلەتتى. 2014 - جىلدان 2019 - جىلعا دەيىن شينجياڭدا 2000نان استام توقىماشىلىق، كيىم - كەشەك كاسىپورنى جاڭادان مولايدى، مۇنىڭ ىشىندە باسىم كوپ ساندىسى وڭتۇستىك شينجياڭ وڭىرىندە قۇرىلدى، توقىماشىلىق، كيىم - كەشەك كاسىبى جيىنى 600 مىڭداي ادامدى جاڭادان جۇمىستاندىردى. وڭتۇستىك شينجياڭنىڭ اۋىل - قىستاقتارىنا جالپىلاسقان توقىماشىلىق زاۆودتارى تالاي - تالاي كەدەيدىڭ ەسىك الدىندا ورنىقتى جۇمىستانۋ ارمانىن جۇزەگە اسىرىپ، رايونىمىزدىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋىنە پارمەندى تىرەك بولدى.
اۆتونوميالى رايوندىق پارتكوم مەن ءار دارەجەلى ۇكىمەت بۇقارانىڭ باقىت كورسەتكىشىن حالىق تۇرمىسىنىڭ ولشەمى ەتىپ، دامۋ ۇستانىمىنا حالىق تۇرمىسى ىنتا - ىقىلاسىن تەرەڭ تامىر تارتتىرىپ، مەيىرگە تولى دامۋ جاۋاپناماسىن ەگجەي - تەگجەيلى جازدى.
حالىق تۇرمىسىن الدىمەن ويلاستىرۋعا، حالىق تۇرمىسى جاعىندا الدىمەن ارەكەتكە كەلۋگە تاباندى بولدى، اۆتونوميالى رايوننىڭ ءوز دارەجەسىندەگى قازىنالىق شىعىسى مەن شينجياڭعا كومەكتەسۋ قارجىسىنىڭ ％70تەن استامى حالىق تۇرمىسىن قامتاماسىز ەتۋگە جانە جاقسارتۋعا جۇمسالدى. جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتى ءتۇيىندى 9 ءىرى حالىققا ءتيىمدى ينجەنەريانى ۇزدىكسىز ىلگەرىلەتىپ، حالىق تۇرمىسى ينجەنەرياسىن شىن مانىندە حالىق تىلەگى ينجەنەرياسى ەتىپ قۇرىپ شىقتى. ”1 + 3 + 3 + رەفورما، ەسىك اشۋ“ قىزمەت ورنالاستىرۋىن زور كۇشپەن ىلگەرىلەتىپ، جوعارى ساپالى دامۋعا جاڭا دامۋ ۇستانىمى ارقىلى جەتەكشىلىك ەتىپ، ءار ۇلت بۇقاراسىن دامۋ ناتيجەلەرىنەن، رەفورمانىڭ پايداسىنان بىرگە يگىلىكتەندىردى.
شينجياڭدا قىزمەت تەكسەرگەن كەزدە، باس شۋجي وڭتۇستىك شينجياڭنىڭ قوعام ورنىقتىلىعى مەن ەكونوميكالىق دامۋىنا ەرەكشە كوڭىل ءبولدى. ول بىلاي دەپ اتاپ كورسەتتى: وڭتۇستىك شينجياڭدى دامىتۋدى جەر جاعدايىنا قاراي ىستەپ، استىق، ماقتا، جەمىس شارۋاشىلىعى، جەم - ءشوپ شارۋاشىلىعى جانە مال شارۋاشىلىعىمەن باسىم كوپ ساندى شارۋا وتباسىن قامتىپ، ەگىنشى - مالشىلارعا وزىق ءوندىرىس تەحنيكاسى مەن بازاردا تيجارات جۇرگىزۋ ءتاسىلىن ۇيرەتىپ، شارۋالاردىڭ تابىسىن ارتتىرۋىنا كومەكتەسۋ كەرەك.
