جۇدىرىقتاي جۇمىلىپ، «حالىقتىق شايقاستىڭ» جەڭىسىنە قول جەتكىزدى
− دۇنيە جۇزىلىك ىندەتكە قول ۇستاسا قارسى اتتانىپ، جۇڭگو جاۋاپكەرشىلىگىن ايگىلەدى ④
«حالىق گازەتىنىڭ» شولۋشىسى
2020.05.11 17:08 كەلۋ قاينارى : حالىق تورابى
77 جاستاعى ديڭ مىرزانىڭ 2 - رەتكى نۋكلەين قىشقىلىن تەكسەرۋ مالىمەتىن العاننان كەيىن ۋحان قالالىق وكپە اۋرۋلار شيپاحاناسى تەكسەرۋ ءبولىمىنىڭ مەڭگەرۋشىسى رىن ي: «بولىمسىز ەكەن!» دەپ ەرىكسىزدەن ايعايلاپ جىبەردى. 4 – ايدىڭ 26 – كۇنى تۇستەن كەيىن ساعات بىردەن وتكەن مولشەردە ديڭ مىرزانىڭ ەمحانادان شىعۋ ولشەمىنە جەتۋىمەن ۋحان قالاسىندا ەمحانادا ەمدەلىپ جاتقان دياگنوزى تۇراقتانعان ناۋقاستاردىڭ سانى نولگە ءتۇستى، «ۋحاندى قورعاۋ شايقاسى» تاريحتىڭ بەتىندە قالارلىق ماڭىزدى ءساتتى اقىرى قارسى الدى.
«ۋحان حالقىنىڭ ەڭسە كوتەرۋى بۇكىل دۇنيە ءجۇزى بويىنشا ىندەتپەن ءالى دە جاپالى كۇرەس جۇرگىزىپ جاتقان ادامدارعا زور شابىت بەردى: ىندەت قاتەرلى بولعانىمەن، ونى جەڭۋگە بولادى»، شەتەلدىڭ جۇڭگودا تۇراتىن ءبىر باس ەلشىحاناسىنان وسىنداي القاۋ ءسوز ايتىلدى. وسى رەتكى شايقاستى باستان كەشىرگەن ادامدار عانا ۋحانداعى «ناۋقاستاردىڭ سانىن نولگە ءتۇسىرۋدىڭ» وڭاي - وسپاق قولعا كەلمەگەنىن ءتىپتى دە انىق تۇسىنەدى، مۇنىڭ استارىندا بۇكىل ەلدەگى نەشە ءجۇز شۇعىل كومەك كورسەتۋ ەمدەۋ اترەتىنىڭ ۋحانداعى 60 مىڭنان استام ەمدەۋ قىزمەتكەرىمەن تىزە قوسا وتىرىپ، ءبىر مايدان ءولىم – ءومىر شايقاسىن جۇرگىزۋى سىندى قيان - كەسكى كۇرەسى، قورعانۋ كيىمىن كيگەن كۇيدە تالىقسىپ بارىپ ۇيقىعا باس قويعان ەمدەۋ قىزمەتكەرلەرىنىڭ قالجىراعان بەينەسى، ديزەنفەكسيالاۋ سۇيىقتىعى قايتا - قايتا شىلانعان قوس قولدار بار؛ وسى رەتكى شايقاستى باستان وتكەرگەن ادامدار عانا باس شۋجي شي جينپيڭنىڭ تەرەڭ سۇيىسپەنشىلىكپەن ماداقتاۋىن اناعۇرلىم انىق تۇسىنە الادى، «وسى رەتكى ىندەتتى جەڭۋدە بىزگە كۇش – قۋات جانە سەنىم بەرگەنى − جۇڭگو حالقى»، «حالىق − ناعىز قاھارمان».
قازىر حالىقاراداعى − قايراتكەر: جۇڭگو نە ءۇشىن قىسقا ۋاقىت ىشىندە ىندەتتى تىزگىندەي الادى؟ دەگەندى ىشكەرىلەي زەرتتەۋدە. مۇنىڭ جاۋابى وتە قاراپايىم، ويتكەنى، اۋەل باستان بارلىق ىستە حالىق ءۇشىن ىستەۋدە، بارلىعىندا حالىققا سۇيەنۋدە تاباندى بولىپ، ىندەتتەن ساقتانۋ - تىزگىندەۋ سىندى حالىقتىق شايقاس جۇرگىزدىك. رۋمينيانىڭ «ەركىندىك گازەتىنىڭ» جۇڭگودا تۇراتىن ءبىر ءتىلشىسى بىلاي دەپ حابارلادى: «ىندەتتەن ساقتانۋ ءۇشىن، جۇڭگودا ۇلكەندەر مەن بالالار تۋىس - تۋعان، دوس - جاراندارىن ارالامادى، ساياحاتتاپ دەمالمادى، ەر – ايەل دەمەي ءبىر ءتۇن ىشىندە ‹ۇيكۇشىك› بولىپ وزگەردى». ىندەتتەن ساقتانۋ - تىزگىندەۋ كەزىندە جايشىلىقتا جۇرگىنشىلەرگە لىق تولاتىن كوشەلەردە ادام اندىز – اندىز كەزىگەتىن بولدى، دۋماندى بەينەگە ەنىپ جاتاتىن الاڭدار جىم – جىلاس بەينەگە ەندى، بارلىق ادام ۇيدەن شىعاردا ماسكا تاعاتىن بولدى، شاعىن اۋماقتارداعى تۇرعىندار سانالىلىقپەن ۇيلەرىندە اۋاشالانىپ جاتتى، پارتيا مۇشەلەرى، حالىق ساقشىلارى، الەۋمەتتىك اۋماق كادرلارى، ەرىكتىلەر قىزمەت ورنىنان تاپجىلماي، تىزىمگە الۋ، تەمپەراتۋرانى ولشەۋ، دەنە تەمپەراتۋراسى قالىپتى ادامداردىڭ وتۋىنە جول بەرۋ جۇمىستارىن ويداعىداي ىستەپ، بۇقاراعا ءتۇرلى جاقتان تۇرمىستىق قىزمەت وتەدى. جالپى حالىق ات سالىسىپ، جوعارىدان تومەنگە دەيىن ءبىر نيەت، ءبىر تىلەكتە بولا وتىرىپ، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ سىندى بەرىك قورعانىس شەبىن قالىپتاستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