تيانشاننىڭ وڭتۇستىگىندەگى كەڭ - بايتاق الاپ بولشەكتەۋشىلىككە قارسى تۇرۋ كۇرەسىنىڭ نەگىزگى شايقاس مايدانى بولۋمەن بىرگە، كەدەيلىكتەن ارىلتۋدان قامال الۋدىڭ دا نەگىزگى شەبى، وڭتۇستىك شينجياڭداعى 4 ايماق - وبلىس بۇكىل ەلدەگى 3 رايون، 3 وبلىس اراسىنداعى اۋىر كەدەي وڭىرلەردىڭ ءبىرى. باس شۋجيدىڭ ماڭىزدى ءسوزى وڭتۇستىك شينجياڭ قىزمەتىنىڭ پارتيا مەن مەملەكەت قىزمەتىنىڭ جالپى جاعدايىنداعى ماڭىزدى ورنىن ايگىلەدى. كەدەيلىكتەن ارىلتۋدان قامال الۋ شايقاسى باستالعاننان بەرى، اۆتونوميالى رايون نازاردى وڭتۇستىك شينجياڭداعى 4 ايماق - وبلىسقا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋدەن“ كوز جازباي، ”جەتى ءبىر توپ“، ”ءۇش تەبىندى ارتتىرۋدى“ زور كۇشپەن ىلگەرىلەتىپ، كەدەيلەردى دالمە - ءدال سۇيەمەلدەۋگە ىجداعاتتىلىقپەن كۇش سالىپ، كەدەيلىكتەن ارىلتۋدان قامال الۋدا ەلەۋلى كەزەڭدىك ىلگەرىلەۋشىلىككە قول جەتكىزدى. 2019 - جىلدىڭ اياعىنا دەيىن بۇكىل رايون جيىنى 2 ميلليون 923 مىڭ 200 كەدەيدى كەدەيلىكتەن ارىلتىپ، 3107 كەدەي قىستاقتى كەدەيلىك تىزىمىنەن شىعارىپ، 25 كەدەي اۋداننىڭ كەدەيلىك قالپاعىن الىپ، كەدەيلەسۋ مولشەرىن 2013 - جىلعى ％19.4تەن ％1.24كە تومەندەتتى. وڭتۇستىك شينجياڭنىڭ كەدەيلىكتىڭ شىرماۋىنان قۇتىلعان بۇقاراسى بارعان سايىن كوبەيىپ، تۇرمىستىڭ ءتاتتى ءدامىن تاتتى.
قازىر تيانشاننىڭ وڭتۇستىگى مەن سولتۇستىگىندەگى ءار ۇلت بۇقاراسىنىڭ ىستەيتىن ءىسى، تاباتىن اقشاسى، كۇتەر ءۇمىتى بار، تۇرمىس بارعان سايىن شالقىدى. پارتيا تىلەگى، حالىق تىلەگى حالىق تۇرمىسىمەن تىعىز بايلانىسقان دامۋ بارىسىندا ۇزدىكسىز توعىسىپ، وتاندى ءسۇيۋ، شينجياڭدى ءسۇيۋ وڭ ەنەرگياسى شينجياڭنىڭ بايتاق دالاسىندا تارالدى، بۇل كورىكتى شينجياڭ قۇرۋدىڭ ەڭ ءتۇبىرلى كەپىلى، ەڭ پارمەندى تىرەگى.تىلەكتەس باۋىرمالدىق
− اناردىڭ دانىندەي تىعىز ۇيىستى
ءبىر گۇل بار، ونىڭ اتى ىنتىماق گۇلى، ءبىر اعاش بار، ونىڭ اتى ”جۇرەكتەستەر اعاشى“.
4 - ايدىڭ 12 - كۇنى اقسۋ قالاسى ۋاڭسان كوشەسىندەگى 70 ساۋداگەر جۇپ قۇراعان تۋىستارىمەن بىرگە ”جۇرەكتەستەر اعاشىنا“ بەلگى تاقتى، بۇل ولاردىڭ بىرگە ەككەن ۇلتتار ىنتىماعى اعاشى، ءار ۇلتتىڭ بال جالاسقان تەرەڭ سۇيىسپەنشىلىگىنىڭ ايعاعى.
ۋاڭسان كوشەسى اقسۋ قالاسىنداعى ۇلتتار ىنتىماعى ءداستۇرى بار كوشە. سوڭعى جىلدارى وسى كوشەدەگى ۇيعۇر ساۋداگەرلەر مەن سول ماڭداعى حانزۋ ساۋداگەرلەر جۇپ قۇراپ تۋىستاستى، كوپشىلىك ءبىر - بىرىمەن ارالاسىپ، قۇرالاسىپ، ءوزارا كومەكتەسۋ بارىسىندا سۇيىسپەنشىلىكتەرى كۇن سايىن تەرەڭدەپ، جاڭا داۋىردەگى ۋاڭسان كوشەسىندەگى ۇلتتار ىنتىماعىنىڭ گۇلى ءتىپتى قۇلپىرا ءتۇستى.
ۋاڭسان كوشەسى سياقتى، ءار ۇلت جاراسىمدى ءومىر كەشىپ، بەرەكە - بىرلىكتىڭ شاتتىعىنا شومعان جاعداي بۇگىندە شينجياڭنىڭ بارلىق جەرىنەن كەزدەسەدى.
ۇلتتار ىنتىماعى − ءار ۇلت حالقىنىڭ جانى. شينجياڭنىڭ تاريحي جانە رەال بولمىسى ۇلتتار ىنتىماعىنىڭ شينجياڭداعى ءار ۇلت حالقىنىڭ ءتۇبىرلى مۇددەسى ەكەنىن قايتا - قايتا دالەلدەدى.
شينجياڭدا قىزمەت تەكسەرگەندە، باس شۋجي شي جينپيڭ ۇلتتار ىنتىماعىن كۇشەيتۋگە ءار ءسات سايىن كوڭىل ءبولدى. قاشقاردان ۇرىمجىگە دەيىن قىستاق تۇرعىندارىمەن شۇيىركەلەسۋدەن اۆتونوميالى رايون باسشىلارىمەن اڭگىمەلەسۋگە دەيىن، باس شۋجي: ”ۇلتتار ىنتىماعى − دامۋ مەن العا باسۋدىڭ ىرگە تاسى“، ”شينجياڭ ماسەلەسىندەگى ەڭ قيىن، ەڭ ۇزاق بولاشاقتىق ماسەلە تاعى دا ۇلتتار ىنتىماعى ماسەلەسى“، - دەپ قايتا - قايتا باسا دارىپتەدى. وسىدان كەيىن، تۇرلىشە ورىنداردا باس شۋجي ۇلتتار ىنتىماعى قىزمەتىن جاقسى ىستەۋ جونىندە قايتا - قايتا تالاپتار قويدى. 2015 - جىلى مەملەكەت مەرەكەسى قارساڭىندا، باس شۋجي نەگىزگى ساتىداعى ۇلتتار ىنتىماعىنىڭ تاڭداۋلى ۋاكىلدەرىمەن كەزدەسكەندە: ”كەمەنىڭ كۇشى جەلكەنىندە، ادامنىڭ كۇشى جۇرەگىندە. ۇلتتار ىنتىماعىن كۇشەيتۋدە ماڭىزدىسى سىرلاسۋدا، جۇرەك پەن جۇرەك ءتىل تابىسىپ، جۇرەك پەن جۇرەك سىر ءبولىسۋ كەرەك“، - دەپ اتاپ كورسەتكەن بولاتىن. 2017 - جىلى 1 - ايدا باس شۋجي قۇربان اتايدىڭ ۇرپاقتارىنا جازعان جاۋاپ حاتىندا ولاردى قۇربان اتاي سياقتى اۋىلداستارمەن بىرگە پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولۋعا شابىتتاندىردى. 2017 - جىلى 3 - ايدا مەملەكەتتىك 12 - كەزەكتى حالىق قۇرىلتايى 5 - ماجىلىسىندەگى شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي وبرازدى تىلمەن بەينەلەۋ ارقىلى ءار ۇلت كادر - بۇقاراسىنا: ”ۇلتتار ىنتىماعىن كوزىمىزدىڭ قاراشىعىنداي ايالايىق، ۇلتتار ىنتىماعىن ءومىرىمىزدى قاستەرلەگەندەي قاستەرلەيىك، اناردىڭ دانىندەي تىعىز ۇيىسايىق“ دەپ تىلەك ايتتى.
باس شۋجي ۇلتتار ىنتىماعىنىڭ توتەنشە ماڭىزدىلىعىن قايتا - قايتا باسا دارىپتەپ، شينجياڭداعى ءار ۇلت كادرلارى مەن بۇقارانىڭ ۇلتتار ىنتىماعى قىزمەتىن جاقسى ىستەۋ جاۋاپكەرشىلىك سەزىمى مەن كوكەي تەستىلىك سەزىمىن اناعۇرلىم كۇشەيتتى. اۆتونوميالى رايوندىق پارتكوم ۇلتتار ىنتىماعى قىزمەتىن جالپى جاعداي وسكەلەڭ تۇرعىسىنان جوبالاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىن، سونداي - اق الۋان فورماداعى ۇلتتار ىنتىماعىندا وزات ورىن قۇرۋ قيمىلىن ۇزدىكسىز ىشكەرىلەي ورىستەتىپ، ءار ۇلتتىڭ ارالاسۋىن، ىشتەسۋىن، توعىسۋىن پارمەندى تۇردە جەبەدى.
بۇگىنگى كۇندە، شىنايى سۇيىسپەنشىلىككە تولى ”ۇلتتار ىنتىماعىنىڭ بەرەكەلى شاڭىراعى“ اتتى پويەز شينجياڭنىڭ ۇلان - بايتاق دالاسىندا زاۋلاۋدا، حال - جاي سۇراۋ، ءوزارا قارايلاسۋ بارىسىندا، ءار ۇلت كادرلارى مەن بۇقاراسى تىنىستاس، تاعدىرلاس ءبىر وتباسىنىڭ ادامدارىنا اينالدى.
بۇگىنگى كۇندە، قۇربان نياز، جۋاڭ شىحۋا، يوۋ لياڭيىڭ... جۇلدىزداي جارقىراعان وسى ەسىمدەر ءبىر - بىرلەگەن رۋحاني كوورديناتالارداي ءار ۇلت كادرلارى مەن بۇقاراسىن ۇلتتار ىنتىماعىن قورعاۋعا، وتاننىڭ تۇتاستىعىن قورعاۋعا جەتەكتەۋدە.
بۇگىنگى كۇندە، جۇڭحۋا ۇلتى ورتاق تۇلعا تانىمى ءار ۇلت حالقىنىڭ جۇرەگىندە تەرەڭ تامىر تارتىپ، ۇلتتار ىنتىماعىنىڭ ىرگە تاسى بارعان سايىن بەكەمدەلىپ، شينجياڭداعى ءار ۇلت كادرلارى مەن بۇقاراسى اناردىڭ دانىندەي تىعىز ۇيىستى. بۇل اناعۇرلىم كوركەم شينجياڭ قۇرۋدىڭ ءتۇبىرلى كەپىلى.
شينجياڭدا ۇلت ماسەلەسى مەن ءدىن ماسەلەسى قاشاندا ارالاسىپ توعىسىپ جاتادى. باس شۋجي قىزمەت تەكسەرگەن كەزىندە بىلاي دەپ ايقىن اتاپ كورسەتتى: ”شينجياڭداعى ەڭ ۇلكەن بۇقارالىق قىزمەت − ۇلتتار ىنتىماعى جانە ءدىن جاراسىمدىلىعى“. ول بىلاي دەدى: سوتسياليستىك ۇلى شاڭىراقتا ۇلتتار ىنتىماقتى، ءدىن جاراسىمدى بولعاندا عانا، ءتۇرلى ىستەر كوركەيىپ - گۇلدەنەدى.
اۆتونوميالى رايوندىق پارتكوم باس شۋجيدىڭ ماڭىزدى ءسوزىنىڭ رۋحىن باتىل دايەكتىلەندىرىپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، تياناقتاندىرىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەدى. ءبىر جاعىنان، دىنگە سەنەتىن بۇقارانىڭ قالىپتى ءدىني قاجەتىن زاڭ بويىنشا قامتاماسىز ەتىپ، دىنگە سەنەتىن بۇقارانىڭ عۇرىپ - ادەتىنە قۇرمەت ەتىپ، وتانشىل ءدىني قايراتكەرلەردى ىنتىماقتاستىرىپ، ولارعا قامقورلىق جاسادى؛ ەندى ءبىر جاعىنان، ”جەتىنى كىرگىزۋ، ەكى بولۋ“، ”توعىز سەپتەۋدى“ تىڭعىلىقتى ىلگەرىلەتىپ، ءدىني قيمىل ورىندارىنىڭ شارت - جاعدايىن زور كۇشپەن جاقسارتتى؛ سونىمەن قاتار ۇشقارىلىقتى الاستاۋدى زاڭ بويىنشا ۇزدىكسىز ىشكەرىلەي ىلگەرىلەتىپ، ءدىن سالاسىنىڭ تاتۋلىعىنىڭ، جاراسىمدىلىعىنىڭ تاماشا رايىن قالىپتاستىرىپ، دىنگە سەنەتىن قالىڭ بۇقارانى وتاننىڭ شينجياڭىن اناعۇرلىم كوركەم ەتىپ بىرگە قۇرىپ شىعۋعا ىنتىماقتاستىردى.
كوكتەم سامالىنداعى ايبىندى ساپار
− باس شۋجي كورسەتكەن باعىتپەن قايراتتانا العا تارتتى
مەزگىل كۇتىپ تۇرمايدى، ۋاقىت توقتاۋسىز زىمىراۋدا. ساعات سترەلكاسى ءدال وسى ءساتتى كورسەتكەندە، جاپپاي دوڭگەلەك داۋلەتتى قوعام ورناتۋدى جۇزەگە اسىرۋعا نەبارى ەكى ءجۇز نەشە كۇن عانا قالدى.
تاياۋدا شينجياڭنىڭ 1 - توقسانداعى حالىق شارۋاشىلىعىنىڭ اينالىم ناتيجەسى شىقتى، ىشكى ءوندىرىس جالپى ءونىم قۇنى سايكەس مەزگىلدەگىدەن ％0.2 تومەندەگەنىمەن، ارتۋ جىلدامدىعى بۇكىل ەلدىكىنەن 6.6 پايىز جوعارى بولدى. اسا ەرەكشە، توتەنشە قيىن مەزگىلدە مۇنداي ناتيجەگە قول جەتكىزۋ شىنىمەن وڭاي ەمەس. توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىندا شينجياڭدا دا بۇكىل ەل سياقتى ەكونوميكالىق، قوعامدىق دامۋ ءبىر مەزەت توقتاپ، ءتۇرلى نىسانالار مەن مىندەتتەردىڭ ورىندالۋى اۋىر سىن - سايىسقا ءدوپ كەلدى.
باس شۋجي شي جينپيڭ شينجياڭدا قىزمەت تەكسەرگەندە بىلاي دەپ اتاپ كورسەتتى: شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ تەتىگى پارتيادا، تۇپتەپ كەلگەندە، پارمەندى كادرلار قوسىنىنا، بەرىك نەگىزگى ساتى ۇيىمدىق جۇيەسىنە، جارامدى بۇقارالىق قىزمەت مەحانيزمىنە سۇيەنۋ كەرەك. ول: ساياسيدا مىزعىماس، پارمەندى، بوران - شاشىننىڭ سىنىنان وتە الاتىن جوعارى ساپالى كادرلار قوسىنىن قۇرۋ شينجياڭنىڭ ورنىقتىلىعى مەن دامۋى ءۇشىن توتەنشە ماڭىزدى، - دەپ باسا دارىپتەدى.
باس شۋجيدىڭ ءتالىمىن ەستە بەرىك ساقتاعان اۆتونوميالى رايوندىق پارتكوم جاڭا داۋىردەگى پارتيا قۇرىلىسىنىڭ باس تالابىن ىشكەرىلەي دايەكتىلەندىرىپ، كادرلار قوسىنى قۇرىلىسىن ساياسيدا، يدەيادا، ستيلدە، قابىلەتتە جاپپاي كۇشەيتىپ، جاڭا داۋىردە جاڭا بورىش ارقالاي الاتىن جوعارى ساپالى كادرلار قوسىنىن جەتىلدىردى. بۇل قوسىن بولشەكتەۋشىلىككە قارسى تۇرۋ كۇرەس مايدانىندا، كەدەيلىكتەن ارىلتۋدان قامال الۋ شەبىندە، جوعارى ساپالى دامۋدى ىلگەرىلەتۋدىڭ ءبىرىنشى شەبىندە قاتاڭ شىنىعۋدان، ءولىم - ءومىر سىناعىنان ءوتىپ شىڭدالىپ شىقتى.
قاھارماننىڭ قاسيەتى قۇبىلمالى زاماندا كورىنەدى. ىندەتتىڭ ۇلكەن سىناعى الدىندا، رايونىمىزداعى ءار دارەجەلى پارتيا ۇيىمى مەن قالىڭ پارتيالى كادرلار ەرلىكپەن اتويلاپ الدا ءجۇرىپ، الدىڭعى شەپتە ەرلىكپەن كۇرەسىپ، ىرىقتىلىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، ءار ۇلت بۇقاراسىن ىنتىماقتاستىرىپ، باستاپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە قول جەتكىزۋدە تىرەكتىك رولىن ساۋلەلەندىرىپ، كوممۋنيستىك پارتيا مۇشەلەرىنىڭ قۇربان بەرۋدەن قورىقپايتىن، باتىل جاۋاپكەرشىلىك ارقالايتىن ساياسي قاسيەتىن تولىق ايگىلەدى، كوممۋنيستىك پارتيا مۇشەلەرىنىڭ اۋەلگى ماقساتتى ۇمىتپاي، بورىشتى ەستە بەرىك ساقتايتىن ساياسي پەيىلىن ايگىلەدى. ال ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ جاقسى ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاۋدىڭ ارىنى، سەنىمى، ءۇمىتى ءدال وسىندا جاتىر.
وسى ساتتە تيانشاننىڭ تۇستىگى مەن تەرىستىگىنە نازار سالساق، ءۇمىت دالاسى ءار الۋان جەمىسكە تولىپ، كوكپەڭبەك ءبيداي مايساسى جايقالادى؛ كاسىپورىنداردىڭ ءوندىرىس سەحتارىندا بولاتتاردان وت جالىندار ۇشىپ، ىستىق بۋ بۇرقىرايدى؛ جىبەك جولى ەكونوميكالىق بەلدەۋىندە وت اربالار باتىسقا زىمىرايدى...
مىنە بۇل ءبىزدىڭ ۇلى ءداۋىرىمىز! مىنە بۇل ءبىز قىزۋ سۇيەتىن كوركەم شينجياڭ!
4 - ايدا كوكتەم سامالى ەسەدى. اۋىر كەدەيلىكتى جويۋ شايقاسىنىڭ اتوي دابىلى قاعىلدى، جاپپاي دوڭگەلەك داۋلەتتى قوعام ورناتۋدىڭ اسەم كارتيناسى الىس ەمەس. وتاننىڭ شينجياڭىن اناعۇرلىم كوركەم ەتىپ قۇرىپ شىعۋ − شەكسىز كوركەم ساپار، باس شۋجيدىڭ ءتالىمىن ەستە بەرىك ساقتاپ، باس شۋجي كورسەتكەن باعىتتى بويلاي ءبىر نيەتپەن ىنتىماقتاسىپ، قايراتتانا العا تارتايىق!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
